ʼನಾನು ರಾಜಕೀಯಕ್ಕೆ..ʼ ಪವರ್‌ ಸ್ಟಾರ್‌ ಪತ್ನಿಯ ಸೆನ್ಸೇಷನಲ್‌ ಕಾಮೆಂಟ್‌ ವೈರಲ್!‌

Power Star Wife: ಪವರ್‌ ಸ್ಟಾರ್‌ ಪವನ್‌ ಕಲ್ಯಾಣ್‌ ಪತ್ನಿ ನಟಿ ರೇಣು ದೇಸಾಯಿ ತಾವು ರಾಜಕೀಯಕ್ಕೆ ಏಕೆ ಬರುವುದಿಲ್ಲ ಎನ್ನುವುದರ ಬಗ್ಗೆ ಸಂದರ್ಶನದಲ್ಲಿ ಮಾತನಾಡಿದ್ದಾರೆ..

Actress Renu Desai: ಎಪಿ ಉಪ ಮುಖ್ಯಮಂತ್ರಿ ಪವನ್ ಕಲ್ಯಾಣ್ ಅವರ ಮಾಜಿ ಪತ್ನಿ ರೇಣು ದೇಸಾಯಿ ಆಗಾಗ್ಗೆ ಸುದ್ದಿಯಲ್ಲಿರುತ್ತಾರೆ... ರೇಣು ದೇಸಾಯಿ ಅವರ ಅನೇಕ ಸಾಮಾಜಿಕ ಮಾಧ್ಯಮ ಪೋಸ್ಟ್‌ಗಳು ಮತ್ತು ಕಾಮೆಂಟ್‌ಗಳು ಚರ್ಚೆಗೆ ಕಾರಣವಾಗಿವೆ. ಪವನ್ ಕಲ್ಯಾಣ್ ಜೊತೆಗಿನ ವಿಚ್ಛೇದನದ ನಂತರ ರೇಣು ದೇಸಾಯಿ ಪುಣೆಗೆ ತೆರಳಿದರು. ಅಲ್ಲಿ ತನ್ನ ಮಕ್ಕಳಾದ ಅಕಿರಾ ಮತ್ತು ಆದ್ಯಾ ಅವರೊಂದಿಗೆ ವಾಸವಾಗಿದ್ದರು.. 

ಇತ್ತೀಚೆಗೆ ರೇಣು ದೇಸಾಯಿ ತಮ್ಮ ನಿವಾಸವನ್ನು ಹೈದರಾಬಾದ್‌ಗೆ ಬದಲಾಯಿಸಿದ್ದರು. ಬೇರೆ ರೀತಿಯಲ್ಲಿ ಹೇಳುವುದಾದರೆ, ನಟಿ ಎರಡನೇ ಇನ್ನಿಂಗ್ಸ್ ಪ್ರಾರಂಭಿಸಿದ್ದರು.. ಟೈಗರ್ ನಾಗೇಶ್ವರ ರಾವ್ ಚಿತ್ರದಲ್ಲಿ ರೇಣು ದೇಸಾಯಿ ಪ್ರಮುಖ ಪಾತ್ರದಲ್ಲಿ ನಟಿಸಿದ್ದ, ಹೇಮಲತಾ ಲವಣಂನ ನಿಜ ಜೀವನದ ಪಾತ್ರದಲ್ಲಿ ಅವರು ರಂಜಿಸಿದ್ದಾರೆ.. ಟೈಗರ್ ನಾಗೇಶ್ವರ ರಾವ್ ಚಿತ್ರ ಅಷ್ಟಾಗಿ ಓಡಲಿಲ್ಲ.. ಹಾಗಾಗಿಯೇ ರೇಣು ದೇಸಾಯಿ ಅವರಿಗೆ ಬ್ರೇಕ್ ಸಿಗಲಿಲ್ಲ.  

ನಿಜ ಜೀವನದಲ್ಲಿ ನಟಿ ರೇಣು ದೇಸಾಯಿ ಪ್ರಾಣಿ ಪ್ರೇಮಿ. ಅವರು ಹಿಂಸೆಯನ್ನು ಸಹ ವಿರೋಧಿಸುತ್ತಾರೆ. ನಟಿ ಆಧ್ಯಾತ್ಮಿಕತೆಗೆ ತುಂಬಾ ಆದ್ಯತೆ ನೀಡುತ್ತಾರೆ.. ಅಲ್ಲದೇ ಸನಾತನ ಧರ್ಮವನ್ನು ಕಾಪಾಡುವುದೇ ನಮ್ಮ ಗುರಿ ಎಂದು ಸಾಮಾಜಿಕ ಜಾಲತಾಣದ ಮೂಲಕ ತಿಳಿಸಿದ್ದಾರೆ. ರೇಣು ದೇಸಾಯಿ ಇತ್ತೀಚೆಗೆ ಕಾರ್ಯಕ್ರಮವೊಂದರಲ್ಲಿ ಭಾಗವಹಿಸಿದ್ದರು. ವಿಜಯವಾಡದಲ್ಲಿ ಭಾರತ ಚೈತನ್ಯ ಯೂತ್ ಪಾರ್ಟಿಯ ಆಶ್ರಯದಲ್ಲಿ ಸಮಾಜ ಸೇವಕಿ ಸಾವಿತ್ರಿ ಬಾಯ್ ಫುಲೆ ಅವರ ಜನ್ಮದಿನದ ಅಂಗವಾಗಿ ಮಹಿಳಾ ಶಿಕ್ಷಕರ ದಿನಾಚರಣೆಯನ್ನು ಹಮ್ಮಿಕೊಳ್ಳಲಾಗಿತ್ತು. ಕಾರ್ಯಕ್ರಮದಲ್ಲಿ ಪಾಲ್ಗೊಂಡಿದ್ದ ರೇಣು ದೇಸಾಯಿ ಮಾತನಾಡಿ, "ಸಾವಿತ್ರಿಬಾಯಿ ಫುಲೆ ಅವರು ಮಹಿಳಾ ಶಿಕ್ಷಣಕ್ಕಾಗಿ ಸಾಕಷ್ಟು ಶ್ರಮಿಸಿದ್ದಾರೆ. ಸಾವಿತ್ರಿಬಾಯಿ ಫುಲೆಯವರ ಜಯಂತಿ ಕಾರ್ಯಕ್ರಮವಾದ್ದರಿಂದ ಖುಷಿಯಿಂದ ಕಾರ್ಯಕ್ರಮಕ್ಕೆ ಹಾಜರಾಗಿದ್ದೇನೆ" ಎಂದು ಹೇಳಿದ್ದಾರೆ.. ಜೊತೆಗೆ "ನಾನು ರಾಜಕೀಯದಿಂದ ದೂರ ಇದ್ದೇನೆ. ನನಗೆ ರಾಜಕೀಯದಲ್ಲಿ ಆಸಕ್ತಿ ಇಲ್ಲ. ನನ್ನ ಮಕ್ಕಳ ಕಾಳಜಿಯೇ ನನಗೆ ಎಲ್ಲವೂ.. ಇದಲ್ಲದೇ ಮಕ್ಕಳು ತಮ್ಮ ಪೋಷಕರಿಗಿಂತ ಶಿಕ್ಷಕರೊಂದಿಗೆ ಹೆಚ್ಚು ಸಮಯ ಕಳೆಯುತ್ತಾರೆ. ಹಾಗಾಗಿ ಅವರನ್ನು ಶ್ರೇಷ್ಠ ಪ್ರಜೆಗಳನ್ನಾಗಿ ಮಾಡುವ ಜವಾಬ್ದಾರಿ ಶಿಕ್ಷಕರ ಮೇಲಿದೆ" ಎಂದಿದ್ದಾರೆ.. ರೇಣು ದೇಸಾಯಿ ಅವರ ಕಾಮೆಂಟ್‌ಗಳು ಸದ್ಯ ಸೋಷಿಯಲ್‌ ಮಿಡಿಯಾದಲ್ಲಿ ವೈರಲ್ ಆಗುತ್ತಿವೆ. ಈ ಕಾರ್ಯಕ್ರಮದಲ್ಲಿ ನಟ ಬ್ರಹ್ಮಾನಂದಂ ಕೂಡ ಭಾಗವಹಿಸಿದ್ದರು. 

ಇನ್ನು ಪವನ್‌ ಕಲ್ಯಾಣ್‌ ಅವರೊಂದಿಗಿನ ವಿಚ್ಛೇದನದ ನಂತರ ರೇಣು ದೇಸಾಯಿ ತಮ್ಮ ಇಬ್ಬರು ಮಕ್ಕಳ ಜವಾಬ್ದಾರಿಯನ್ನು ಹೊತ್ತುಕೊಂಡರು.. "ಪವನ್ ಕಲ್ಯಾಣ್ ಅವರಿಂದ ನಾನು ಯಾವುದೇ ಜೀವನಾಂಶ ತೆಗೆದುಕೊಂಡಿಲ್ಲ. ನನ್ನ ಹೂಡಿಕೆಯಿಂದ ಬಂದ ಉತ್ತಮ ಆದಾಯದಿಂದ ನನ್ನ ಮಕ್ಕಳನ್ನು ಆರ್ಥಿಕ ಸಮಸ್ಯೆಯಿಲ್ಲದೆ ಬೆಳೆಸಿದ್ದೇನೆ" ಎಂದು ನಟಿ ಹೇಳಿಕೊಂಡಿದ್ದಾರೆ.. 

ವಿಚ್ಛೇದನದ ಹೊರತಾಗಿಯೂ ಪವನ್ ಕಲ್ಯಾಣ್-ರೇಣು ದೇಸಾಯಿ ಇನ್ನೂ ಸ್ನೇಹಿತರು. ರೇಣು ಪುಣೆಯಲ್ಲಿದ್ದಾಗಲೂ ಪವನ್ ಕಲ್ಯಾಣ್ ಆಗಾಗ ಅಲ್ಲಿಗೆ ಹೋಗುತ್ತಿದ್ದರು. ಮಕ್ಕಳಿಗಾಗಿ ರೇಣು-ಪವನ್ ಭೇಟಿಯಾಗುತ್ತಿದ್ದಾರೆ. ಶೀಘ್ರದಲ್ಲೇ ಅಕಿರಾ ನಾಯಕನಾಗಿ ಎಂಟ್ರಿ ಕೊಡಲಿದ್ದಾರೆ ಎನ್ನಲಾಗಿದೆ..