ಕಿರುತೆರೆ ಮೇಲೆ ರೂಪೇಶ್‌ ಶೆಟ್ಟಿ ʼಸರ್ಕಸ್‌ʼ : ನಾಳೆ ಸಂಜೆ 6 ಗಂಟೆಗೆ ಈ ಚಾನಲ್‌ ನೋಡಿ..!

Roopesh Shetty: ಬಿಗ್‌ ಬಾಸ್‌ ಖ್ಯಾತಿಯ ರೂಪೇಶ್‌ ಶೆಟ್ಟಿ ನಟನೆಯ ʼಸರ್ಕಸ್‌ʼ ತುಳು ಚಿತ್ರ ಭಾನುವಾರ ಸಂಜೆ 6 ಗಂಟೆಗೆ ಸ್ಟಾರ್‌ ಸುವರ್ಣ ವಾಹಿನಿಯಲ್ಲಿ ಪ್ರಸಾರವಾಗಲಿದೆ.

Circus Movie : ಕನ್ನಡದ ಬಿಗ್‌ಬಾಸ್‌ OTT ಮತ್ತು ಬಿಗ್‌ಬಾಸ್‌ 9ನೇ ಸೀಸನ್‌ನ ಗೆಲುವಿನ ಮೂಲಕ ಅಪಾರ ಅಭಿಮಾನಿ ವರ್ಗವನ್ನೇ ಸಂಪಾದಿಸಿರುವ ರೂಪೇಶ್‌ ಶೆಟ್ಟಿಯ ಸೂಪರ್​ ಹಿಟ್​ ʼಸರ್ಕಸ್‌ʼ ತುಳು ಸಿನಿಮಾ ನಾಳೆ ಸಂಜೆ 6 ಗಂಟೆಗೆ ಸ್ಟಾರ್​ ಸುವರ್ಣ ವಾಹಿನಿಯಲ್ಲಿ ಪ್ರಸಾರವಾಗಲಿದೆ.

ಈ ಹಿಂದೆ ರೂಪೇಶ್‌ ಶೆಟ್ಟಿ ನಿರ್ದೇಶನದ ʼಗಿರ್ಗಿಟ್‌ʼ ತುಳು ಚಿತ್ರ ಆಪಾರ ಮೆಚ್ಚುಗೆಯನ್ನು ಪಡೆದುಕೊಂಡಿತ್ತು. ಅದಾದ ನಂತರ ಅವರ ನಿರ್ದೇಶನದಲ್ಲಿ ʼಸರ್ಕಸ್‌ʼ ತುಳು ಚಿತ್ರ ಜೂನ್‌ 23, 2023 ತೆರೆ ಕಂಡಿದ್ದು, ಕೇವಲ ಭಾರತದಲ್ಲಿ ಮಾತ್ರವಲ್ಲದೇ ದುಬೈ, ಯುಎಇ, ಅಸ್ಟ್ರೇಲಿಯಾ, ಯುಎಸ್‌ಎ, ಕೆನಡಾ, ಅಬುಧಾಬಿ, ಮಸ್ಕತ್‌, ಕತಾರ್‌,ಅಲ್‌-ಇನ್‌, ಬಹ್ರೇನ್‌,ಯುಕೆ, ಥೈಲ್ಯಾಂಡ್‌, ನೈಜೀರಿಯಾ ಹೀಗೆ ಹಲವಾರು ದೇಶಗಳಲ್ಲಿ ಉತ್ತಮ ಪ್ರದರ್ಶನವನ್ನು ಕಂಡಿದೆ. 

ಇದನ್ನು ಓದಿ - ʼಸಲಾರ್‌ʼ ಮುಂಗಡ ಟಿಕೆಟ್‌ ಬುಕಿಂಗ್‌ ಹಣ ವಾಪಸ್‌..! ಪ್ರಶಾಂತ್‌ ನೀಲ್‌ ಸಿನಿಮಾಗೆ ಏನಾಯ್ತು..?

ಯುವ ಪ್ರತಿಭೆ ರಚನಾ ರೈ ನಾಯಕಿಯಾಗಿ ಮಿಂಚಿದ್ದಾರೆ. ಸಲಗ ಖ್ಯಾತಿಯ ಯಶ್ ಶೆಟ್ಟಿ ಸರ್ಕಸ್ ಮೂಲಕ ತುಳು ಚಿತ್ರರಂಗಕ್ಕೆ ಕಾಲಿಟ್ಟಿದ್ದಾರೆ. ಚಿತ್ರದಲ್ಲಿ ನವೀನ್ ಡಿ. ಪಡೀಲ್, ಭೋಜರಾಜ ವಾಮಂಜೂರು, ಅರವಿಂದ ಬೋಳಾರ್, ಸಾಯಿಕೃಷ್ಣ ಕುಡ್ಲ, ಪ್ರಸನ್ನ ಶೆಟ್ಟಿ ಬೈಲೂರು, ಸಂದೀಪ್ ಶೆಟ್ಟಿ ಮಾಣಿಬೆಟ್ಟು, ಉಮೇಶ್ ಮಿಜಾರ್, ಚಂದ್ರಹಾಸ ಉಳ್ಳಾಲ್, ನಿತೇಶ್ ಶೆಟ್ಟಿ ಎಕ್ಕಾರ್, ರೂಪಾ ವರ್ಕಾಡಿ ಹಾಗು ಪಂಚಮಿ ಭೋಜರಾಜ್ ಇದ್ದಾರೆ.

ಶೂಲಿನ್ ಫಿಲಂಸ್, ಮುಗ್ರೋಡಿ ಫಿಲಂಸ್ ಲಾಂಛನದಡಿಯಲ್ಲಿ ಸರ್ಕಸ್ ತಯಾರಾಗಿದೆ. ಅನಿಲ್ ಶೆಟ್ಟಿ, ಸುಧಾಕರ ಶೆಟ್ಟಿ, ಮಂಜುನಾಥ ಅತ್ತಾವರ ನಿರ್ಮಿಸಿದ್ದಾರೆ. ನವೀನ್ ಶೆಟ್ಟಿ ನೃತ್ಯ ನಿರ್ದೇಶನ, ನಿರಂಜನ ದಾಸ್ ಕ್ಯಾಮರಾ ವರ್ಕ್​​, ರಾಹುಲ್ ವಶಿಷ್ಠ ಸಂಕಲನ, ಲೋಯ್ ಅವರ ಸಂಗೀತ ಚಿತ್ರಕ್ಕಿದೆ.

ಹಾಸ್ಯದಿಂದಲೇ ತುಳುನಾಡು ಮಾತ್ರವಲ್ಲದೇ ಇಡೀ ಕರ್ನಾಟಕದ ಜನರ ಮನಸ್ಸನ್ನು ಗೆದ್ದು, ನಿರೀಕ್ಷೆಗೂ ಮೀರಿದ ಯಶಸ್ಸನ್ನು ಕಂಡಿದೆ. ಇದೀಗ ಫ್ಯಾಮಿಲಿ ಎಂಟರ್​ಟೈನ್​ಮೆಂಟ್​ ಚಿತ್ರ ಸೆಪ್ಟಂಬರ್​ 10, ಭಾನುವಾರ ಅಂದರೆ ನಾಳೆ ಸಂಜೆ 6 ಗಂಟೆಗೆ ʼಸರ್ಕಸ್‌ʼ ತುಳು ಸಿನಿಮಾ ಸ್ಟಾರ್​ ಸುವರ್ಣ ವಾಹಿನಿಯಲ್ಲಿ ಪ್ರಸಾರವಾಗುತ್ತಿದೆ.