Bollywood : 6 ಬಾರಿ ಮದುವೆ ಮುರಿದರೂ 7ನೇ ಬಾರಿ ಉದ್ಯಮಿ ಕೈ ಹಿಡಿದ ಖ್ಯಾತ ನಟಿ!

Bollywood Actress Life Story : ರಾಮ್ ಲಖನ್ ಚಿತ್ರದಲ್ಲಿ ಪ್ರಮುಖ ಪಾತ್ರವನ್ನು ನಿರ್ವಹಿಸಿದರು ಮತ್ತು ರಾತ್ರೋರಾತ್ರಿ ಖ್ಯಾತಿಯನ್ನು ಗಳಿಸಿದರು. ಆ ಬಳಿಕ ಸಿನಿಮಾಗಿಂತ ಹೆಚ್ಚಾಗಿ ಈ ನಟಿಯ ವೈಯಕ್ತಿಕ ಜೀವನ ಆಗಾಗ ಸುದ್ದಿ ಮಾಡುತ್ತಿತ್ತು.

Sonika Gill Life Story : ಬಾಲಿವುಡ್ ನಟಿ ಸೋನಿಕಾ ಗಿಲ್ 1989 ರ ಚಲನಚಿತ್ರ ರಾಮ್ ಲಖನ್ ನಲ್ಲಿನ ಪಾತ್ರಕ್ಕಾಗಿ ಹೆಸರುವಾಸಿಯಾಗಿದ್ದಾರೆ. ಅವರು ಚಿತ್ರದಲ್ಲಿ ಪ್ರಮುಖ ಪಾತ್ರವನ್ನು ನಿರ್ವಹಿಸಿದರು ಮತ್ತು ರಾತ್ರೋರಾತ್ರಿ ಖ್ಯಾತಿಯನ್ನು ಗಳಿಸಿದರು. ಆ ಬಳಿಕ ಸಿನಿಮಾಗಿಂತ ಹೆಚ್ಚಾಗಿ ಈ ನಟಿಯ ವೈಯಕ್ತಿಕ ಜೀವನ ಆಗಾಗ ಸುದ್ದಿ ಮಾಡುತ್ತಿತ್ತು. ಸೋನಿಕಾ ಗಿಲ್ ತನ್ನ ಜೀವನದಲ್ಲಿ ಹಲವಾರು ಕಹಿ ಘಟನೆಗಳನ್ನು ಅನುಭವಿಸಿದರು ಎಂದು ಹೇಳಲಾಗುತ್ತದೆ. 

ಇದನ್ನೂ ಓದಿ: ರಶ್ಮಿಕಾ ಫೇಕ್‌ ವಿಡಿಯೋ ವೈರಲ್:‌ ಕಾನೂನಾತ್ಮಕವಾಗಿ ಕ್ರಮ ತೆಗೆದುಕೊಳ್ಳಬೇಕೆಂದ ಅಮಿತಾಬ್ ಬಚ್ಚನ್!

ಸೋನಿಕಾ ಗಿಲ್ ಮದುವೆಯು ಆರು ಬಾರಿ ಮುರಿದುಬಿದ್ದಿದೆ ಎಂದು ಹೇಳಲಾಗಿದೆ. ಅವರು ಅಂತಿಮವಾಗಿ 7 ನೇ ಬಾರಿಗೆ ಉದ್ಯಮಿಯೊಂದಿಗೆ ಮದುವೆಯಾದರು. ಈಗ ಸುಖ ಸಂಸಾರ ನಡೆಸುತ್ತಿದ್ದಾರೆ. ಸಂದರ್ಶನವೊಂದರಲ್ಲಿ ನಟಿ ತನ್ನ ವಿಫಲ ಸಂಬಂಧಗಳು ಮತ್ತು ಬಾಲಿವುಡ್‌ನಲ್ಲಿನ ತನ್ನ ಪ್ರಯಾಣದ ಬಗ್ಗೆ ಹೇಳಿದ್ದರು. 

ಸೋನಿಕಾ ಗಿಲ್ 6 ಬಾರಿ ನಿಶ್ಚಯವಾದ ಮದುವೆ ಮುರಿದು ಬಿತ್ತು ಎಂದು ಹೇಳಿದರು. ಮುಂದೊಂದು ದಿನ ಅದೃಷ್ಟ ಒಲಿಯುತ್ತದೆ ಎಂದು ಅವರ ಮನೆಯ ಪಂಡಿತರು ಹೇಳಿದ್ದರಂತೆ. ನಂತರ ಬಿಲ್ಡರ್ ಮತ್ತು ಉದ್ಯಮಿಯಾಗಿರುವ ಮಿತೇಶ್ ರುಗಾನಿಯೊಂದಿಗೆ ಮದುವೆಯಾದರು. 

ಇದನ್ನೂ ಓದಿ: ಪ್ರಭಾಸ್‌ ಅಭಿಮಾನಿಗಳಿಗೆ ಗುಡ್‌ ನ್ಯೂಸ್..!‌ ಸಲಾರ್‌ ಟ್ರೈಲರ್‌ ರಿಲೀಸ್‌ ಡೇಟ್‌ ಫಿಕ್ಸ್‌

ಸೋನಿಕಾ ಗಿಲ್ ಬಾಲಿವುಡ್‌ನಲ್ಲಿ ಹಲವಾರು ಸಿನಿಮಾಗಳಲ್ಲಿ ಕೆಲಸ ಮಾಡಿದ್ದಾರೆ. ತು ನಾಗಿನ್ ಮೈ ಸಪೇರಾ, ಕೌನ್ ಕರೇ ಕುರ್ಬಾನಿ, ಮೈ ಔರ್ ತುಮ್ ಮತ್ತು ಕಚ್ಚಿ ಕಲಿ ಹೀಗೆ ಹಲವು ಸಿನಿಮಾಗಳಲ್ಲಿ ನಟಿಸಿದ್ದಾರೆ. ಆಕೆ ದೆಹಲಿಯ ನಿವಾಸಿ. ದೆಹಲಿಯ ಸರ್ಕಾರಿ ಶಾಲೆಯಲ್ಲಿ ಓದುತ್ತಿದ್ದ ಈಕೆಗೆ ಬಾಲ್ಯದಿಂದಲೂ ನಟನೆಯತ್ತ ಒಲವು. ಶಾಲಾ ದಿನಗಳಲ್ಲಿಯೂ ಆಕೆ ರಂಗಪ್ರದರ್ಶನ ಮಾಡಿದ್ದಳು. ನಂತರ ಚಿತ್ರರಂಗದಲ್ಲಿ ಅದೃಷ್ಟ ಪರೀಕ್ಷೆಗೆಂದು ಮುಂಬೈಗೆ ತೆರಳಿದರು. 

ಮಾಧ್ಯಮಕ್ಕೆ ನೀಡಿದ ಸಂದರ್ಶನದಲ್ಲಿ, ಸೋನಿಕಾ ಆ ಸಮಯವನ್ನು ನೆನಪಿಸಿಕೊಂಡರು ಮತ್ತು ಕೇವಲ ನೋಟದ ಆಧಾರದ ಮೇಲೆ ಚಲನಚಿತ್ರದಲ್ಲಿ ಭಾಗವಹಿಸುವುದು ಕಷ್ಟ ಎಂದು ಹೇಳಿದರು. ಅಂದವಾಗಿ ಕಾಣುವುದರ ಜೊತೆಗೆ ನೃತ್ಯ, ನಟನೆಯಂತಹ ಕಲೆಗಳಲ್ಲಿಯೂ ಆಕೆ ಪರಿಣತಿಯನ್ನು ಹೊಂದಬೇಕಿತ್ತು.