ನವದೆಹಲಿ: ಬಾಲಿವುಡ್(Bollywood) ಮಾದಕ ನಟಿ ಸನ್ನಿ ಲಿಯೋನ್ ಕೇರಳದಲ್ಲಿ ತನ್ನ ‘ಶೆರೋ’ ಚಿತ್ರದ ಶೂಟಿಂಗ್ ಮುಗಿಸಿದ್ದಾರೆ. ‘ಕುಟ್ಟಣದ ಮಾರ್ಪಪ್ಪ’ ಖ್ಯಾತಿಯ ಶ್ರೀಜಿತ್ ವಿಜಯನ್ ನಿರ್ದೇಶನದ ‘ಶೆರೋ’ ಸನ್ನಿಯ ಮೊದಲ ಮಲಯಾಳಂ ಚಿತ್ರವಾಗಿದೆ.
ಮುನ್ನಾರ್ ಮತ್ತು ಕೇರಳದ ಇತರ ಭಾಗಗಳಲ್ಲಿ ಸಿನಿಮಾವನ್ನು ಚಿತ್ರೀಕರಿಸಲಾಗಿದೆ. ಆಕ್ಷನ್ ಈ ಚಿತ್ರದ ನಿರ್ಣಾಯಕ ಅಂಶವಾಗಿದೆ. ಈ ಚಿತ್ರಕ್ಕಾಗಿ ನಟಿ ಸನ್ನಿ ಲಿಯೋನ್(Sunny Leone) ಅಗತ್ಯ ತರಬೇತಿ ಮತ್ತು ಪೂರ್ವಸಿದ್ಧತೆಗಳನ್ನು ಮಾಡಿಕೊಂಡಿದ್ದರು. ಅಲ್ಲದೆ ಸ್ಟಂಟ್ ಸೇರಿದಂತೆ ಎಲ್ಲ ಸಾಹಸಗಳನ್ನು ಸ್ವತಃ ತಾವಾಗಿಯೇ ಮಾಡಿದ್ದಾರೆಂದು ಚಿತ್ರತಂಡ ತಿಳಿಸಿದೆ.
ಇದನ್ನೂ ಓದಿ: Honey Singh : ಬಾಲಿವುಡ್ ಸಿಂಗರ್ ಹನಿ ಸಿಂಗ್‌ಗೆ 'ದೆಹಲಿ ಕೋರ್ಟ್ ನಿಂದ ನೋಟಿಸ್'!
‘ಇದು ತನಗೆ ಒಂದು ನಿರ್ಣಾಯಕ ಹಂತ’ ಎಂದು ಸನ್ನಿ ಲಿಯೋನ್ ನಂಬಿದ್ದಾರೆ. ಶೂಟಿಂಗ್ ಮುಗಿಸುತ್ತಿದ್ದಂತೆ ‘ಶೆರೋ’(Shero)ಚಿತ್ರದ ಬಗ್ಗೆ ಅವರು ಮಾಹಿತಿ ಹಂಚಿಕೊಂಡಿದ್ದಾರೆ. ‘ನಿಮಗೆ ಸವಾಲೊಡ್ಡುವ ಮತ್ತು ನಿಮ್ಮನ್ನು ಮತ್ತಷ್ಟು ಗಟ್ಟಿಗೊಳಿಸುವಂತಹ ಚಿತ್ರಗಳಿವೆ. ಅದರಂತೆಯೇ ನನಗೆ ‘ಶೆರೋ’ ಚಿತ್ರವಾಗಿದೆ. ಹೀಗಾಗಿ ನಾನು ಅದನ್ನು ತುಂಬಾ ಇಷ್ಟಪಟ್ಟು ಆಯ್ಕೆ ಮಾಡಿಕೊಂಡೆ’ ಅಂತಾ ಸನ್ನಿ ಹೇಳಿದ್ದಾರೆ.
ಚಿತ್ರದ ಶೂಟಿಂಗ್ ಅನುಭವವನ್ನು ಹಂಚಿಕೊಂಡಿರುವ ಸನ್ನಿ, ‘ಅಭಿನಯದಿಂದ ಹಿಡಿದು ಕ್ರಿಯೆಯವರೆಗೆ ಮತ್ತು ಭಾಷೆಯನ್ನು ಕಲಿಯುವವರೆಗೆ ನಾನು ಈ ಚಿತ್ರದಲ್ಲಿ ಸಂಪೂರ್ಣವಾಗಿ ತೋಡಗಿಸಿಕೊಂಡಿದ್ದೇನೆ. ಕೇರಳ(Kerala)ದ ಅತ್ಯಂತ ಸುಂದರವಾದ ಸ್ಥಳಗಳಲ್ಲಿ ಚಿತ್ರೀಕರಿಸಿದ್ದೇವೆ. ‘ಶೆರೋ’ ನನ್ನ ಸಿನಿ ಜರ್ನಿಯಲ್ಲಿಯೇ ನಾನು ಇಷ್ಟಪಟ್ಟು ಮಾಡಿರುವ ಅತ್ಯಂತ ಆಸಕ್ತಿದಾಯಕ ಚಿತ್ರಗಳಲ್ಲಿ ಒಂದಾಗಿದೆ’ ಅಂತಾ ಹೇಳಿದ್ದಾರೆ.
ಇದನ್ನೂ ಓದಿ: Viral Video: ಬೀದಿ ನಾಯಿಗಳ ಜೊತೆ ಫ್ರೆಂಡ್ಶಿಪ್ ಡೇ ಆಚರಿಸಿದ ನಟಿ..!
‘ಶೆರೋ’ ಒಂದು ಸೈಕಲಾಜಿಕಲ್ ಥ್ರಿಲ್ಲರ್(Psychological Thriller)ಸಿನಿಮಾ ಆಗಿದ್ದು, ಸನ್ನಿ ಭಾರತದಲ್ಲಿ ನಲೆ ಹೊಂದಿರುವ ಅಮೆರಿಕ ಮೂಲದ ಮಹಿಳೆ ಸಾರಾ ಮೈಕ್ ಪಾತ್ರವನ್ನು ನಿರ್ವಹಿಸಿದ್ದಾರೆ. ಚಿತ್ರವು ತುಂಬಾ ಇಂಟರಸ್ಟಿಂಗ್ ಕಥೆಯನ್ನು ಹೊಂದಿದ್ದು, ಪ್ರೇಕ್ಷಕರಿಗೆ ಇಷ್ಟವಾಗುವಂತೆ ನಿರ್ಮಾಣ ಮಾಡಲಾಗಿದೆ. ಥ್ರಿಲ್ಲರ್ ಕಥಾ ಹಂದರವಿರುವುದರಿಂದ ಸನ್ನಿ ಅಭಿನಯ ಅವರ ಅಭಿಮಾನಿಗಳಿಗೆ ಇಷ್ಟವಾಗಲಿದೆ ಅಂತಾ ಚಿತ್ರತಂಡ ಹೇಳಿಕೊಂಡಿದೆ. ಈ ಚಿತ್ರವು ಮಲಯಾಳಂ, ತಮಿಳು, ತೆಲುಗು ಮತ್ತು ಹಿಂದಿ ಭಾಷೆಗಳಲ್ಲಿ ಬಿಡುಗಡೆಯಾಗಲಿದೆ.
ಕನ್ನಡ ಭಾಷೆಯಲ್ಲಿ ಮತ್ತಷ್ಟು ಸ್ವಾರಸ್ಯಕರ ಸುದ್ದಿಗಳನ್ನು ಓದಲು ನಮ್ಮ ಝೀ ಹಿಂದೂಸ್ತಾನ್ ಕನ್ನಡ ಮೊಬೈಲ್ ಆಪ್ಲಿಕೇಶನ್ ಡೌನ್ಲೋಡ್ ಮಾಡಿ...
Android Link - https://bit.ly/3hDyh4G
Apple Link - https://apple.co/3loQYe
ನಮ್ಮ ಸೋಶಿಯಲ್ ಮೀಡಿಯಾ ಪುಟಗಳಿಗೆ ಸಬ್ ಸ್ಕ್ರೈಬ್ ಆಗಲು Twitter, Facebook ಲಿಂಕ್ ಗಳ ಮೇಲೆ ಕ್ಲಿಕ್ಕಿಸಿ
