ನವದೆಹಲಿ: ನಟಿ ಕಂಗನಾ ರನೌತ್ ಜಯಲಲಿತಾ ಜೀವನಚರಿತ್ರೆ ಕುರಿತ ಚಿತ್ರ 'ತಲೈವಿ' ಎಲ್ಲೆಡೆ ಯಶಸ್ವಿ ಪ್ರದರ್ಶನ ಕಾಣುತ್ತಿರುವುದರಿಂದಾಗಿ ಈಗ ಸಂತಸಗೊಂಡಿದ್ದಾರೆ.ಹಿಂದಿ, ತಮಿಳು ಮತ್ತು ತೆಲುಗಿನಲ್ಲಿ ಬಿಡುಗಡೆಯಾದ ಎಎಲ್ ವಿಜಯ್ ಚಿತ್ರದ ಸಕಾರಾತ್ಮಕ ವಿಮರ್ಶೆಗಳನ್ನು ಅವರು ಆಗಾಗ್ಗೆ ತಮ್ಮ ಸಾಮಾಜಿಕ ಮಾಧ್ಯಮದ ವೇದಿಕೆಗಳಲ್ಲಿ ಹಂಚಿಕೊಳ್ಳುತ್ತಿದ್ದಾರೆ.
ಸೋಮವಾರದಂದು ಅವರು ನೆಟ್‌ಫ್ಲಿಕ್ಸ್ ಪಾಕಿಸ್ತಾನದಲ್ಲಿ ಟಾಪ್ 10 ಪಟ್ಟಿಯಲ್ಲಿ 'ತಲೈವಿ (Thalaivii)' ತೋರಿಸುವ ಸ್ಕ್ರೀನ್‌ಶಾಟ್ ಅನ್ನು ಹಂಚಿಕೊಂಡಿದ್ದಾರೆ. ಇದರ ಬಗ್ಗೆ ಪ್ರತಿಕ್ರಿಯಿಸಿದ ಅವರು, "ಕಲೆಗೆ ಯಾವುದೇ ಅಡೆತಡೆಗಳಿಲ್ಲ, ಭಾರತೀಯದಿಂದ ಪ್ರೀತಿಯ ಅಭಿನಂದನೆಗಳು ಎಂದು ಬರೆದುಕೊಂಡಿದ್ದಾರೆ
.
ಇದೆ ವೇಳೆ ಅವರು ಸ್ವಲ್ಪ ವ್ಯಂಗ್ಯವಾಗಿ 'ದೇಶದ್ರೋಹಿಗಳು ಕೇವಲ ನಮ್ಮ ದೇಶದಲ್ಲಿ ಮಾತ್ರ ಇಲ್ಲ ಎನ್ನುವುದನ್ನು ತಿಳಿದಾಗ ನನಗೆ ಸಮಾಧಾನವಾಗಿದೆ' ಎಂದು ಹಾಸ್ಯ ಚಟಾಕಿ ಹಾರಿಸಿದ್ದಾರೆ
ಕಂಗನಾ (Kangana Ranaut )ನಟಿಸಿದ ತಲೈವಿ ಚಿತ್ರವು ಸೀಮಿತ ಮಲ್ಟಿಪ್ಲೆಕ್ಸ್‌ ಸ್ಕ್ರೀನ್ ಜೊತೆಗೆ ಒಟಿಟಿ ವೇದಿಕೆಗಳಲ್ಲಿ ಬಿಡುಗಡೆಯಾಯಿತು.ಈ ಚಿತ್ರವೂ ಕಂಗನಾ ಅವರ ಮನೋಜ್ಞ ಅಭಿನಯಕ್ಕೆ ಭಾರಿ ಪ್ರಶಂಸೆ ವ್ಯಕ್ತವಾಗಿದೆ.ಈಗ ಕಂಗಾನಾ ಅವರ ತೇಜಸ್' ಮತ್ತು 'ಧಾಕಡ್' ಕೂಡ ಸಾಕಷ್ಟು ನಿರೀಕ್ಷೆಯನ್ನು ಹುಟ್ಟಿಸಿವೆ.ಅಷ್ಟೇ ಅಲ್ಲದೆ ಅವರು The Incarnation - Sita'.ಎನ್ನುವ ಚಿತ್ರದಲ್ಲಿಯೂ ಕೂಡ ನಟಿಸಲಿದ್ದಾರೆ.ಈ ಚಿತ್ರದ ಜೊತೆಗೆ ಈಗ ಅವರು ನವಾಜುದ್ದೀನ್ ಸಿದ್ದಿಕಿ ಅವರೊಂದಿಗೆ 'ಟಿಕು ವೆಡ್ಸ್ ಶೇರು' ಚಿತ್ರದಲ್ಲಿ ನಟಿಸುತ್ತಿದ್ದಾರೆ.
ಕನ್ನಡ ಭಾಷೆಯಲ್ಲಿ ಮತ್ತಷ್ಟು ಸ್ವಾರಸ್ಯಕರ ಸುದ್ದಿಗಳನ್ನು ಓದಲು ನಮ್ಮ ಝೀ ಹಿಂದೂಸ್ತಾನ್ ಕನ್ನಡ ಮೊಬೈಲ್ ಆಪ್ಲಿಕೇಶನ್ ಡೌನ್ಲೋಡ್ ಮಾಡಿ...
Android Link - https://bit.ly/3hDyh4G
Apple Link - https://apple.co/3hEw2hy
ನಮ್ಮ ಸೋಶಿಯಲ್ ಮೀಡಿಯಾ ಪುಟಗಳಿಗೆ ಸಬ್ ಸ್ಕ್ರೈಬ್ ಆಗಲು Twitter, Facebook ಲಿಂಕ್ ಗಳ ಮೇಲೆ ಕ್ಲಿಕ್ಕಿಸಿ.
