3 Idiots Sequel News: ರಾಜ್‌ಕುಮಾರ್ ಹಿರಾನಿ ಅವರ ‘3 ಈಡಿಯಟ್ಸ್’ ಚಿತ್ರ ಜನರ ಅತ್ಯಂತ ಮೆಚ್ಚಿನ ಚಿತ್ರಗಳಲ್ಲಿ ಒಂದಾಗಿದೆ. ಈ ಚಿತ್ರ ಗಲ್ಲಾಪೆಟ್ಟಿಗೆಯಲ್ಲಷ್ಟೇ ಅಲ್ಲ, ಜನರ ಹೃದಯವನ್ನೂ ಗೆದ್ದಿತ್ತು. ತಮ್ಮ ಆಲೋಚನೆಗಳನ್ನು ಮಕ್ಕಳ ಮೇಲೆ ಹೇರುವ ಎಲ್ಲಾ ಪೋಷಕರ ವರ್ತನೆ ಈ ಚಿತ್ರ ನೋಡಿದ ನಂತರ ಸಂಪೂರ್ಣವಾಗಿ ಬದಲಾಗಿದೆ. ಈ ಚಿತ್ರದಲ್ಲಿ 'ರಾಂಚೋ-ಫರ್ಹಾನ್-ರಾಜು' ಪಾತ್ರವು ಜನರ ಹೃದಯ ಮತ್ತು ಮನಸ್ಸಿನಲ್ಲಿ ಅಳಿಸಲಾಗದ ಛಾಪು ಮೂದಿಸಿತ್ತು. ಈ ಚಿತ್ರದ ಸೀಕ್ವೆಲ್ ಗಾಗಿ ಅಭಿಮಾನಿಗಳು ಬಹಳ ದಿನಗಳಿಂದ ಕಾಯುತ್ತಿದ್ದಾರೆ.
ಆದರೆ ಇದೀಗ ಅಭಿಮಾನಿಗಳಿಗೆ ಸಂತಸದ ಸುದ್ದಿಯೊಂದು ಬಂದಿದೆ. ಅವರ ಕಾಯುವಿಕೆಗೆ ಶೀಘ್ರದಲ್ಲೇ ತೆರೆಬೀಳಲಿದೆ. ಕರೀನಾ ಕಪೂರ್ ತಮ್ಮ ಇನ್‌ಸ್ಟಾಗ್ರಾಮ್ ಖಾತೆಯಲ್ಲಿ ಈ ಕುರಿತು ಹಿಂಟ್ ನೀಡಿದ್ದಾರೆ. ಕರೀನಾ ಕಪೂರ್ ತಮ್ಮ ಅಧಿಕೃತ ಇನ್‌ಸ್ಟಾಗ್ರಾಮ್ ಖಾತೆಯಲ್ಲಿ ವೀಡಿಯೊವನ್ನು ಹಂಚಿಕೊಂಡಿದ್ದಾರೆ. ಇದರಲ್ಲಿ ಅವರು '3 ಈಡಿಯಟ್ಸ್' ಸೀಕ್ವೆಲ್ ಆಗಮನವನ್ನು ಸೂಚಿಸುತ್ತಿದ್ದಾರೆ. ಅವರ ಈ ವಿಡಿಯೋ ಸಾಮಾಜಿಕ ಜಾಲತಾಣಗಳಲ್ಲಿ ಹೆಚ್ಚು ವೈರಲ್ ಆಗುತ್ತಿದೆ.
ವೀಡಿಯೊದಲ್ಲಿ ಕರೀನಾ ಹೇಳಿದ್ದೇನು?
ಕರೀನಾ ತನ್ನ ಅಧಿಕೃತ ಇನ್‌ಸ್ಟಾಗ್ರಾಮ್ ಖಾತೆಯಲ್ಲಿ ಹಂಚಿಕೊಂಡ ವೀಡಿಯೊದಲ್ಲಿ, ಅವರು ಆಶ್ಚರ್ಯದಿಂದ ಪ್ರತಿಕ್ರಿಯಿಸುತ್ತಿದ್ದಾರೆ. ವೀಡಿಯೋದಲ್ಲಿ ಅಮೀರ್, ಆರ್ ಮಾಧವನ್ ಮತ್ತು ಶರ್ಮನ್ ಜೋಶಿ ಪತ್ರಿಕಾಗೋಷ್ಠಿಯಲ್ಲಿ ಕುಳಿತಿರುವ ಚಿತ್ರವನ್ನು ನೋಡಲಾಗಿದ್ದು, ಅದರ ಮೇಲೆ '3 ಈಡಿಯಟ್ಸ್' ಎಂದು ಬರೆಯಲಾಗಿದೆ. ಕರೀನಾ ಕಪೂರ್ ಈ ವಿಡಿಯೋದಲ್ಲಿ ಆಶ್ಚರ್ಯದಿಂದ ಮಾತನಾಡುತ್ತಿದ್ದಾರೆ, 'ನಾನು ರಜೆಗೆ ತೆರಳಿದ್ದ ಕಾರಣ ನನಗೆ ಇದೀಗ ಗೊತ್ತಾಗಿದೆ. ಈ ಮೂವರು ಜೊತೆಗೆ ಸೇರಿಕೊಂಡು ಏನೋ ತರುತ್ತಿದ್ದಾರೆ. ಇವರು ನಮ್ಮಿಂದ ರಹಸ್ಯ ಬಚ್ಚಿಡುತ್ತಿದ್ದಾರೆ. ಏನೋ ಗೊಂದಲ ಇದೆ. ಪ್ಲೀಸ್ ಇದು ಶರ್ಮನ್ ಜೋಷಿ ಚಿತ್ರದ ಪ್ರಮೋಷನ್ ಆಗಿದೆ ಅಂತ ಮಾತ್ರ ಹೇಳಬೇಡಿ. ನನಗನಿಸುತ್ತೆ ಈ ಮೂವರು ಸಿಕ್ವಲ್ ಪ್ಲಾನ್ ಮಾಡುತ್ತಿದ್ದಾರೆ. ಆದರೆ, ಕೇವಲ ಈ ಮೂವರು ಮಾತ್ರವೇ.... ನನ್ನನ್ನು ಬಿಟ್ಟು.. ಹೇಗೆ ಸಾಧ್ಯ? ಬೊಮ್ಮನ್ ಗೂ ಈ ಬಗ್ಗೆ ತಿಳಿದಿದೆ ಅಂತ ನನಗೆ ಅನಿಸಲ್ಲ, ಈಗಲೇ ಬೊಮ್ಮನ್ ಗೆ ಕರೆ ಮಾಡಿ ವಿಚಾರಿಸುತ್ತೇನೆ. ಅಷ್ಟಕ್ಕೂ ನಡೆಯುತ್ತಿರುವುದೇನು?' ಎಂದು ಕರೀನಾ ಹೇಳಿದ್ದಾಳೆ.
ಇದನ್ನೂ ಓದಿ-ನಟಿ ಭಾವನಾ ರಾಮಣ್ಣ ಮದುವೆ ಆಗ್ತಾರಾ ಅಥವಾ ಇಲ್ವಾ..? ಇಲ್ಲಿದೆ ಪಕ್ಕಾ ಉತ್ತರ..!
ಬೋಮನ್ ಇರಾನಿ ಕೂಡ ವಿಡಿಯೋ ಶೇರ್ ಮಾಡಿದ್ದಾರೆ
ಅಷ್ಟೇ ಅಲ್ಲ, ಚಿತ್ರದಲ್ಲಿ ಕರೀನಾ ಅವರ ತಂದೆಯಾಗಿ ನಟಿಸಿರುವ ಬೊಮನ್ ಇರಾನಿ ಕೂಡ ತಮ್ಮ ಅಧಿಕೃತ ಇನ್‌ಸ್ಟಾಗ್ರಾಮ್ ಖಾತೆಯಲ್ಲಿ ವೀಡಿಯೊವನ್ನು ಹಂಚಿಕೊಂಡಿದ್ದಾರೆ. ಇದರಲ್ಲಿ ಅವರು 'ವೈರಸ್ ಇಲ್ಲದೆ 3 ಈಡಿಯಟ್ಸ್‌ನ ಉತ್ತರಭಾಗದ ಬಗ್ಗೆ ನೀವು ಹೇಗೆ ಯೋಚಿಸಬಹುದು? ಕರೀನಾ ನನಗೆ ಕರೆ ಮಾಡಿ ಹೇಳಿದ್ದು ಒಳ್ಳೆಯದಾಯಿತು. ಇಲ್ಲದಿದ್ದರೆ ನನಗೂ ಗೊತ್ತಾಗುತ್ತಿರಲಿಲ್ಲ. ಇದು ನ್ಯಾಯೋಚಿತ ಅಲ್ಲ. ಈ ರೀತಿಯ ಏನಾದರೂ ಕುದಿಯುತ್ತಿದೆ ಮತ್ತು ನಮಗೆ ತಿಳಿಸಲಾಗಿಲ್ಲ. ಇದು ಸ್ನೇಹವೇ? ಈ ವಿಷಯ ಜಾವೇದ್‌ಗೂ ಗೊತ್ತಿದೆಯೋ ಇಲ್ಲವೋ ಗೊತ್ತಿಲ್ಲ' ಎಂದು ಹೇಳಿದ್ದಾರೆ.
ಇದನ್ನೂ ಓದಿ-ಕುತೂಹಲ ಕೆರಳಿಸಿದ ಆರ’ ಸಿನಿಮಾದ ಟೀಸರ್ !
ಅಮೀರ್ ಖಾನ್, ಆರ್ ಮಾಧವನ್, ಶರ್ಮನ್ ಜೋಶಿ, ಬೊಮನ್ ಇರಾನಿ ಮತ್ತು ಕರೀನಾ ಕಪೂರ್ ಖಾನ್ ನಟಿಸಿದ ಈ ಚಿತ್ರ 2009 ರಲ್ಲಿ ತೆರೆಕಂಡಿತ್ತು. ಈ ಚಿತ್ರ ಬಾಕ್ಸ್ ಆಫೀಸ್‌ನಲ್ಲಿ ಸಾಕಷ್ಟು ಸದ್ದು ಮಾಡಿತ್ತು. ಆಗ 55 ಕೋಟಿ ಬಜೆಟ್‌ನಲ್ಲಿ ತಯಾರಾದ ಚಿತ್ರ 400 ಕೋಟಿ ಕಲೆಕ್ಷನ್ ಮಾಡಿತ್ತು. ಇನೂಂದೆಡೆ, ರಾಜ್‌ಕುಮಾರ್ ಹಿರಾನಿ ಈ ಚಿತ್ರದ ಮುಂದುವರಿದ ಭಾಗವನ್ನು ತರುವ ಬಗ್ಗೆ ಸ್ವಲ್ಪ ಸಮಯದ ಹಿಂದೆ ಮಾತನಾಡಿದ್ದರು. ಇಂತಹ ಪರಿಸ್ಥಿತಿಯಲ್ಲಿ ಕರೀನಾ ಅವರ ಈ ವಿಡಿಯೋ 3 ಈಡಿಯಟ್ಸ್ ನ ಸೀಕ್ವೆಲ್ ಬಗ್ಗೆ ಇನ್ನಷ್ಟು ಭರವಸೆ ಮೂಡಿಸಿದೆ ಎಂದರೆ ತಪ್ಪಾಗಲಾರದು.
ಇದನ್ನೂ ನೋಡಿ-
ಕನ್ನಡ ಭಾಷೆಯಲ್ಲಿ ಮತ್ತಷ್ಟು ತಾಜಾ ಸುದ್ದಿಗಳನ್ನು ಓದಲು ನಮ್ಮ ಜೀ ಕನ್ನಡ ನ್ಯೂಸ್ ಮೊಬೈಲ್ ಅಪ್ಲಿಕೇಶನ್ ಡೌನ್ಲೋಡ್ ಮಾಡಿ...
Android Link - https://bit.ly/3hDyh4G
Apple Link - https://apple.co/3hEw2hy
ನಮ್ಮ ಸೋಶಿಯಲ್ ಮೀಡಿಯಾ ಪುಟಗಳಿಗೆ ಸಬ್ ಸ್ಕ್ರೈಬ್ ಆಗಲು Twitter, Facebook, Youtube ಲಿಂಕ್ ಗಳ ಮೇಲೆ ಕ್ಲಿಕ್ಕಿಸಿ.
