ಮಫ್ತಿ ಚಿತ್ರದ ಮೂಲಕ ನಿರ್ದೇಶಕ ನರ್ತನ್ ಕನ್ನಡ ಚಿತ್ರರಂಗದಲ್ಲಿ ದೊಡ್ಡ ಭರವಸೆ ಮೂಡಿಸಿದ್ದಾರೆ. ಮೊದಲ ಚಿತ್ರದಲ್ಲೇ ಯಾರೂ ಊಹಿಸದಂತೆ ಮೇಕಿಂಗ್ ಮಾಡಿ ಮಲ್ಟಿ ಸ್ಟಾರ್ಗಳ ಸಿನಿಮಾ ಮಾಡಿ, ಮೋಡಿ ಮಾಡಿದ್ದ ನರ್ತನ್ ರಾಕಿಂಗ್ ಸ್ಟಾರ್ಗಾಗಿ ನಾಲ್ಕು ವರ್ಷ ಮೀಸಲಿಟ್ಟು ಕತೆ ಹೆಣೆದಿದ್ರು.. ಅದ್ರೆ ಅದ್ಯಾಕೋ ಗೊತ್ತಿಲ್ಲ ರಾಕಿಭಾಯ್ಗೆ ನರ್ತನ್ ಕಥೆ ಒಕೆ ಆಗದೆ ಲಾಸ್ಟ್ ಮೂಮೆಂಟ್ನಲ್ಲಿ ಯಶ್ ಪ್ರಾಜೆಕ್ಟ್ ನರ್ತನ್ ಕೈನಿಂದ ಜಾರಿಹೋಗಿದೆ.. ಅದ್ರೆ ರಾಕಿ ಸಿನಿಮಾ ಕ್ಯಾನ್ಸಲ್ ಆಯ್ತಲ್ಲಪ್ಪ ಅಂತ ಬೇಸರದಲ್ಲಿದ್ದ ನರ್ತನ್ ಬಳಗಕ್ಕೆ ಮತ್ತೊಂದು ಮೆಗಾ ಪ್ರಾಜೆಕ್ಟ್ ಕೈ ಹಿಡಿದಿದೆ ಅನ್ನೋ ಸಮಾಚಾರ ಸದ್ಯ ಗಾಂಧಿನಗರದಲ್ಲಿ ಓಡಾಡ್ತಿದೆ..
ಹೌದು.. ಯಶ್ ಸಿನಿಮಾ ಕ್ಯಾನ್ಸಲ್ ಆದ್ಮೇಲೆ ನರ್ತನ್ ತೆಲುಗು ಸಿನಿಮಾ ಮಾಡ್ತಾರಂತೆ.. ಟಾಲಿವುಡ್ ಸ್ಟಾರ್ನಟ ಹೀರೋ ಆಗಿ ಕಾಣಿಸಿದ್ರೆ ಆ ಚಿತ್ರ ಕೆವಿಎನ್ ಪ್ರೋಡಕ್ಷನ್ನಲ್ಲಿ ನಿರ್ಮಾಣವಾಗಲಿದೆ ಎಂಬ ವಿಚಾರ ವೈರಲ್ ಆಗಿತ್ತು.. ಜೊತೆಗೆ ನರ್ತನ್ ಶಿವಣ್ಣನಿಗೆ ಮಫ್ತಿ 2 ಅಂದ್ರೆ ಭೈರತಿ ರಣಗಲ್ ಸಿನಿಮಾ ಮಾಡ್ತಾರೆ ಎಂಬ ಗುಸು ಗುಸು ಕೂಡ ಕೇಳಿ ಬಂದಿತ್ತು.. ಅದ್ರೆ ಈಗ ಫೈನಲಿ ನರ್ತನ್ ಟಾಲಿವುಡ್ಗೆ ಕಾಲಿಡೋದು ಪಕ್ಕಾ ಆಗಿದ್ದು ನರ್ತನ್ ಚಿತ್ರದಲ್ಲಿ ಟಾಲಿವುಡ್ನ ನ್ಯಾಷನಲ್ ಸ್ಟಾರ್ ನಟಿಸೋದು ಬಹುತೇಕ ಪೈನಲ್ ಆಗಿದೆ ಎಂಬ ವಿಚಾರ ನರ್ತನ್ ಆಪ್ತಬಳಗದಿಂದ ತಿಳಿದು ಬಂದಿದೆ.
ಇದನ್ನೂ ಓದಿ- BBK 9 Day 2 : ಸಂಬರಗಿ ಸವಾಲ್‌ಗೆ ಹೆಣ್ಮಕ್ಳು ಕೊಟ್ರು ಜವಾಬ್‌
ಯೆಸ್.. ಯಶ್ಗಾಗಿ ಕಂಡಿದ್ದ ಕನಸ್ಸು ಕನಸಾಗೆ ಉಳಿಸಿರುವ ನರ್ತನ್ ತೆಲುಗು ಸಿನಿಮಾರಂಗದಲ್ಲಿ ಸಿನಿಮಾ ಕೃಷಿ ಮಾಡೋಕೆ ಸಜ್ಜಾಗಿದ್ದಾರೆ. ಹೈಲೆಟ್ ಅಂದ್ರೆ ನರ್ತನ್ ಮುಂದಿನ ಚಿತ್ರಕ್ಕೆ ಟಾಲಿವುಡ್ ಮೆಗಾ ಹೀರೋ ಮಗಧೀರ ರಾಮ್ ಚರಣ್ ತೇಜ ಹೀರೋ ಆಗಿ ಕಾಣಿಸಲಿದ್ದಾರೆ. ಕೆವಿಎನ್ ಪ್ರೋಡಕ್ಷನ್ನಲ್ಲಿ ಈ ಚಿತ್ರ ನಿರ್ಮಾಣ ಆಗಲಿದ್ದು, ಈ ಗಾಗಲೇ ಈ ಪ್ರಾಜೆಕ್ಟ್ಗೆ ರಾಮ್ಚರಣ್ ಗ್ರೀನ್ ಸಿಗ್ನಲ್ ಕೊಟ್ಟಿದ್ದಾರಂತೆ.. ಸದ್ಯ ಈ ಚಿತ್ರದ ಪ್ರೀ ಪ್ರೋಡಕ್ಷನ್ ವರ್ಕ್ನಲ್ಲಿ ನರ್ತನ್ ಅಂಡ್ ಟೀಮ್ ಬ್ಯುಸಿಯಾಗಿದ್ದು ದಸರಾ ವೇಳೆಗೆ ಈ ಸಿನಿಮಾವನ್ನು ಅಧಿಕೃತವಾಗಿ ಅನೌನ್ಸ್ ಮಾಡೋ ಸಾಧ್ಯತೆ ಇದೆ ಎನ್ನಲಾಗುತ್ತಿದೆ.
ಕೆವಿಎನ್ ಮಾಲೀಕ ವೆಂಕಟ್ ಕೋನಂಕಿ RRR ಚಿತ್ರವನ್ನು ಕರ್ನಾಟದಲ್ಲಿ ರಿಲೀಸ್ ಮಾಡಿದ್ದು, ರಾಮ್ಚರಣ್ ಜೊತೆ ಉತ್ತಮ ಒಡನಾಟ ಹೊಂದಿದ್ದಾರೆ. ಯಶ್ ಪ್ರಾಜೆಕ್ಟ್ ಮುಂದೆ ಹೋದ ಕಾರಣ ರಾಮ್ ಚರಣ್ ಜೊತೆ ಸಿನಿಮಾ ಮಾಡಲು ಮುಂದಾಗಿರೋ ವೆಂಕಟ್ ಕೋನಂಕಿ ರಾಮ್ಚರಣ್-ನರ್ತನ್ ಕಾಂಬೋದಲ್ಲಿ ಮತ್ತೊಂದು ಪ್ಯಾನ್ ಇಂಡಿಯಾ ಸಿನಿಮಾ ಮಾಡಲು ಸಕಲ ಸಿದ್ದತೆ ಮಾಡಿಕೊಳ್ತಿದ್ದಾರೆ ಅನ್ನೊ ಸಮಾಚಾರ ಕೆವಿಎನ್ ಅಂಗಳದಿಂದ ಲೀಕ್ ಆಗಿದೆ.
ಇದನ್ನೂ ಓದಿ- Asha Parekh: ಹಿಂದಿ ಚಿತ್ರರಂಗದ ದಿಗ್ಗಜ ನಟಿ ಆಶಾ ಪಾರೇಖ್ ಗೆ ದಾದಾ ಸಾಹೇಬ್ ಫಾಲ್ಕೆ ಪ್ರಶಸ್ತಿ
ಅದೇನೆ ಇರಲಿ ಯಶ್ ಸಿನಿಮಾ ಮಾಡಲು ಹೊರಟ್ಟಿದ್ದ ನರ್ತನ್ ಮತ್ತು ವೆಂಕಟ್ ಕೋನಂಕಿ, ಆ ಸಿನಿಮಾ ನಿಂತರೂ ನಾವು ನಿಲ್ಲೋದು ಬೆಡ ಅಂತ ನಿರ್ಧಾರ ಮಾಡಿ. ಸಖತ್ ಜೋಶ್ನಲ್ಲೇ ಮಗಧೀರನ ಜೊತೆ ಮೆಗಾ ಪ್ರಾಜೆಕ್ಟ್ಗೆ ಕೈ ಹಾಕಿದ್ದು, ಶೀಘ್ರದಲ್ಲೇ ಆ ಸಿನಿಮಾವನ್ನು ಆಫಿಶಿಯಲ್ ಆಗಿ ಅನೌನ್ಸ್ ಮಾಡಲಿದ್ದಾರೆ. ಸದ್ಯ ರಾಮ್ ಚರಣ್ ಶಂಕರ್ ಸಿನಿಮಾದಲ್ಲಿ ಬ್ಯುಸಿಯಾಗಿದ್ದು, ಈ ಸಿನಿಮಾ ಕಂಪ್ಲಿಟ್ ಆದ್ಮೇಲೆ ನರ್ತನ್ ಜೊತೆಗಿನ ಸಿನಿಮಾ ಶುರುವಾಗೋ ಸಾಧ್ಯತೆ ಇದೆ.
ಕನ್ನಡ ಭಾಷೆಯಲ್ಲಿ ಮತ್ತಷ್ಟು ತಾಜಾ ಸುದ್ದಿಗಳನ್ನು ಓದಲು ನಮ್ಮ ಜೀ ಕನ್ನಡ ನ್ಯೂಸ್ ಮೊಬೈಲ್ ಅಪ್ಲಿಕೇಶನ್ ಡೌನ್ಲೋಡ್ ಮಾಡಿ...
Android Link - https://bit.ly/3hDyh4G
Apple Link - https://apple.co/3hEw2hy
ನಮ್ಮ ಸೋಶಿಯಲ್ ಮೀಡಿಯಾ ಪುಟಗಳಿಗೆ ಸಬ್ ಸ್ಕ್ರೈಬ್ ಆಗಲು Twitter, Facebook, Youtube ಲಿಂಕ್ ಗಳ ಮೇಲೆ ಕ್ಲಿಕ್ಕಿಸಿ.
