ಮಂಗನ ಕಾಯಿಲೆ ಭೀತಿಯ ನಡುವೆಯೇ ಹೊಸ ವೈರಸ್‌ ಪತ್ತೆ: ಈ ಲಕ್ಷಣಗಳ ಬಗ್ಗೆ ಇರಲಿ ಎಚ್ಚರ

ವಿಶ್ವದಾದ್ಯಂತ ಮಂಕಿಪಾಕ್ಸ್ ವೈರಸ್ ಭೀತಿ ಮುಂದುವರೆದಿದೆ. ಏತನ್ಮಧ್ಯೆ, ಈ ವೈರಸ್‌ನ ಹೊಸ ತಳಿ ಮತ್ತು ಎರಡು ಹೊಸ ಲಕ್ಷಣಗಳು ಹೊರಹೊಮ್ಮಿವೆ. ಇದಲ್ಲದೆ, ಮಂಕಿಪಾಕ್ಸ್ ವಯಸ್ಕರಿಗಿಂತ ಮಕ್ಕಳಿಗೆ ಹೆಚ್ಚು ಅಪಾಯಕಾರಿ ಎಂಬ ಬಗ್ಗೆಯೂ ಸಂಶೋಧಕರು ಎಚ್ಚರಿಕೆ ನೀಡಿದ್ದಾರೆ.

Monkeypox

ಮಂಕಿಪಾಕ್ಸ್ ಅಲರ್ಟ್: ಕರೋನಾವೈರಸ್ ಬಳಿಕ ವಿಶ್ವದಾದ್ಯಂತ ಮಂಕಿಪಾಕ್ಸ್ ಆತಂಕ ಸೃಷ್ಟಿಸಿದೆ. ಈ ಮಂಗನ ಕಾಯಿಲೆಯ ಭೀತಿಯ ನಡುವೆಯೇ ಭಾರತದಲ್ಲಿ ಹೊಸ ವೈರಸ್‌ ಕಾಣಿಸಿಕೊಂಡಿದೆ. ಈ ಕುರಿತಂತೆ ನಡೆಸಲಾದ ಹೊಸ ಸಂಶೋಧನೆಯಲ್ಲಿ, ಭಾರತದಲ್ಲಿ A.2 ಮಂಕಿಪಾಕ್ಸ್ ವೈರಸ್ನ ಸ್ಟ್ರೈನ್ ಕಂಡುಬಂದಿದೆ. ಇದಲ್ಲದೇ ಮಂಗನ ಕಾಯಿಲೆಯ ಎರಡು ಹೊಸ ಲಕ್ಷಣಗಳ ಬಗ್ಗೆಯೂ ಸಂಶೋಧಕರು ಎಚ್ಚರಿಕೆ ನೀಡಿದ್ದಾರೆ. ಅದೇ ಸಮಯದಲ್ಲಿ, ಮಂಗನಕಾಯಿಲೆ ವಯಸ್ಕರಿಗಿಂತ ಮಕ್ಕಳಿಗೆ ಹೆಚ್ಚು ಅಪಾಯಕಾರಿ ಎಂದೂ ಸಹ ಎಚ್ಚರಿಕೆ ನೀಡಲಾಗಿದೆ.

ವರದಿಯ ಪ್ರಕಾರ, ಮಂಕಿಪಾಕ್ಸ್ ವೈರಸ್‌ನಿಂದ ಉಂಟಾಗುವ ಸಮಸ್ಯೆಗಳು ಮಕ್ಕಳಲ್ಲಿ ಮತ್ತು ಆರೋಗ್ಯವಂತ ಮನುಷ್ಯರಿಗಿಂತ ದುರ್ಬಲ ರೋಗನಿರೋಧಕ ಶಕ್ತಿ ಹೊಂದಿರುವ ಜನರಲ್ಲಿ ಹೆಚ್ಚು ಎಂದು ತಿಳಿದುಬಂದಿದೆ.

ದಿ ಲ್ಯಾನ್ಸೆಟ್‌ನಲ್ಲಿ ಪ್ರಕಟವಾದ ವರದಿಯ ಪ್ರಕಾರ, ಮಂಗನ ಕಾಯಿಲೆಯ ಹಿಂದಿನ ಏಕಾಏಕಿಯಲ್ಲಿ, ವಯಸ್ಕರಿಗಿಂತ ಹೆಚ್ಚಿನ ಮಕ್ಕಳು ಆಸ್ಪತ್ರೆಗೆ ದಾಖಲಾಗಿದ್ದರು ಮತ್ತು ಹೆಚ್ಚಿನ ಸಾವುಗಳು ಮಕ್ಕಳಿಂದಲೇ ಸಂಭವಿಸಿದವು. ಇದು ಮಕ್ಕಳಿಗೆ ಈ ವೈರಸ್ ಹೆಚ್ಚು ಅಪಾಯಕಾರಿ ಎಂದು ಸೂಚಿಸುತ್ತದೆ. ಇದರೊಂದಿಗೆ, ಬ್ಯಾಕ್ಟೀರಿಯಾದ ಸೋಂಕುಗಳು, ಸೆಪ್ಸಿಸ್ ಮತ್ತು ಎನ್ಸೆಫಾಲಿಟಿಸ್ನಿಂದ ಬಳಲುತ್ತಿರುವ ಜನರು ಮಂಕಿಪಾಕ್ಸ್ ವೈರಸ್ನೊಂದಿಗೆ ಹೆಚ್ಚಿನ ಸಮಸ್ಯೆಗಳನ್ನು ಹೊಂದಿರಬಹುದು ಎನ್ನಲಾಗಿದೆ.

ಇದನ್ನೂ ಓದಿ- ರಾಜ್ಯದಲ್ಲಿ ಕೋವಿಡ್ ಹೆಚ್ಚಳ, ಮಂಕಿಪಾಕ್ಸ್ ಭೀತಿ- ತಾಂತ್ರಿಕ ಸಲಹಾ ಸಮಿತಿ ಸಭೆ ಕರೆದ ಆರೋಗ್ಯ ಸಚಿವ

ರಾಷ್ಟ್ರೀಯ ವೈರಾಲಜಿ ಸಂಸ್ಥೆಯ ಹಿರಿಯ ವಿಜ್ಞಾನಿಯೊಬ್ಬರು ಭಾರತದಲ್ಲಿ ಹೊಸ ಮಂಗನ ಕಾಯಿಲೆಯ ಅ.2ರ ತಳಿ ಪತ್ತೆಯಾಗಿರುವುದನ್ನು ದೃಢಪಡಿಸಿದ್ದಾರೆ. ಇದೇ ವೇಳೆ ಏ .2ರ ಮಂಗನ ಕಾಯಿಲೆ ಎಷ್ಟು ಅಪಾಯಕಾರಿ ಎಂಬುದನ್ನು ವಿವರಿಸಿರುವ ಅವರು ಮಂಕಿಪಾಕ್ಸ್ನ ಈ ಹೊಸ ತಳಿಯು ಹೆಚ್ಚು ಗಂಭೀರ ಸಮಸ್ಯೆಗಳನ್ನು ಉಂಟುಮಾಡುವುದಿಲ್ಲ ಎಂದು ಹೇಳುತ್ತಾರೆ. ಆದಾಗ್ಯೂ, ಮೈಮರೆಯುವಂತಿಲ್ಲ ಎಂದು ಎಚ್ಚರಿಸಿರುವ ಅವರು ಈ ಸಮಯದಲ್ಲಿ, ಇದು ಜನರಲ್ಲಿ ಹೇಗೆ ಪ್ರತಿಕ್ರಿಯಿಸುತ್ತದೆ ಎಂಬುದರ ಕುರಿತು ಸಂಶೋಧನೆ ನಡೆಯುತ್ತಿದೆ. ಹೊಸ ಮಂಗನ ಕಾಯಿಲೆಯನ್ನು ಲಘುವಾಗಿ ಪರಿಗಣಿಸಿ ತಪ್ಪು ಮಾಡಬಾರದು ಎಂದರು.  

ಇದನ್ನೂ ಓದಿ- Corona India Update: ಭಾರತದ ಈ ರಾಜ್ಯಗಳಲ್ಲಿ ಮತ್ತೆ ಬಂದಿದೆ ಕೋರೋನಾ ಅಲೆ, ಈ ರಾಜ್ಯಗಳಿಗೆ ಆರೋಗ್ಯ ಸಚಿವಾಲಯದ ಅಲರ್ಟ್ ಜಾರಿ

ಮಂಕಿಪಾಕ್ಸ್‌ನ ಎರಡು ಹೊಸ ಲಕ್ಷಣಗಳು:
ಬ್ರಿಟಿಷ್ ಮೆಡಿಕಲ್ ಜರ್ನಲ್‌ನಲ್ಲಿ ಪ್ರಕಟವಾದ ವರದಿಯ ಪ್ರಕಾರ, ಯುನೈಟೆಡ್ ಕಿಂಗ್‌ಡಮ್ (UK) ನಿಂದ 197 ಮಂಕಿಪಾಕ್ಸ್ ರೋಗಿಗಳ ಡೇಟಾವನ್ನು ಅಧ್ಯಯನವು ಪರಿಶೀಲಿಸಿದೆ. ಇದರಲ್ಲಿ, ಮಂಗನ ಕಾಯಿಲೆಯ ಸಾಮಾನ್ಯ ಲಕ್ಷಣಗಳ ಹೊರತಾಗಿ, ಇದು ಕೆಲವು ಹೊಸ ಸಮಸ್ಯೆಗಳನ್ನು ಉಂಟುಮಾಡುತ್ತದೆ ಎಂದು ಸಂಶೋಧಕರು ಕಂಡುಕೊಂಡಿದ್ದಾರೆ. ಅವರ ಪ್ರಕಾರ, ಮಂಕಿಪಾಕ್ಸ್ನ ಹೊಸ ಲಕ್ಷಣಗಳು ಚರ್ಮ ಮತ್ತು ಟಾನ್ಸಿಲ್ಗಳಲ್ಲಿ ಕಾಣಿಸಿಕೊಂಡಿವೆ.

ಸೂಚನೆ: ಈ ಮಾಹಿತಿಯ ನಿಖರತೆ, ಸಮಯೋಚಿತತೆ ಮತ್ತು ನೈಜತೆಯನ್ನು ಖಚಿತಪಡಿಸಿಕೊಳ್ಳಲು ಎಲ್ಲ ಪ್ರಯತ್ನಗಳನ್ನು ಮಾಡಲಾಗಿದೆ. ಆದರೆ, ಇದು ಜೀ ನ್ಯೂಸ್  ನೈತಿಕ ಹೊಣೆಗಾರಿಕೆಯಲ್ಲ. ಯಾವುದೇ ಪರಿಹಾರವನ್ನು ಪ್ರಯತ್ನಿಸುವ ಮೊದಲು ನಿಮ್ಮ ವೈದ್ಯರನ್ನು ಸಂಪರ್ಕಿವಂತೆ ವಿನಂತಿಸುತ್ತೇವೆ. ನಿಮಗೆ ಮಾಹಿತಿ ನೀಡುವುದು ಮಾತ್ರ ನಮ್ಮ ಉದ್ದೇಶ.