Diabetes Control Tips: ಮಧುಮೇಹವನ್ನು ನಿರ್ವಹಿಸಲು ಇಲ್ಲಿವೆ 5 ಸೂಪರ್‌ ಸಲಹೆಗಳು

ಮಧುಮೇಹ

Diabetes Control Tips : ಕ್ರಿಸ್ಮಸ್ ತನ್ನೊಂದಿಗೆ ಅಪಾರ ಸಂಭ್ರಮಾಚರಣೆ, ಮತ್ತು ಕರಿದ ಕರ್ಜಿಕಾಯಿಗಳು ಮತ್ತು ಕುಲ್ಕುಲ್ ಗಳ ಪ್ರದರ್ಶನದೊಂದಿಗೆ ಖಾರದ ಮತ್ತು ಸಿಹಿತಿಂಡಿಗಳ ಲೋಲುಪತೆಯನ್ನು ಸಹ ತರುತ್ತದೆ. ಈ ರಜಾ ಸಮಯವು ಅತ್ಯಂತ ವಿನೋದಮಯವೇ ಆದರೂ, ಆದರೆ ಹೆಚ್ಚು ಕ್ಯಾಲೋರಿಗಳ ಈ ಸಂಗತಿಯು ಮಧುಮೇಹದವರಿಗೆ ಯಾವುದೇ ರೀತಿಯ ಸ್ನೇಹಿತನಲ್ಲ. ಪ್ರಪಂಚದ ’ಮಧುಮೇಹ ರಾಜಧಾನಿ’ಯಾಗಿ, ಅನೇಕರು ಈ ಜಟಿಲತೆಯನ್ನು ಅನುಭವಿಸುತ್ತಾರೆ - ಆರೋಗ್ಯಕರ ಪರ್ಯಾಯಗಳು ಮತ್ತು ಪ್ರಜ್ಞಾಪೂರ್ವಕ ತಿಂಡಿಗಳಿಗಾಗಿ ಪಾಕದ ಅಥವಾ ಕರಿದ ತಿಂಡಿಗಳನ್ನು ತಪ್ಪಿಸಲು ಪ್ರಯತ್ನಿಸುತ್ತಿದ್ದಾರೆ. ಆದರೂ, ಊಟವನ್ನು ನಿರ್ವಹಿಸಲು ಯೋಜಿಸಿದ್ದರೂ, ಇದು ಎಲ್ಲರಿಗೂ ಸಾಧ್ಯವಿಲ್ಲ, ಅನೇಕರು ಒಂದು ಅಥವಾ ಎರಡಾದರೂ ಸಿಹಿತಿಂಡಿಗಳನ್ನು ಪ್ರಯತ್ನಿಸುವ ಪ್ರಲೋಭನೆಗೆ ಒಳಗಾಗುತ್ತಾರೆ.

ಡಾ ಬಸವರಾಜ್ G S, ಕನ್ಸಲ್ಟೆಂಟ್ ಎಂಡೋಕ್ರೈನಾಲಜಿ, ನಾರಾಯಣ ಮಲ್ಟಿಸ್ಪೆಷಾಲಿಟಿ ಹಾಸ್ಪಿಟಲ್, ಬೆಂಗಳೂರು, “ಸಾಮಾನ್ಯವಾಗಿ ಹಬ್ಬ ಹರಿದಿನಗಳ ನಂತರ ಮಧುಮೇಹದ ತೊಂದರೆಯಿಂದ ನಮ್ಮ ಬಳಿಗೆ ಬರುವವರ ಸಂಖ್ಯೆ ಹೆಚ್ಚಾಗುವುದನ್ನು ನಾವು ನೋಡುತ್ತೇವೆ. ಕೆಲವರು ಸಿಹಿತಿಂಡಿಗಳನ್ನು ಅತಿಯಾಗಿ ಸೇವಿಸುತ್ತಾರೆ ಮತ್ತು ಇತರರು ತಮ್ಮ ರಕ್ತದಲ್ಲಿನ ಸಕ್ಕರೆ ಮಟ್ಟವು ಅತಿಯಾಗಿ ಏರಿಲ್ಲ ಎಂದು ಖಚಿತಪಡಿಸಿಕೊಳ್ಳುವುದಕ್ಕಾಗಿ ಪರೀಕ್ಷೆ ಮಾಡಿಸಿಕೊಳ್ಳಲು ಬರುತ್ತಾರೆ. ಯಾವುದೇ ದೀರ್ಘಾವಧಿಯ ತೊಡಕುಗಳನ್ನು ತಪ್ಪಿಸಲು ಮತ್ತು ಉತ್ತಮ ಆರೋಗ್ಯವನ್ನು ಖಚಿತಪಡಿಸಿಕೊಳ್ಳಲು ಇದನ್ನು ಸರಿಯಾಗಿ ನಿರ್ವಹಿಸುವುದು ಪ್ರಮುಖವಾಗಿದೆ. ಇಂದು, ಜನರು ಸುಲಭವಾಗಿ ಪಡೆಯಬಹುದಾದ ನಿರಂತರ ಗ್ಲೂಕೋಸ್ ಮಾನಿಟರಿಂಗ್ ಸಾಧನಗಳಿವೆ, ಇವುಗಳು ನಿರಂತರವಾಗಿ ನವೀಕರಿಸಿದ ಗ್ಲೂಕೋಸ್ ಮಟ್ಟದ ಪ್ರವೃತ್ತಿಗಳೊಂದಿಗೆ ಅವರಿಗೆ ಸಹಾಯ ಮಾಡುತ್ತವೆ, ಆ ಮೂಲಕ ಮಧುಮೇಹ ಹೊಂದಿರುವ ಜನರಿಗೆ ಮಾಹಿತಿಯುಕ್ತ ನಿರ್ಧಾರಗಳನ್ನು ತೆಗೆದುಕೊಳ್ಳಲು ಮತ್ತು ಸೂಕ್ತವಾದ ಸಮಯ-ಶ್ರೇಣಿಯಲ್ಲಿ ಉಳಿಯಲು (TIR) ಸಬಲೀಕರಿಸುತ್ತದೆ.

ಇದನ್ನೂ ಓದಿ : Skin Care Tips: ಚಳಿಗಾಲದಲ್ಲಿ ತ್ವಚೆಯ ಈ ಸಮಸ್ಯೆಗಳಿಗೆ ತೆಂಗಿನೆಣ್ಣೆಯಲ್ಲಿದೆ ಮದ್ದು

ಈ ಹಬ್ಬದ ಸಂದರ್ಭದಲ್ಲಿ ನಿಮ್ಮ ಗ್ಲೂಕೋಸ್ ಮಟ್ಟವನ್ನು ನಿಯಂತ್ರಣದಲ್ಲಿಟ್ಟುಕೊಳ್ಳಲು 5 ಸಲಹೆಗಳು ಇಲ್ಲಿವೆ:

1.ಆರೋಗ್ಯಕರವಾದುದನ್ನು ತಿನ್ನಿರಿ: ನೀವು ಯಾವುದೇ ಕಾರ್ಯಕ್ರಮಕ್ಕೆ ಹೋಗುವ ಮೊದಲು, ನೀವು ಏನು ತಿನ್ನುತ್ತೀರಿ ಎಂಬುದರ ಕುರಿತು ಸರಿಯಾದ ಯೋಜನೆಯನ್ನು ಹಾಕಿಕೊಳ್ಳಿ. ನಿಮ್ಮ ಕೊಬ್ಬುಗಳು, ಸಕ್ಕರೆಗಳು ಮತ್ತು ಉಪ್ಪಿನ ಸೇವನೆಯನ್ನು ಮಿತಿಗೊಳಿಸಿ ಮತ್ತು ನಿಮ್ಮ ಕಾರ್ಬೋಹೈಡ್ರೇಟ್ ಸೇವನೆಯ ಮೇಲೆ ನಿಗಾ ಇರಿಸಿ. ದಿನವಿಡೀ ಸಣ್ಣ ಪ್ರಮಾಣದ ಊಟಗಳ ಸೇವನೆಯನ್ನು ಆರಿಸಿಕೊಳ್ಳಿ. ನಿಮ್ಮ ಮಧುಮೇಹವನ್ನು ನಿರ್ವಹಿಸಲು ಸಹಾಯ ಮಾಡಿಕೊಳ್ಳುತ್ತಲೇ ನಿಮ್ಮ ಆಹಾರವು ಸಮತೋಲಿತ ಮತ್ತು ಪೌಷ್ಟಿಕವಾಗಿದೆ ಎಂದು ಖಚಿತಪಡಿಸಿಕೊಳ್ಳಲು, ನಿಮ್ಮ ವೈದ್ಯರು ಅಥವಾ ಆಹಾರ ತಜ್ಞರೊಂದಿಗೆ ಮಾತನಾಡಿ. ಅಲ್ಲದೇ ಗಮನಿಸಿ - ಅತಿಯಾದ ಲೋಲುಪತೆಯನ್ನು ಊಟ ಬಿಡುವುದರೊಂದಿಗೆ ಸರಿದೂಗಿಸಬೇಡಿ, ಏಕೆಂದರೆ ಇದು ರಕ್ತದಲ್ಲಿನ ಸಕ್ಕರೆಯ ಅಪಾಯಕಾರಿ ಏರಿಳಿತಗಳಿಗೆ ಕಾರಣವಾಗಬಹುದು.

2.ಹೆಚ್ಚಳ ಅಥವಾ ಇಳಿಕೆಯನ್ನು ವೀಕ್ಷಿಸಿಕೊಳ್ಳಿ: ರಜಾ ಸಮಯದಲ್ಲಿನ ನಿಮ್ಮ ಜೀವನಶೈಲಿ ಮತ್ತು ಆಹಾರದಲ್ಲಿನ ಬದಲಾವಣೆಗಳೊಂದಿಗೆ, ನಿಮ್ಮ ರಕ್ತದಲ್ಲಿನ ಸಕ್ಕರೆ ಮಟ್ಟವನ್ನು ನಿಯಮಿತವಾಗಿ ಪರಿಶೀಲನೆ ಮಾಡುವ ಅವಶ್ಯಕತೆಯಿದೆ. ಫ್ರೀಸ್ಟೈಲ್ ಲಿಬ್ರೆ ಸಿಸ್ಟಮ್‌ನಂತಹ ನಿರಂತರ ಗ್ಲೂಕೋಸ್ ಮಾನಿಟರಿಂಗ್ ಸಾಧನವನ್ನು ಕೈಯಲ್ಲಿ ಇಟ್ಟುಕೊಳ್ಳುವುದು ಈ ಮಟ್ಟವನ್ನು ಟ್ರ್ಯಾಕ್ ಮಾಡಲು ನಿಮಗೆ ಸಹಾಯ ಮಾಡುತ್ತದೆ. ಫಿಂಗರ್ ಪ್ರಿಕ್ ಗಳಿಗೆ ಸರಳ ಮತ್ತು ನೋವುರಹಿತ ಪರ್ಯಾಯವಾಗಿ, ಈ ಸಾಧನಗಳು ಧರಿಸಬಹುದಾದ ಸಂವೇದಕಗಳನ್ನು ಬಳಸುತ್ತವೆ, ಇವು ನಿಮ್ಮ ದಿನದಲ್ಲಿ ನೀವು ನಿಮ್ಮ ಸಕ್ಕರೆ ಮಟ್ಟವನ್ನು ನಿರಂತರವಾಗಿ ಪರಿಶೀಲನೆ ಮಾಡಲು ಅನುಮತಿಸುತ್ತದೆ. ಇದು ನಿಮಗೆ ಹೊಸ ಮಟ್ಟದ ಸ್ವಾತಂತ್ರ್ಯ ಮತ್ತು ಅರ್ಥಪೂರ್ಣ ನಿಯಂತ್ರಣವನ್ನು ನೀಡುತ್ತದೆ - ವಿಶೇಷವಾಗಿ ಯಾವುದೇ ಅಪಾಯದ ಸಂದರ್ಭವನ್ನು ತಪ್ಪಿಸಲು ಅಥವಾ ಜಾಗರೂಕವಾಗಿರಲು (ಹೈಪೊಗ್ಲಿಸಿಮಿಯಾ ಅಥವಾ ಹೈಪರ್ಗ್ಲೈಸೀಮಿಯಾ).

3.ನಿಮ್ಮ ನಿದ್ರಾ-ಚಕ್ರವನ್ನು ನಿರ್ವಹಿಸಿ: ಪಾರ್ಟಿಗಳು ಎಂದರೆ ನೀವು ತಡರಾತ್ರಿಯವರೆಗೆ ಎದ್ದಿರುತ್ತೀರಿ ಎಂದರ್ಥ - ಕೊನೆಯ ದಿನಗಳಲ್ಲಿ ಸಹ ನಿದ್ರೆಯ ಅವಧಿ ಮತ್ತು ಗುಣಮಟ್ಟದಲ್ಲಿ ರಾಜಿ ಮಾಡಿಕೊಳ್ಳುವುದು. ನಿಮ್ಮ ನಿದ್ರೆಯ ವೇಳಾಪಟ್ಟಿಯನ್ನು ಹಿಂಪಡೆಯಲು ಸ್ವಲ್ಪ ಸಮಯವನ್ನು - ದಿನಕ್ಕೆ ಏಳರಿಂದ ಎಂಟು ಗಂಟೆಗಳವರೆಗೆ ಉತ್ತಮ ಸಮಯವನ್ನು ಮಾಡಿಕೊಳ್ಳಿ. ನಿದ್ರೆಯು ನಿಮ್ಮ ಮಧುಮೇಹವನ್ನು ಉತ್ತಮವಾಗಿ ನಿರ್ವಹಿಸಲು ಸಹಾಯ ಮಾಡುತ್ತದೆ (ತುಂಬಾ ಕಡಿಮೆ ನಿದ್ರೆ ಇನ್ಸುಲಿನ್ ಪ್ರತಿರೋಧವನ್ನು ಹೆಚ್ಚಿಸುತ್ತದೆ, ಮರುದಿನ ನಿಮಗೆ ಹೆಚ್ಚು  ಹಸಿವಾಗುವಂತೆ ಮಾಡುತ್ತದೆ ಮತ್ತು ತಿಂದ ನಂತರ ನೀವು ಎಷ್ಟು ಹೊಟ್ಟೆ ತುಂಬಿದ ಭಾವನೆಯನ್ನು ಕಡಿಮೆ ಮಾಡುತ್ತದೆ).

ಇದನ್ನೂ ಓದಿ : Obesity : ಈ ಜ್ಯೂಸ್ ಕುಡಿಯಿರಿ ಸ್ಥೂಲಕಾಯತೆಯಿಂದ ಮುಕ್ತಿ ಪಡೆಯಿರಿ

4.ಚಲಿಸುತ್ತಿರಿ: ನಿಯಮಿತವಾಗಿ ವ್ಯಾಯಾಮ ಮಾಡುವ ಮೂಲಕ ಸಕ್ರಿಯವಾಗಿರುವುದು ನಿಮ್ಮ ಮಧುಮೇಹವನ್ನು ನಿರ್ವಹಿಸಲು ಉತ್ತಮ ಮಾರ್ಗವಾಗಿದೆ. ಹಬ್ಬಗಳ ಉತ್ತುಂಗದ ಸಮಯದಲ್ಲಿನ ದಿನಗಳು ಸಾಮಾನ್ಯವಾಗಿ ಕಾರ್ಯಕ್ರಮಗಳು ಮತ್ತು ಕುಟುಂಬ ಅಥವಾ ಸ್ನೇಹಿತರ ಸಾಮಾಜಿಕ ಭೇಟಿಗಳಿಂದ ತುಂಬಿದ್ದು, ನಿಯಮಿತ ಫಿಟ್ನೆಸ್ ವೇಳಾಪಟ್ಟಿಯನ್ನು ನಿರ್ವಹಿಸಲು ಕಷ್ಟವಾಗುತ್ತದೆ. ದೈಹಿಕ ಚಟುವಟಿಕೆಯೊಂದಿಗೆ ರೀಚಾರ್ಜ್ ಮಾಡಲು, ವಾಕಿಂಗ್, ಫುಟ್ಬಾಲ್, ನೃತ್ಯ (ಉದಾಹರಣೆಗೆ, ಝುಂಬಾ), ಸೈಕ್ಲಿಂಗ್ ಅಥವಾ ಈಜು ಮುಂತಾದ ತಂಡದ ಕ್ರೀಡೆಗಳು ನೀವು ಪರಿಗಣಿಸಬಹುದಾದ ಕೆಲವು ಆಯ್ಕೆಗಳಾಗಿವೆ. ಇವುಗಳು ವಿವಿಧ ಪ್ರಯೋಜನಗಳನ್ನು ನೀಡಬಹುದು - ಶಕ್ತಿಯನ್ನು ಬಳಸುವುದು, ಸ್ನಾಯುಗಳನ್ನು ಟೋನ್ ಮಾಡುವುದು, ಶ್ವಾಸಕೋಶದ ಸಾಮರ್ಥ್ಯ ಮತ್ತು ರಕ್ತ ಪರಿಚಲನೆ ಹೆಚ್ಚಿಸುವುದು, ಕೊಲೆಸ್ಟ್ರಾಲ್ ಮಟ್ಟವನ್ನು ಕಡಿಮೆ ಮಾಡುವುದು ಮತ್ತು ಒತ್ತಡವನ್ನು ನಿವಾರಿಸುವುದು, ಇವೆಲ್ಲವನ್ನು ನಿಮ್ಮ ಗ್ಲೂಕೋಸ್ ಮಟ್ಟವನ್ನು ಕಡಿಮೆ ಮಾಡುತ್ತಲೇ.

5.ಹೈಡ್ರೇಟೆಡ್ ಆಗಿರಿ: ಸಾಮಾನ್ಯವಾಗಿ, ಹೈಡ್ರೇಟೆಡ್ ಆಗಿರುವುದು ಉತ್ತಮ ಆರೋಗ್ಯಕ್ಕೆ ಪ್ರಮುಖವಾಗಿದೆ. ಮಧುಮೇಹ ಹೊಂದಿರುವ ಜನರಿಗೆ, ನೀರಿನ ಸೇವನೆಯು ನಿರ್ಜಲೀಕರಣದ ಭಾವನೆಗಳನ್ನು ಕಡಿಮೆ ಮಾಡುತ್ತದೆ ಮತ್ತು ಅಗತ್ಯವಿದ್ದಾಗ ರಕ್ತದಲ್ಲಿನ ಸಕ್ಕರೆ ಮಟ್ಟವನ್ನು ತ್ವರಿತವಾಗಿ ಕಡಿಮೆ ಮಾಡುತ್ತದೆ. ನೀರಿನ ಬಾಟಲಿಯನ್ನು ಕೈಯಲ್ಲಿ ಇಟ್ಟುಕೊಳ್ಳುವುದು ಯಾವಾಗಲೂ ಒಳ್ಳೆಯದು.

ಈ ಅಂಶಗಳನ್ನು ಗಮನದಲ್ಲಿಟ್ಟುಕೊಂಡು ಮತ್ತು ನಿಮಗೆ ಉತ್ತಮವಾಗಿ ಕಾರ್ಯನಿರ್ವಹಿಸಬಹುದಾದ ಪರಿಹಾರಗಳನ್ನು ಚರ್ಚಿಸಲು ವೈದ್ಯರನ್ನು ಸಂಪರ್ಕಿಸುವ ಮೂಲಕ, ಆರೋಗ್ಯಕರ, ಸಮಸ್ಯೆ-ರಹಿತ ರಜಾದಿನವನ್ನು ಆನಂದಿಸಲು - ನಿಮ್ಮ ಮಧುಮೇಹವನ್ನು ನೀವು ನಿಯಂತ್ರಣದಲ್ಲಿಟ್ಟುಕೊಳ್ಳಬಹುದು!