ಅರವಿಂದ್ ಕೇಜ್ರಿವಾಲ್ ಬಂಧನ ಪ್ರಕರಣ: ದೆಹಲಿಯ ಮದ್ಯ ಹಗರಣ ಪ್ರಕರಣದಲ್ಲಿ ಸಿಎಂ ಕೇಜ್ರಿವಾಲ್ ಅವರನ್ನು ಗುರುವಾರ ರಾತ್ರಿ ಇಡಿ ಬಂಧಿಸಿದ್ದು, ನಂತರ ಅವರನ್ನು ಇಂದು ರೋಸ್ ಅವೆನ್ಯೂ ನ್ಯಾಯಾಲಯಕ್ಕೆ ಹಾಜರುಪಡಿಸಲಾಯಿತು. ಜಾರಿ ನಿರ್ದೇಶನಾಲಯ(ED)ವು ಸಿಎಂ ಕೇಜ್ರಿವಾಲ್ ಅವರನ್ನು 10 ದಿನಗಳ ರಿಮಾಂಡ್‌ಗೆ ನೀಡುವಂತೆ ನ್ಯಾಯಾಲಯವನ್ನು ಕೋರಿತ್ತು. ನಂತರ ನ್ಯಾಯಾಲಯವು ಸಿಎಂ ಕೇಜ್ರಿವಾಲ್ ಅವರನ್ನು 6 ದಿನಗಳ ಕಸ್ಟಡಿಗೆ ಕಳುಹಿಸಿದೆ. ಅಂದರೆ ಮಾರ್ಚ್ 28ರವರೆಗೆ ಸಿಎಂ ಕೇಜ್ರಿವಾಲ್ ಇಡಿ ಬಂಧನದಲ್ಲಿ ಇರಲಿದ್ದಾರೆ.
ಸಿಎಂ ಕೇಜ್ರಿವಾಲ್ ಅವರನ್ನು ಮದ್ಯ ಹಗರಣದ ಪ್ರಮುಖ ಸಂಚುಕೋರ ಎಂದು ಇಡಿ ಆರೋಪಿಸಿದೆ. ಇಡಿ ಪರವಾಗಿ ಹೆಚ್ಚುವರಿ ಸಾಲಿಸಿಟರ್ ಜನರಲ್ (ASG) ರಾಜು ಅವರು ರೋಸ್ ಅವೆನ್ಯೂ ನ್ಯಾಯಾಲಯದಲ್ಲಿ ವಾದ ಮಂಡಿಸಿದರು. ಕೇಜ್ರಿವಾಲ್ ಪರವಾಗಿ ವಕೀಲರಾದ ಅಭಿಷೇಕ್ ಮನು ಸಿಂಘ್ವಿ, ವಿಕ್ರಮ್ ಚೌಧರಿ ಮತ್ತು ರಮೇಶ್ ಗುಪ್ತಾ ನ್ಯಾಯಾಲಯದ ಮುಂದೆ ವಾದ ಮಂಡಿಸಿದರು.
ಇದನ್ನೂ ಓದಿ: Viral Video: ಮನೆಗೆ ನುಗ್ಗಿದ ದರೋಡೆಕೋರರು, ತಾಯಿ-ಮಗಳಿಗೆ ಪೊಲೀಸರ ಸನ್ಮಾನ!
ಇಡಿ ಪರ ವಾದ ಮಂಡಿಸಿದ ASG ರಾಜು
ನ್ಯಾಯಾಲಯದಲ್ಲಿ ವಿಚಾರಣೆ ವೇಳೆ ಇಡಿ ಪರ ವಾದ ಮಂಡಿಸಿದ ASG ರಾಜು, ಪಿಎಂಎಲ್‌ಎಯ ವಿವಿಧ ನಿಬಂಧನೆಗಳ ಅನ್ವಯ ಸಿಎಂ ಕೇಜ್ರಿವಾಲ್ ಅವರನ್ನು ಬಂಧಿಸಲಾಗಿದೆ ಎಂದು ಹೇಳಿದರು. ಇದರೊಂದಿಗೆ, ಬಂಧನದ ಆಧಾರವನ್ನು ಸಿಎಂ ಮತ್ತು ಅವರ ಕುಟುಂಬ ಸದಸ್ಯರಿಗೆ ಲಿಖಿತವಾಗಿ ತಿಳಿಸಲಾಗಿದೆ. ಈ ವೇಳೆ ಬಂಧನದ ಕಡತವನ್ನೂ ಇಡಿ ಹಾಜರುಪಡಿಸಿತ್ತು. 28 ಪುಟಗಳಲ್ಲಿ ಬಂಧನಕ್ಕೆ ಕಾರಣಗಳನ್ನು ನಮೂದಿಸಲಾಗಿದೆ ಎಂದು ನ್ಯಾಯಾಲಯಕ್ಕೆ ತಿಳಿಸಲಾಗಿದೆ. ಈ ಪ್ರಕರಣದಲ್ಲಿ ಸಿಎಂ ಕೇಜ್ರಿವಾಲ್ ಮುಖ್ಯ ಸಂಚುಕೋರ ಮತ್ತು ಕಿಂಗ್‌ಪಿನ್ ಎಂದು ಇಡಿ ಬಣ್ಣಿಸಿದೆ.
ಅಬಕಾರಿ ನೀತಿಯ ರಚನೆಯಲ್ಲಿ ಕೇಜ್ರಿವಾಲ್ ನೇರವಾಗಿ ಭಾಗಿಯಾಗಿದ್ದಾರೆ. ವಿಜಯ್ ನಾಯರ್ ಅವರ ಪರ ಕೆಲಸ ಮಾಡುತ್ತಿದ್ದಾರೆ ಎಂದು ASG ರಾಜು ಹೇಳಿದ್ದಾರೆ. ವಿಜಯ್ ನಾಯರ್ ಅವರದ್ದು ಮಧ್ಯವರ್ತಿ ಪಾತ್ರ. ಅವರು ಎಎಪಿ ಮತ್ತು ದಕ್ಷಿಣ ಲಾಬಿ ನಡುವೆ ಮಧ್ಯವರ್ತಿ ಪಾತ್ರವನ್ನು ನಿರ್ವಹಿಸುತ್ತಿದ್ದರು. ವಿಜಯ್ ನಾಯರ್ ಅವರು ಕೇಜ್ರಿವಾಲ್ ಅವರ ಮನೆಯ ಸಮೀಪದ ಮನೆಯಲ್ಲಿ ವಾಸಿಸುತ್ತಿದ್ದರು. ಆ ಮನೆಯನ್ನು ಕೈಲಾಶ್ ಗೆಹ್ಲೋಟ್ ಅವರಿಗೆ ನೀಡಲಾಗಿತ್ತು. ಲಂಚದ ಬದಲಾಗಿ ಅಬಕಾರಿ ನೀತಿಯಲ್ಲಿ ಅನಿಯಂತ್ರಿತ ಬದಲಾವಣೆಗಳನ್ನು ಮಾಡಲಾಗಿದೆ. ಅಪರಾಧದ ಆದಾಯದಲ್ಲಿ ಗೋವಾ ಚುನಾವಣೆಯಲ್ಲಿ 45 ಕೋಟಿ ರೂ. ಬಳಸಲಾಗಿದೆ. ಈ ಸಂದರ್ಭದಲ್ಲಿ ಅವರು ಅಪರಾಧದಿಂದ ಗಳಿಸಿದ ಆದಾಯ ಕೇವಲ 100 ಕೋಟಿ ರೂ. ಆಗಿದೆ. ಮದ್ಯ ತಯಾರಕರು ಲಂಚ ನೀಡಿ ಗಳಿಸಿದ ಲಾಭವೂ ಇದರಲ್ಲಿ ಸೇರಿದೆ ಎಂದು ಹೇಳಲಾಗಿದೆ.
ಹಣದ ಸಂಪೂರ್ಣ ಜಾಡು ಹಿಡಿಯಲಾಗುತ್ತಿದೆ ಎಂದು ASG ರಾಜು ತಿಳಿಸಿದರು. ಗೋವಾಕ್ಕೆ ಬಂದಿರುವ ಹಣ 4 ಮಾರ್ಗಗಳ ಮೂಲಕ ಬಂದಿದೆ. ಗೋವಾದ ಆಪ್ ಅಭ್ಯರ್ಥಿಗಳಿಗೂ ಹಣ ಸಿಕ್ಕಿದೆ. ಈ ಆರೋಪಗಳನ್ನು ಖಚಿತಪಡಿಸಲು ನಮ್ಮ ಬಳಿ ಹೇಳಿಕೆ ಮಾತ್ರವಲ್ಲದೆ ಕರೆ ದಾಖಲೆಗಳೂ ಇವೆ ಎಂದು ಅವರು ಹೇಳಿದ್ದಾರೆ.
ಸಿಎಂ ಕೇಜ್ರಿವಾಲ್ ಪರ ವಕೀಲರ ವಾದವೇನು?
ಹಾಗೆಯೇ ನಾವು ಕೇಜ್ರಿವಾಲ್ ಅವರನ್ನು ರಿಮಾಂಡ್‌ಗೆ ನೀಡುವುದಿಲ್ಲ, ಅದಕ್ಕಾಗಿ ನ್ಯಾಯಾಲಯಕ್ಕೆ ಮನವರಿಕೆ ಮಾಡಿಕೊಡಬೇಕು ಎಂದು ಅವರ ಪರ ವಕೀಲ ಸಿಂಘ್ವಿ ಹೇಳಿದ್ದಾರೆ. ಇಲ್ಲಿ ಪಿಎಂಎಲ್‌ಎ ಅಡಿಯಲ್ಲಿ ಪ್ರಕರಣವನ್ನು ಹೇಗೆ ಮಾಡಲಾಗುತ್ತಿದೆ ಎಂಬುದನ್ನು ಇಡಿ ಸಾಬೀತುಪಡಿಸಬೇಕು. ಮಾರ್ಚ್ 2024ರಲ್ಲಿ ಕೇಜ್ರಿವಾಲ್ ಅವರನ್ನು ಬಂಧಿಸಲು ಇಡಿಗೆ ಏನು ಅಗತ್ಯವಿತ್ತು?. ಸಂಪೂರ್ಣ ರಿಮಾಂಡ್ ಅರ್ಜಿಯು ಬಂಧನದ ಲಿಖಿತ ಆಧಾರದ ಕಾಪಿ ಪೇಸ್ಟ್ ಆಗಿದೆ. ಎಸ್‌ಸಿಯ ಹಳೆಯ ನಿರ್ಧಾರವನ್ನು ಉಲ್ಲೇಖಿಸಿ ಕೇಜ್ರಿವಾಲ್ ಅವರ ಬಂಧನ ತಪ್ಪು ಎಂದು ಸಾಬೀತುಪಡಿಸಲು ಸಿಂಘ್ವಿ ಪ್ರಯತ್ನಿಸಿದರು.
50% ಹೇಳಿಕೆಯಲ್ಲಿ ಕೇಜ್ರಿವಾಲ್ ಅವರ ಹೆಸರನ್ನು ಉಲ್ಲೇಖಿಸಲಾಗಿಲ್ಲ ಎಂದು ಸಿಂಘ್ವಿ ಹೇಳಿದರು. 80% ಜನರು ಈ ವಿಷಯದಲ್ಲಿ ಕೇಜ್ರಿವಾಲ್ ಪಾತ್ರವನ್ನು ಉಲ್ಲೇಖಿಸಲಿಲ್ಲ. ಶರತ್ ರೆಡ್ಡಿ ಅವರು ವಿಜಯ್ ನಾಯರ್ ಅವರಿಗೆ ಯಾವುದೇ ಹಣವನ್ನು ನೀಡಿಲ್ಲವೆಂದು ನಿರಾಕರಿಸಿದರು. ಅವರು ಕೇಜ್ರಿವಾಲ್ ಹೆಸರನ್ನು ತೆಗೆದುಕೊಳ್ಳದ ಕಾರಣ ತನಿಖೆಗೆ ಸಹಕರಿಸುತ್ತಿಲ್ಲವೆಂದು ಆರೋಪಿಸಿ ಇಡಿ ಅವರನ್ನು ಬಂಧಿಸಿತು.
ಉಭಯ ಪಕ್ಷಗಳ ವಾದವನ್ನು ಆಲಿಸಿದ ರೂಸ್ ಅವೆನ್ಯೂ ಕೋರ್ಟ್, ಸಿಎಂ ಕೇಜ್ರಿವಾಲ್ ಅವರನ್ನು 5 ದಿನಗಳ ರಿಮಾಂಡ್‌ಗೆ ಕಳುಹಿಸಿದೆ. ಬಂಧನದ ವಿರುದ್ಧ ಈ ಹಿಂದೆ ಸಿಎಂ ಕೇಜ್ರಿವಾಲ್ ಪರವಾಗಿ ಎಸ್‌ಸಿಯಲ್ಲಿ ಅರ್ಜಿ ಸಲ್ಲಿಸಲಾಗಿತ್ತು, ಅದನ್ನು ಹಿಂಪಡೆಯಲಾಗಿದೆ. ವಿಚಾರಣಾ ನ್ಯಾಯಾಲಯದಲ್ಲಿನ ರಿಮಾಂಡ್ ಪ್ರಕ್ರಿಯೆಗಳು ಸುಪ್ರೀಂಕೋರ್ಟ್‌ನಲ್ಲಿನ ವಿಚಾರಣೆಯೊಂದಿಗೆ ಘರ್ಷಣೆಯಾಗುತ್ತಿವೆ. ಆದ್ದರಿಂದ ಅವರು ಅರ್ಜಿಯನ್ನು ಹಿಂಪಡೆದಿದ್ದಾರೆ ಎಂದು ಸಿಎಂ ಪರ ವಕೀಲರು ತಿಳಿಸಿದ್ದಾರೆ.
ಇದನ್ನೂ ಓದಿ: Air India : ಸಿಬ್ಬಂದಿ ಸುರಕ್ಷಿತ ಮಾರ್ಗ ಉಲ್ಲಂಘನೆ : ಏರ್ ಇಂಡಿಯಾಗೆ ₹ 80 ಲಕ್ಷ ದಂಡ
ಕನ್ನಡ ಭಾಷೆಯಲ್ಲಿ ಇತ್ತೀಚಿನ ಕರ್ನಾಟಕ, ದೇಶ, ವಿದೇಶ, ಮನರಂಜನೆ, ಶಿಕ್ಷಣ, ಉದ್ಯೋಗ, ಆರೋಗ್ಯ, ಜೀವನಶೈಲಿ, ಆಧ್ಯಾತ್ಮ, ಕ್ರೀಡೆ, ಕ್ರೈಂ, ವೈರಲ್, ವ್ಯಾಪಾರ, ತಂತ್ರಜ್ಞಾನ ಸುದ್ದಿಗಳನ್ನು ಓದಲು ಈಗಲೇ ನಮ್ಮ ಜೀ ಕನ್ನಡ ನ್ಯೂಸ್ ಮೊಬೈಲ್ ಅಪ್ಲಿಕೇಶನ್ ಡೌನ್ಲೋಡ್ ಮಾಡಿ...
Android Link - https://bit.ly/3AClgDd
Apple Link - https://apple.co/3wPoNgr
ನಮ್ಮ ಸೋಶಿಯಲ್ ಮೀಡಿಯಾ ಪುಟಗಳಿಗೆ ಸಬ್ ಸ್ಕ್ರೈಬ್ ಆಗಲು
Twitter Link - https://bit.ly/3n6d2R8
Facebook Link - https://bit.ly/3Hhqmcj
Youtube Link - https://t.co/lCSPNypK2U
Instagram Link - https://bit.ly/3LyfY2l
Sharechat Link - https://bit.ly/3LCjokI
Threads Link- https://www.threads.net/@zeekannadanews ಲಿಂಕ್ ಗಳ ಮೇಲೆ ಕ್ಲಿಕ್ ಮಾಡಿ
