ನವದೆಹಲಿ: ಮೊದಲೇ ಕರೋನವೈರಸ್ ನಿಂದ ತತ್ತರಿಸಿರುವ ದೇಶದ ಜನತೆಗೆ ಇದೀಗ ಬರ್ಡ್ ಫ್ಲೂ ಕಂಟಕ ಪ್ರಾಯವಾಗಿ ಕಾಡುತ್ತಿದೆ. ಅದಾಗ್ಯೂ ಒಂದು ಒಳ್ಳೆಯ ವಿಷಯವೆಂದರೆ ಇಲ್ಲಿಯವರೆಗೆ ಮಾನವರಲ್ಲಿ ಪಕ್ಷಿ ಜ್ವರ ಹರಡುವ ಸುದ್ದಿ ಬಂದಿಲ್ಲ. ಆದರೆ ಈ ವೈರಸ್ ಮಾನವರಲ್ಲಿ ಹರಡುವುದೇ ಇಲ್ಲ ಎಂಬುದಕ್ಕೆ ಯಾವುದೇ ನಿಖರ ಆಧಾರವಿಲ್ಲ. ಏಕೆಂದರೆ ಈ ಹಿಂದೆ ಮನುಷ್ಯರಿಗೆ ಕೂಡ ಇಂತಹ ವೈರಸ್‌ಗಳಿಂದ ಹಾನಿಯಾಗಿರುವ ಉದಾಹರಣೆಗಳಿವೆ.
ಬರ್ಡ್ ಫ್ಲೂ ವೈರಸ್ ಎಂದರೇನು ?
ಅನೇಕ ರೀತಿಯ ಪಕ್ಷಿ ಜ್ವರಗಳಿವೆ ಮತ್ತು H5N1 ಎಂಬ ಪಕ್ಷಿ ಜ್ವರ ವೈರಸ್ ಕೋಶಗಳ ಮೇಲೆ ಕೆಟ್ಟ ಪರಿಣಾಮ ಬೀರುತ್ತದೆ. ಈ ವೈರಸ್ ಹೆಚ್ಚು ಸಾಂಕ್ರಾಮಿಕವಾಗಿದೆ ಮತ್ತು ಅದರ ಮರಣ ಪ್ರಮಾಣವೂ ತುಂಬಾ ಹೆಚ್ಚಾಗಿದೆ. ಇದನ್ನು ಏವಿಯನ್ ಇನ್ಫ್ಲುಯೆನ್ಸ ಟೈಪ್-ಎ ಎಂಬ ಹೆಸರಿನಿಂದಲೂ ಕರೆಯಲಾಗುತ್ತದೆ. ಈ ವೈರಸ್‌ನ ಮೊದಲ ಪ್ರಕರಣವನ್ನು 1997 ರಲ್ಲಿ ಹಾಂಗ್ ಕಾಂಗ್‌ನಲ್ಲಿ ಬಹಿರಂಗಪಡಿಸಲಾಯಿತು. ಇದರ ನಂತರ ವೈರಸ್ ಏಷ್ಯಾದ ಇತರ ದೇಶಗಳಿಗೆ ಹರಡಿತು ಮತ್ತು ಆಫ್ರಿಕಾ, ಯುರೋಪ್ ಮತ್ತು ಮಧ್ಯಪ್ರಾಚ್ಯದ 50 ಕ್ಕೂ ಹೆಚ್ಚು ದೇಶಗಳಲ್ಲಿ ಈ ವೈರಸ್ ಪ್ರಭಾವ ಕಂಡುಬಂದಿದೆ.
ಇದನ್ನೂ ಓದಿ - Bird Flu : ಗ್ರಿಲ್ಡ್ ಚಿಕನ್ ಸೇಫಾ..? ತಂದೂರಿ ತಿನ್ನಬಹುದಾ..? ಒವನ್ ನಲ್ಲಿ ವೈರಸ್ ಸಾಯುತ್ತಾ..?
ಇದು ಮಾತ್ರವಲ್ಲ, H7N9 ಸಹ ಪಕ್ಷಿ ಜ್ವರ (Bird Flu) ವೈರಸ್ ಆಗಿದೆ ಮತ್ತು ಕಳೆದ ಕೆಲವು ವರ್ಷಗಳಲ್ಲಿ ಈ ವೈರಸ್ ಹಲವು ಜನರಲ್ಲಿ ಕಂಡು ಬಂದಿದೆ. ಇಲ್ಲಿ ಒಂದು ಒಳ್ಳೆಯ ವಿಷಯವೆಂದರೆ ಹೆಚ್ಚಿನ ರೀತಿಯ ಪಕ್ಷಿ ಜ್ವರವು ಮನುಷ್ಯರಿಗೆ ಸೋಂಕು ತರುವುದಿಲ್ಲ. ಅಂತಹ ಪರಿಸ್ಥಿತಿಯಲ್ಲಿ ಭಾರತದಲ್ಲಿ ಪಕ್ಷಿಗಳಲ್ಲಿ ವೇಗವಾಗಿ ಹರಡುವ ಹಕ್ಕಿ ಜ್ವರ ವೈರಸ್ ಮನುಷ್ಯರಿಗೆ ಸೋಂಕು ತಗುಲಿಸುವುದಿಲ್ಲ ಎಂದು ಆಶಿಸಬಹುದು. ಒಂದೊಮ್ಮೆ ಈ ವೈರಸ್ ಮನುಷ್ಯರಿಗೂ ಹರಡಿದ್ದೇ ಆದರೆ ಕರೋನಾವೈರಸ್‌ (Coronavirus)ನೊಂದಿಗೆ ಈ ಡಬಲ್ ದಾಳಿ ಸಾಕಷ್ಟು ಮಾರಕವಾಗಬಹುದು.
ಪಕ್ಷಿ ಜ್ವರದ ಲಕ್ಷಣಗಳು :-
ಒಬ್ಬ ವ್ಯಕ್ತಿಯು H5N1 ವೈರಸ್ ಸೋಂಕಿಗೆ ಒಳಗಾಗಿದ್ದರೆ, ತೀವ್ರ ಲಕ್ಷಣಗಳು ಕಾಣಿಸಿಕೊಳ್ಳಬಹುದು. ಈ ವೈರಸ್ ಮನುಷ್ಯನ ದೇಹವನ್ನು ಪ್ರವೇಶಿಸಿದ ನಂತರ, ಅದರ ಲಕ್ಷಣಗಳು 2-8 ದಿನಗಳಲ್ಲಿ ಕಾಣಿಸಿಕೊಳ್ಳಲು ಪ್ರಾರಂಭಿಸುತ್ತವೆ. ಆದಾಗ್ಯೂ ಕೆಲವೊಮ್ಮೆ ರೋಗಲಕ್ಷಣಗಳು ಕಾಣಿಸಿಕೊಳ್ಳಲು ಎರಡು ವಾರಗಳಿಗಿಂತ ಹೆಚ್ಚು ಸಮಯ ತೆಗೆದುಕೊಳ್ಳಬಹುದು. ಕಾಲೋಚಿತ ಜ್ವರದಲ್ಲಿ ಕೇವಲ 2-3 ದಿನಗಳಲ್ಲಿ ರೋಗಲಕ್ಷಣಗಳು ಕಾಣಿಸಿಕೊಳ್ಳಲಾರಂಭಿಸುತ್ತವೆ ಮತ್ತು ಈ ಲಕ್ಷಣಗಳು H5N1 ನಷ್ಟು ತೀವ್ರವಾಗಿರುವುದಿಲ್ಲ ಎಂದು ಹೇಳಲಾಗುತ್ತದೆ.
ಇದನ್ನೂ ಓದಿ - Bird Flu: ಮಹಾರಾಷ್ಟ್ರದ ನಂತರ ದೆಹಲಿಯಲ್ಲೂ ಆತಂಕ
H5N1 ವೈರಸ್ (ಬರ್ಡ್ ಫ್ಲೂ) ಸೋಂಕಿತ ವ್ಯಕ್ತಿಯು ಈ ಕೆಳಗಿನ ಸಮಸ್ಯೆಗಳನ್ನು ಹೊಂದಿರಬಹುದು, ಇದು ಪಕ್ಷಿ ಜ್ವರದ ಪ್ರಮುಖ ಲಕ್ಷಣಗಳಾಗಿವೆ -
- ಕೆಮ್ಮು - ಒಣ ಕೆಮ್ಮು ಸಾಮಾನ್ಯವಾಗಿ ಸಂಭವಿಸುತ್ತದೆ. ಇದು COVID-19 ನ ಪ್ರಮುಖ ಲಕ್ಷಣವಾಗಿದೆ.
- ನೋಯುತ್ತಿರುವ ಗಂಟಲು - ಕೊರೊನಾವೈರಸ್ ಸೋಂಕಿಗೆ ಒಳಗಾದಾಗಲೂ ಈ ರೋಗಲಕ್ಷಣವು ಪ್ರಮುಖವಾಗಿ ಹೊರಹೊಮ್ಮುತ್ತದೆ.
- 100 ಡಿಗ್ರಿಗಿಂತ ಹೆಚ್ಚಿನ ಜ್ವರ
- ನೆಗಡಿ, ಶೀತ ಸಹ ಪಕ್ಷಿ ಜ್ವರ ಲಕ್ಷಣವಾಗಿದೆ.
- ಸ್ನಾಯುಗಳು, ಕೀಲುಗಳು ಮತ್ತು ಮೂಳೆಗಳಲ್ಲಿನ ನೋವು ಪಕ್ಷಿ ಜ್ವರವನ್ನು ಸೂಚಿಸುತ್ತದೆ
- ತಲೆನೋವು ಮತ್ತು ಎದೆ ನೋವು ಸಹ ಪಕ್ಷಿ ಜ್ವರ ಲಕ್ಷಣಗಳಾಗಿವೆ.
- ಮೂಗಿನ ರಕ್ತಸ್ರಾವವು ಪಕ್ಷಿ ಜ್ವರದ ಲಕ್ಷಣವಾಗಿದೆ
- ಶೀತ ಮತ್ತು ಬೆವರುವುದು, ಬಳಲಿಕೆ ಸಹ ಪಕ್ಷಿ ಜ್ವರ ಲಕ್ಷಣವಾಗಿದೆ ಮತ್ತು ಕರೋನಾ ವೈರಸ್ ಸೋಂಕಿಗೆ ಒಳಗಾದಾಗಲೂ ಮುಖ್ಯ ರೋಗಲಕ್ಷಣವು ಹೊರಹೊಮ್ಮುತ್ತದೆ.
- ಹಸಿವು ಮತ್ತು ಹೊಟ್ಟೆಯ ತೊಂದರೆಗಳಾದ ಅತಿಸಾರವು ಪಕ್ಷಿ ಜ್ವರದ ಲಕ್ಷಣಗಳಾಗಿವೆ.
- ಒಸಡುಗಳಲ್ಲಿ ರಕ್ತಸ್ರಾವ, ನಿದ್ರೆಯಲ್ಲಿ ತೊಂದರೆ ಪಕ್ಷಿ ಜ್ವರ ಲಕ್ಷಣಗಳಾಗಿವೆ
ಕನ್ನಡ ಭಾಷೆಯಲ್ಲಿ ಮತ್ತಷ್ಟು ಸ್ವಾರಸ್ಯಕರ ಸುದ್ದಿಗಳನ್ನು ಓದಲು ನಮ್ಮ ಝೀ ಹಿಂದೂಸ್ತಾನ್ ಕನ್ನಡ ಮೊಬೈಲ್ ಆಪ್ಲಿಕೇಶನ್ ಡೌನ್ಲೋಡ್ ಮಾಡಿ...
Android Link - https://bit.ly/3hDyh4G
Apple Link - https://apple.co/3hEw2hy
ನಮ್ಮ ಸೋಶಿಯಲ್ ಮೀಡಿಯಾ ಪುಟಗಳಿಗೆ ಸಬ್ ಸ್ಕ್ರೈಬ್ ಆಗಲು Twitter, Facebook ಲಿಂಕ್ ಗಳ ಮೇಲೆ ಕ್ಲಿಕ್ಕಿಸಿ.
