ನವದೆಹಲಿ: ಭಾರತ್ ಸಂಚಾರ್ ನಿಗಮ್ ಲಿಮಿಟೆಡ್ (ಬಿಎಸ್ಎನ್ಎಲ್) ದೇಶದ ಮೂಲೆ ಮೂಲೆಯಲ್ಲಿ ಇಂಟರ್ನೆಟ್ ಸೌಲಭ್ಯವನ್ನು ಒದಗಿಸಲು 'ಬುಕ್‌ಮೈಫೈಬರ್' ಪೋರ್ಟಲ್ ಅನ್ನು ಪ್ರಾರಂಭಿಸಿದೆ. ಈ ಪೋರ್ಟಲ್ ಮೂಲಕ ನೀವು ಫೈಬರ್ ಸಂಪರ್ಕಕ್ಕಾಗಿ ಆನ್‌ಲೈನ್‌ನಲ್ಲಿ ಅರ್ಜಿ ಸಲ್ಲಿಸಬಹುದು. ಬಿಎಸ್ಎನ್ಎಲ್ (BSNL) ದೇಶದ ಎಲ್ಲಾ ಟೆಲಿಕಾಂ ವಲಯಗಳಲ್ಲಿ ಪರಿಚಯಿಸಿದೆ, ಇದರಿಂದಾಗಿ ಎಲ್ಲಾ ಗ್ರಾಹಕರು ಈ ಸೌಲಭ್ಯದ ಲಾಭವನ್ನು ಪಡೆದುಕೊಳ್ಳಬಹುದು.
* ನಿಮ್ಮ ಅಗತ್ಯಕ್ಕೆ ಅನುಗುಣವಾಗಿ ಯೋಜನೆಯನ್ನು ಆಯ್ಕೆಮಾಡಿ:
ಈ ಪೋರ್ಟಲ್‌ನಲ್ಲಿ ಇಂಟರ್ಫೇಸ್ ನೀಡಲಾಗಿದೆ, ಇದರಲ್ಲಿ ಅಗತ್ಯವಿರುವ ಎಲ್ಲಾ ಮಾಹಿತಿಯನ್ನು ಭರ್ತಿ ಮಾಡಿದ ನಂತರ, ನಿಮ್ಮ ಸ್ಥಳವನ್ನು ನೀವು ನಮೂದಿಸಬೇಕಾಗುತ್ತದೆ. ಆಗ ಮಾತ್ರ ನೀವು ಅದಕ್ಕೆ ಅರ್ಜಿ ಸಲ್ಲಿಸಬಹುದು. ಬುಕ್‌ಮೈಫೈಬರ್ ಪೋರ್ಟಲ್‌ಗೆ ಭೇಟಿ ನೀಡುವ ಮೂಲಕ ನಿಮ್ಮ ಅಗತ್ಯಕ್ಕೆ ಅನುಗುಣವಾಗಿ ನೀವು ಯೋಜನೆಯನ್ನು ಆಯ್ಕೆ ಮಾಡಬಹುದು.
* ಯಾವುದು ಅತ್ಯಂತ ದುಬಾರಿ ಯೋಜನೆ?
ಬಿಬಿ-ವರ್ಕ್ @ ಹೋಮ್ ಬಿಬಿ ಯೋಜನೆಯಡಿ, ಬಳಕೆದಾರರು 10 ಎಮ್‌ಬಿಪಿಎಸ್ ವೇಗದಲ್ಲಿ 5 ಜಿಬಿ ಇಂಟರ್ನೆಟ್ ಅನ್ನು ಉಚಿತವಾಗಿ ಪಡೆಯುತ್ತಾರೆ. 5 ಜಿಬಿ ಡೇಟಾ ಖಾಲಿಯಾದ ನಂತರ ವೇಗವು 1 ಎಮ್‌ಬಿಪಿಎಸ್ ಆಗಿರುತ್ತದೆ. ಈ ಪೋರ್ಟಲ್‌ನಲ್ಲಿ ಅತ್ಯಂತ ದುಬಾರಿ ಯೋಜನೆಯ ಬೆಲೆ 16,999 ರೂ. ಇದರಲ್ಲಿ ನೀವು ಪ್ರತಿದಿನ 100 ಎಂಬಿಪಿಎಸ್ ವೇಗದಲ್ಲಿ 170 ಜಿಬಿ ಇಂಟರ್ನೆಟ್ ಪಡೆಯುತ್ತೀರಿ ಮತ್ತು ಡೇಟಾ ಮುಗಿದ ನಂತರ, ನೀವು 10 ಎಮ್‌ಬಿಪಿಎಸ್ ವೇಗದಲ್ಲಿ ಇಂಟರ್ನೆಟ್ ಅನ್ನು ಬಳಸಲು ಸಾಧ್ಯವಾಗುತ್ತದೆ.
ಎರಡು ಹೊಸ ಜಬರ್ದಸ್ತ್ ಯೋಜನೆಗಳನ್ನು ಆರಂಭಿಸಿದ BSNL
* ಈ ರೀತಿ ಅಪ್ಲೈ ಮಾಡಿ:
ನಿಮ್ಮ ಮನೆಯಲ್ಲಿ ಈ ಬ್ರಾಡ್‌ಬ್ಯಾಂಡ್ ಇಂಟರ್ನೆಟ್ ಪಡೆಯಲು ನೀವು ಬಯಸಿದರೆ ಇದಕ್ಕಾಗಿ ನೀವು ಮೊದಲು ಅಧಿಕೃತ ಸೈಟ್ http://bookmyfiber.bsnl.co.in/ ಗೆ ಹೋಗಬೇಕು. ಈ ಲಿಂಕ್‌ಗೆ ಭೇಟಿ ನೀಡಿದ ನಂತರ ನಿಮ್ಮ ಮುಂದೆ ಒಂದು ಪುಟ ತೆರೆಯುತ್ತದೆ. ಇಲ್ಲಿ ನಿಮ್ಮ ಸ್ಥಳ, ಪಿನ್ ಕೋಡ್, ಹೆಸರು, ಮೊಬೈಲ್ ಸಂಖ್ಯೆ, ಮೇಲ್ ಐಡಿಯನ್ನು ನೀವು ಭರ್ತಿ ಮಾಡಬೇಕು.
* ಒಟಿಪಿ ನಮೂದಿಸಿ:
ಇದರ ನಂತರ, ನೀವು ನಿಮ್ಮ ನೋಂದಾಯಿತ ಮೊಬೈಲ್ ಸಂಖ್ಯೆಯಲ್ಲಿ ಪಡೆಯುವ ಒಟಿಪಿ ಅನ್ನು ನಮೂದಿಸಿ, ಅದರ ನಂತರ ನಿಮ್ಮ ಪ್ರದೇಶದಲ್ಲಿ ಇರುವ ಯೋಜನೆಯ ಬಗ್ಗೆ ತಿಳಿಯಲು ನಿಮಗೆ ಸಾಧ್ಯವಾಗುತ್ತದೆ. ಬಳಿಕ ನಿಮ್ಮ ಅನುಕೂಲಕ್ಕೆ ಅನುಗುಣವಾಗಿ, ಯೋಜನೆಯನ್ನು ಆಯ್ಕೆಮಾಡಿ ಮತ್ತು ಸ್ಥಳದ ಮೇಲೆ ಕ್ಲಿಕ್ ಮಾಡಿ ಮತ್ತು ಅದನ್ನು ಸಲ್ಲಿಸಿ. ಈಗ ನೋಂದಣಿಯ ನಂತರ, ಕಂಪನಿಯು ನಿಮ್ಮನ್ನು ಸಂಪರ್ಕಿಸಿ ನಿಗದಿತ ಸ್ಥಳದಲ್ಲಿ ಸಂಪರ್ಕವನ್ನು ಸ್ಥಾಪಿಸಲಾಗುತ್ತದೆ.
ಪೋರ್ಟಲ್ ಸುಲಭವಾಗಿ ನ್ಯಾವಿಗೇಟ್ ಮಾಡಲು ಇಂಟರ್ಫೇಸ್ ಹೊಂದಿದೆ. ವಿಳಾಸವನ್ನು ಟೈಪ್ ಮಾಡುವ ಬದಲು, ನೀವು ಪಾಯಿಂಟರ್ ಅನ್ನು ಅದರ ಸರಿಯಾದ ಸ್ಥಳಕ್ಕೆ ಎಳೆಯಬಹುದು. ಹೀಗೆ ಮಾಡುವ ಮೂಲಕ ವಿಳಾಸವು ಪೆಟ್ಟಿಗೆಯಲ್ಲಿ ಕಾಣಿಸುತ್ತದೆ. ಗ್ರಾಹಕರು ರಾಜ್ಯ, ಪಿನ್ ಕೋಡ್, ಹೆಸರು, ಮೊಬೈಲ್ ಸಂಖ್ಯೆ ಮತ್ತು ಇಮೇಲ್ ನಂತಹ ಮಾಹಿತಿಯನ್ನು ಭರ್ತಿ ಮಾಡಬೇಕು.
