ನವದೆಹಲಿ : ಗುಜರಾತ್ನ್ ನೂತನ ಶಾಸಕ ಮತ್ತು ದಲಿತ ನಾಯಕ ಜಿಗ್ನೇಶ್ ಮೇವಾಣಿ ಅವರು ಮಂಗಳವಾರ ಭಾಗವಹಿಸಬೇಕಿದ್ದ ಸಾರ್ವಜನಿಕ ಸಭೆಗೆ ದೆಹಲಿ ಪೊಲೀಸರು ಅನುಮತಿ ನಿರಾಕರಿಸಿದ್ದಾರೆ.
ಸೆಕ್ಷನ್ 144 ರ ಅಡಿಯಲ್ಲಿ ಸಭೆಗೆ ಅನುಮತಿಯನ್ನು ನಿರಾಕರಿಸಿದ್ದು, ಮುಂದಿನ ದಿನಗಳಲ್ಲಿ ಗಣರಾಜ್ಯೋತ್ಸವ ಇರುವುದರಿಂದ ರಾಷ್ಟ್ರ ರಾಜಧಾನಿಯಲ್ಲಿ ಕಾನೂನು ಮತ್ತು ಸುವ್ಯವಸ್ಥೆಯನ್ನು ಕಾಪಾಡಿಕೊಳ್ಳಲು ಈ ನಿರ್ಧಾರ ತೆಗೆದುಕೊಳ್ಳಲಾಗಿದೆ ಎಂದು ಪೊಲೀಸ್ ಮೂಲಗಳು ತಿಳಿಸಿವೆ.
ನಿಗದಿತ ಸಾರ್ವಜನಿಕ ಸಭೆಯಲ್ಲಿ ಭೂಮಿ, ಘನತೆ ಮತ್ತು ಶಿಕ್ಷಣ ಮುಂತಾದ ಸಮಸ್ಯೆಗಳನ್ನು ಜಿಗ್ನೀಶ್ ಎತ್ತಿಹಿಡಿಯುವ ಸಾಧ್ಯತೆಯಿತ್ತು.
One day to #YuvaRally
Hear youth leaders Jignesh Mevani from Gujarat, Akhil Gogoi from Assam, Manoj Manzil from Bihar, Pooja Shukla from Lucknow - all incarcerated for raising issues of land, dignity, education - tomorrow at Parliament street 12 noon onwards#FreeChandrashekhar pic.twitter.com/xMycJjxYTs
— Shehla Rashid (@Shehla_Rashid) January 8, 2018
ಈ ಹಿಂದೆ, ಜನವರಿ 4 ರಂದು ಮುಂಬೈ ಪೊಲೀಸರು ಮೇವಾನಿ ಮತ್ತು ಜೆಎನ್ಯು ವಿದ್ಯಾರ್ಥಿ ಉಮರ್ ಖಾಲಿದ್ ಭಾಗವಹಿಸಲಿದ್ದ ಸಾರ್ವಜನಿಕ ಸಭೆಗೆ ಅನುಮತಿ ನಿರಾಕರಿಸಿದ್ದರು. ಇದರಿಂದಾಗಿ ಸಭೆಗೆ ಅನುಮತಿ ನಿರಾಕರಿಸಿದ ಪೋಲೀಸರ ವಿರುದ್ಧ ಘೋಷಣೆಗಳನ್ನು ಕೂಗಿ ಪ್ರತಿಭಟನೆ ನಡೆಸಿದ ವಿದ್ಯಾರ್ಥಿಗಳನ್ನೂ ಪೊಲೀಸರು ಬಂಧಿಸಿದ್ದರು.
Had booked Bhaidas Hall for All India National Students' Summit here today, but now we are being denied entry. Reason police is citing is the news doing the rounds about Umar Khalid and Jignesh Mewani for the past few days: Sagar Bhalerao (Chhatra Bharati,VP), Organiser #Mumbai pic.twitter.com/4Fg3mSP6wq
— ANI (@ANI) January 4, 2018
ಅಲ್ಲದೆ, ಸಭೆಯ ಸಂಘಕರಾದ ಚಂದ್ರ ಭಾರತಿಯ ಅಧ್ಯಕ್ಷ ಸಚಿನ್ ಬನ್ಸೋಡ್, ಉಪಾಧ್ಯಕ್ಷ ಸಾಗರ್ ಭಲೇರಾವ್ ಮತ್ತು ಎಂಎಲ್'ಸಿ ಕಪಿಲ್ ಅವರನ್ನು ಪೊಲೀಸರು ಬಂಧಿಸಿದ್ದಾರೆ.
ಅಲ್ಲದೆ, ಡಿಸೆಂಬರ್ 31 ರಂದು ಪುಣೆನಲ್ಲಿ ನಡೆದ ಕಾರ್ಯಕ್ರಮದಲ್ಲಿ 'ಪ್ರಚೋದನಕಾರಿ' ಭಾಷಣ ನೀಡಿದ್ದಾರೆ ಎಂದು ಆರೋಪಿಸಿ ಮೆವಾನಿ ಮತ್ತು ಖಲೀದ್ ವಿರುದ್ಧ ದೂರು ದಾಖಲಾಗಿರುವುದಾಗಿ ಪುಣೆ ಪೊಲೀಸರು ತಿಳಿಸಿದ್ದಾರೆ.
