MiG21 Crash: ಜೈಸಲ್ಮೇರ್ ಬಳಿ ಭಾರತೀಯ ವಾಯುಸೇನೆಯ MiG-21 ಫೈಟರ್ ಜೆಟ್ ಕ್ರ್ಯಾಶ್, ಪೈಲೆಟ್ ಸಾವು

MiG21 Crash - ಭಾರತೀಯ ವಾಯುಪಡೆಯ ಮಿಗ್-21 ವಿಮಾನ ಜೈಸಲ್ಮೇರ್‌ನಲ್ಲಿ ಅಪಘಾತಕ್ಕೀಡಾಗಿದೆ. ಮಾಹಿತಿಯ ಪ್ರಕಾರ, ಗಂಗಾ ಗ್ರಾಮದ ಬಳಿಯ DNP ಪ್ರದೇಶದಲ್ಲಿ ಸಂಜೆ ಈ ಅಪಘಾತ ಸಂಭವಿಸಿದೆ.

MiG21 Crash (File Photo)

ಜೈಪುರ: MiG21 Crash - ಭಾರತೀಯ ವಾಯುಪಡೆಗೆ (Indian Air Force) ಮತ್ತೊಂದು ಆಘಾತವಾಗಿದೆ. ಸೇನೆಯ MiG-21 ವಿಮಾನ ರಾಜಸ್ಥಾನದ (Rajasthan) ಜೈಸಲ್ಮೇರ್‌ನಲ್ಲಿ (Jaisalmer)  ಅಪಘಾತಕ್ಕೀಡಾಗಿದೆ. ದೊರೆತ ಮಾಹಿತಿಯ ಪ್ರಕಾರ, ಗಂಗಾ ಗ್ರಾಮದ ಬಳಿಯ DNP ಪ್ರದೇಶದಲ್ಲಿ ಈ ಅಪಘಾತ ಸಂಭವಿಸಿದೆ. ಪೊಲೀಸ್ ಪಡೆ, ಅಗ್ನಿಶಾಮಕ ದಳ ಮತ್ತು ಆಡಳಿತದ ಉನ್ನತ ಅಧಿಕಾರಿಗಳು ಸ್ಥಳಕ್ಕೆ ಧಾವಿಸಿದ್ದಾರೆ.

A MiG-21 fighter aircraft of the Indian Air Force crashed today evening near Jaisalmer, Rajasthan. Till last reports came in, a search was on for the pilot: Sources

— ANI (@ANI) December 24, 2021

ರಾಷ್ಟ್ರೀಯ ಉದ್ಯಾನವನ ಪ್ರದೇಶದ ಬಳಿ ಇರುವ ಮರಭೂಮಿಯಲ್ಲಿ ಈ ವಿಮಾನ ಅಪಘಾತ ಸಂಭವಿಸಿದೆ ಎಂದು ಜೈಸಲ್ಮೇರ್ ಪೊಲೀಸ್ ವರಿಷ್ಠಾಧಿಕಾರಿ ಅಜಯ್ ಸಿಂಗ್ ಸುದ್ದಿ ಸಂಸ್ಥೆ ಪಿಟಿಐಗೆ ತಿಳಿಸಿದ್ದಾರೆ. ಹಿರಿಯ ಪೊಲೀಸ್ ಅಧಿಕಾರಿಯ ಪ್ರಕಾರ, ಈ ಸ್ಥಳವು ಸ್ಯಾಮ್ ಪೊಲೀಸ್ ಠಾಣೆಯ ವ್ಯಾಪ್ತಿಗೆ ಬರುತ್ತದೆ. ಮಾಹಿತಿ ಪಡೆದ ತಕ್ಷಣ ಸ್ಥಳೀಯ ಪೊಲೀಸರು ಸ್ಥಳಕ್ಕೆ ಧಾವಿಸಿದ್ದಾರೆ ಎಂದು ಪೊಲೀಸ್ ವರಿಷ್ಠಾಧಿಕಾರಿ ತಿಳಿಸಿದ್ದಾರೆ. ತಾವೂ ಕೂಡ ಸ್ಥಳಕ್ಕೆ ಧವಿಸಿರುವುದಾಗಿ ಅವರು  ಹೇಳಿದ್ದಾರೆ. 

ಅಪಘಾತದಲ್ಲಿ ಪೈಲಟ್ ಸಾವನ್ನಪ್ಪಿದ್ದಾರೆ
ಬಲ್ಲ ಮೂಲಗಳು ನೀಡಿರುವ ಮಾಹಿತಿ ಪ್ರಕಾರ ಈ ಅಪಘಾತದಲ್ಲಿ (MiG21 Crash) ಪೈಲಟ್ ಮೃತಪಟ್ಟಿದ್ದಾನೆ ಎನ್ನಲಾಗಿದೆ.  ಶೋಧ ತಂಡವು ಪೈಲಟ್‌ನ ದೇಹವನ್ನು ಹೊರತೆಗೆದಿದೆ ಆದರೆ ದೇಹ ಬೆಂಕಿಯಲ್ಲಿ ತೀವ್ರವಾಗಿ ಸುಟ್ಟುಹೋದ ಕಾರಣ ಅವರನ್ನು ಉಳಿಸಲು ಸಾಧ್ಯವಾಗಿಲ್ಲ. ಮಾಹಿತಿಯ ಪ್ರಕಾರ, ಭಾರತ-ಪಾಕಿಸ್ತಾನ ಗಡಿಯ (Indo-Pak Border) ಪಕ್ಕದಲ್ಲಿರುವ ಜೈಸಲ್ಮೇರ್‌ನಲ್ಲಿ ಈ ಅಪಘಾತ ಸಂಭವಿಸಿದೆ. ಹವಾಮಾನ ವೈಪರೀತ್ಯ ಅಥವಾ ತಾಂತ್ರಿಕ ದೋಷವೇ ಇದಕ್ಕೆ ಕಾರಣವಾದರೂ ನಂತರ ತನಿಖೆ ನಡೆಸಲಾಗುವುದು. ಸದ್ಯ ಸ್ಥಳದಲ್ಲಿ ರಕ್ಷಣಾ ಕಾರ್ಯಾಚರಣೆ ನಡೆಸಲಾಗುತ್ತಿದೆ.

ಇದನ್ನೂ ಓದಿ-BofA Alert: ಮುಂದಿನ ಆರ್ಥಿಕ ವರ್ಷದ ಕುರಿತು BofA ಭವಿಷ್ಯವಾಣಿ, ಹೇಳಿದ್ದೇನು?

ಕುನ್ನೂರ್ ಅಪಘಾತದಲ್ಲಿ CDS ತನ್ನ ಪ್ರಾಣ ಕಳೆದುಕೊಂಡಿದ್ದರು
ಇತ್ತೀಚೆಗಷ್ಟೇ ದೇಶದ ಮೊದಲ CDS ಜನರಲ್ ಬಿಪನ್ ರಾವತ್ ಅವರ ಹೆಲಿಕಾಪ್ಟರ್ ಕುನ್ನೂರಿನಲ್ಲಿ ಅಪಘಾತಕ್ಕೀಡಾಗಿದ್ದು, ರಾವತ್ ಅವರ ಪತ್ನಿ ಸೇರಿದಂತೆ 14 ಜನರು ಸಾವನ್ನಪ್ಪಿದ್ದರು. ಈ ಅಪಘಾತದ ಬಗ್ಗೆ ವಾಯುಪಡೆಯಿಂದ ಉನ್ನತ ಮಟ್ಟದ ತನಿಖೆ ನಡೆಯುತ್ತಿದೆ. ಮಿಗ್ ವಿಮಾನಗಳಲ್ಲಿ ಈ ಹಿಂದೆಯೂ ಇಂತಹ ಅಪಘಾತಗಳು ಸಂಭವಿಸಿದ್ದು, ಅವುಗಳ ಸುರಕ್ಷತೆಯ ಬಗ್ಗೆ ಹಲವು ಬಾರಿ ಪ್ರಶ್ನೆಗಳು ಎದ್ದಿವೆ.

ಇದನ್ನೂ ಓದಿ-Motercycle ಖರೀದಿಸಬೇಕೆ? ಹಾಗಾದರೆ ಈ ಸುದ್ದಿ ಓದಿ, ಲಾಭ ನಿಮ್ಮದಾಗಿಸಿಕೊಳ್ಳಿ

ಇದಕ್ಕೂ ಮೊದಲು ನವೆಂಬರ್‌ನಲ್ಲಿ ಅರುಣಾಚಲ ಪ್ರದೇಶದಲ್ಲಿ ಮಿಗ್ -21 ವಿಮಾನ (Mig Fighter Aircraft) ಪತನಗೊಂಡಿತ್ತು ಆದರೆ ಪೈಲಟ್ ಸುರಕ್ಷಿತವಾಗಿ ಹೊರಬರುವಲ್ಲಿ ಯಶಸ್ವಿಯಾಗಿದ್ದರು. ರಾಜಸ್ಥಾನದ ಬಾರ್ಮರ್‌ನಲ್ಲಿ ಇದೇ ರೀತಿಯ ಘಟನೆ ನಡೆದಿದ್ದು, ಪೈಲಟ್‌ನ ಜೀವ ಉಳಿಸಲಾಗಿದೆ. 1964 ರಲ್ಲಿ, ಈ ವಿಮಾನವನ್ನು ಮೊದಲ ಸೂಪರ್ಸಾನಿಕ್ ಫೈಟರ್ ಜೆಟ್ ಆಗಿ ವಾಯುಪಡೆಗೆ ಸೇರಿಸಲಾಗಿದೆ. ಆರಂಭಿಕ ಜೆಟ್‌ಗಳನ್ನು ರಷ್ಯಾದಲ್ಲಿ ತಯಾರಿಸಲಾಗಿವೆ ಮತ್ತು ನಂತರ ಭಾರತವು ಈ ವಿಮಾನವನ್ನು ಜೋಡಿಸುವ ಹಕ್ಕುಗಳು ಮತ್ತು ತಂತ್ರಜ್ಞಾನವನ್ನು ಪಡೆದುಕೊಂಡಿದೆ. ಅಂದಿನಿಂದ, 1971 ರ ಇಂಡೋ-ಪಾಕ್ ಯುದ್ಧ, 1999 ರ ಕಾರ್ಗಿಲ್ ಯುದ್ಧ ಸೇರಿದಂತೆ ಹಲವು ಸಂದರ್ಭಗಳಲ್ಲಿ MiG-21 ಪ್ರಮುಖ ಪಾತ್ರ ವಹಿಸಿದೆ. ರಷ್ಯಾ 1985 ರಲ್ಲಿ ಈ ವಿಮಾನ ತಯಾರಿಕೆಯನ್ನು ನಿಲ್ಲಿಸಿದೆ. ಆದರೆ ಭಾರತವು ಅದರ ನವೀಕರಿಸಿದ ರೂಪಾಂತರವನ್ನು ಬಳಸುತ್ತಿದೆ.