ಟ್ರಾಫಿಕ್ ಪೋಲಿಸ್ ಜೊತೆಗಿನ ವಾಗ್ವಾದದ ನಂತರ ಹೃದಯಾಘಾತದಿಂದ ಟೆಕ್ಕಿ ಸಾವು

ಸಾಂದರ್ಭಿಕ ಚಿತ್ರ

ನವದೆಹಲಿ:  ಸಂಚಾರ ನಿಯಮ ಉಲ್ಲಂಘನೆ ಬಗ್ಗೆ ಟ್ರಾಫಿಕ್ ಪೋಲಿಸ್ ರೊಂದಿಗಿನ ವಾಗ್ವಾದದ ನಂತರ 35 ವರ್ಷದ ಸಾಫ್ಟ್ ವೇರ್ ಇಂಜನಿಯರ್ ನೋಯಿಡಾದಲ್ಲಿ ಹೃದಯಾಘಾತದಿಂದಾಗಿ ಮೃತಪಟ್ಟಿದ್ದಾರೆ ಎಂದು ಅವರ ತಂದೆ ಆರೋಪಿಸಿದ್ದಾರೆ.

ಈ ಘಟನೆ ದೆಹಲಿ ಸಮೀಪದ ಗಾಜಿಯಾಬಾದ್‌ನಲ್ಲಿ ಭಾನುವಾರ ಸಂಜೆ ನಡೆದಿದ್ದು, ಇದರಲ್ಲಿ ಭಾಗಿಯಾಗಿರುವ ಸಂಚಾರ ಪೊಲೀಸ್ ಸಿಬ್ಬಂದಿ ಆ ಜಿಲ್ಲೆಯವರು ಎಂದು ನೋಯ್ಡಾ ಪೊಲೀಸರು ತಿಳಿಸಿದ್ದಾರೆ. 35 ವರ್ಷದ ಸಾಫ್ಟ್‌ವೇರ್ ಕಂಪನಿಯಲ್ಲಿ ಕೆಲಸ ಮಾಡುತ್ತಿದ್ದ. ಮಧುಮೇಹ ರೋಗಿಯಾಗಿದ್ದ ಈ ವ್ಯಕ್ತಿ ತನ್ನ ಪೋಷಕರೊಂದಿಗೆ ಕಾರಿನಲ್ಲಿದ್ದಾಗ, ಗಾಜಿಯಾಬಾದ್‌ನ ಸಿಐಎಸ್‌ಎಫ್ ಕಟ್ ಬಳಿ ತಪಾಸಣೆ ನಡೆಸಲು ಸಂಚಾರ ಪೊಲೀಸರು ತಡೆದರು ಎಂದು ಅಧಿಕಾರಿಗಳು ತಿಳಿಸಿದ್ದಾರೆ. 

ನೂತನ ಕಠಿಣ ಮೋಟಾರು ವಾಹನ ಕಾಯ್ದೆಯಡಿಯಲ್ಲಿ ಕಾರನ್ನು ತಪಾಸಣೆ ನಡೆಸುವ ಹೆಸರಿನಲ್ಲಿ ಟ್ರಾಫಿಕ್ ಪೊಲೀಸರು ಕಾಯ್ದೆಯನ್ನು ದುರೂಪಯೋಗಪಡಿಸಿಕೊಂಡಿದ್ದಾರೆ ಎಂದು ಮೃತ ವ್ಯಕ್ತಿಯ 65 ವರ್ಷದ ತಂದೆ ಆರೋಪಿಸಿದ್ದಾರೆ.

"ಯಾವುದಕ್ಕೂ ಒಂದು ಮಾರ್ಗವಿರಬೇಕು. ಸಂಚಾರ ನಿಯಮಗಳನ್ನು ಬದಲಾಯಿಸಿರುವುದು ಒಳ್ಳೆಯದು. ಒಬ್ಬರು (ಪೊಲೀಸರು) ಸಭ್ಯರಾಗಿರಬೇಕು ಮತ್ತು ಯಾರಾದರೂ ತಮ್ಮ ವಾಹನವನ್ನು ತಪಾಸಣೆಗಾಗಿ ಎಳೆಯುವಂತೆ ಕೇಳಿಕೊಳ್ಳಬೇಕು. ಇದು ದುಡುಕಿನ ಚಾಲನೆಗೆ ಸಂಬಂಧಿಸಿದ ವಿಚಾರವಲ್ಲ. ಕಾರಿನೊಳಗೆ ಇಬ್ಬರು ವೃದ್ಧರು ಕುಳಿತಿದ್ದರು, ಆದರೂ ಅವರು ಕಾರನ್ನು ಲಾಠಿಗಳಿಂದ ಹೊಡೆದರು...ಇದು ಪರೀಕ್ಷಿಸುವ ವಿಧಾನವಲ್ಲ. ಈ ರೀತಿ ಯಾವ ನಿಯಮವೂ ಕೂಡ ಅನುಮತಿ ನೀಡುವುದಿಲ್ಲ 'ಎಂದು ವ್ಯಕ್ತಿಯ ತಂದೆ ಹೇಳಿದರು.

ಇದೇ ವೇಳೆ ಮಾಧ್ಯಮದ ವರದಿ ಆಧಾರಿಸಿ ಆಂತರಿಕ ತನಿಖೆ ನಡೆಸಿದ ನೋಯಿಡಾ ಪೊಲೀಸರು 'ವಿಚಾರಣೆಯ ನಂತರ ಮೃತ ವ್ಯಕ್ತಿಯು ಮಧುಮೇಹದಿಂದ ಬಳಸುತ್ತಿದ್ದ  ಮತ್ತು ಹೃದಯಾಘಾತದಿಂದ ಸಾವನ್ನಪ್ಪಿದ್ದಾನೆ ಎಂದು ತಿಳಿದುಬಂದಿದೆ. ಘಟನೆಯ ಸ್ಥಳವು ಗಾಜಿಯಾಬಾದ್ ಜಿಲ್ಲೆಯ ಸಿಐಎಸ್ಎಫ್ ಕಟ್ ಬಳಿ ಇತ್ತು. ಇದು ಸಂಜೆ 6 ಗಂಟೆಗೆ ಸಂಭವಿಸಿದೆ" ಎಂದು ಗೌತಮ್ ಬುದ್ಧ ನಗರ ಹಿರಿಯ ಅಧೀಕ್ಷಕ ಪೊಲೀಸ್ ವೈಭವ್ ಕೃಷ್ಣ ಹೇಳಿದರು. ಈ ಮಾಹಿತಿಯನ್ನು ಗಾಜಿಯಾಬಾದ್ ಪೊಲೀಸರಿಗೆ ತಲುಪಿಸಲಾಗಿದೆ ಎಂದು ಅವರು ಹೇಳಿದರು.