ನವದೆಹಲಿ: ನಿರಂತರ ಸುರಿಯುತ್ತಿರುವ ಭಾರಿ ಮಳೆಯಿಂದಾಗಿ ಬಿಹಾರದಲ್ಲಿ ಜನರ ಬದುಕು ಅಕ್ಷರಶಃ ಈಗ ನೀರಿನಲ್ಲಿ ನಿಂತಿದೆ.ಈಗ ಸಾಮಾಜಿಕ ಮಾಧ್ಯಮದಲ್ಲಿ ವೈರಲ್ ಆಗಿರುವ ವಿಡಿಯೋವೊಂದರಲ್ಲಿ ಸೈಕಲ್ ರಿಕ್ಷಾ ಎಳೆಯುವ ವ್ಯಕ್ತಿಯೊಬ್ಬ ನೀರಿನಲ್ಲಿ ಸಿಕ್ಕ ರಿಕ್ಷಾಗೊಸ್ಕರ್ ಕಣ್ಣೀರಿಡುತ್ತಿರುವ ದೃಶ್ಯ ಸೆರೆಯಾಗಿದೆ.
ಅಪಾರ್ಟ್ಮೆಂಟ್ ಬಾಲ್ಕನಿಯಿಂದ ಸೆರೆಹಿಡಿಯಲಾದ ಈ ವಿಡಿಯೋದಲ್ಲಿ ರಿಕ್ಷಾ-ಎಳೆಯುವವರೊಂದಿಗೆ ಇಬ್ಬರು ವ್ಯಕ್ತಿಗಳು ಮಾತುಕತೆ ನಡೆಸುತ್ತಿದ್ದಾರೆ. ರಿಕ್ಷಾ ಎಳೆಯುವ ವ್ಯಕ್ತಿಯು ಪ್ರವಾಹದ ಮಧ್ಯದಲ್ಲೇ ರಿಕ್ಷಾ ಬಿಡುವ ಯೋಚನೆಯಲ್ಲಿದ್ದಾನೆ.
Reports of heavy rainfall and flood like situation coming in from PATNA.hope all of you are safe!!!
— manoj bajpayee (@BajpayeeManoj) September 29, 2019
ಈ ಸಂದರ್ಭದಲ್ಲಿ ಕಣ್ಣೀರಿಡುತ್ತಾ ರಿಕ್ಷಾ ಎಳೆಯುವ ವ್ಯಕ್ತಿಯನ್ನು ಸಮಾಧಾನ ಮಾಡಿಸುವ ಮತ್ತು ಅವನಿಗೆ ಸಹಾಯ ಹಸ್ತ ನೀಡಲು ಮಾತನಾಡುತ್ತಿರುವ ದೃಶ್ಯ ಸೆರೆಯಾಗಿದೆ. ಈ ವೀಡಿಯೋದಲ್ಲಿ ರೆಕಾರ್ಡ್ ಮಾಡುವವರು ರಿಕ್ಷಾವನ್ನು ತಮ್ಮ ಮನೆಯ ಬಳಿ ನಿಲ್ಲಿಸುವಂತೆ ಹೇಳುತ್ತಿದ್ದಾರೆ. ಆದರೆ ಆ ವ್ಯಕ್ತಿ ರಿಕ್ಷಾವನ್ನು ಅಲ್ಲಿ ಬಿಡದೆ ಪ್ರವಾಹದಲ್ಲೇ ಎಳೆಯುತ್ತಿರುವ ಪ್ರಯತ್ನ ಮುಂದುವರೆದಿದ್ದಾನೆ. ಅವನ ಜೀವನಕ್ಕೆ ಇದೊಂದೆ ಆಧಾರ ಎಂದು ಆತನು ಹೇಳುತ್ತಿರುವ ದೃಶ್ಯ ವಿಡಿಯೋದಲ್ಲಿ ಸೆರೆಯಾಗಿದೆ.
