ತಿರುಪತಿ ಭಕ್ತರ ಗಮನಕ್ಕೆ..! ಈ ದಿನದಂದು ದೇವಸ್ಥಾನದ ಬಾಗಿಲು ಮುಚ್ಚಲಾಗುತ್ತದೆ

Tirumala Temple close : ಈ ತಿಂಗಳ 28ರ ರಾತ್ರಿ ಭಾಗಶಃ ಚಂದ್ರಗ್ರಹಣದಿಂದಾಗಿ ತಿರುಮಲ ಶ್ರೀವಾರಿ ದೇವಸ್ಥಾನವನ್ನು ಮುಚ್ಚಲಾಗುವುದು. 29ರಂದು ಚಂದ್ರಗ್ರಹಣ ಮುಗಿದ ಬಳಿಕ ಮತ್ತೆ ತೆರೆಯಲಿದೆ. ಭಕ್ತರು ಇದನ್ನು ಪಾಲಿಸುವಂತೆ ಟಿಟಿಡಿ ಅಧಿಕಾರಿಗಳು ಕೋರಿದ್ದಾರೆ. ಈ ಕುರಿತ ಹೆಚ್ಚಿನ ಮಾಹಿತಿ ಇಲ್ಲಿದೆ..

Tirupati temple news : ಇದು ತಿರುಮಲ ದೇವಸ್ಥಾನಕ್ಕೆ ತೆರಳಲು ಬಯಸಿರುವ ಭಕ್ತರ ಗಮನಕ್ಕೆ. ಅಕ್ಟೋಬರ್ 29 ರ ಮುಂಜಾನೆ ಭಾಗಶಃ ಚಂದ್ರಗ್ರಹಣ ಇರುವುದರಿಂದ ಅದರ ಹಿಂದಿನ ರಾತ್ರಿ ಅಂದ್ರೆ ಅಕ್ಟೋಬರ್ 28 ರಂದು ತಿರುಮಲ ಶ್ರೀವಾರಿ ದೇವಸ್ಥಾನವನ್ನು ಮುಚ್ಚಲಾಗುವುದು ಎಂದು ಟಿಟಿಡಿ ಅಧಿಕಾರಿಗಳು ತಿಳಿಸಿದ್ದಾರೆ.

ಚಂದ್ರ ಗ್ರಹಣದ ಹಿನ್ನೆಲೆ ಅಕ್ಟೋಬರ್ 28 ರಂದು ಸಂಜೆ 7:05ಕ್ಕೆ ದೇವಸ್ಥಾನದ ಬಾಗಿಲು ಮುಚ್ಚಲಾಗುವುದು. ಮರಳಿ ಅಕ್ಟೋಬರ್ 29 ರಂದು 1:05 AM ಮತ್ತು 2:22 AM ನಡುವೆ ಗ್ರಹಣ ಪೂರ್ಣಗೊಂಡ ಬಳಿಕ  ತೆರೆಯಲಾಗುವುದು.

ಇದನ್ನೂ ಓದಿ: ಮದರ್ ತೆರೇಸಾಗೂ ಚಿಕಿತ್ಸೆ ನೀಡಿದ್ದ ಇವರು ದೇಶದ ಶ್ರೀಮಂತ ವೈದ್ಯ! ಈ ಕನ್ನಡಿಗನ ಆಸ್ತಿ 9 ಸಾವಿರ ಕೋಟಿ-ಯಾರು ಗೊತ್ತಾ ವ್ಯಕ್ತಿ?

ಗ್ರಹಣದ ಸಮಯಕ್ಕೆ 6 ಗಂಟೆಗಳ ಮೊದಲು ದೇವಾಲಯದ ಬಾಗಿಲು ಮುಚ್ಚುವುದು ವಾಡಿಕೆ. ಅಕ್ಟೋಬರ್ 29 ರಂದು ಬೆಳಿಗ್ಗೆ 3.15 ಕ್ಕೆ ಶುದ್ಧಿ ಮತ್ತು ಸುಪ್ರಭಾತ ಸೇವೆಯನ್ನು ಖಾಸಗಿಯಾಗಿ ನಡೆಸಿದ ನಂತರ ದೇವಾಲಯದ ಬಾಗಿಲು ತೆರೆಯಲಾಗುತ್ತದೆ. ಚಂದ್ರಗ್ರಹಣದಿಂದಾಗಿ ಎಂಟು ಗಂಟೆಗಳ ಕಾಲ ದೇವಸ್ಥಾನದ ಬಾಗಿಲು ಮುಚ್ಚಲಿದೆ.

ಈ ಕಾರಣದಿಂದ ಅಕ್ಟೋಬರ್ 28 ರಂದು ಸಹಸ್ರ ದೀಪಾಲಂಕಾರ ಸೇವೆ, ಅಂಗವಿಕಲರ ಹಾಗೂ ವಯೋವೃದ್ಧರ ದರ್ಶನವನ್ನು ರದ್ದುಗೊಳಿಸಲಾಗುತ್ತಿದೆ. ಭಕ್ತರು ಇದನ್ನು ಗಮನದಲ್ಲಿಟ್ಟುಕೊಂಡು ತಿರುಮಲ ಯಾತ್ರೆಯನ್ನು ಯೋಜಿಸಲು ಸಲಹೆ ನೀಡಲಾಗಿದೆ.