ಮಹಿಳೆಗೆ ಅಶ್ಲೀಲ ಸಂದೇಶ ಕಳುಹಿಸುತ್ತಿದ್ದ XXX ವಾಟ್ಸಪ್ ಗ್ರೂಪ್ ಅಡ್ಮಿನ್ ಬಂಧನ

ಪದೇ ಪದೇ ಅಶ್ಲೀಲ ಮೆಸೇಜುಗಳು, ವೀಡಿಯೋಗಳು ಬರುತ್ತಿದ್ದುದನ್ನು ಕಂಡ ಮಹಿಳೆ ನಂತರ ಪೊಲೀಸರಿಗೆ ದೂರು ನೀಡಿದ್ದಾರೆ.   

Last Updated : Nov 27, 2018, 05:17 PM IST
ಮಹಿಳೆಗೆ ಅಶ್ಲೀಲ ಸಂದೇಶ ಕಳುಹಿಸುತ್ತಿದ್ದ XXX ವಾಟ್ಸಪ್ ಗ್ರೂಪ್ ಅಡ್ಮಿನ್ ಬಂಧನ title=

ನವದೆಹಲಿ: ವಾಟ್ಸಪ್ ಗ್ರೂಪ್ ನಲ್ಲಿ ಮಹಿಳೆಯ ಮೊಬೈಲ್ ನಂಬರ್ ಸೇರಿಸಿ ಗ್ರೂಪ್ ನಲ್ಲಿ ಅಶ್ಲೀಲ ವೀಡಿಯೋ ಮತ್ತು ಮೆಸೇಜುಗಳನ್ನು ಕಳುಹಿಸುತ್ತಿದ್ದ ಗ್ರೂಪ್ ಅಡ್ಮಿನ್ ನನ್ನು ಮುಂಬೈ ಪೊಲೀಸರು ಬಂಧಿಸಿದ್ದಾರೆ.

ಪಶ್ಚಿಮ ಬಂಗಾಳ ಮೂಲಕದ ಮುಷ್ತಾಕ್ ಅಲಿ ಶೇಕ್(24) ಎಂಬಾತನೇ ಈ ಕೃತ್ಯ ಎಸಗಿದ ವಾಟ್ಸಪ್ ಅಡ್ಮಿನ್. ಈತ Tripple XXX ಎಂಬ ವಾಟ್ಸಪ್ ಗ್ರೂಪ್ ರಚಿಸಿ, ಆ ಗ್ರೂಪ್ ಗೆ ಮಹಿಳೆಯೋರ್ವರ ಮೊಬೈಲ್ ಸಂಖ್ಯೆ ಸೇರಿಸಿದ್ದಾನೆ. ಪದೇ ಪದೇ ಅಶ್ಲೀಲ ಮೆಸೇಜುಗಳು, ವೀಡಿಯೋಗಳು ಬರುತ್ತಿದ್ದುದನ್ನು ಕಂಡ ಮಹಿಳೆ ನಂತರ ಪೊಲೀಸರಿಗೆ ದೂರು ನೀಡಿದ್ದಾರೆ. 

"ಆ ವಾಟ್ಸಪ್ ಗ್ರೂಪ್ ನಲ್ಲಿ 12 ಮಂದಿ ಸದಸ್ಯರಿದ್ದರು. ಆ ಗ್ರೂಪ್ ಅಡ್ಮಿನ್ ಆಗಲೀ, ಇತರ ಸದಸ್ಯರಾಗಲೀ ಯಾರ ಪರಿಚಯವೂ ನನಗಿಲ್ಲ" ಎಂದು ಪೊಲೀಸರಿಗೆ ನೀಡಿದ್ದ ದೂರಿನಲ್ಲಿ ತಿಳಿಸಿದ್ದರು.

ಈ ಪ್ರಕರಣ ಸಂಬಂಧ ತನಿಖೆ ಆರಂಭಿಸಿದ ಪೊಲೀಸರು ಆರೋಪಿ ಕಾರ್ಪೆಂಟರ್ ಮುಷ್ತಾಕ್ ಅಲಿ ಶೇಕ್ ಎಂಬಾತನನ್ನು ಬಂಧಿಸಿದ್ದಾರೆ. ಬಳಿಕ ಆತನ ವಿರುದ್ಧ ಸೆಕ್ಷನ್ 67 ಮತ್ತು 67-A ಅನ್ವಯ ಕೇಸು ದಾಖಲಿಸಿದ್ದು, ತನಿಖೆ ಪ್ರಗತಿಯಲ್ಲಿದೆ. 

Trending News