ಕಾವೇರಿ ಸಂಕಷ್ಟ: ಎರಡು ರಾಜ್ಯಗಳು ಸಂಕಷ್ಟದ ಸೂತ್ರ ಹಂಚಿಕೊಳ್ಳಲಿ: ಸಚಿವ ಎಚ್‌.ಸಿ.ಮಹಾದೇವಪ್ಪ

ಚಾಮರಾಜನಗರ: ಕಾವೇರಿ ಜಲ  ಸಂಕಷ್ಟ ಸಂಬಂಧ ಎರಡೂ ರಾಜ್ಯಗಳು ಸಂಕಷ್ಟ ಸೂತ್ರ ಹಂಚಿಕೊಳ್ಳಬೇಕೆಂದು ಸಚಿವ ಎಚ್‌.ಸಿ.ಮಹಾದೇವಪ್ಪ ಹೇಳಿದರು.

ಗುಂಡ್ಲುಪೇಟೆಯಲ್ಲಿ ಸುದ್ದಿಗಾರರೊಂದಿಗೆ ಅವರು ಮಾತನಾಡಿ, ಈ ಬಾರಿ ಮಳೆ ಪ್ರಮಾಣ ಕಡಿಮೆ ಆಗಿರುವ ಹಿನ್ನೆಲೆ ಎರಡೂ ರಾಜ್ಯದ ರೈತರು ಕಷ್ಟದಲ್ಲಿದ್ದಾರೆ.ಈ ನಡುವೆ ಕೊರ್ಟ್ ತೀರ್ಮಾನಗಳು, ಕಾವೇರಿ ನೀರು ನಿರ್ವಹಣಾ ಪ್ರಾಧಿಕಾರ ಈ ಎಲ್ಲದರ ನಡುವೆ ರೈತರ ಹಿತ ಕಾಪಾಡಬೇಕಿದೆ ಎಂದರು.

ಸಂಕಷ್ಟ ಸೂತ್ರವನ್ನ ಎರಡೂ ರಾಜ್ಯಗಳು ಹಂಚಿಕೊಳ್ಳಬೇಕು, ಕಾವೇರಿ ವಿಚಾರದಲ್ಲಿ ಪರ ವಿರೋಧಕ್ಕಿಂತ ವಸ್ತು ಸ್ಥಿತಿ ಪರಾಮರ್ಶೆ ಮುಖ್ಯ, ನಮ್ಮ ರೈತರ ಹಿತ ಕಾಪಾಡಿಕೊಂಡು ಎರಡೂ ರಾಜ್ಯಗಳು ಸಂಕಷ್ಟವನ್ನ ಎದುರಿಸಬೇಕು ಎಂದು ಹೇಳಿದರು.

ಇದನ್ನೂ ಓದಿ: ಕರ್ನಾಟಕದ ಬಿಜೆಪಿ ಮೇಲೆ ಹೈಕಮಾಂಡ್ ನಾಯಕರು ಎಳ್ಳಷ್ಟೂ ಭರವಸೆ ಇಟ್ಟುಕೊಂಡಿಲ್ಲವೇ?: ಕಾಂಗ್ರೆಸ್ ವ್ಯಂಗ್ಯ

ಕಾವೇರಿ ಪರ ಬಿಜೆಪಿ ಹೋರಾಟ ವಿಚಾರ ಕುರಿತು ಪ್ರತಿಕ್ರಿಯಿಸಿ, ಎಲ್ಲ ಕಾಲದಲ್ಲೂ ಕಾವೇರಿಯನ್ನ ರಾಜಕೀಯಕ್ಕೆ ಬಳಸಿಕೊಂಡಿದ್ದೆ ಹೆಚ್ಚು, ಕಾವೇರಿ ವಿಷಯ ನ್ಯಾಯಾಲಯದಲ್ಲಿ ತೀರ್ಮಾನವಾಗಿದೆ, ನಿರೀಕ್ಷಿತ ಪ್ರಮಾಣದಲ್ಲಿ ಮಳೆಯಾಗಿಲ್ಲ, ನಮ್ಮ ಡ್ಯಾಂಗಳಲ್ಲಿ ನೀರು ಸಂಗ್ರಹವಾಗಿಲ್ಲ, ಹೀಗಾಗಿ ಪರಿಸ್ಥಿತಿಯನ್ನು ಸೂಕ್ಷ್ಮವಾಗಿ ಪರಿಹರಿಸಬೇಕಿದೆ ಎಂದು ಅಭಿಪ್ರಾಯಪಟ್ಟರು.

ವಿಧಾನ ಪರಿಷತ್ ಗೆ ನಾಮನಿರ್ದೇಶಿತ ಸದಸ್ಯರ ಆಯ್ಕೆ ವಿಚಾರದಲ್ಲಿ ದಲಿತ ಸಚಿವರ ಕಡೆಗಣನೆ ಆರೋಪಕ್ಕೆ ಉತ್ತರಿಸಿ,ಕಾಂಗ್ರೆಸ್ ನಲ್ಲಿ ಎಲ್ಲೂ ದಲಿತರ ಕಡೆಗಣನೆ ಆಗಿಲ್ಲ, ಸುದಾಮ್ ದಾಸ್ ಸಹ ದಲಿತರು ನಾವು ಕೆಲವು ಅಭಿಪ್ರಾಯಗಳನ್ನ ಹೈಕಮಾಂಡ್ ಗೆ ಹೇಳಿದ್ದೇವೆ ಅಷ್ಟೇ, ಹೈಕಮಾಂಡ್ ತೀರ್ಮಾನವೇ ಅಂತಿಮ ಎಂದರು.

ಇದನ್ನೂ ಓದಿ: ಗ್ಯಾರಂಟಿ ಯೋಜನೆಗಳು ದೇಶ ಮಾತ್ರವಲ್ಲದೇ ಜಾಗತಿಕ ಮಟ್ಟದಲ್ಲೂ ಗಮನ ಸೆಳೆಯುತ್ತಿವೆ: ಕಾಂಗ್ರೆಸ್

ಇದೇ ವೇಳೆ, ನಮ್ಮ ಸಿದ್ದಾಂತ ಒಪ್ಪಿ ಯಾರು ಬರ್ತಾರೆ ಅವರಿಗೆ ಕಾಂಗ್ರೆಸ್ ಬಾಗಿಲು ತೆರೆದಿದೆ,ಕಾಂಗ್ರೆಸ್ ಎಲ್ಲರ ಪಾರ್ಟಿ, ಸ್ವತಂತ್ರ ತಂದುಕೊಟ್ಟ ಪಾರ್ಟಿ, ನಮ್ಮ ಮೇಲೆ ನಂಬಿಕೆಯಿಟ್ಟು ಬರುವವರಿಗೆ ಸ್ವಾಗತ ಎಂದು ತಿಳಿಸಿದರು.