ಚಾಮರಾಜನಗರದಲ್ಲಿ ಅಬ್ಬರಿಸಿದ ವರುಣ : ನದಿಯಂತಾದ ರಸ್ತೆಗಳು, ಜನ ಜೀವನ ಅಸ್ತವ್ಯಸ್ತ

ಶುಕ್ರವಾರ ಸಂಜೆ 1 ತಾಸಿಗೂ ಅಧಿಕ ಕಾಲ ಸುರಿದ ಮಳೆಯಿಂದಾಗಿ ಚಾಮರಾಜನಗರದ ಎಲ್ಲಾ ರಸ್ತೆಗಳಲ್ಲೂ ಹೊಳೆಯಂತೆ ನೀರು ಹರಿದ ಪರಿಣಾಮ ವಾಹನ ಸವಾರರು ಪರದಾಡಿದರು. ಈ ಕುರಿತ ವರದಿ ಇಲ್ಲಿದೆ ನೋಡಿ..

ಚಾಮರಾಜನಗರ: ವಾಯುಭಾರ ಕುಸಿತ ಹಿನ್ನೆಲೆ ಪೂರ್ವ ಮುಂಗಾರು ಮಳೆ ಚಾಮರಾಜನಗರದಲ್ಲಿ ಅಬ್ಬರಿಸುತ್ತಿದ್ದು ಶುಕ್ರವಾರ ಸಂಜೆ 1 ತಾಸಿಗೂ ಅಧಿಕ ಕಾಲ ಮಳೆಯಾಗಿತು. ಬಿರುಗಾಳಿ, ಗುಡುಗಿನ ಆರ್ಭಟದೊಟ್ಟಿಗೆ ಮಳೆ ಆರಂಭವಾಗಿ ಎಡಬಿಡದೇ ಜೋರು ಮಳೆಯಾಗಿದೆ. ಚಾಮರಾಜನಗರದ ಎಲ್ಲಾ ರಸ್ತೆಗಳಲ್ಲೂ ಹೊಳೆಯಂತೆ ನೀರು ಹರಿದ ಪರಿಣಾಮ ವಾಹನ ಸವಾರರು ಪರದಾಡಿದರು.

ಬೆಂಗಳೂರು- ದಿಂಡಿಗಲ್ ರಾಷ್ಟ್ರೀಯ ಹೆದ್ದಾರಿ ಹಾದುಹೋಗುವ ಚಾಮರಾಜನಗರದ ಸಂತೇಮರಹಳ್ಳಿ ವೃತ್ತದ ರಸ್ತೆಗೆ ಅಡ್ಡಲಾಗಿ ಮರ ಬಿದ್ದ ಪರಿಣಾಮ ವಾಹನ ಸಂಚಾರ ಅಸ್ತವ್ಯಸ್ತವಾಯಿತು. ಮರ ತೆರವು ಕಾರ್ಯಾಚರಣೆ ಮುಗಿಯುವ ತನಕವೂ ಸರಕು ತುಂಬಿದ ಲಾರಿ ಮತ್ತು ಸಾರಿಗೆ ಬಸ್ ಗಳು ಸಂಚರಿಸಲು ಪ್ರಯಾಸ ಪಡಬೇಕಾಯಿತು.

ಇದನ್ನೂ ಓದಿ: ಜಗತ್ತು ತೆವಳುತ್ತಿದ್ದರೆ ಮೋದಿ ಭಾರತ ಓಡುತ್ತಿದೆ: ಕೇಂದ್ರ ಸಚಿವ ಪ್ರಲ್ಹಾದ ಜೋಶಿ

ಮನೆ ಕುಸಿತ: ನಿರಂತರ ಮಳೆಗೆ ಚಾಮರಾಜನಗರ ತಾಲೂಕಿನ ಅಮಚವಾಡಿ ಗ್ರಾಮದಲ್ಲಿ ಲಕ್ಷ್ಮೀ ಎಂಬುವರ ಮನೆ  ಕುಸಿದಿದೆ. ಸದ್ಯ, ಮನೆಯಲ್ಲಿದ್ದವರು ಪ್ರಾಣಾಪಾಯದಿಂದ ಪಾರಾಗಿದ್ದು ಸೂಕ್ತ ಪರಿಹಾರಕ್ಕೆ ಒತ್ತಾಯಿಸಿದ್ದಾರೆ.