ವೀರಭದ್ರೇಶ್ವರ ರಥೋತ್ಸವದ ವೇಳೆ ಕಳಚಿದ ರಥದ ಕಳಸ..! ಇದು ಅಪಶಕುನದ ಸಂಕೇತವೇ?

ವಿಜಯನಗರ : ಹೊಸಪೇಟೆಯಲ್ಲಿ ಸಣ್ಣಕ್ಕಿ ವೀರಭದ್ರೇಶ್ವರ ರಥೋತ್ಸವದ  ರಥದ ಕಳಸ ಕಳಚಿದ ಹಿನ್ನಲೆಯಲ್ಲಿ ಭಕ್ತರಿಗೆ ಆತಂಕ ಎದುರಾಗಿದೆ.

ಒಂದೆಡೆ ಕಳಸ ಕಳಚಿ ಕೆಳಗೆ ಬೀಳುತ್ತಿದ್ದುದ್ದನ್ನು ಗಮನಿಸಿದ ಯುವಕರು ಅದನ್ನು ಮತ್ತೆ ಜೋಡಿಸಿದ ಜೋಡಿಸುವಲ್ಲಿ ಯಶಸ್ವಿಯಾಗಿದ್ದಾರೆ.ಹಾಗಾದರೆ ಈಗ ಈ ಕಳಸ ಬಕಳಚಿ ಬೀಳೋದು ಅಪಶಕುನವಾ ಎನ್ನುವುದು ಭಕ್ತರಲ್ಲಿ ಒಂದು ರೀತಿ ಆತಂಕಕ್ಕೆ ಕಾರಣವಾಗಿದೆ.

ಇದನ್ನೂ ಓದಿ: 'ಒಬ್ಬರ ಮೀಸಲಾತಿಯನ್ನು ಕಿತ್ತು ಇನ್ನೊಬ್ಬರಿಗೆ ಕೊಡುವುದು ಬೇಡ'-ಸಿದ್ದರಾಮಯ್ಯ

ಕಳೆದೆರಡು ವರ್ಷಗಳಿಂದ ಕೊರೊನಾ ಇದ್ದ ಕಾರಣಕ್ಕೆ ರಥೋತ್ಸವ ನಡೆದಿರಲಿಲ್ಲ, ಜೊತೆಗೆ ಈ ಬಾರಿ ಹೊಸ ತೇರು ನಿರ್ಮಾಣ ಮಾಡಿ ಕಳಸ ಕೂಡಿಸಲಾಗಿತ್ತು, ಆದರೆ ಇಂದು ಸಹಸ್ರಾರು ಭಕ್ತರ ಸಮ್ಮುಖದಲ್ಲಿ ನಡೆದ ಸಣ್ಣಕ್ಕಿ ವೀರಭದ್ರೇಶ್ವರ ರಥೋತ್ಸವ ಕಳಚಿ ಬಿಡುವುದು ಎಲ್ಲರಲ್ಲಿಯೂ ಆಂತಕವನ್ನು ಸೃಷ್ಟಿಸಿತ್ತು.

ಇದನ್ನೂ ಓದಿ: "ಬಿಜೆಪಿ ಸರ್ಕಾರ ಸಣ್ಣ ಸಾಲ ತೋರಿಸಿ ದೊಡ್ಡ ಸಾಗರವನ್ನೇ ಕೊಳ್ಳೆ ಹೊಡೆದಿದೆ"

ವಿಜಯನಗರ ಜಿಲ್ಲೆಯ ಹೊಸಪೇಟೆ (Hosapete) ಯ ಟಿಬಿ ಡ್ಯಾಂ ಹತ್ತಿರದಲ್ಲೇ ಈ ಸಣ್ಣಕ್ಕಿ ವೀರಭದ್ರೇಶ್ವರ ದೇವಾಲಯ ಇದೆ.ರಥ ಎಳೆದ ಕೂಡಲೇ ಸುಮಾರು 50 ಮೀಟರ್ ವರೆಗೆ ದೂರ ಹೋಗಿ ಕಳಸ ಕೆಳಗೆ ಬಿದ್ದಿದೆ.ಕಳಸ ಕಟ್ಟುವವರ ನಿರ್ಲಕ್ಷ್ಯದಿಂದ ಈ ಅಚಾತುರ್ಯ ನಡೆದಿದೆ ಭಕ್ತರು ಯಾವುದೇ ಆತಂಕ ಪಡುವ ಅವಶ್ಯಕತೆಯಿಲ್ಲ ಎಂದು ಹಂಪಿ ಶ್ರೀವಿರೂಪಾಕ್ಷೇಶ್ವರ ದೇವಸ್ಥಾನದ ಪ್ರಧಾನ ಅರ್ಚಕ ಶ್ರೀನಾಥಶರ್ಮ ಮಾಹಿತಿ ನೀಡಿದ್ದಾರೆ.