ಜೀವನ್ಮರಣದ ಹೋರಾಟದಿಂದ ಬದುಕಿ ಬಂದ ಸಾತ್ವಿಕ್ : ಸಾವಿರಾರು ಜನರಿಂದ ಹರ್ಷೋದ್ಘಾರ

ಜಿಲ್ಲೆಯ ಇಂಡಿ ತಾಲೂಕಿನ ಲಚ್ಯಾಣ ಗ್ರಾಮದಲ್ಲಿ ಸಾತ್ವಿಕ್ ಎಂಬ ಬಾಲಕ ಕೊಳವೆ ಬಾವಿಗೆ ಬಿದ್ದಿರುವ ಘಟನೆ ನಡೆದಿತ್ತು ಸತತ 21 ಗಂಟೆಗಳ ಜೀವನ್ಮರಣದ ಹೋರಾಟ ಗೆದ್ದು, ಸುರಕ್ಷಿತವಾಗಿ ಬಾಲಕ ಹೊರಬಂದಿದ್ದಾನೆ.

ವಿಜಯಪುರ ಜಿಲ್ಲೆಯ ಇಂಡಿ ತಾಲೂಕಿನ ಲಚ್ಯಾಣ ಗ್ರಾಮದಲ್ಲಿ ತೋಟದ ಮನೆಯಲ್ಲಿರುವ ಸತೀಶ್ ಮುಜಗೊಂಡ ಅವರ ಪುತ್ರ ಸಾತ್ವಿಕ್ ಮುಜಗೊಂಡ ನಿನ್ನೆ ಸಂಜೆ 5.30ರ ಸುಮಾರಿಗೆ ಕೊಳವೆ ಬಾವಿಗೆ ಬಿದ್ದಿದ್ದು , ಸತತವಾಗಿ ೨೧ ಗಂಟೆಗಳಿಂದ ಎಸ್ ಡಿ ಆರ್ ಹಾಗೂ ಎನ್ ಡಿ ಆರ್ ಎಫ್  ತಂಡ  ಪರಿಶ್ರಮ ಪಟ್ಟು, ಮಗುವನ್ನು ಬದುಕುಳಿಸುವಲ್ಲಿ ಸಫಲವಾಗಿದ್ದಾರೆ. 

ಇದನ್ನು ಓದಿ : ಸೂಪರ್‌ ಸ್ಟಾರ್‌ ನಟ ಅಜಿತ್ ಕುಮಾರ್‌​ ಕಾರು ಭೀಕರ ಅಪಘಾತ..! ಇನ್ನೊಬ್ಬ ನಟನ ಕತ್ತಿಗೆ ಗಾಯ..

ಮಂಗಳವಾರ ತೋಟದಲ್ಲಿ ಹಾಕಿದ್ದ ಬೋರ್ ವೆಲ್ ನಲ್ಲಿ ಮಗು ಬುಧವಾರ ಸಂಜೆ ಆಟವಾಡುತ್ತ ಆಯಾ ತಪ್ಪಿ ಮಗು ಕೊಳವೆ ಬಾವಿಗೆ ಬಿದ್ದಿದೆ. ಆ ಸಂದರ್ಭದಲ್ಲಿ ಮನೆಯಲ್ಲಿ ಮಗುವಿನ ತಾಯಿ ಮಾತ್ರ ಇದ್ದರು ಎಂದು ತಿಳಿದು ಬಂದಿದೆ. ಸಂಜೆ ಆಟವಾಡುತ್ತ ಹೋಗಿದ್ದ ಮಗು ಆಯತಪ್ಪಿ ಬಿದ್ದಿತ್ತು. ಎಸ್ ಡಿ ಆರ್ ಹಾಗೂ ಎನ್ ಡಿ ಆರ್ , ಅಗ್ನಿ ಶಾಮಕ ಹಾಗೂ ಪೊಲೀಸರು 21 ಗಂಟೆಗಳ ರಕ್ಷಣಾ ಕಾರ್ಯಾಚರಣೆ ನಡೆಸಿದ್ದು, ಮಗು ಸುರಕ್ಷಿತವಾಗಿ ಬದುಕುಳಿದು ಬಂದಿದೆ.  

ಸಾವು ಗೆದ್ದ ಸಾತ್ವಿಕ್!
ರಕ್ಷಣಾ ಕಾರ್ಯಕ್ಕೆ ಕೈ ಜೋಡಿಸಿದ ಎಲ್ಲರಿಗೂ ಹೃತ್ಪೂರ್ವಕ ಅಭಿನಂದನೆಗಳು

ನಮ್ಮೆಲ್ಲರ ಪ್ರಾರ್ಥನೆ ಫಲಿಸಿದೆ. ಕೊಳವೆ ಬಾವಿಗೆ ಬಿದ್ದಿದ್ದ 14 ತಿಂಗಳ ಮಗು ಸಾತ್ವಿಕ್ ಹೊರ ಜಗತ್ತನ್ನು ನೋಡುವಂತಾಗಿದ್ದಾನೆ. ಸತತ 20 ಗಂಟೆಗಳ ಕಾರ್ಯಾಚರಣೆ ಮೂಲಕ ಮಗುವನ್ನು ಬದುಕಿಸಲು ಶ್ರಮಿಸಿದ ನಮ್ಮ ಹೆಮ್ಮೆಯ ಎಸ್ ಡಿ ಆರ್ ಎಫ್, ಪೊಲೀಸ್… pic.twitter.com/GB29XN9Ogh

— M B Patil (@MBPatil) April 4, 2024

ರಕ್ಷಣಾ ಕಾರ್ಯಚರಣೆಯ ಸಂದರ್ಭದಲ್ಲಿ ಇಂಡಿ ಶಾಸಕ ಯಶವಂತರಾಯ ಗೌಡ ಪಾಟೀಲ, ಜಿಲ್ಲಾಧಿಕಾರಿ ಟಿ.ಭೂಬಾಲನ್ ಸೇರಿದಂತೆ ಇನ್ನಿತರ ಅಧಿಕಾರಗಳು ಇದ್ದು, ಸುರಕ್ಷಿತವಾಗಿ ಬದುಕಿ ಬಂದದ್ದು, ಎಲ್ಲರ ಮುಖದಲ್ಲಿ ಮಂದಹಾಸ ಮೂಡಿದೆ. 

21 ಗಂಟೆಗಳಿಗೂ ಹೆಚ್ಚು ಕಾಲ ಕೊಳವೆ ಬಾವಿಯಲ್ಲಿ 1 ವರ್ಷ 1 ತಿಂಗಳ ಬಾಲಕ ಸಾತ್ವಿಕ್ ಬದುಕಿ ಬಂದಿರುವುದೇ ಪವಾಡವೆನ್ನುವಂತಾಗಿದೆ.

ಇದನ್ನು ಓದಿ :  ತಂಡದ ಹ್ಯಾಟ್ರಿಕ್ ಗೆಲುವಿನ ಹುಮ್ಮಸ್ಸಿನಲ್ಲಿ ಪತ್ನಿ ಜೊತೆಗಿನ ಪೋಸ್ಟ್ ಹಂಚಿಕೊಂಡ RR ಕ್ಯಾಪ್ಟನ್

ಇದೀಗ ಮಗುವನ್ನು ಸುರಕ್ಷಿತವಾಗಿ ಕೊಳವೆ ಬಾವಿಯಿಂದ ಹೊರತೆಗೆದಿದ್ದು, ಸಾತ್ವಿಕ್ ನನ್ನು ಇಂಡಿ ತಾಲೂಕಾ ಆಸ್ಪತ್ರೆಗೆ ಕರೆದುಕೊಂಡು ಹೋಗಲಾಗಿದೆ ಮತ್ತು ಅಗತ್ಯ ಚಿಕಿತ್ಸೆಯನ್ನು  ನೀಡಲಾಗುತ್ತಿದೆ.