Akshaya Tritiya 2022: ಅಕ್ಷಯ್ ತೃತಿಯಾ ಯಾವಾಗ? ವಿವಾಹಕ್ಕೆ ಅದ್ಭುತ ಯೋಗ

Akshaya Tritiya 2022: ಪ್ರತಿವರ್ಷ ವೈಶಾಖ ಮಾಸದ ಶುಕ್ಲಪಕ್ಷದಂದು ಅಕ್ಷಯ ತೃತಿಯಾ ಆಚರಿಸಲಾಗುತ್ತದೆ. ಶುಭಕಾರ್ಯಗಳ ಆರಂಭಕ್ಕೆ ಇದನ್ನು ಅದ್ಭುತ ಯೋಗ ಎಂದು ಕರೆಯಲಾಗುತ್ತದೆ. ಅಂದರೆ ಅಕ್ಷಯ ತೃತಿಯಾ ದಿನ ನೀವು ಯಾವುದೇ ಮುಹೂರ್ತವನ್ನು ನೋಡದೆಯೇ ಶುಭಕಾರ್ಯಗಳನ್ನು ನೆರವೇರಿಸಬಹುದು.

Askshay Tritiya Shubh Muhurat

Akshay Tritiya 2022 Shubh Muhurat: ಹಿಂದೂ ಧರ್ಮ ಶಾಸ್ತ್ರಗಳಲ್ಲಿ ಅಕ್ಷಯ್ ತೃತಿಯಾವನ್ನು ಅತ್ಯಂತ ಮಂಗಳಕರ ತಿಥಿ ಎಂದು ಪರಿಗಣಿಸಲಾಗುತ್ತದೆ. ವಿವಾಹ, ಗೃಹ ಪ್ರವೇಶ, ಉಪನಯನ ಇತ್ಯಾದಿ ಕಾರ್ಯಗಳಿಗೆ ಅಕ್ಷಯ್ ತೃತಿಯಾ ಅತ್ಯಂತ ಅದ್ಭುತ ಯೋಗ ಎಂದೇ ಹೇಳಲಾಗುತ್ತದೆ. ಅಂದರೆ, ಈ ದಿನ ನೀವು ಯಾವುದೇ ಮೂಹೂರ್ತ ಇಲ್ಲದೆಯೇ ಶುಭಕಾರ್ಯಗಳನ್ನು ನೇರವೆರಿಸಬಹುದು. ಹಿಂದೂ ಪಂಚಾಂಗದ ಪ್ರಕಾರ ಪ್ರತಿವರ್ಷ ವೈಶಾಖ ಮಾಸದ ಶುಕ್ಲಪಕ್ಷದಂದು ಅಕ್ಷಯ ತೃತಿಯಾ ತಿಥಿ ಬೀಳುತ್ತದೆ. ಈ ವರ್ಷ ಮೇ 3 ರಂದು ಅಕ್ಷಯ್ ತೃತಿಯಾ ಆಚರಿಸಲಾಗುತ್ತಿದೆ.

ಅಕ್ಷಯ್ ತೃತಿಯಾ 2022 ಶುಭ ಮುಹೂರ್ತ
ಮೇ 3, 2022 ರ ಮಂಗಳವಾರ ಬೆಳಗ್ಗೆ 05:19ಕ್ಕೆ ತೃತಿಯಾ ತಿಥಿ ಆರಂಭಗೊಂಡು ಮೇ 4, 2022ರ ಬೆಳಗ್ಗೆ 7.33ರವರೆಗೆ ಇರಲಿದೆ. ಈ ದಿನ ರೋಹಿಣಿ ನಕ್ಷತ್ರ ಇರಲಿದೆ. ರೋಹಿಣಿ ನಕ್ಷತ್ರ ಬೆಳಗ್ಗೆ 12.34 ರಿಂದ ಮೇ 04, 2022ರ ಬೆಳಗ್ಗೆ 03.18ರವರೆಗೆ ಇರಲಿದೆ.

ಇದನ್ನೂ ಓದಿ-April 25 ರಿಂದ ಈ 3 ರಾಶಿಗಳ ಜನರ ಒಳ್ಳೆಯ ದಿನಗಳು ಆರಂಭ

ಈ ಕಾರಣಕ್ಕೆ ಅಕ್ಷಯ್ ತೃತಿಯಾ ವಿಶೇಷ ಎಂದು ಹೇಳಲಾಗುತ್ತದೆ
ಅಕ್ಷಯ ತೃತೀಯ ಶುಭ ಕಾರ್ಯಗಳನ್ನು ಮಾಡಲು ತುಂಬಾ ಒಳ್ಳೆಯ ದಿನ ಎಂದು ಹೇಳಲಾಗುತ್ತದೆ. ಇದಲ್ಲದೆ, ಹೊಸ ಬಟ್ಟೆ, ಆಭರಣಗಳು, ಮನೆ-ಕಾರು ಮುಂತಾದ ಬೆಲೆಬಾಳುವ ವಸ್ತುಗಳ ಖರೀದಿಗೂ ಕೂಡ ಈ ದಿನವನ್ನು ಅತ್ಯಂತ ಮಂಗಳಕರ ದಿನ ಎಂದು ಧರ್ಮ ಶಾಸ್ತ್ರಗಳಲ್ಲಿ ಪರಿಗಣಿಸಲಾಗಿದೆ. ಈ ದಿನ ಧಾರ್ಮಿಕ ಕಾರ್ಯಕ್ರಮಗಳೂ ಕೂಡ ನಡೆಯುತ್ತವೆ. ಮಹಾರಾಷ್ಟ್ರ, ರಾಜಸ್ಥಾನ ಸೇರಿದಂತೆ ಕೆಲವು ರಾಜ್ಯಗಳಲ್ಲಿ ಈ ದಿನದಂದು ಚಿನ್ನ ಮತ್ತು ಬೆಳ್ಳಿಯನ್ನು ಖರೀದಿಸುವ ಸಂಪ್ರದಾಯವಿದೆ. ಈ ದಿನದಂದು ಚಿನ್ನ ಮತ್ತು ಬೆಳ್ಳಿಯನ್ನು ಖರೀದಿಸುವುದರಿಂದ ಮನೆಯಲ್ಲಿ ಸುಖ-ಸಮೃದ್ಧಿ ಹರಿದುಬರುತ್ತದೆ ಎಂಬುದು ಧಾರ್ಮಿಕ ನಂಬಿಕೆ. ಅಷ್ಟೇ ಅಲ್ಲ ಈ ದಿನದ ದಾನಕ್ಕೂ ಕೂಡ ವಿಶೇಷ ಮಹತ್ವವಿದೆ. ಅಕ್ಷಯ ತೃತೀಯ ದಿನದಂದು ಮಾಡಿದ ದಾನವು ಮನೆಗೆ ಐಶ್ವರ್ಯವನ್ನು ತರುತ್ತದೆ ಎನ್ನಲಾಗುತ್ತದೆ.

ಇದನ್ನೂ ಓದಿ-Numerology:ಈ ರೀತಿಯ ಜನರ ವ್ಯಕ್ತಿತ್ವ ತುಂಬಾ ಆಕರ್ಷಕವಾಗಿರುತ್ತದೆ, ಇವರು ಸಿರಿವಂತರಾಗುವುದು ಖಚಿತ

(Disclaimer - ಈ ಲೇಖನದಲ್ಲಿ ನೀಡಲಾಗಿರುವ ಮಾಹಿತಿ ಸಾಮಾನ್ಯ ಜ್ಞಾನ ಹಾಗೂ ಧಾರ್ಮಿಕ ನಂಬಿಕೆಗಳನ್ನು ಆಧರಿಸಿದೆ. ಜೀ ಕನ್ನಡ ನ್ಯೂಸ್ ಈ ಮಾಹಿತಿಯನ್ನು ಪುಷ್ಠಿಕರಿಸುವುದಿಲ್ಲ)

ಇದನ್ನೂ ನೋಡಿ-