Relation of Shani Dev with Mustard Oil: ಶನಿವಾರವನ್ನು ಶನಿ ದೇವನ ಆರಾಧನೆಯ ದಿನವೆಂದು ಪರಿಗಣಿಸಲಾಗಿದೆ. ಅವನು ನ್ಯಾಯದ ದೇವರು ಮತ್ತು ಜನರ ಕಾರ್ಯಗಳಿಗೆ ಅನುಗುಣವಾಗಿ ಸರಿಯಾದ ಫಲವನ್ನು ನೀಡುತ್ತಾನೆ ಎಂದು ನಂಬಲಾಗಿದೆ. ಶನಿ ದೇವನಿಂದ ಯಾರ ಜೀವನ ಬೇಕಾದರೂ ಬೆಳಗಬಹುದು, ಯಾರ ಜೀವನವನ್ನು ಬದಲಾಗಬಹುದು. ಮತ್ತೊಂದೆಡೆ, ಶನಿ ದೇವ ಕೋಪಗೊಂಡರೆ ಅದರಲ್ಲಿ ಉಂಟಾಗುವ ಸಮಸ್ಯೆಯನ್ನು ತಡೆಯಲು ಯಾರಿಂದಲೂ ಸಾಧ್ಯವಿಲ್ಲ. ಇದೇ ಕಾರಣಕ್ಕೆ ಜನರು ಶನಿದೇವನನ್ನು ಮೆಚ್ಚಿಸಲು ಎಲ್ಲಾ ರೀತಿಯ ಪ್ರಯತ್ನಗಳನ್ನು ಮಾಡುತ್ತಿರುವುದು ಕಂಡುಬರುತ್ತದೆ. ಶನಿವಾರದಂದು ಶನಿ ದೇವಸ್ಥಾನದಲ್ಲಿ ಎಣ್ಣೆಯನ್ನು ಅರ್ಪಿಸುವುದು ಆ ಪರಿಹಾರಗಳಲ್ಲಿ ಒಂದಾಗಿದೆ.
ಇದನ್ನೂ ಓದಿ: ಭಾರತದಲ್ಲಿ ಹೂಡಿಕೆ ಮಾಡಲು ಅನಿವಾಸಿ ಭಾರತೀಯರಿಗೆ 2023 ಉತ್ತಮ ಸಮಯ: ಕಾರಣವೇನು ಗೊತ್ತಾ?
ಶನಿಯ ಧೈಯ ಮತ್ತು ಸಾಡೇ ಸಾತಿಯಿಂದ ಮುಕ್ತಿ
ಶನಿ ದೇವರಿಗೆ ಸಾಸಿವೆ ಎಣ್ಣೆಯನ್ನು ಅರ್ಪಿಸುವುದರಿಂದ ಸಾಡೇ ಸಾತಿ, ಶನಿ ಕಿ ಧೈಯಾ ಅಥವಾ ಶನಿ ದೋಷದಿಂದ ಮುಕ್ತಿ ಸಿಗುತ್ತದೆ ಎಂದು ಧಾರ್ಮಿಕ ವಿದ್ವಾಂಸರು ಹೇಳುತ್ತಾರೆ. ಇದರೊಂದಿಗೆ ಶನಿದೇವನ ವಿಗ್ರಹದ ಮುಂದೆ ಸಾಸಿವೆ ಎಣ್ಣೆಯ ದೀಪವನ್ನು ಬೆಳಗಿಸುವುದು ಕೂಡ ಮಂಗಳಕರವೆಂದು ಪರಿಗಣಿಸಲಾಗಿದೆ. ಶನಿ ದೇವರಿಗೆ ಸಾಸಿವೆ ಎಣ್ಣೆಯನ್ನು ಅರ್ಪಿಸುವ ಈ ಸಂಪ್ರದಾಯ ಯಾವಾಗ ಮತ್ತು ಹೇಗೆ ಪ್ರಾರಂಭವಾಯಿತು ಎಂಬ ಪ್ರಶ್ನೆ ಅನೇಕ ಜನರ ಮನಸ್ಸಿನಲ್ಲಿ ಆಗಾಗ್ಗೆ ಉದ್ಭವಿಸುತ್ತದೆ. ಇದರ ಹಿಂದೆ ಒಂದು ಪೌರಾಣಿಕ ಕಥೆಯಿದೆ. ಅದನ್ನು ನಾವು ಇಂದು ನಿಮಗೆ ಹೇಳಲಿದ್ದೇವೆ.
ರಾಮಾಯಣ ಕಾಲದಲ್ಲಿ ಒಮ್ಮೆ ಲಂಕೇಶಪತಿ ರಾವಣನು ತನ್ನ ಅಗಾಧ ಶಕ್ತಿಯ ಬಲದಿಂದ ಶನಿ ದೇವನನ್ನು ಸೆರೆಮನೆಗೆ ಹಾಕಿದ್ದನೆಂದು ಹೇಳಲಾಗುತ್ತದೆ. ಸೀತೆಯ ಅಪಹರಣದ ನಂತರ, ಭಗವಾನ್ ಶ್ರೀರಾಮನ ಆಜ್ಞೆಯ ಮೇರೆಗೆ ಹನುಮಂತನು ಅವಳನ್ನು ಹುಡುಕುತ್ತಾ ಲಂಕಾವನ್ನು ತಲುಪಿದಾಗ, ಅಲ್ಲಿ ರಾವಣನ ಸೆರೆಯಲ್ಲಿ ಶನಿ ದೇವನನ್ನು ಕಂಡನು. ಶನಿದೇವನ ಕೋರಿಕೆಯ ಮೇರೆಗೆ ಆಂಜನೇಯ ಅವನನ್ನು ರಾವಣನ ಸೆರೆಯಿಂದ ಮುಕ್ತಗೊಳಿಸಿದನು. ರಾವಣನ ವ್ಯಾಪ್ತಿಯಿಂದ ದೂರವಿರಲು ಅವನನ್ನು ಲಂಕೆಯಿಂದ ದೂರಕ್ಕೆ ಎಸೆದನು.
ಹನುಮಾನ್ ಈ ರೀತಿ ಎಸೆದಿದ್ದರಿಂದ ಶನಿ ದೇವನಿಗೆ ಸಾಕಷ್ಟು ಗಾಯಗಳಾಗುತ್ತವೆ. ಅಂತಹ ಪರಿಸ್ಥಿತಿಯಲ್ಲಿ, ಅವರಿಗೆ ಪರಿಹಾರವನ್ನು ನೀಡಲು, ಹನುಮಾನ್ ಅವರ ನೋವನ್ನು ಕಡಿಮೆ ಮಾಡಲು ಸಾಸಿವೆ ಎಣ್ಣೆಯನ್ನು ಗಾಯಗಳ ಮೇಲೆ ಹಚ್ಚಿದರು. ಇದು ಅವರಿಗೆ ನೋವಿನಿಂದ ಸಾಕಷ್ಟು ಪರಿಹಾರವನ್ನು ನೀಡಿತು. ಇದರಿಂದಾಗಿ ಆಂಜನೇಯನ ಮೇಲೆ ಶನಿದೇವರಿಗೆ ಸಂತೋಷವಾಗುತ್ತದೆ. ಭಜರಂಗ ಬಲಿಗೆ ಸಂಕಟಾರ್ಥ ಬಿರುದು ನೀಡಿ, ಮುಂದೆ ಯಾವ ಭಕ್ತ ನನಗೆ ಸಾಸಿವೆ ಎಣ್ಣೆ ಅರ್ಪಿಸುತ್ತಾನೋ ಅವನ ಮೇಲೆ ನನ್ನ ಕೃಪೆ ಸದಾ ಇರುತ್ತದೆ ಎಂದರು.
ಇದನ್ನೂ ಓದಿ: Today Horoscope: ಇಂದು ಈ ರಾಶಿಯ ಜನರು ಏನೇ ಅಂದುಕೊಂಡರೂ ನೆರವೇರುವುದು ಶೇ.100ರಷ್ಟು ಖಚಿತ!
ಶನಿವಾರದಂದು ಶನಿ ದೇವರಿಗೆ ಸಾಸಿವೆ ಎಣ್ಣೆಯನ್ನು ಅರ್ಪಿಸುವುದರಿಂದ ಜನರು ಅವನ ಸೇವೆಯ ಪುಣ್ಯದ ಲಾಭವನ್ನು ಪಡೆಯುತ್ತಾರೆ.
(ಸೂಚನೆ: ಇಲ್ಲಿ ನೀಡಲಾದ ಮಾಹಿತಿಯು ಸಾಮಾನ್ಯ ನಂಬಿಕೆಗಳು ಮತ್ತು ಮಾಹಿತಿಯನ್ನು ಆಧರಿಸಿದೆ. ZEE NEWS ಅದನ್ನು ಖಚಿತಪಡಿಸುವುದಿಲ್ಲ.)
ಕನ್ನಡ ಭಾಷೆಯಲ್ಲಿ ಮತ್ತಷ್ಟು ತಾಜಾ ಸುದ್ದಿಗಳನ್ನು ಓದಲು ನಮ್ಮ ಜೀ ಕನ್ನಡ ನ್ಯೂಸ್ ಮೊಬೈಲ್ ಆಪ್ಲಿಕೇಶನ್ ಡೌನ್ಲೋಡ್ ಮಾಡಿ...
Android Link - https://bit.ly/3hDyh4G
Apple Link - https://apple.co/3hEw2hy
ನಮ್ಮ ಸೋಶಿಯಲ್ ಮೀಡಿಯಾ ಪುಟಗಳಿಗೆ ಸಬ್ ಸ್ಕ್ರೈಬ್ ಆಗಲು Twitter, Facebook, Youtube ಲಿಂಕ್ ಗಳ ಮೇಲೆ ಕ್ಲಿಕ್ಕಿಸಿ
