Tirupati Temple: ತಿಮ್ಮಪ್ಪನ ಸನ್ನಿಧಿಯಲ್ಲಿ ದೋಷ ನಿವಾರಣಾ ಉತ್ಸವ ಆರಂಭ, ದೂರವಾಗಲಿದೆ ಸರ್ವ ಪಾಪ

ತಿರುಪತಿ ದೇವಸ್ಥಾನದಲ್ಲಿ ಬುಧವಾರ ಬೆಳಿಗ್ಗೆ, ಶ್ರೀ ಮಲಯಪ್ಪ ಸ್ವಾಮಿ, ಶ್ರೀದೇವಿ ಮತ್ತು ಭೂದೇವಿಗೆ ವೇದ ಪಠಣಗಳ ನಡುವೆ, ತಿರುಮಂಜನವನ್ನು ನೆರವೇರಿಸಲಾಯಿತು.

ತಿರುಮಲ ತಿರುಪತಿ ದೇವಸ್ಥಾನದಲ್ಲಿ 'ದೋಷ ನಿವಾರಣ' ಉತ್ಸವ (photo india.com)

ನವದೆಹಲಿ : Tirupati Temple : ವಿಶ್ವಪ್ರಸಿದ್ಧ ತಿರುಮಲ ತಿರುಪತಿ ದೇವಸ್ಥಾನದಲ್ಲಿ 'ದೋಷ ನಿವಾರಣ' ಉತ್ಸವವನ್ನು (dosha nivarana utsav) ಆರಂಭಿಸಲಾಗಿದೆ.  ಇದು ಮೂರು ದಿನಗಳ ಕಾರ್ಯಕ್ರಮವಾಗಿದೆ. ಪಾಪಗಳನ್ನು ದೂರ ಮಾಡುವ ಉದ್ದೇಶದಿಂದ ಈ ಉತ್ಸವವನ್ನು ಹಮ್ಮಿಕೊಳ್ಳಲಾಗಿದೆ. ಬುಧವಾರ ಈ ಉತ್ಸವ ಆರಂಭವಾಗಿದೆ. 

"ಪವಿತ್ರೋತ್ಸವದ ಮೂರು ದಿನಗಳ ವಾರ್ಷಿಕ ಉತ್ಸವವನ್ನು ದೋಷ ನಿವಾರಣಾ (dosha nivarana utsav), ಸರ್ವದೋಷೋಪಾಸಮನ್, ಸರ್ವ ಯಜ್ಞ ಫಲಪ್ರದ, ಸರ್ವ ತುಷ್ಟಿಕಾರ ಮತ್ತು ಸರ್ವ ಕಂಪ್ರಾದ ಹಬ್ಬ ಎಂದೂ ಕರೆಯುತ್ತಾರೆ. ಬುಧವಾರ ಈ ವಾರ್ಷಿಕ ಉತ್ಸವ ಆರಂಭವಾಗಿದೆ. ಹಬ್ಬದ ಅಂಗವಾಗಿ, ಪುರೋಹಿತರು ಸಾಂಕೇತಿಕವಾಗಿ ವರ್ಷಪೂರ್ತಿ ದಿನನಿತ್ಯದ ಆಚರಣೆಗಳ ವೇಳೆ ತಿಳಿದೋ ತಿಳಿಯದೆಯೋ ಮಾಡಿರುವ ತಪ್ಪುಗಳಿಗೆ ದೇವರ ಕ್ಷಮೆ ಕೋರುತ್ತಾರೆ. 

ಇದನ್ನೂ ಓದಿ : Varalakshmi Vrat 2021 : ವರ ಮಹಾಲಕ್ಷ್ಮಿ ಪೂಜೆಯ ಶುಭ ಮುಹೂರ್ತ, ಮತ್ತು ಮಹತ್ವ ತಿಳಿಯಿರಿ

ತಿರುಪತಿ ದೇವಸ್ಥಾನ ದೋಷ ನಿವಾರಣಾ ಹಬ್ಬ :
ತಿರುಪತಿ ದೇವಸ್ಥಾನದಲ್ಲಿ (Tirupati temple) ಬುಧವಾರ ಬೆಳಿಗ್ಗೆ, ಶ್ರೀ ಮಲಯಪ್ಪ ಸ್ವಾಮಿ, ಶ್ರೀದೇವಿ ಮತ್ತು ಭೂದೇವಿಗೆ ವೇದ ಪಠಣಗಳ ನಡುವೆ, ತಿರುಮಂಜನವನ್ನು ನೆರವೇರಿಸಲಾಯಿತು. ನಂತರ ವಿಶೇಷ ಸಮರ್ಪಣೆ ಆಯೋಜಿಸಲಾಗಿತ್ತು.

ಸಂಜೆ ನಾಲ್ಕುನಾಲ್ಕು ಬೀದಿಗಳಲ್ಲಿ ದೇವರ ಮೆರವಣಿಗೆ ನಡೆಯಿತು. ಸಂಜೆ 7 ರಿಂದ 10 ಗಂಟೆಯವರೆಗೆ  ಯಾಗಶಾಲೆಯಲ್ಲಿ ವೈದಿಕ ವಿಧಿವಿಧಾನಗಳನ್ನು ನೆರವೇರಿಸಲಾಯಿತು. 

ಶ್ರಾವಣ ಮಾಸದಲ್ಲಿ (Shravana month) ಏಕಾದಶಿ, ದ್ವಾದಶಿ ಮತ್ತು ತ್ರಯೋದಶಿಯ ಪ್ರಮುಖ ದಿನಗಳಲ್ಲಿ ಪ್ರತಿ ವರ್ಷ ಈ ಉತ್ಸವವನ್ನು  ಆಚರಿಸಲಾಗುತ್ತದೆ.  ಈ ಉತ್ಸವವನ್ನು ಸುಮಾರು 560 ವರ್ಷಗಳ ಹಿಂದೆ ಸಾಳುವ ಮಲ್ಲಯ್ಯ ದೇವ ರಾಜ ಆರಂಭಿಸಿದ್ದರು. ಅಧಿಕಾರಿಗಳ ಹೇಳಿಕೆಯ ಪ್ರಕಾರ, "ಸಾಳುವ ಮಲ್ಲಯ್ಯ ದೇವ ರಾಜನು ಈ ಹಬ್ಬವನ್ನು ಕ್ರಿಸ್ತಶಕ 1463 ರಲ್ಲಿ ತಿರುಮಲದಲ್ಲಿ  ಸಾಳುವ ನರಸಿಂಹನ ಅವಧಿಯಲ್ಲಿ ಮೊದಲು ಆರಂಭಿಸಿದ್ದರು. 

ಇದನ್ನೂ ಓದಿ : https://zeenews.india.com/kannada/lifestyle/these-two-zodiac-signs-stay-...">Chandra Grahan 2021 : ಚಂದ್ರ ಗ್ರಹಣದಂದು ಈ ಎರಡು ರಾಶಿಯವರು ಹುಷಾರಾಗಿರಿ..!