ವೃಶ್ಚಿಕ ರಾಶಿಗೆ ಸೂರ್ಯನ ಪ್ರವೇಶ: ಈ ರಾಶಿಯವರ ಅದೃಷ್ಟ ಬೆಳಗಲಿದ್ದು, ಸುಖ-ಸಂಪತ್ತು ದೊರೆಯಲಿದೆ!

ನವಗ್ರಹಗಳ ಅಧಿಪತಿ ಸೂರ್ಯನು ಭವಿಷ್ಯ, ಹಣಕಾಸಿನ ವ್ಯವಹಾರ, ಗೌರವ, ನಾಯಕತ್ವ ಮುಂತಾದ ವಿಷಯಗಳಲ್ಲಿ ಮಹತ್ವದ ಪಾತ್ರ ವಹಿಸುತ್ತಾನೆ. ಸೂರ್ಯದೇವ ಒಲಿದರೆ ಭವಿಷ್ಯದ ಬಾಗಿಲು ತೆರೆಯುತ್ತದೆ ಎಂದು ಹೇಳಲಾಗಿದೆ.

ಸೌರ ಮಂಡಲದ ಅಧಿಪತಿ ಸೂರ್ಯ

ನವದೆಹಲಿ: ಒಂದು ರಾಶಿಯಿಂದ ಇನ್ನೊಂದು ರಾಶಿಗೆ ಸೂರ್ಯದೇವನ ಪ್ರವೇಶವನ್ನು ಸಂಕ್ರಾಂತಿ ಎಂದು ಕರೆಯಲಾಗುತ್ತದೆ. ಈ ರೀತಿ ಸೂರ್ಯನು ಸಂಚರಿಸುವುದರಿಂದ ಕೆಲವು ರಾಶಿಯವರ ವೃತ್ತಿ ಬದುಕು, ಆರ್ಥಿಕ ಸ್ಥಿತಿಗತಿಗಳು ಬದಲಾಗುತ್ತವೆ. ನವೆಂಬರ್ 16ರಂದು ಸೂರ್ಯ ದೇವರು ತುಲಾವನ್ನು ತೊರೆದು ವೃಶ್ಚಿಕ ರಾಶಿಯನ್ನು ಪ್ರವೇಶಿಸುತ್ತಾನೆ. ಹೀಗಾಗಿ ಇದನ್ನು ವೃಶ್ಚಿಕ ಸಂಕ್ರಾಂತಿ ಎಂದು ಕರೆಯಲಾಗುವುದು.

ನವೆಂಬರ್ 16ರಿಂದ ಡಿಸೆಂಬರ್ 15ರವರೆಗೆ ಸೂರ್ಯನು ಈ ರಾಶಿಯಲ್ಲಿ ಇರುತ್ತಾನೆ. ಈ ಸಮಯದಲ್ಲಿ ದಾನದ ವಿಶೇಷ ಪ್ರಯೋಜನಗಳ ಬಗ್ಗೆ ಹೇಳಲಾಗಿದೆ. ಸಂಕ್ರಾಂತಿಯ ದಿನದಂದು ಸ್ನಾನ ಮತ್ತು ದಾನಕ್ಕೆ ವಿಶೇಷ ಮಹತ್ವವಿದೆ. ಈ ಸಮಯದಲ್ಲಿ ಮಾಡಿದ ದಾನದ ಫಲವು ಅನೇಕ ಪಟ್ಟು ಹೆಚ್ಚಿರುತ್ತದೆ ಎಂದು ನಂಬಲಾಗಿದೆ.

ವೃಶ್ಚಿಕ ಸಂಕ್ರಾಂತಿ ದಿನಾಂಕ ಮತ್ತು ಶುಭ ಸಮಯ

ಹಿಂದೂ ಕ್ಯಾಲೆಂಡರ್ ಪ್ರಕಾರ ವೃಶ್ಚಿಕ ಸಂಕ್ರಾಂತಿ ನವೆಂಬರ್ 16ರ ಬುಧವಾರ. ಇರುತ್ತದೆ. ಈ ದಿನ ಪವಿತ್ರ ಅವಧಿಯು ಮಧ್ಯಾಹ್ನ 12.06ರಿಂದ ಸಂಜೆ 05.27ರವರೆಗೆ ಇರುತ್ತದೆ. ಅದೇ ರೀತಿ ವೃಶ್ಚಿಕ ಸಂಕ್ರಾಂತಿಯ ಮಹಾಪುಣ್ಯ ಕಾಲವು ಸಂಜೆ 03:40ರಿಂದ ಸಂಜೆ 05:27ರವರೆಗೆ ಇರುತ್ತದೆ.

ಇದನ್ನೂ ಓದಿ: Sunset Tips : ಮುಸ್ಸಂಜೆ ವೇಳೆಯಲ್ಲಿ ತಪ್ಪಿಯೂ ಮಾಡಬೇಡಿ ಈ 5 ಕೆಲಸ, ಇವು ಅಶುಭ ಸಂಕೇತ!

ಸಂಕ್ರಾಂತಿಯಂದು ಸೂರ್ಯಾರಾಧನೆ

ಜ್ಯೋತಿಷ್ಯ ಶಾಸ್ತ್ರದ ಪ್ರಕಾರ ವೃಶ್ಚಿಕ ಸಂಕ್ರಾಂತಿಯ ದಿನದಂದು ಸೂರ್ಯ ದೇವರನ್ನು ಪೂಜಿಸುವುದರಿಂದ ಶುಭ ಫಲ ಸಿಗುತ್ತದೆ. ಈ ದಿನ ಸೂರ್ಯನನ್ನು ಸರಿಯಾದ ರೀತಿಯಲ್ಲಿ ಪೂಜಿಸುವುದರಿಂದ ವ್ಯಕ್ತಿಯ ಅದೃಷ್ಟವು ಸೂರ್ಯನಂತೆ ಬೆಳಗುತ್ತದೆ ಮತ್ತು ಅವನು ತನ್ನ ವೃತ್ತಿಜೀವನದಲ್ಲಿ ಉನ್ನತ ಸ್ಥಾನವನ್ನು ಪಡೆಯುತ್ತಾನೆ. ಸಂಕ್ರಾಂತಿಯ ದಿನದಂದು ಸೂರ್ಯೋದಯಕ್ಕೆ ಮುಂಚಿತವಾಗಿ ಎದ್ದು ತಾಮ್ರದ ಪಾತ್ರೆಯಲ್ಲಿ ಶುದ್ಧ ನೀರನ್ನು ತುಂಬಿಸಿ, ಅದರಲ್ಲಿ ಕೆಂಪು ಚಂದನವನ್ನು ಹಾಕಿ ಸೂರ್ಯ ದೇವರಿಗೆ ಅರ್ಘ್ಯವನ್ನು ಅರ್ಪಿಸಬೇಕು. ಈ ದಿನ ಅರಿಶಿನ, ಕುಂಕುಮ ಮತ್ತು ಅಕ್ಕಿ ಮಿಶ್ರಿತ ನೀರನ್ನು ಅರ್ಪಿಸುವುದರಿಂದ ಸೂರ್ಯ ದೇವರಿಗೆ ಸಂತೋಷವಾಗುತ್ತದೆ. ಅರ್ಘ್ಯದ ನಂತರ ಸೂರ್ಯ ದೇವರ ಆರತಿಯನ್ನು ಮಾಡಿ ಮತ್ತು ತುಪ್ಪದ ದೀಪವನ್ನು ಬೆಳಗಿಸಬೇಕು. ಈ ಸಮಯದಲ್ಲಿ ಕೆಂಪು ಚಂದನವನ್ನು ತುಪ್ಪದಲ್ಲಿ ಬೆರೆಸಿದ ನಂತರವೇ ಪೂಜಿಸಬೇಕು.

ಸಂಕ್ರಾಂತಿಯ ದಿನದಂದು ಸೂರ್ಯ ದೇವರ ಪೂಜೆಯಲ್ಲಿ ಕೆಂಪು ಬಣ್ಣದ ಹೂವುಗಳನ್ನು ಬಳಸಿ. ಸೂರ್ಯ ದೇವರಿಗೆ ಬೆಲ್ಲದ ಪಾಯಸವನ್ನು ಅರ್ಪಿಸಿ ಮತ್ತು ‘ಓಂ ದಿನಕರಾಯ ನಮಃ’ ಅಥವಾ ಇತರ ಮಂತ್ರಗಳನ್ನು ಪಠಿಸುವುದು ಪ್ರಯೋಜನಕಾರಿ. ಈ ದಿನ ಸೂರ್ಯ ದೇವರನ್ನು ಪೂಜಿಸುವುದರಿಂದ ಸೂರ್ಯ ದೋಷ ಮತ್ತು ಪಿತ್ರ ದೋಷದಿಂದ ಮುಕ್ತಿ ಸಿಗುತ್ತದೆ ಎಂದು ನಂಬಲಾಗಿದೆ.

ಇದನ್ನೂ ಓದಿ: Horoscope Today: ಈ ರಾಶಿಯವರಿಗೆ ಆಕಸ್ಮಿಕ ಧನಪ್ರಾಪ್ತಿ, ಜ್ಞಾನಪ್ರಾಪ್ತಿ ಯೋಗವಿದೆ

ಶ್ರಾದ್ಧ ಮತ್ತು ತರ್ಪಣಗಳ ಮಹತ್ವ

ವೃಶ್ಚಿಕ ಸಂಕ್ರಾಂತಿಯ ದಿನದಂದು ದಾನ, ಪುಣ್ಯ, ಪಿತೃ ತರ್ಪಣ ಮತ್ತು ಶ್ರಾದ್ಧದ ವಿಶೇಷ ಮಹತ್ವವನ್ನು ತಿಳಿಸಲಾಗಿದೆ. ಈ ದಿನವೂ ತೀರ್ಥಯಾತ್ರೆಗೆ ಹೋಗಿ ಪೂರ್ವಜರಿಗೆ ಶ್ರಾದ್ಧ ಮತ್ತು ತರ್ಪಣ ಮಾಡುವ ಸಂಪ್ರದಾಯವಿದೆ. ಸಂಕ್ರಾಂತಿಯಂದು ಪುಣ್ಯಸ್ನಾನ ಮಾಡದವನು ಏಳೇಳು ಜನ್ಮಗಳವರೆಗೆ ಅಸ್ವಸ್ಥನಾಗಿ, ಬಡವನಾಗಿರುತ್ತಾನೆಂದು ಹೇಳಲಾಗುತ್ತದೆ. ಇಷ್ಟೇ ಅಲ್ಲ ಈ ದಿನ ಬ್ರಾಹ್ಮಣರಿಗೆ ಮತ್ತು ಬಡವರಿಗೆ ಅನ್ನ, ವಸ್ತ್ರ ಮತ್ತು ಹಸುವನ್ನು ದಾನ ಮಾಡುವುದು ಶುಭವೆಂದು ಪರಿಗಣಿಸಲಾಗುತ್ತದೆ.