ಮತ್ತೇ ತೆಲುಗಿನಲ್ಲೆ ಸಿನಿಮಾ ಮಾಡ್ತಾರಂತೆ ಪ್ರಶಾಂತ್‌ ನೀಲ್‌.. ಕನ್ನಡದ KGF 3 ಗತಿ ಏನು..!

Prashanth Neel new film : ಕೆಜಿಎಫ್‌ ಮಾಂತ್ರಿಕ ನಿರ್ದೇಶಕ ಪ್ರಶಾಂತ್ ನೀಲ್ ಸದ್ಯ ಕನ್ನಡದತ್ತ ತಲೆ ಹಾಕಲ್ಲ ಎನ್ನುವಂತೆ ಕಾಣುತ್ತಿದೆ. ʼಸಲಾರ್‌ʼ ಸೇರಿದಂತೆ ಸಾಲು ಸಾಲು ಟಾಲಿವುಡ್‌ ಸಿನಿಮಾಗಳಲ್ಲಿ ಕನ್ನಡದ ಸ್ಟಾರ್‌ ಡೈರೆಕ್ಟರ್‌ ಬ್ಯುಸಿ ಆಗಿದ್ದಾರೆ. ಇದೀಗ ಅವರ 6ನೇ ಸಿನಿಮಾ ಕೂಡ ತೆಲುಗಿನಲ್ಲಿಯೇ ಸಿದ್ಧವಾಗಲಿದೆ ಎನ್ನುವ ಅಪ್‌ಡೇಟ್‌ ಸಿಕ್ಕಿದೆ. ಅಲ್ಲದೆ, ಸಿನಿಮಾದ ಟೈಟಲ್‌ ಕೂಡಾ ರಿವೀಲ್‌ ಆಗಿದೆ.

ಈಗಾಗಲೇ ಡಾರ್ಲಿಂಗ್‌ ಪ್ರಭಾಸ್‌ ನಟನೆಯ ಸಲಾರ್‌ ಸಿನಿಮಾ ಶೂಟಿಂಗ್‌ ಮುಕ್ತಾಯವಾಗಿದ್ದು, ಪೋಸ್ಟ್‌ ಪ್ರೋಡಕ್ಷನ್‌ ವರ್ಕ್‌ನಲ್ಲಿ ಚಿತ್ರತಂಡ ಬ್ಯುಸಿಯಾಗಿದೆ. ಈ ಸಿನಿಮಾ ಸೆ. 28ರಂದು ತೆರೆಗೆ ಬರಲಿದೆ. ಸದ್ಯ ಪ್ರಶಾಂತ್ ನೀಲ್ ಮತ್ತೊಂದು ತೆಲುಗು ಸಿನಿಮಾ ಒಪ್ಪಿಕೊಂಡಿದ್ದಾರೆ ಎಂಬ ಮಾತು ಸಿನಿ ವಲಯದಲ್ಲಿ ಕೇಳಿ ಬರುತ್ತಿದೆ. ಪ್ರಶಾಂತ್‌ ತಮ್ಮ 6ನೇ ಸಿನಿಮಾವನ್ನು ʼವಾರಿಸುʼ ನಿರ್ಮಾಪಕ ದಿಲ್ ರಾಜು ಅವರ ಜೊತೆ ಮಾಡಲಿದ್ದಾರೆ ಎನ್ನಲಾಗಿದೆ. ದಿಲ್‌ ರಾಜು ಅವರ ವಾರಿಸು ಸಿನಿಮಾ ಸಕ್ಸ್‌ಸ್‌ ಆಗಿದೆ. ಸಾಲು ಸಾಲು ಸಿನಿಮಾ ಪ್ರಾಜೆಕ್ಟ್‌ಗಳ ನಡುವೆ ಪ್ರಶಾಂತ್ ನೀಲ್‌ ಅವರ ಜೊತೆ ಸಿನಿಮಾ ಕೂಡ ಮಾಡುವುದಾಗಿ ಸಂದರ್ಶನವೊಂದರಲ್ಲಿ ತಿಳಿಸಿದ್ದಾರೆ. ʼರಾವಣಂʼ ಎಂಬ ಸಿನಿಮಾ ಮಾಡಲಿದ್ದೇನೆ. ಅದು ದೊಡ್ಡಮಟ್ಟದ ಸಿನಿಮಾ ಆಗಿರಲಿದೆ ಎಂದು ದಿಲ್ ರಾಜು ಹೇಳಿಕೊಂಡಿದ್ದಾರೆ.

ಇದನ್ನೂ ಓದಿ: Amala Paul : ʼಹಿಂದೂಗಳಿಗೆ ಮಾತ್ರ ದೇಗುಲ ಪ್ರವೇಶʼ... ಧಾರ್ಮಿಕ ತಾರತಮ್ಯ ಆರೋಪ ಮಾಡಿದ ಅಮಲಾ ಪೌಲ್‌..!

ನಟ ಪ್ರಭಾಸ್ ಜೊತೆ ಪ್ರಶಾಂತ್ ನೀಲ್ ʼರಾವಣಂʼ ಸಿನಿಮಾ ಮಾಡಲಿದ್ದಾರೆ ಎನ್ನಲಾಗಿದೆ. ಆದ್ರೆ, ಪ್ರಭಾಸ್ ಪ್ರಾಜೆಕ್ಟ್‌ ಕೆ, ಆದಿಪುರುಷ, ಸ್ಪರಿಟ್‌, ಸೇರಿದಂತೆ ಹಲವು ಸಿನಿಮಾಗಳಲ್ಲಿ ಬ್ಯುಸಿಯಾಗಿದ್ದಾರೆ. ಅತ್ತ ಪ್ರಶಾಂತ್ ನೀಲ್ ಕೂಡ ಎನ್‌ಟಿಆರ್ ಜೊತೆಗೆ ಸಿನಿಮಾ ಮಾಡಬೇಕಿದೆ. ಬಹುಶಃ ʼರಾವಣಂʼ ಸಿನಿಮಾ 2024ರ ಅಂತ್ಯದಲ್ಲಿ ಆರಂಭವಾಗಬಹುದು ಎಂದು ಹೇಳಲಾಗುತ್ತಿದೆ. ಮತ್ತೊಂದು ಮೂಲಗಳ ಪ್ರಕಾರ, ರಾಮ್ ಚರಣ್ ಈ ಸಿನಿಮಾದಲ್ಲಿ ಹೀರೋ ಆಗಲಿದ್ದಾರೆ ಎಂಬ ಟಾಕ್ ಕೂಡ ಇದೆ. 

ಇನ್ನು ನಿರ್ಮಾಪಕ ದಿಲ್ ರಾಜು ಸದ್ಯ ಬಹುನಿರೀಕ್ಷೆಯ RC15 ಸಿನಿಮಾದಲ್ಲಿ ಬ್ಯುಸಿಯಾಗಿದ್ದಾರೆ. ರಾಮ್ ಚರಣ್ ಮತ್ತು ಕಿಯಾರಾ ಅಡ್ವಾನಿ ಪ್ರಮುಖ ಪಾತ್ರದಲ್ಲಿ ನಟಿಸುತ್ತಿದ್ದಾರೆ. ಈ ಸಿನಿಮಾಗೆ ತಮಿಳಿನ ಖ್ಯಾತ ನಿರ್ದೇಶಕ ಶಂಕರ್ ಈ ಸಿನಿಮಾಗೆ ಆಕ್ಷನ್‌ ಕಟ್‌ ಹೇಳಲಿದ್ದಾರೆ. ಈ ಸಿನಿಮಾ ಬಳಿಕ ಪ್ರಶಾಂತ್ ನೀಲ್ ಜೊತೆ ಸಿನಿಮಾ ಮಾಡುವ ಸಾಧ್ಯತೆ ಇದೆ.