ಒಂದಲ್ಲ ಎರಡಲ್ಲ.. ನಾಲ್ಕು ಮದುವೆಯಾಗಿದ್ದರು ಈ ಬಾಲಿವುಡ್‌ ಸ್ಟಾರ್‌.!

Vinod Mehra Love Life: ಇಂದು ನಾವು ಬಾಲಿವುಡ್‌ನ ಓರ್ವ ಖ್ಯಾತ ನಟನ ಬಗ್ಗೆ ಮಾತನಾಡುತ್ತಿದ್ದೇವೆ. ಅವರು ತಮ್ಮ ಅತ್ಯುತ್ತಮ ಚಿತ್ರಗಳ ಕಾರಣದಿಂದ ಮಾತ್ರವಲ್ಲದೆ ನಾಲ್ಕು ಮದುವೆಗಳ ಕಾರಣದಿಂದಲೂ ಚರ್ಚೆಯಲ್ಲಿದ್ದರು. 70ರ ದಶಕದ ಜನಪ್ರಿಯ ನಟ ವಿನೋದ್ ಮೆಹ್ರಾ ಅವರು ಈಗ ನಮ್ಮೊಂದಿಗೆ ಇಲ್ಲ, ಆದರೆ ವಿನೋದ್‌ಗೆ ಸಂಬಂಧಿಸಿದ ಅನೇಕ ಕಥೆಗಳು ಇಂದಿಗೂ ಕೇಳಿಬರುತ್ತವೆ. ಇಂದು ವಿನೋದ್ ಮೆಹ್ರಾ ಹುಟ್ಟಿದ ದಿನ. ವಿನೋದ್ ಮೆಹ್ರಾ ಅವರ ಮೊದಲ ವಿವಾಹವು ಅವರ ಕುಟುಂಬ ಸದಸ್ಯರ ಒಪ್ಪಿಗೆಯೊಂದಿಗೆ ಮೀನಾ ಬ್ರೋಕಾ ಅವರೊಂದಿಗೆ ನಡೆಯಿತು. ಆದಾಗ್ಯೂ, ಈ ಮದುವೆಯು ಹೆಚ್ಚು ಕಾಲ ಉಳಿಯಲಿಲ್ಲ ಮತ್ತು ಶೀಘ್ರದಲ್ಲೇ ಇಬ್ಬರೂ ವಿಚ್ಛೇದನ ಪಡೆದರು. ಇದಾದ ನಂತರ ವಿನೋದ್ ಮೆಹ್ರಾ ಜೀವನದಲ್ಲಿ ನಟಿಯೊಬ್ಬಳ ಪ್ರವೇಶವಾಯಿತು.

ಮಾಧ್ಯಮ ವರದಿಗಳನ್ನು ಪ್ರಕಾರ, ವಿನೋದ್ ಮೆಹ್ರಾ ನಟಿ ಬಿಂದಿಯಾ ಗೋಸ್ವಾಮಿಯನ್ನು ಎರಡನೇ ಬಾರಿಗೆ ವಿವಾಹವಾದರು. ಆದರೆ, ವಿನೋದ್ ಮೆಹ್ರಾಗೆ ಕೆಟ್ಟ ಸಮಯ ಬಂದಾಗ, ಬಿಂದಿಯಾ ನಟನನ್ನು ತೊರೆದರು. ಬಿಂದಿಯಾ ಗೋಸ್ವಾಮಿ ಮನೆಯಿಂದ ಓಡಿಹೋಗಿ ಜೆ.ಪಿ. ದತ್ತನ ಕೈ ಹಿಡಿದಿರಂತೆ. ಈ ಘಟನೆಯಿಂದ ವಿನೋದ್ ಮೆಹ್ರಾ ತೀವ್ರ ಆಘಾತಕ್ಕೊಳಗಾಗಿದ್ದರಂತೆ. ನಂತರ ಬಾಲಿವುಡ್‌ನ ಎವರ್ ಗ್ರೀನ್ ನಟಿ ರೇಖಾ ವಿನೋದ್ ಮೆಹ್ರಾ ಅವರ ಜೀವನಕ್ಕೆ ಪ್ರವೇಶಿಸಿದರು.

ಇದನ್ನೂ  ಓದಿ : ಮಲೆಮಹದೇಶ್ವರ ಬೆಟ್ಟಕ್ಕೆ ನಟ ದರ್ಶನ್ ಭೇಟಿ.. ಡಿಬಾಸ್ ನೋಡಲು ಮುಗಿಬಿದ್ದ ಜನ

ಹೌದು, ಮಾಧ್ಯಮ ವರದಿಗಳ ಪ್ರಕಾರ ವಿನೋದ್ ಮೆಹ್ರಾ ಮತ್ತು ರೇಖಾ ವಿವಾಹವಾದರು. ಮದುವೆಯಾದ ನಂತರ ವಿನೋದ್ ತನ್ನ ಮನೆಗೆ ನಟಿಯನ್ನು ಕರೆದೊಯ್ದಾಗ, ಅವರ ತಾಯಿ ರೇಖಾ ಅವರನ್ನು ಇಷ್ಟಪಡಲಿಲ್ಲ. ಆದರೆ, ವಿನೋದ್ ಮೆಹ್ರಾ ಮತ್ತು ರೇಖಾ ಅವರ ಮದುವೆ ಹೆಚ್ಚು ಕಾಲ ಉಳಿಯಲಿಲ್ಲ ಮತ್ತು ಶೀಘ್ರದಲ್ಲೇ ಇಬ್ಬರೂ ಬೇರೆಯಾದರು. ನಟ ಕಿರಣ್ ಮೆಹ್ರಾ ಅವರನ್ನು ನಾಲ್ಕನೇ ಬಾರಿಗೆ ವಿವಾಹವಾದರು. ವಿನೋದ್ ಮೆಹ್ರಾ ಅವರು ಕೇವಲ 45 ನೇ ವಯಸ್ಸಿನಲ್ಲಿ ಹೃದಯಾಘಾತದಿಂದ ನಿಧನರಾದರು.