Us shoot news: ಅಮೆರಿಕದ ಆಗ್ನೇಯ ಟೆಕ್ಸಾಸ್‌ನಲ್ಲಿ ಮನೆಯೊಂದಕ್ಕೆ ನುಗ್ಗಿ ಗುಂಡಿನ ದಾಳಿ ನಡೆಸಲಾಗಿದೆ. ಘಟನೆಯಲ್ಲಿ ಎಂಟು ವರ್ಷದ ಮಗು ಸೇರಿದಂತೆ ಐವರು ಸಾವನ್ನಪ್ಪಿದ್ದಾರೆ. ಇದನ್ನು ಶನಿವಾರ ಅಧಿಕಾರಿಗಳು ಖಚಿತಪಡಿಸಿದ್ದಾರೆ. AR-15 ಶೈಲಿಯ ರೈಫಲ್‌ನೊಂದಿಗೆ ಶಸ್ತ್ರಸಜ್ಜಿತವಾದ ವ್ಯಕ್ತಿ ಗುಂಡಿನ ದಾಳಿ ಬಳಿಕ ತಲೆಮರೆಸಿಕೊಂಡಿದ್ದಾನೆ ಎಂದು ಸ್ಥಳೀಯ ಮಾಧ್ಯಮಗಳು ವರದಿ ಮಾಡಿವೆ.
ಪೊಲೀಸ್ ಅಧಿಕಾರಿಗಳು ಸ್ಥಳೀಯ ಸಮಯ ಸುಮಾರು 11:30 ಗಂಟೆಗೆ (0330 GMT ಶನಿವಾರ) ಗುಂಡಿನ ದಾಳಿ ಬಗ್ಗೆ ಮಾಹಿತಿ ಪಡೆದರು. ಸ್ಯಾನ್ ಜಸಿಂಟೋ ಕೌಂಟಿ ಶೆರಿಫ್‌ನ ಕಛೇರಿಯ ಪ್ರಕಾರ, ಹೂಸ್ಟನ್‌ನ ಉತ್ತರಕ್ಕೆ ಸುಮಾರು 55 ಮೈಲಿಗಳು (89 ಕಿಮೀ) ಕ್ಲೀವ್‌ಲ್ಯಾಂಡ್‌ನಲ್ಲಿ ಮನೆಯ ಆಕ್ರಮಣದ ಬಗ್ಗೆ ಪೋಲೀಸರಿಗೆ ಕರೆ ಬಂದಿತು.
ಇದನ್ನೂ ಓದಿ: ಚೀನಾ - ಭಾರತ ಸಂಬಂಧ ಏಕೆ ಹದಗೆಟ್ಟಿತು? ವಿದೇಶಾಂಗ ಸಚಿವ ಎಸ್ ಜೈಶಂಕರ್ ಕೊಟ್ರು ಕಾರಣ!
ಎಂಟರಿಂದ ಸುಮಾರು 40 ವರ್ಷದೊಳಗಿನ ಎಲ್ಲಾ ಬಲಿಪಶುಗಳು ಹೊಂಡುರಾಸ್‌ನವರು ಎಂದು ಸ್ಯಾನ್ ಜಸಿಂಟೋ ಕೌಂಟಿ ಶೆರಿಫ್ ಗ್ರೆಗ್ ಕೇಪರ್ಸ್ ಹೇಳಿದ್ದಾರೆ ಎಂದು ಕ್ಸಿನ್ಹುವಾ ಸುದ್ದಿ ಸಂಸ್ಥೆ ವರದಿ ಮಾಡಿದೆ. ಪೊಲೀಸರು ಆಗಮಿಸಿದಾಗ ಕನಿಷ್ಠ 10 ಮಂದಿ ಅಲ್ಲಿದ್ದರು ಎಂದು ತಿಳಿಸಿದರು.
ಕೇಪರ್ಸ್ ಪ್ರಕಾರ, ತನಿಖಾಧಿಕಾರಿಗಳು ಶಂಕಿತನು ಪಾನಮತ್ತನಾಗಿರಬಹುದ ಎಂದು ಅನುಮಾನಿಸಿದ್ದಾರೆ. ಮುಂಭಾಗದ ಅಂಗಳದಲ್ಲಿ AR-15 ರೈಫಲ್ ತೆಗೆದು ಗುಂಡು ಹಾರಿಸಲು ಪ್ರಾರಂಭಿಸಿದ್ದಾನೆ. ಸಂತ್ರಸ್ತರು ಕಿರುಚಿದಾಗ, ನೆರೆಹೊರೆಯವರು ನೋಡಿದ್ದಾರೆ. ಆಗ ಗುಂಡಿನ ದಾಳಿ ವಿಚಾರ ತಿಳಿದಿದೆ.
ಕೇಪರ್ಸ್ ಎಬಿಸಿ ನ್ಯೂಸ್‌ಗೆ, ಜನರು ಶಂಕಿತ ವ್ಯಕ್ತಿಯೊಬ್ಬ ಮದ್ಯಪಾನ ಮಾಡುತ್ತಿದ್ದು, ನನ್ನ ಮನೆಯ ಮುಂಭಾಗದ ಅಂಗಳದಲ್ಲಿ ತನಗೆ ಬೇಕಾದುದನ್ನು ಮಾಡುತ್ತೇನೆ ಎಂದು ಹೇಳುವುದನ್ನು ನೋಡಿದ್ದಾರೆ. ಇದಾದ ನಂತರ ಶಂಕಿತ ವ್ಯಕ್ತಿ ಮನೆಯೊಳಗೆ ನುಗ್ಗಿ ಗುಂಡು ಹಾರಿಸಿದ್ದಾನೆ ಎಂದು ಅವರು ತಿಳಿಸಿದ್ದಾರೆ
ಇದನ್ನೂ ಓದಿ: ಪಾಕಿಸ್ತಾನದಲ್ಲಿ ಹೆಣ್ಣು ಮಕ್ಕಳ ಶವಗಳ ಮೇಲೆ ಅತ್ಯಾಚಾರ, ಸಮಾಧಿಗಳಿಗೆ ಬೀಗ ಹಾಕುವ ದುಸ್ಥಿತಿ!
ನಾವು ಅಲ್ಲಿಗೆ ಹೋದಾಗ, ಇಬ್ಬರು ಮಹಿಳೆಯರು ಮಲಗುವ ಕೋಣೆಯಲ್ಲಿ ಮಲಗಿದ್ದರು ಮತ್ತು ಅವರ ಪಕ್ಕದಲ್ಲಿ ಮೂರು ಚಿಕ್ಕ ಮಕ್ಕಳು ಮಲಗಿದ್ದರು, ಅವರು ಬದುಕುಳಿದಿದ್ದಾರೆ ಎಂದು ಕೇಪರ್ಸ್ ಹೇಳಿದರು. ಗುಂಡು ತಗುಲಿದ ಪ್ರತಿಯೊಬ್ಬರಿಗೂ ತಲೆಯಲ್ಲಿ ಗುಂಡು ಹಾರಿಸಲಾಗಿದೆ ಎಂದು ಕೇಪರ್ಸ್ ಹೇಳಿದರು.
ಮೆಕ್ಸಿಕೋದ ಪುರುಷ ಶೂಟರ್ ಅನ್ನು ಪೊಲೀಸರು ಗುರುತಿಸಿದ್ದಾರೆ ಮತ್ತು ಗುಂಡಿನ ದಾಳಿಯ ನಂತರ ಅವರ ಮನೆಯಲ್ಲಿ ಎರಡು ಇತರ ಶಸ್ತ್ರಾಸ್ತ್ರಗಳನ್ನು ಕಂಡುಕೊಂಡಿದ್ದಾರೆ ಎಂದು ಕೇಪರ್ಸ್ ಹೇಳಿದ್ದಾರೆ.
ಇದನ್ನೂ ಓದಿ: ತನ್ನ ಸೇನಾ ವೆಚ್ಚ ಭರಿಸಲು US ಬಳಿ 'ದೇಣಿಗೆ'ಗಾಗಿ ಮೊರೆಯಿಟ್ಟ ಬಡ ಪಾಕಿಸ್ತಾನ
ಕನ್ನಡ ಭಾಷೆಯಲ್ಲಿ ಇತ್ತೀಚಿನ ಕರ್ನಾಟಕ, ದೇಶ, ವಿದೇಶ, ಮನರಂಜನೆ, ಶಿಕ್ಷಣ, ಉದ್ಯೋಗ, ಆರೋಗ್ಯ, ಆಧ್ಯಾತ್ಮ, ಜೀವನಶೈಲಿ, ಕ್ರೀಡೆ, ಕ್ರೈಂ, ವೈರಲ್, ವ್ಯಾಪಾರ, ತಂತ್ರಜ್ಞಾನ ಸುದ್ದಿಗಳನ್ನು ಓದಲು ಈಗಲೇ ನಮ್ಮ ಜೀ ಕನ್ನಡ ನ್ಯೂಸ್ ಮೊಬೈಲ್ ಅಪ್ಲಿಕೇಶನ್ ಡೌನ್ಲೋಡ್ ಮಾಡಿ...
Android Link - https://bit.ly/3AClgDd
Apple Link - https://apple.co/3wPoNgr
ನಮ್ಮ ಸೋಶಿಯಲ್ ಮೀಡಿಯಾ ಪುಟಗಳಿಗೆ ಸಬ್ ಸ್ಕ್ರೈಬ್ ಆಗಲು
Twitter Link - https://bit.ly/3n6d2R8
Facebook Link - https://bit.ly/3Hhqmcj
Youtube Link - https://bit.ly/3LwfnhK ಲಿಂಕ್ ಗಳ ಮೇಲೆ ಕ್ಲಿಕ್ ಮಾಡಿ.
