Indian Economy: ಪ್ರಬಲ ಆರ್ಥಿಕತೆಯ ಸಂಕೇತ ನೀಡುತ್ತಿವೆ GDP ಅಂಕಿ-ಅಂಶಗಳು, ಕೃಷಿ-ಸೇವಾ ವಲಯಗಳಲ್ಲಿ ಭಾರಿ ಉತ್ಕರ್ಷ

Indian Economy Forecast: ಭಾರತ ವೇಗವಾಗಿ ಬೆಳೆಯುತ್ತಿರುವ ಆರ್ಥಿಕ ರಾಷ್ಟ್ರವಾಗಿ ಮುಂದುವರೆದಿದೆ. ಕಳೆದ ಹಣಕಾಸು ವರ್ಷದಲ್ಲಿ ಅಂದರೆ, 2022-23 ರಲ್ಲಿ ಬೆಳವಣಿಗೆ ದರವು ಶೇ. 7.2 ರಷ್ಟಿತ್ತು. ಈ ವರ್ಷದ ಜನವರಿ-ಮಾರ್ಚ್ ತ್ರೈಮಾಸಿಕದಲ್ಲಿ ಚೀನಾದ ಬೆಳವಣಿಗೆಯ ದರವು ಶೇ 4.5 ರಷ್ಟಿತ್ತು.

India's GDP Growth: NSO ಅಂದರೆ ರಾಷ್ಟ್ರೀಯ ಅಂಕಿಅಂಶಗಳ ಕಛೇರಿ ಕೆಲವು ದಿನಗಳ ಹಿಂದೆಯಷ್ಟೆ ಭಾರತದ ಒಟ್ಟು ದೇಶೀಯ ಉತ್ಪನ್ನ ಅಂದರೆ GDP ಯ ಅಂಕಿಅಂಶಗಳನ್ನು ಬಿಡುಗಡೆ ಮಾಡಿದೆ. ಈ ಅಂಕಿಯಂಶಗಳು ನಾಲ್ಕನೇ ತ್ರೈಮಾಸಿಕದ ಅಂಕಿಅಂಶಗಳು ಮತ್ತು ನಿರೀಕ್ಷೆಗಿಂತ ಉತ್ತಮವಾಗಿವೆ. NSO ಪ್ರಕಾರ, 2022-23 ರಲ್ಲಿ ಭಾರತದ GDP ಬೆಳವಣಿಗೆ ದರವು ಶೇ.7.2 ರಷ್ಟಿದೆ. ಆದಾಗ್ಯೂ, 2021-22 ರಲ್ಲಿ ಈ ಅಂದಾಜು ಶೇ. 9.1 ರಷ್ಟಿತ್ತು. ಭಾರತವು ಹಿಂದಿನ ತ್ರೈಮಾಸಿಕದಲ್ಲಿ ಶೇ.4.4 ಶೇಕಡಾ ಹೋಲಿಸಿದರೆ ಶೇ. 6.1 ರಷ್ಟು GDP ಬೆಳವಣಿಗೆಯನ್ನು ದಾಖಲಿಸಿದೆ. ನಾಲ್ಕನೇ ತ್ರೈಮಾಸಿಕದಲ್ಲಿ ಜಿಡಿಪಿ ಬೆಳವಣಿಗೆ ದರವು ಅಂದಾಜುಗಳನ್ನು ಹಿಂದಿಕ್ಕಿದೆ. ಆರ್‌ಬಿಐ ಮೊದಲ ತ್ರೈಮಾಸಿಕದಲ್ಲಿ ಶೇ.5.1ರಷ್ಟು ಬೆಳವಣಿಗೆಯನ್ನು ಅಂದಾಜಿಸಿತ್ತು. ಇದೇ ವೇಳೆ, 2022-23 ರ ಸಂಪೂರ್ಣ ಹಣಕಾಸು ವರ್ಷದಲ್ಲಿ ಜಿಡಿಪಿಯ ಬೆಳವಣಿಗೆಯು ಶೇ. 7.2 ರಷ್ಟಿದೆ. ಜಿಡಿಪಿಯ ಈ ಬೆಳವಣಿಗೆಯು ಆರ್‌ಬಿಐನ ಅಂದಾಜಿನ ಶೇ.  7 ಕ್ಕಿಂತ ಹೆಚ್ಚಾಗಿದೆ. 

ಜಿಡಿಪಿ ಎಂದರೇನು?
GDP ಎಂದರೆ ಒಟ್ಟು ದೇಶೀಯ ಉತ್ಪನ್ನ ಅಂದರೆ ಒಟ್ಟು ದೇಶೀಯ ಉತ್ಪನ್ನ ಎಂದರ್ಥ, ಇದು ಯಾವುದೇ ಒಂದು ವರ್ಷದಲ್ಲಿ ದೇಶದಲ್ಲಿ ಉತ್ಪತ್ತಿಯಾಗುವ ಎಲ್ಲಾ ಸರಕು ಮತ್ತು ಸೇವೆಗಳ ಒಟ್ಟು ಮೌಲ್ಯಕ್ಕೆ ಸಮನಾಗಿರುತ್ತದೆ. ಜಿಡಿಪಿ ಆರ್ಥಿಕ ಚಟುವಟಿಕೆಯ ಮಟ್ಟವನ್ನು ತೋರಿಸುತ್ತದೆ ಮತ್ತು ಇದರಿಂದ ಅದು ಯಾವ ವಲಯಗಳಿಂದ ಹೆಚ್ಚಾಗಿದೆ ಅಥವಾ ಕಡಿಮೆಯಾಗಿದೆ ಎಂಬುದು ತಿಳಿಯುತ್ತದೆ. ಜಿಡಿಪಿ ಅಂಕಿಅಂಶಗಳು ಕಡಿಮೆ ಅಥವಾ ಮಂದಗತಿಯಾಗಿದ್ದರೆ, ದೇಶದ ಆರ್ಥಿಕತೆಯು ನಿಧಾನಗತಿಯಲ್ಲಿ ಸಾಗುತ್ತಿದೆ ಎಂಬುದು ಅದರ ಅರ್ಥ. ಹಿಂದಿನ ವರ್ಷ ಅಥವಾ ತ್ರೈಮಾಸಿಕಕ್ಕೆ ಹೋಲಿಸಿದರೆ ನಾವು ಸಾಕಷ್ಟು ಸರಕುಗಳನ್ನು ಉತ್ಪಾದಿಸಲಿಲ್ಲ ಅಥವಾ ನಮ್ಮ ಸೇವಾ ವಲಯವು ನಿರೀಕ್ಷೆಗೆ ತಕ್ಕಂತೆ ಬೆಳೆದಿಲ್ಲ ಎಂದರ್ಥ. ಇದು ಒಂದು ನಿರ್ದಿಷ್ಟ ಅವಧಿಯಲ್ಲಿ, ಸಾಮಾನ್ಯವಾಗಿ ಒಂದು ವರ್ಷದಲ್ಲಿ ದೇಶದ ಆರ್ಥಿಕ ಅಭಿವೃದ್ಧಿಯನ್ನು ತೋರಿಸುತ್ತದೆ. ಭಾರತದಂತಹ ಅಭಿವೃದ್ಧಿಶೀಲ ರಾಷ್ಟ್ರಗಳು ಪ್ರತಿ ವರ್ಷ ಹೆಚ್ಚಿನ GDP ಬೆಳವಣಿಗೆಯ ದರವನ್ನು ಸಾಧಿಸಬೇಕು, ಇದು ಅವಶ್ಯಕವಾಗಿದೆ, ಏಕೆಂದರೆ ನಮ್ಮ ಜನಸಂಖ್ಯೆಯು ವಿಶ್ವದಲ್ಲೇ ಅತಿ ಹೆಚ್ಚಾಗಿದೆ ಮತ್ತು ಉತ್ಪಾದನೆಯು ಜನಸಂಖ್ಯೆಯ ಅಗತ್ಯಗಳನ್ನು ಪೂರೈಸಲು ಬಹಳ ಮುಖ್ಯವಾಗಿದೆ.

ನಮ್ಮ ದೇಶದಲ್ಲಿ, ರಾಷ್ಟ್ರೀಯ ಅಂಕಿಅಂಶಗಳ ಕಚೇರಿಯು ಪ್ರತಿ ವರ್ಷ ನಾಲ್ಕು ಬಾರಿ ಅಂದರೆ ಪ್ರತಿ ಮೂರನೇ ತಿಂಗಳಿಗೆ ಜಿಡಿಪಿಯನ್ನು ಅಂದಾಜು ಮಾಡುತ್ತದೆ ಮತ್ತು ವಾರ್ಷಿಕ ಅಭಿವೃದ್ಧಿ ಅಂಕಿಅಂಶಗಳನ್ನು ಬಿಡುಗಡೆ ಮಾಡುತ್ತದೆ. ನಾವು ಒಟ್ಟು ನಾಲ್ಕು ಪ್ರಮುಖ ಅಂಕಿಗಳು ಅಥವಾ ಅಂಶಗಳ ಮೂಲಕ GDP ಅನ್ನು ಅಂದಾಜು ಮಾಡುತ್ತೇವೆ. ಇದು ಜನರ ಒಟ್ಟು ಖರ್ಚು, ಸರ್ಕಾರದ ಖರ್ಚು, ಹೂಡಿಕೆಯ ಮೇಲಿನ ಖರ್ಚು ಮತ್ತು ಒಟ್ಟು ರಫ್ತುಗಳನ್ನು ಒಳಗೊಂಡಿದೆ. ಹಣದುಬ್ಬರಕ್ಕೆ ಸಂಬಂಧಿಸಿದಂತೆ ಒಟ್ಟು ಅಂಕಿಅಂಶವನ್ನು ಸರಿಹೊಂದಿಸಿದಾಗ ನೈಜ GDP ಅನ್ನು ಲೆಕ್ಕಹಾಕಲಾಗುತ್ತದೆ. ಭಾರತದಲ್ಲಿ ಜಿಡಿಪಿಯನ್ನು ಕೃಷಿ, ಉತ್ಪಾದನೆ, ವಿದ್ಯುತ್, ಅನಿಲ, ಗಣಿಗಾರಿಕೆ, ಅರಣ್ಯ, ಹೋಟೆಲ್, ನಿರ್ಮಾಣ, ಸಂವಹನ, ರಿಯಲ್ ಎಸ್ಟೇಟ್, ಸಾರ್ವಜನಿಕ ಸೇವೆಗಳಂತಹ ಎಂಟು ವಲಯಗಳ ಡತಾಂಶಗಳ ಆಧಾರದ ಮೇಲೆ ಅಂದಾಜಿಸಲಾಗುತ್ತದೆ.

ಕೃಷಿ ಮತ್ತು ಸೇವಾ ಕ್ಷೇತ್ರದ ಬೆಳವಣಿಗೆಯಿಂದಾಗಿ ಜಿಡಿಪಿಯಲ್ಲಿ ಸುಧಾರಣೆ
ಜಿಡಿಪಿಯಲ್ಲಿ ಕೃಷಿ ಕ್ಷೇತ್ರದ ಕೊಡುಗೆ ಈ ಬಾರಿ ಹೆಚ್ಚಾಗಿದ್ದು, ಈ ವಲಯದಲ್ಲಿ ತೀವ್ರ ಏರಿಕೆ ದಾಖಲಿಸಿದೆ. ಕಳೆದ ತ್ರೈಮಾಸಿಕದಲ್ಲಿ ಕೃಷಿ ವಲಯದ ಜಿಡಿಪಿ ಶೇ.4.7ರಷ್ಟಿದ್ದು, ಅದು ಪ್ರಸ್ತುತ ಶೇ.5.5ಕ್ಕೆ ಏರಿಕೆಯಾಗಿದೆ. ಭಾರತದಲ್ಲಿ ಜಿಡಿಪಿಗೆ ಕೃಷಿ ಕ್ಷೇತ್ರದ ಕೊಡುಗೆಯು ಶೇ. 20ರ ಹತ್ತಿರದಲ್ಲಿದೆ ಮತ್ತು ಜನಸಂಖ್ಯೆಯ ಸುಮಾರು ಶೇ. 40 ರಷ್ಟು ಜನರು ಅದರೊಂದಿಗೆ ಸಂಪರ್ಕ ಹೊಂದಿದ್ದಾರೆ. 8 ಪ್ರಮುಖ ಕ್ಷೇತ್ರಗಳ ಅಭಿವೃದ್ಧಿಯ ಮಾಹಿತಿಯನ್ನೂ ಸರ್ಕಾರ ಬಿಡುಗಡೆ ಮಾಡಿದೆ. ಕೋರ್ ವಲಯವು ಏಪ್ರಿಲ್ 2023 ರಲ್ಲಿ ಶೇ. 3.5 ರಷ್ಟು  ಬೆಳೆಯುವ ನಿರೀಕ್ಷೆಯಿದೆ, ಇದು ಹಿಂದಿನ ತಿಂಗಳ ಶೇ. 3.6 ಕ್ಕಿಂತ ಸ್ವಲ್ಪ ಕಡಿಮೆಯಾಗಿದೆ. ಎಂಟು ಪ್ರಮುಖ ಕ್ಷೇತ್ರಗಳ ಪೈಕಿ ಕೃಷಿ ಕ್ಷೇತ್ರ ಶೇ.5.5, ಗಣಿ ವಲಯ ಶೇ.4.3, ನಿರ್ಮಾಣ ವಲಯ ಶೇ.10.4, ವಿದ್ಯುತ್ ಶೇ.6.9, ಉತ್ಪಾದನಾ ವಲಯ ಶೇ.4.5 ಮತ್ತು ಹಣಕಾಸು ವಲಯ ಶೇ.7.1 ದರದಲ್ಲಿ ಬೆಳವಣಿಗೆ ದಾಖಲಿಸಿವೆ. ಇದೇ ವೇಳೆ, ವ್ಯಾಪಾರ ಮತ್ತು ಹೋಟೆಲ್ ವಲಯಗಳು ಶೇ.  9.1 ರ ದರದಲ್ಲಿ ಬೆಳೆದಿವೆ. ಸತತ ಎರಡು ತ್ರೈಮಾಸಿಕಗಳಲ್ಲಿ ಕುಸಿತದ ನಂತರ, ಈ ಬಾರಿ ತ್ರೈಮಾಸಿಕದಲ್ಲಿ ಜಿಡಿಪಿ ಬೆಳವಣಿಗೆ ದರ ಸಾಕಷ್ಟು ಸುಧಾರಿಸಿದೆ.

ಉತ್ಪಾದನಾ ವಲಯದಲ್ಲಿ ನವೀಕೃತ ಪಿಕ್-ಅಪ್‌ನ ಲಕ್ಷಣಗಳಿವೆ, ಆದರೆ ಸುಧಾರಿತ ದಕ್ಷತೆಯ ಅಳವಡಿಕೆಯಿಂದಾಗಿ ಸೇವಾ ವಲಯದ ಕಾರ್ಯಕ್ಷಮತೆಯೂ ಸುಧಾರಿಸಿದೆ. ಭಾರತದಲ್ಲಿ ದೇಶೀಯ ಬಳಕೆ ಮತ್ತು ಹೂಡಿಕೆಯು ಕೃಷಿ ಮತ್ತು ಸಂಬಂಧಿತ ಚಟುವಟಿಕೆಗಳಲ್ಲಿನ ಬಲವಾದ ನಿರೀಕ್ಷೆಗಳಿಂದ ಮತ್ತು ಗ್ರಾಹಕರ ವಿಶ್ವಾಸದ ಬಲದಿಂದ ಪ್ರಯೋಜನ ಪಡೆಯುತ್ತಿದೆ. ಮತ್ತು 2022-23ನೇ ಸಾಲಿನಲ್ಲಿ ನೈಜ ಜಿಡಿಪಿ (2011-12ರ ಬೆಲೆಯಲ್ಲಿ) 160.06 ಲಕ್ಷ ಕೋಟಿ ರೂ. ತಲುಪಿದೆ. 2022-23ರ ಅವಧಿಯಲ್ಲಿ ನೈಜ ಜಿಡಿಪಿ ಬೆಳವಣಿಗೆಯು 2021-22ರಲ್ಲಿ ಶೇ. 9.1 ರಷ್ಟಕ್ಕೆ ಹೋಲಿಸಿದರೆ ಈ ಬಾರಿ ಅದು ಶೇ. 7.2 ರಷ್ಟಿದೆ ಎಂದು ಅಂಕಿಅಂಶಗಳ ಸಚಿವಾಲಯ ಹೇಳಿದೆ.

ಇದನ್ನೂ ಓದಿ-Hero ಕಂಪನಿಯ ಹೊಸ 100ಸಿಸಿ ಬೈಕ್, ಬೆಲೆ ಕೇವಲ 60 ಸಾವಿರ ಮಾತ್ರ, ಮೈಲೆಜ್ ಕೂಡ ಜಬ್ಬರ್ದಸ್ತ್!

ಆದಾಗ್ಯೂ ಈ ಅಪಾಯ ಇದೆ
ಜಿಎಸ್‌ಟಿ ಸಂಗ್ರಹ, ವಿದ್ಯುತ್ ಬಳಕೆ ಮತ್ತು ಖರೀದಿ ವ್ಯವಸ್ಥಾಪಕರ ಸೂಚ್ಯಂಕ ನಂತಹ ಸೂಚಕಗಳು ಏಪ್ರಿಲ್‌ನಲ್ಲಿನ ಆರ್ಥಿಕ ಚಟುವಟಿಕೆಗಳು ಮುಂದುವರಿಯುತ್ತವೆ ಎಂಬುದನ್ನು  ಸೂಚಿಸುತ್ತಿವೆ. ಆದರೂ ರಫ್ತು ಮತ್ತು ಆಮದು ಕಡಿಮೆಯಾಗಿದೆ. ಇದು ಸ್ವಲ್ಪ ಅಪಾಯವನ್ನು ಸೃಷ್ಟಿಸಿದೆ. ಮಾನ್ಸೂನ್ ಮತ್ತು ಜಾಗತಿಕ ರಾಜಕೀಯ ಅಪಾಯವನ್ನು ಹೊರತುಪಡಿಸಿ, ದೇಶದ ಆರ್ಥಿಕ ಬೆಳವಣಿಗೆ ದರವು 2023-24ರಲ್ಲಿ ಅಂದಾಜು ಶೇ. 6.5 ಶೇಕಡಾಕ್ಕಿಂತ ಹೆಚ್ಚಾಗಿರಲಿದೆ. ಪ್ರಸ್ತುತ, ಭಾರತದ ಆರ್ಥಿಕತೆ, ಆರ್ಥಿಕ ಮತ್ತು ಹಣಕಾಸಿನ ಸ್ಥಿರತೆಯೊಂದಿಗೆ ಸುಸ್ಥಿರ ಬೆಳವಣಿಗೆಯ ಕಥೆಯನ್ನು ಪ್ರಸ್ತುತಪಡಿಸಲು ಸಮರ್ಥವಾಗಿದೆ. GDP ಅಂಕಿಅಂಶಗಳು ಆಶ್ಚರ್ಯಕರವಾಗಿವೆ ಆದರೆ ಸಂಪೂರ್ಣವಾಗಿ ಅನಿರೀಕ್ಷಿತವಲ್ಲ. 2023 ರ ಏಪ್ರಿಲ್‌ನಲ್ಲಿ ಕೈಗಾರಿಕೆಗಳ ಬೆಳವಣಿಗೆಯ ವೇಗವು ಆರು ತಿಂಗಳ ಕನಿಷ್ಠ ಮಟ್ಟವಾದ ಶೇ.3.5 ಕ್ಕೆ ಕುಸಿದಿದ್ದರೂ, ಉತ್ಪಾದನಾ ವಲಯದಲ್ಲಿನ ಏರಿಕೆಯು ಪರಿಸ್ಥಿತಿಯನ್ನು ಹೆಚ್ಚು ಆಹ್ಲಾದಕರವಾಗಿಸುತ್ತಿದೆ. ಕಚ್ಚಾ ತೈಲ, ನೈಸರ್ಗಿಕ ಅನಿಲ, ರಿಫೈನರಿ ಉತ್ಪನ್ನಗಳು ಮತ್ತು ವಿದ್ಯುತ್ ಉತ್ಪಾದನೆಯಲ್ಲಿನ ಇಳಿಕೆಯಿಂದಾಗಿ ಮೂಲಭೂತ ಉದ್ಯಮದ ಬೆಳವಣಿಗೆಯು ಸ್ವಲ್ಪ ನಿಧಾನವಾಗಾಗಿದೆ. ಮತ್ತೊಂದೆಡೆ, ಕಲ್ಲಿದ್ದಲು, ರಸಗೊಬ್ಬರ ಮತ್ತು ವಿದ್ಯುತ್ ಕ್ಷೇತ್ರಗಳ ಉತ್ತಮ ಕಾರ್ಯಕ್ಷಮತೆಯಿಂದಾಗಿ, 2022-23 ರ ಸಂಪೂರ್ಣ ಹಣಕಾಸು ವರ್ಷದಲ್ಲಿ ಮೂಲ ಕೈಗಾರಿಕೆಗಳ ಬೆಳವಣಿಗೆಯ ದರವು ಶೇ. 7.7 ರಷ್ಟಿದೆ. 

ಇದನ್ನೂ ಓದಿ-Edible Oil Price: ಖಾದ್ಯ ತೈಲ ಬೆಲೆಯಲ್ಲಿ ಭಾರಿ ಇಳಿಕೆ ಮಾಡಿದೆ ಈ ರಾಜ್ಯ ಸರ್ಕಾರ, ಇಲ್ಲಿದೆ ಲೇಟೆಸ್ಟ್ ದರ

ಅಂದಹಾಗೆ, 2022-23ರ ಹಣಕಾಸು ವರ್ಷದಲ್ಲಿ ವಿತ್ತೀಯ ಕೊರತೆಯು ಗುರಿಗೆ ಅನುಗುಣವಾಗಿ GDP ಯ ಶೇ. 6.4 ರಷ್ಟಿತ್ತು. ಉತ್ತಮ ತೆರಿಗೆ ಮತ್ತು ತೆರಿಗೆಯೇತರ ಆದಾಯ ಸಂಗ್ರಹಣೆಗಳು ವಿತ್ತೀಯ ಕೊರತೆಯನ್ನು ನಿಯಂತ್ರಿಸಲು ನೆರವಾಗಿವೆ. ಇಡೀ ಜಗತ್ತು ಆರ್ಥಿಕ ಹಿಂಜರಿತದ ಭೀತಿಯಲ್ಲಿ ಸಿಲುಕಿರುವಾಗ, ಭಾರತದಲ್ಲಿನ ಜಿಡಿಪಿ ಬೆಳವಣಿಗೆ ದರವು ನಾವು ಸರಿಯಾದ ಹಾದಿಯಲ್ಲಿದ್ದೇವೆ ಮತ್ತು ಸರಿಯಾದ ಗುರಿಯತ್ತ ಸಾಗುತ್ತಿದ್ದೇವೆ ಎಂಬುದನ್ನೂ ಪ್ರತಿನಿಧಿಸುತ್ತದೆ.

ಇದನ್ನೂ ನೋಡಿ-