ಸರ್ವಾಧಿಕಾರದಲ್ಲಿ ಮೋದಿ ಹಿಟ್ಲರ್‌ನನ್ನೂ ಮೀರಿಸಲು ಹೊರಟಿದ್ದಾರೆ: ಕಾಂಗ್ರೆಸ್ ಟೀಕೆ

ಪ್ರಧಾನಿ ಮೋದಿ ಬಗ್ಗೆ ಕಾಂಗ್ರೆಸ್ ಟೀಕೆ!

ಬೆಂಗಳೂರು: ಸರ್ವಾಧಿಕಾರದಲ್ಲಿ ಪ್ರಧಾನಿ ನರೇಂದ್ರ ಮೋದಿಯವರು ಜರ್ಮನ್ ಸರ್ವಾಧಿಕಾರಿ ಅಡಾಲ್ಫ್ ಹಿಟ್ಲರ್‍ನನ್ನೂ ಮೀರಿಸಲು ಹೊರಟಿದ್ದಾರೆ ಎಂದು ಕಾಂಗ್ರೆಸ್ ಆರೋಪಿಸಿದೆ. ಈ ಬಗ್ಗೆ ಶುಕ್ರವಾರ ಟ್ವೀಟ್ ಮಾಡಿರುವ ಕಾಂಗ್ರೆಸ್, ಕೇಂದ್ರ ಸರ್ಕಾರದ ವಿರುದ್ಧ ಕಿಡಿಕಾರಿದೆ.

‘ಪ್ರಧಾನಿ ಮೋದಿ ಆದೇಶದಂತೆ ಐಟಿ ಇಡಿ, ಸಿಬಿಐ ಸಂಸ್ಥೆಗಳು ಬಿಜೆಪಿ ಪರ ಕೆಲಸ ಮಾಡಬೇಕು, ಮಾಧ್ಯಮಗಳು ಮೋದಿ ಪರ ಪ್ರಚಾರ ಮಾಡಲೇಬೇಕು, ಸಾಮಾಜಿಕ ಜಾಲತಾಣ ಸಂಸ್ಥೆಗಳೂ ಕೇಂದ್ರ ಸರ್ಕಾರ ಹೇಳಿದಂತೆ ಕೇಳಬೇಕು ಮತ್ತು ಸರ್ಕಾರಿ ಅಧಿಕಾರಿಗಳೂ ಈಗ ಮೋದಿ ಪ್ರಚಾರ ಮಾಡಬೇಕು’ ಎಂದು ಕುಟುಕಿದೆ.

ಇದನ್ನೂ ಓದಿ: ಆಂಗ್ಲಮಯವಾದ ಬಂಡೀಪುರ: ಕನ್ನಡ ಬಳಸುವಂತೆ ಪ್ರಾಧಿಕಾರದಿಂದ ಪತ್ರ

ಸರ್ವಾಧಿಕಾರದಲ್ಲಿ ಮೋದಿ ಹಿಟ್ಲರ್‌ನನ್ನೂ ಮೀರಿಸಲು ಹೊರಟಿದ್ದಾರೆ.

ಮೋದಿ ಆದೇಶದಂತೆ
◆ಐಟಿ ಇಡಿ, ಸಿಬಿಐ ಸಂಸ್ಥೆಗಳು ಬಿಜೆಪಿ ಪರ ಕೆಲಸ ಮಾಡಬೇಕು.
◆ಮಾಧ್ಯಮಗಳು ಮೋದಿ ಪರ ಪ್ರಚಾರ ಮಾಡಲೇಬೇಕು.
◆ಸಾಮಾಜಿಕ ಜಾಲತಾಣ ಸಂಸ್ಥೆಗಳೂ ಕೇಂದ್ರ ಸರ್ಕಾರ ಹೇಳಿದಂತೆ ಕೇಳಬೇಕು.
◆ಸರ್ಕಾರಿ ಅಧಿಕಾರಿಗಳೂ ಈಗ ಮೋದಿ ಪ್ರಚಾರ ಮಾಡಬೇಕು.

ಅಷ್ಟೇ ಅಲ್ಲ..…

— Karnataka Congress (@INCKarnataka) October 27, 2023

‘ಇದಷ್ಟೇ ಅಲ್ಲದೇ, ರಜೆಯ ಮೇಲೆ ತೆರಳುವ ಸೇನಾ ಯೋಧರೂ ಕಡ್ಡಾಯವಾಗಿ ಮೋದಿ ಪರ ಪ್ರಚಾರ ಮಾಡಬೇಕಂತೆ. ಎಲ್ಲರನ್ನೂ ಉಸಿರುಗಟ್ಟಿಸಿ ತನಗೆ ಬಹುಪರಾಕ್ ಹೇಳಿಸಿಕೊಳ್ಳುವ ಮೋದಿ ಹಿಟ್ಲರ್ ಗಿಂತಲೂ ಒಂದು ಕೈ ಮೇಲೆ! ಸರ್ವಾಧಿಕಾರಿಗೆ ಸೋಲುವ ಭಯ ಹೆಚ್ಚಾದಾಗಲೇ ಇಂತಹ ಕೆಲಸಕ್ಕೆ ಕೈ ಹಾಕುವುದು!’ ಎಂದು ಕಾಂಗ್ರೆಸ್ ಟೀಕಿಸಿದೆ.

ಸರ್ಕಾರಿ ಅಧಿಕಾರಿಗಳು ಹಾಗೂ ಸೇನಾಪಡೆಯ ಯೋಧರನ್ನು ಬಿಜೆಪಿ ಪಕ್ಷದ ಕಾಲಾಳುಗಳಂತೆ ಬಳಸಿಕೊಳ್ಳಲು ಕೇಂದ್ರ ಸರ್ಕಾರ ಮುಂದಾಗಿರುವುದು ಮೋದಿ ಸರ್ಕಾರ ನಿರ್ಲಜ್ಜ ಸ್ಥಿತಿಗೆ ತಲುಪಿರುವುದಕ್ಕೆ ಸಾಕ್ಷಿ.

ಸರ್ಕಾರದ ಬಗ್ಗೆ ಪ್ರಚಾರ ಮಾಡಲು ಅಧಿಕಾರಿಗಳಿಗೆ "ರಥ ಪ್ರಭಾರಿಗಳು" ಎಂದು ಹೆಸರು ಕೊಟ್ಟು ಪ್ರಪೋಗಂಡಾ ಮೆಷಿನ್ ಗಳಂತೆ ಬಳಸುವುದು ಪ್ರಜಾಪ್ರಭುತ್ವ…

— Karnataka Congress (@INCKarnataka) October 27, 2023

‘ಸರ್ಕಾರಿ ಅಧಿಕಾರಿಗಳು ಹಾಗೂ ಸೇನಾಪಡೆಯ ಯೋಧರನ್ನು ಬಿಜೆಪಿ ಪಕ್ಷದ ಕಾಲಾಳುಗಳಂತೆ ಬಳಸಿಕೊಳ್ಳಲು ಕೇಂದ್ರ ಸರ್ಕಾರ ಮುಂದಾಗಿರುವುದು ಮೋದಿ ಸರ್ಕಾರ ನಿರ್ಲಜ್ಜ ಸ್ಥಿತಿಗೆ ತಲುಪಿರುವುದಕ್ಕೆ ಸಾಕ್ಷಿ. ಸರ್ಕಾರದ ಬಗ್ಗೆ ಪ್ರಚಾರ ಮಾಡಲು ಅಧಿಕಾರಿಗಳಿಗೆ "ರಥ ಪ್ರಭಾರಿಗಳು" ಎಂದು ಹೆಸರು ಕೊಟ್ಟು ಪ್ರಪೋಗಂಡಾ ಮೆಷಿನ್‍ಗಳಂತೆ ಬಳಸುವುದು ಪ್ರಜಾಪ್ರಭುತ್ವ ವ್ಯವಸ್ಥೆಗೆ, ದೇಶದ ಕಾನೂನಿಗೆ ಎಸಗುವ ಅಪಚಾರವಾಗುತ್ತದೆ. ಬಿಜೆಪಿ ಕಾರ್ಯಕರ್ತರು ಮಾಡಬೇಕಾದ ಕೆಲಸವನ್ನು ಅಧಿಕಾರಿಗಳು ಏಕೆ ಮಾಡಬೇಕು, ಸೈನಿಕರು ಏಕೆ ಮಾಡಬೇಕು? ಬಿಜೆಪಿ ಕಾರ್ಯಕರ್ತರು ಸೋಂಬೇರಿಗಳಾದರೆ? ಅಥವಾ ಪಕ್ಷದಿಂದ ವಿಮುಖರಾದರೇ?’ ಎಂದು ಕಾಂಗ್ರೆಸ್ ಪ್ರಶ್ನಿಸಿದೆ.

ಇದನ್ನೂ ಓದಿ: ಹುಲಿ ಉಗುರಿನ ಸಂಕಷ್ಟದಿಂದ ಪಾರಾಗ್ತಾರಾ ವರ್ತೂರು ಸಂತೋಷ್‌