ಪಡೆದದ್ದು ಕೇವಲ ಒಂದೇ ವಿಕೆಟ್ ! ಆದರೆ ಬರೆದದ್ದು ಮಹಾನ್ ದಾಖಲೆ ! ಯಾರು ಆ ಆಟಗಾರ ?

India vs Sri Lanka: ಬುಮ್ರಾ ಈ ಪಂದ್ಯದಲ್ಲಿ ಕೇವಲ 1 ವಿಕೆಟ್‌ ಕಬಳಿಸಿದ್ದರೂ ಈ ಶ್ರೇಷ್ಠ ದಾಖಲೆಯನ್ನು ಬರೆದಿದ್ದಾರೆ.

India vs Sri Lanka: 2023ರ ವಿಶ್ವಕಪ್‌ನಲ್ಲಿ ಟೀಮ್ ಇಂಡಿಯಾ ಸಾಧನೆ ಪ್ರತಿಯೊಬ್ಬರೂ ಕೊಂಡಾಡುವಂಥದ್ದು.  ವಿಶ್ವಕಪ್ ನಲ್ಲಿ ಭಾರತದ ವಿಜಯಗಾಥೆ ಮುಂದುವರೆದಿದೆ. ಶ್ರೀಲಂಕಾವನ್ನು 302 ರನ್‌ಗಳಿಂದ ಸೋಲಿಸುವ ಮೂಲಕ ಭಾರತ ಸೆಮಿಫೈನಲ್‌ಗೆ ಲಗ್ಗೆ ಇಟ್ಟಿದೆ.  ಟಾಪ್ 4ಕ್ಕೆ ಅರ್ಹತೆ ಪಡೆದ ಮೊದಲ ದೇಶ ಭಾರತ ಎನ್ನುವ ಹೆಗ್ಗಳಿಕೆಗೆ ಪಾತ್ರವಾಗಿದೆ. ಈ ಪಂದ್ಯದಲ್ಲಿ ಮೊಹಮ್ಮದ್ ಶಮಿ ತನ್ನ ಮಾರಕ ಬೌಲಿಂಗ್ ಮೂಲಕ  5 ವಿಕೆಟ್  ಕಬಳಿಸಿ  ಬ್ಯಾಟ್ಸ್‌ಮನ್‌ಗಳನ್ನು  ಮಕಾಡೆ ಮಲಗುವಂತೆ ಮಾಡಿದ್ದಾರೆ. ಶಮಿ ಆಟ ಎಲ್ಲರನ್ನೂ ಹುಬ್ಬೇರುವಂತೆ ಮಾಡಿತ್ತಾದರೂ ಈಪಂದ್ಯದಲ್ಲಿ ದಾಖಲೆ ಬರೆದದ್ದು ಮಾತ್ರ ಜಸ್ಪ್ರೀತ್ ಬುಮ್ರಾ. ಬುಮ್ರಾ ಈ ಪಂದ್ಯದಲ್ಲಿ ಕೇವಲ 1 ವಿಕೆಟ್‌ ಕಬಳಿಸಿದ್ದರೂ  ಈ ಶ್ರೇಷ್ಠ ದಾಖಲೆಯನ್ನು  ಬರೆದಿದ್ದಾರೆ. 

ಲೇಟಾಗಿ ಬಂದರೂ ಲೇಟೆಸ್ಟಾಗಿ ಆಡಿದ ಶಮಿ : 
2023 ರ ವಿಶ್ವಕಪ್‌ನಲ್ಲಿ ಇದು ಶಮಿ ಅವರ ಮೂರನೇ ಪಂದ್ಯವಾಗಿತ್ತು. ನಿನ್ನೆಯ ಪಂದ್ಯದಲ್ಲಿ ಐದು ವಿಕೆಟ್ ಕಬಳಿಸುವ ಮೂಲಕ ಶ್ರೀಲಂಕಾ  ಬ್ಯಾಟ್ಸ್‌ಮನ್‌ಗಳನ್ನು ಸರತಿ ಸಾಲಿನಲ್ಲಿ ಪೆವಿಲಿಯನ್‌ಗೆ ಅಟ್ಟುವಲ್ಲಿ ಯಶಸ್ವಿಯಾದರು. ಅದರಲ್ಲಿ ಮೂವರು ತಮ್ಮ ಖಾತೆಯನ್ನು ತೆರೆಯುವುದು ಕೂಡಾ ಸಾಧ್ಯವಾಗಿರಲಿಲ್ಲ. ಈ ಪಂದ್ಯಕ್ಕೂ ಮುನ್ನ ನ್ಯೂಜಿಲೆಂಡ್ ವಿರುದ್ಧ 5 ವಿಕೆಟ್ ಪಡೆದಿದ್ದ ಶಮಿ,  ಇಂಗ್ಲೆಂಡ್ ವಿರುದ್ಧ 4 ವಿಕೆಟ್ ಕಬಳಿಸಿದ್ದರು. ಇನ್ನು ನಿನ್ನೆಯ ಪಂದ್ಯದಲ್ಲಿ ಬುಮ್ರಾ ಪಡೆದದ್ದು ಕೇವಲ 1 ವಿಕೆಟ್‌ . ಆದರೂ ಒಂದು ವಿಕೆಟ್ ಮೂಲಕ ಬುಮ್ರಾ ಉತ್ತಮ ದಾಖಲೆ ನಿರ್ಮಿಸಿದ್ದಾರೆ. ಇಲ್ಲಿಯವರೆಗೂ ಯಾವುದೇ ಭಾರತೀಯ ಬೌಲರ್‌ಗೂ ಈ ದಾಖಲೆ ಮಾಡುವುದು ಸಾಧ್ಯವಾಗಲಿಲ್ಲ. 

ಇದನ್ನೂ ಓದಿ : ಈತನ ಸಾಮರ್ಥ್ಯ ಅರಿಯುವಲ್ಲಿ ಎಡವಿದ್ದರು ರೋಹಿತ್ ಶರ್ಮಾ! ವಿಶ್ವಕಪ್ ನಲ್ಲಿ ಭಾರತದ ಕೀರ್ತಿ ಪತಾಕೆ ಹಾರಿಸಿದ್ದು ಇದೇ ಆಟಗಾರ!

ಬುಮ್ರಾ  ಅವರದ್ದು ಶ್ರೇಷ್ಠ ದಾಖಲೆ : 
ಈ ಪಂದ್ಯದಲ್ಲಿ ಜಸ್ಪ್ರೀತ್ ಬುಮ್ರಾ ಅವರು ಇನಿಂಗ್ಸ್‌ನ ಮೊದಲ ಎಸೆತದಲ್ಲಿ ಶ್ರೀಲಂಕಾದ ಬ್ಯಾಟ್ಸ್‌ಮನ್ ಪಾಥುಮ್ ನಿಸ್ಸಾಂಕಾ ಅವರನ್ನು ಔಟ್ ಮಾಡಿದರು. ಬುಮ್ರಾ ಎಸೆತದಲ್ಲಿ ಪಾತುಮ್ ನಿಸ್ಸಾಂಕಾ ಖಾತೆ ತೆರೆಯದೆ ಎಲ್‌ಬಿಡಬ್ಲ್ಯೂ ಆಗಿ ಔಟಾದರು. ಈ ವಿಕೆಟ್‌ನೊಂದಿಗೆ ಬುಮ್ರಾ ಏಕದಿನ ವಿಶ್ವಕಪ್‌ನಲ್ಲಿ ಇನ್ನಿಂಗ್ಸ್‌ನ ಮೊದಲ ಎಸೆತದಲ್ಲಿ ವಿಕೆಟ್ ಪಡೆದ ಮೊದಲ ಭಾರತೀಯ ಬೌಲರ್ ಎನಿಸಿಕೊಂಡರು. ಇದಕ್ಕೂ  ಮುನ್ನ ಯಾವ ಬೌಲರ್‌ಗಳಿಗೂ ಈ ಸಾಧನೆ ಮಾಡಲು ಸಾಧ್ಯವಾಗಿರಲಿಲ್ಲ.

ಶತಕ ಸಿಡಿಸಿದ ತಂಡದ ಮೂವರು ಬ್ಯಾಟ್ಸ್‌ಮನ್‌ಗಳು : 
ಈ ಪಂದ್ಯವನ್ನು ಗೆಲ್ಲಲು ಟೀಂ ಇಂಡಿಯಾ ಶ್ರೀಲಂಕಾಗೆ 358 ರನ್‌ಗಳ ದೊಡ್ಡ ಗುರಿ ನೀಡಿತ್ತು. ಶುಭಮನ್ ಗಿಲ್ 92 ರನ್ ಗಳಿಸಿ ದಿಲ್ಶನ್ ಮಧುಶಂಕ ಅವರ ಶಾಟ್ ಪಿಚ್ ಎಸೆತದಲ್ಲಿ ವಿಕೆಟ್ ಕೀಪರ್ ಗೆ ಕ್ಯಾಚಿತ್ತು ಔಟಾದರು. ಇದಾದ ಬಳಿಕ ವಿರಾಟ್ ಕೊಹ್ಲಿ ಭರ್ಜರಿ ಬ್ಯಾಟಿಂಗ್ ನಡೆಸಿ 88 ರನ್ ಗಳಿಸಿದ್ದರು. 2023ರ ವಿಶ್ವಕಪ್‌ನಲ್ಲಿ ಇಲ್ಲಿಯವರೆಗೆ ದೊಡ್ಡ ಇನ್ನಿಂಗ್ಸ್‌ ಆಡದ ಶ್ರೇಯಸ್‌ ಅಯ್ಯರ್‌ ಈ ಪಂದ್ಯದಲ್ಲಿ ಮಾರಕ ಬ್ಯಾಟಿಂಗ್‌ ಮಾಡಿದ್ದರು. ಆದರೆ ಅಯ್ಯರ್ 
82 ರನ್ ಗಳಿಸಿ ಔಟಾದರು.

ಇದನ್ನೂ ಓದಿ : My Name Is... ಕ್ರಿಕೆಟ್ ಮೈದಾನದಲ್ಲಿ ದೊಡ್ಡ ಎಂಟರ್ಟೈನರ್ ವಿರಾಟ್ ಕೊಹ್ಲಿ, ವಿಡಿಯೋ ವೈರಲ್