ತೆಲಂಗಾಣ ಜನತೆಯಿಂದ ಪವನ್‌ ಕಲ್ಯಾಣ್‌ಗೆ ಆಘಾತ: ಠೇವಣಿ ಕಳೆದುಕೊಂಡ ಜನಸೇನಾ ಅಭ್ಯರ್ಥಿ!

Pawan Kalyan: ಜನಸೇನಾ ಅಭ್ಯರ್ಥಿಯಾದ ಪವನ್‌ ಕಲ್ಯಾಣ್‌ ಬಿಜೆಪಿ ಜೊತೆಗಿನ ಮೈತ್ರಿಯ ಭಾಗವಾಗಿ 8 ಸ್ಥಾನಗಳಲ್ಲಿ ಸ್ಪರ್ಧಿಸಿ ಕನಿಷ್ಠ ಒಂದು ಸ್ಥಾನದಲ್ಲೂ ಠೇವಣಿ ಪಡೆಯದೆ 2023 ವಿಧಾನಸೌಧ ಚುನಾವಣೆಯಲ್ಲಿ ಸೋಲನ್ನು ಕಂಡಿದ್ದಾರೆ.

Pawan Kalyan In Telangana State Assembly Election: ತೆಲಂಗಾಣ ವಿಧಾನಸಭೆ ಚುನಾವಣೆ 2023ರ  ಫಲಿತಾಂಶದಲ್ಲಿ ಪವನ್ ಕಲ್ಯಾಣ್‌ಗೆ ಅನಿರೀಕ್ಷಿತ ಆಘಾತ ಎದುರಾಗಿದ್ದು, ಬಿಜೆಪಿ ಜೊತೆಗಿನ ಮೈತ್ರಿಯ ಭಾಗವಾಗಿ 8 ಸ್ಥಾನಗಳಲ್ಲಿ ಸ್ಪರ್ಧಿಸಿ ಕನಿಷ್ಠ ಒಂದು ಸ್ಥಾನದಲ್ಲೂ ಠೇವಣಿ ಪಡೆದಿಲ್ಲ. ಜನಸೇನಾ ಅಭ್ಯರ್ಥಿಗಳು ಎಲ್ಲಿಯೂ ಖಾತೆ ತೆರೆಯದೇ, ಕುಕಟ್‌ಪಲ್ಲಿಯಲ್ಲಿ ಪ್ರೇಮ್‌ಕುಮಾರ್‌, ತಾಂಡೂರಿನಲ್ಲಿ ಶಂಕರ್‌ಗೌಡ್‌, ನಾಗರಕರ್ನೂಲ್‌ನಲ್ಲಿ ಲಕ್ಷ್ಮಣ್‌ಗೌಡ್‌, ಕೋಡದಲ್ಲಿ ಮೇಕಲ ಸತೀಶ್‌ ರೆಡ್ಡಿ, ಖಮ್ಮಂನಲ್ಲಿ ರಾಮಕೃಷ್ಣ, ವೈರಾದಲ್ಲಿ ಸಂಪತ್‌ ನಾಯ್ಕ್‌, ಕೊಟ್ಟಗುಡ್ಡೆಯಲ್ಲಿ ಸುರೇಂದರ್‌ ರಾವ್‌, ಅಶ್ವರಾವ್‌ಪೇಟೆಯಲ್ಲಿ ಉಮಾದೇವಿ ಠೇವಣಿ ಕಳೆದುಕೊಂಡಿದ್ದಾರೆ.

ತೆಲಂಗಾಣದಲ್ಲಿ ಬಿಜೆಪಿ ಮತ್ತು ಜನಸೇನಾ ಮೈತ್ರಿಕೂಟದ ಪರವಾಗಿ ಪವನ್ ಕಲ್ಯಾಣ್ ಕೂಡ ಪ್ರಚಾರ ನಡೆಸಿದ್ದು, ಹೈದರಾಬಾದ್‌ನ ಕೂಕಟ್‌ಪಲ್ಲಿಯಲ್ಲಿ ವಾರಂಗಲ್, ಸೂರ್ಯಪೇಟ್, ಕೊತಗುಡೆಂ ಸಭೆಗಳ ಜತೆಗೆ ರೋಡ್ ಶೋ  ನಡೆಸಲಾಯಿತು. ಆದರೂ, ಅವರ ಪ್ರಚಾರವು ಯಾವುದೇ ಪರಿಣಾಮ ಬೀರಲು ವಿಫಲವಾಗಿ, ಬಿಜೆಪಿಯ ಪ್ರಮುಖ ಅಭ್ಯರ್ಥಿಗಳ ಜೊತೆಗೆ ಜನಸೇನಾ ನಾಯಕರೂ ಸೋಲಿನತ್ತ ಸಾಗುತ್ತಿದ್ದಾರೆ. ಜನಸೇನೆಯ ಯಾವೊಬ್ಬ ಅಭ್ಯರ್ಥಿಯೂ ಠೇವಣಿ ಹಣ ಪಡೆದಿಲ್ಲ.

ಇದನ್ನೂ ಓದಿ: ಕೆಸಿಆರ್‌ʼಗೆ ಶಾಕ್‌ ಕೊಟ್ಟ ಟ್ರಬಲ್‌ ಶೂಟರ್‌..! ತೆಲಂಗಾಣದಲ್ಲಿ ಮೋಡಿ ಮಾಡಿದ ʼಡಿಕೆಶಿʼ

ಜನಸೇನೆ ಮಾತ್ರವಲ್ಲ, ಬಿಜೆಪಿ ನಾಯಕರಿಗೂ ಅನಿರೀಕ್ಷಿತ ಆಘಾತ ಎದುರಾಗಿದೆ. ಕೇಸರಿ ಸೇನೆಯಲ್ಲಿರುವ ಘಟಾನುಘಟಿಗಳೆಲ್ಲ ಸೋಲಿನತ್ತ ಸಾಗುತ್ತಿದ್ದಾರೆ. ಕರೀಂನಗರದಲ್ಲಿ ಬಂಡಿ ಸಂಜಯ್, ಕೋರೂಟಿನಲ್ಲಿ ಧರ್ಮಪುರಿ ಅರವಿಂದ್, ದುಬ್ಬಾಕದಲ್ಲಿ ರಘುನಂದನ್ ರಾವ್, ಗೋಶಾಮಹಲ್‌ನಲ್ಲಿ ರಾಜಾಸಿಂಗ್ ಕೂಡ ಹಿನ್ನಡೆಯಲ್ಲಿದ್ದಾರೆ.

ರಾಜೇಂದರ್ ಕೂಡ ಹಿನ್ನಡೆ ಎದುರಿಸುತ್ತಿದ್ದಾರೆ. ಗಜ್ವೇಲ್ ಜತೆಗೆ ಹುಜೂರಾಬಾದ್ ನಲ್ಲೂ ಈಟಾಲ ರಾಜೇಂದರ್ ಸಂಕಷ್ಟಕ್ಕೆ ಸಿಲುಕಿದ್ದಾರೆ. ಏತಲ ಗಜ್ವೇಲ್‌ನಲ್ಲಿ ದ್ವಿತೀಯ ಸ್ಥಾನದಲ್ಲಿದ್ದರೆ, ಹುಜೂರಾಬಾದ್‌ನಲ್ಲಿ ತೃತೀಯ ಸ್ಥಾನಕ್ಕೆ ಸೀಮಿತವಾಗಿದೆ