ಎದೆಯಲ್ಲಿರುವ ಕಠಿಣ ಕಫವನ್ನು ಕರಗಿಸುವ ಈ 'ಸೂಪರ್' ಮನೆಮದ್ದು..!

Remedies for Mucus : ಮನೆಯಲ್ಲಿ ಸರಳವಾಗಿ ಮಾಡಬಹುದಾದ ಈ ಆಯುರ್ವೇದ ಕಷಾಯವು ಎದೆಯಲ್ಲಿ ಸಂಗ್ರಹವಾದ ಕಫವನ್ನು ಕರಗಿಸುತ್ತದೆ, ಅಲ್ಲದೆ, ಅದನ್ನು ಹೊರಹಾಕುತ್ತದೆ. ಇದು ಶೀತ ಮತ್ತು ಕೆಮ್ಮಿನಿಂದ ತ್ವರಿತ ಪರಿಹಾರವನ್ನು ನೀಡುತ್ತದೆ. ಹಾಗಿದ್ರೆ ಈ ಮನೆಮದ್ದನ್ನ ತಯಾರಿಸುವುದು ಹೇಗೆ, ಅದಕ್ಕೆ ಬೇಕಾದ ಸಾಮಗ್ರಿಗಳು ಯಾವುವು..? ಅಂತ ತಿಳಿಯೋಣ ಬನ್ನಿ

Kashaya for Mucus : ಚಳಿಗಾಲದಲ್ಲಿ ಹೆಚ್ಚಿನ ಜನರು ಕೆಮ್ಮು ಮತ್ತು ಶೀತದಿಂದ ಬಳಲುತ್ತಿದ್ದಾರೆ. ಎದೆಯಲ್ಲಿ ಕಫ ಶೇಖರಣೆಯಾಗುವುದು ಸಮಸ್ಯೆಯನ್ನು ಉಲ್ಬಣಗೊಳಿಸುತ್ತದೆ. ಕೆಲವೊಮ್ಮೆ ಉಸಿರಾಟವು ಕಷ್ಟಕರವಾಗಿರುತ್ತದೆ. ಶ್ವಾಸಕೋಶದಲ್ಲಿ ದೀರ್ಘಕಾಲದ ಸೋಂಕು ನ್ಯುಮೋನಿಯಾ ಅಪಾಯವನ್ನು ಹೆಚ್ಚಿಸುತ್ತದೆ. ಕಫ ಉಂಟಾದರೆ ರಾತ್ರಿಯಲ್ಲಿ ಶಾಂತಿಯುತವಾಗಿ ಮಲಗಲು ಸಾಧ್ಯವಾಗುವುದಿಲ್ಲ. ಈ ಸಮಸ್ಯೆಗೆ ಇಲ್ಲಿ ನೀಡಿರುವ ಆಯುರ್ವೇದ ಕಷಾಯವನ್ನು ಕುಡಿಯಿರಿ. 3-4 ದಿನಗಳಲ್ಲಿ ಪರಿಹಾರವನ್ನು ಪಡೆಯುತ್ತೀರಿ.

ಮದ್ದು ತಯಾರಿಸಲು ಬೇಕಾಗುವ ಸಾಮಾಗ್ರಿಗಳು

1. ಸುಮಾರು 1 ಇಂಚಿನ ಶುಂಠಿ ತುಂಡು 
2. ಸುಮಾರು 8-10 ಕರಿಮೆಣಸು
3. 8-10 ತುಳಸಿ ಎಲೆಗಳು
4. ಹಸಿರು ಅರಿಶಿನ 1 ತುಂಡು
5. 1 ದಾಲ್ಚಿನ್ನಿ ಕಡ್ಡಿ
6. 1 ದೊಡ್ಡ ತುಂಡು ಬೆಲ್ಲ
7. 1 ಗ್ಲಾಸ್ ನೀರು

ಕಷಾಯವನ್ನು ತಯಾರಿಸುವ ವಿಧಾನ

1. ಕಷಾಯವನ್ನು ತಯಾರಿಸಲು, ಮೊದಲು ಒಂದು ಪಾತ್ರೆಯಲ್ಲಿ ನೀರನ್ನು ಕುದಿಸಿ.

2. ಅದಕ್ಕೆ ತುಳಸಿ ಎಲೆಗಳು, ಕರಿಮೆಣಸು ಮತ್ತು ಹಸಿರು ಅರಿಶಿನ ಸೇರಿಸಿ.

3. ನೀರಿಗೆ ದಾಲ್ಚಿನ್ನಿ, ಬೆಲ್ಲ ಮತ್ತು ಶುಂಠಿ ಸೇರಿಸಿ ಕುದಿಯಲು ಬಿಡಿ.

4. ನೀರು ಅರ್ಧ ಕುದಿಯುವವರೆಗೆ ಮತ್ತು ಅದರ ಬಣ್ಣ ಬದಲಾಗುವವರೆಗೆ ನೀವು ಅದನ್ನು ಸುಮಾರು 20 ನಿಮಿಷಗಳ ಕಾಲ ಕುದಿಸಬೇಕು.

5. ಇದು ಸುಮಾರು ಅರ್ಧ ಗ್ಲಾಸ್‌ಗೆ ಕಡಿಮೆಯಾದ ನಂತರ, ಅದನ್ನು ಮಗ್‌ಗೆ ಸೋಸಿ ಬಿಸಿಯಾಗಿ ಕುಡಿಯಿರಿ.

6. ಈ ಕಷಾಯವನ್ನು 3-4 ದಿನಗಳವರೆಗೆ ನಿರಂತರವಾಗಿ ಕುಡಿಯಿರಿ. ಇದರಿಂದ ನೆಗಡಿ ಮತ್ತು ಕೆಮ್ಮಿನ ಸಮಸ್ಯೆ ನಿವಾರಣೆಯಾಗುತ್ತದೆ.

ಪ್ರಯೋಜನಗಳು : ಈ ಕಷಾಯ ದೇಹವನ್ನು ಬೆಚ್ಚಗಿಡುತ್ತದೆ ಮತ್ತು ಕಫವನ್ನು ಕರಗಿಸಲು ಸಹಾಯ ಮಾಡುತ್ತದೆ. ಇದರಲ್ಲಿ ಹಸಿರು ಅರಿಶಿನವನ್ನು ಬಳಸುವುದರಿಂದ, ಕಫ ಸಡಿಲಗೊಳಿಸಲು ಸಹಾಯ ಮಾಡುತ್ತದೆ. ಅಲ್ಲದೆ, ಇದರಲ್ಲಿರುವ ಆ್ಯಂಟಿ ಬ್ಯಾಕ್ಟೀರಿಯಲ್ ಮತ್ತು ಆ್ಯಂಟಿ ಆಕ್ಸಿಡೆಂಟ್ ಸೋಂಕುಗಳ ವಿರುದ್ಧ ಹೋರಾಡಲು ಸಹಾಯ ಮಾಡುತ್ತದೆ. ಕರಿಮೆಣಸು ತಿನ್ನುವುದರಿಂದ ಶೀತ ಮತ್ತು ಕಫ ಕಡಿಮೆಯಾಗುತ್ತದೆ. ಈ ಕಾರಣದಿಂದಾಗಿ, ಶ್ವಾಸಕೋಶದಲ್ಲಿ ಸಂಗ್ರಹವಾದ ಕಫ ಕರಗುತ್ತದೆ. 

ಪ್ರಮುಖ ಸೂಚನೆ : ಕಷಾಯವನ್ನು ತಯಾರಿಸಲು ಬಳಸುವ ಎಲ್ಲಾ ಪದಾರ್ಥಗಳನ್ನು ನಿಗದಿತ ಪ್ರಮಾಣದಲ್ಲಿ ಮಾತ್ರ ಸೇರಿಸಬೇಕು. ಅಲ್ಲದೆ, ಕಷಾಯವನ್ನು ಸಣ್ಣ ಪ್ರಮಾಣದಲ್ಲಿ ಮಾತ್ರ ತೆಗೆದುಕೊಳ್ಳಬೇಕು. ಏಕೆಂದರೆ ಹೆಚ್ಚು ಸೇರಿಸುವುದರಿಂದ ಅನ್ನನಾಳದಲ್ಲಿ ಎದೆಯುರಿ, ವಾಕರಿಕೆ ಮತ್ತು ಕಿರಿಕಿರಿ ಉಂಟಾಗುತ್ತದೆ.

(ಹಕ್ಕುತ್ಯಾಗ: ಇಲ್ಲಿ ನೀಡಲಾದ ಮಾಹಿತಿಯು ಮನೆಮದ್ದುಗಳು ಮತ್ತು ಸಾಮಾನ್ಯ ಮಾಹಿತಿಯನ್ನು ಆಧರಿಸಿದೆ. ಇವುಗಳನ್ನು ಅನುಸರಿಸುವ ಮೊದಲು ವೈದ್ಯಕೀಯ ಸಲಹೆಯನ್ನು ತೆಗೆದುಕೊಳ್ಳಬೇಕು. ZEE MEDIA ಈ ಮಾಹಿತಿಗೆ ಜವಾಬ್ದಾರಿ.