ಪಾಟ್ನಾ: ರಾಷ್ಟ್ರೀಯ ಜನತಾದಳದ ಅಧ್ಯಕ್ಷ ಲಾಲು ಪ್ರಸಾದ್ ಯಾದವ್(Lalu Prasad Yadav) ಅವರ ಪುತ್ರ ತೇಜ್ ಪ್ರತಾಪ್ ಅವರ ಪತ್ನಿ ಐಶ್ವರ್ಯಾ ರೈ ಮಹಿಳಾ ಪೊಲೀಸ್ ಠಾಣೆಯಲ್ಲಿ ಎಫ್ಐಆರ್ ದಾಖಲಿಸಿದ್ದಾರೆ. ಇದರಲ್ಲಿ ಐಶ್ವರ್ಯಾ ತನ್ನ ಅತ್ತೆ ಮತ್ತು ಬಿಹಾರದ ಮಾಜಿ ಮುಖ್ಯಮಂತ್ರಿ ರಾಬ್ರಿ ದೇವಿ(Rabri Devi) ಮತ್ತು ನಾದಿನಿ ಮಿಸಾ ಭಾರತಿ ವಿರುದ್ಧ ಆರೋಪಗಳನ್ನು ಮಾಡಿದ್ದಾರೆ.
ಮಾಜಿ ಮುಖ್ಯಮಂತ್ರಿ ರಾಬ್ರಿ ದೇವಿ ಅವರು ಪಾಟ್ನಾದ ತಮ್ಮ 10 ಸರ್ಕ್ಯುಲರ್ ರಸ್ತೆಯಿಂದ ಹೊರಗೆ ತಳ್ಳಿದ್ದಾರೆ ಎಂದು ಐಶ್ವರ್ಯಾ ರೈ ದೂರಿನಲ್ಲಿ ಉಲ್ಲೇಖಿಸಿದ್ದಾರೆ. ಅಷ್ಟೇ ಅಲ್ಲ, ರಾಬ್ರಿ ದೇವಿ ಮತ್ತು ಮಿಸಾ ಭಾರತಿ ತಮ್ಮ ಕೂದಲನ್ನು ಎಳೆದು ಥಳಿಸಿದ್ದಾರೆ ಎಂದು ಐಶ್ವರ್ಯಾ ಆರೋಪಿಸಿದ್ದಾರೆ. ಜೊತೆಗೆ ಅಲ್ಲಿ ಪೋಸ್ಟ್ ಮಾಡಿದ್ದ ಭದ್ರತಾ ಸಿಬ್ಬಂದಿಗಳು ಸಹ ಅವರನ್ನು ಬೆಂಬಲಿಸಿದರು. ಅಷ್ಟೇ ಅಲ್ಲ ನನ್ನಿಂದ ಮೊಬೈಲ್ ಫೋನ್ ಕೂಡ ಕಸಿದುಕೊಂಡಿದ್ದರು ಎಂದು ಐಶ್ವರ್ಯಾ ಆರೋಪಿಸಿದ್ದಾರೆ.
ಅತ್ತೆ-ಸೊಸೆ ಜಗಳಕ್ಕೆ ಕಾರಣ?
ವಾಸ್ತವವಾಗಿ, ಲಾಲು ಕುಟುಂಬದಲ್ಲಿ ಜಗಳ ನಡೆಯುತ್ತಿದೆ. ಏಕೆಂದರೆ ಐಶ್ವರ್ಯಾ ರಾಯ್ ಪತಿ ತೇಜ್ ಪ್ರತಾಪ್ ಅವರಿಂದ ವಿಚ್ಛೇದನಕ್ಕಾಗಿ ವಿಚಾರಣೆಯನ್ನು ಎದುರಿಸುತ್ತಿದ್ದಾರೆ. ಇದರಲ್ಲಿ ಪಾಟ್ನಾದ ಬಿಎನ್ ಕಾಲೇಜಿನಲ್ಲಿ ಐಶ್ವರ್ಯಾ ಅವರ ಪೋಷಕರ ಬಗ್ಗೆ ಆಕ್ಷೇಪಾರ್ಹ ಪೋಸ್ಟರ್‌ಗಳನ್ನು ಹಾಕಲಾಗಿತ್ತು. ಈ ವಿಷಯದಲ್ಲಿ ಐಶ್ವರ್ಯ ಅವರು ರಾಬ್ರಿ ದೇವಿಯನ್ನು ಪ್ರಶ್ನಿಸಲು ಹೋದಾಗ, ಐಶ್ವರ್ಯಾಳನ್ನು ಅತ್ತೆ ಥಳಿಸಿದ್ದಾರೆ ಎನ್ನಲಾಗಿದೆ. ಈ ಘಟನೆ ನಂತರ, ಭದ್ರತಾ ಸಿಬ್ಬಂದಿಯ ಸಹಾಯದಿಂದ, ಅವರ ವಸ್ತುಗಳನ್ನು ಎತ್ತಿ ಮನೆಯಿಂದ ಹೊರಗಿಡಲಾಯಿತು ಮತ್ತು ಅವರನ್ನು ಮನೆಯಿಂದ ಹೊರಹಾಕಲಾಯಿತು ಎಂದು ಹೇಳಲಾಗಿದೆ.
ಐಶ್ವರ್ಯಾ ಅವರ ತಂದೆ ಚಂದ್ರಿಕಾ ರೈ ಅಸಮಾಧಾನ:
ಮಗಳು ಐಶ್ವರ್ಯಾ ಅವರನ್ನು ಥಳಿಸಿರುವ ಬಗ್ಗೆ ಆಕ್ರೋಶ ವ್ಯಕ್ತಪಡಿಸಿರುವ ಚಂದ್ರಿಕಾ ರೈ(ಐಶ್ವರ್ಯಾ ತಂದೆ) ಅಳಿಯ ತೇಜ್ ಪ್ರತಾಪ್ ಅವರನ್ನು ಹುಚ್ಚು ಹುಡುಗ ಎಂದು ಕರೆದಿದ್ದಾರೆ. ಮಾಜಿ ಮುಖ್ಯಮಂತ್ರಿ ರಾಬ್ರಿ ದೇವಿ ಅವರನ್ನು ಬಹಿರಂಗಪಡಿಸುವುದಾಗಿ ಇದೇ ವೇಳೆ ಚಂದ್ರಿಕಾ ರೈ ತಿಳಿಸಿದ್ದಾರೆ. ತಮ್ಮ ಮನೆಯಲ್ಲಿರುವ ಹೆಣ್ಣು ಮಗಳಿಗೆ ರಕ್ಷಣೆ ನೀಡಲಾದವರು ಹೊರಗಿನ ಹೆಣ್ಣು ಮಕ್ಕಳಿಗೆ ಯಾವ ರೀತಿಯ ರಕ್ಷಣೆ ನೀಡಲಿದ್ದಾರೆ ಎಂದು ಅವರು ಪ್ರಶ್ನಿಸಿದರು.
ಇನ್ನು ತಮ್ಮ ಪುತ್ರಿ ಐಶ್ವರ್ಯಾ ಅವರಿಗೆ ಅತ್ತೆ ಮನೆಯಲ್ಲಿ ಊಟ ಕೂಡ ಕೊಡುತ್ತಿರಲಿಲ್ಲ. ನನ್ನ ಮಗಳಿಗೆ ನಮ್ಮ ಮನೆಯಿಂದ ಆಹಾರ ಕಳುಹಿಸುತ್ತಿದ್ದೆವು ಎಂದು ಐಶ್ವರ್ಯಾ ಅವರ ತಾಯಿ ಪೂರ್ಣಿಮಾ ರೈ ಹೇಳಿದ್ದಾರೆ. ಅಷ್ಟೇ ಅಲ್ಲ ಐಶ್ವರ್ಯಾ ಕೂಡ ತಮಗೆ ಗಂಡನ ಮನೆಯಲ್ಲಿ ನನಗೆ ಊಟ ಕೂಡ ಸಿಗುತ್ತಿರಲಿಲ್ಲ. ಅದಕ್ಕಾಗಿ ನನ್ನ ಅಂದೇ ಮನೆಯಿಂದ ಊಟ ಬರುತ್ತಿತ್ತು ಎಂದಿದ್ದರು.
ಇದಕ್ಕೂ ಮೊದಲು ಸೆಪ್ಟೆಂಬರ್ ತಿಂಗಳಲ್ಲಿ ಮಳೆಯಲ್ಲಿ ಐಶ್ವರ್ಯಾ ಅವರನ್ನು ಮನೆಯಿಂದ ಹೊರಹಾಕಲಾಯಿತು. ಆದರೆ ನಂತರ, ಆಡಳಿತ ಮತ್ತು ನ್ಯಾಯಾಲಯದ ಹಸ್ತಕ್ಷೇಪದಿಂದ ಅವಳು ಬಹಳ ಕಷ್ಟದಿಂದ ಗಂಡನ ಮನೆಗೆ ಮರಳಿದ್ದರು.
