ಗೌತಮ್ ಅದಾನಿ ಪ್ರಕರಣ : ಬಂಧನ ಸಾಧ್ಯತೆ ಹಾಗೂ ಶಿಕ್ಷೆ ಪ್ರಮಾಣ ಬಗ್ಗೆ ಇಲ್ಲಿದೆ ಸಂಪೂರ್ಣ ಮಾಹಿತಿ

Gautam Adani case: ನ್ಯೂಯಾರ್ಕ್ ನ್ಯಾಯಾಲಯವು ಉದ್ಯಮಿ ಗೌತಮ್ ಅದಾನಿ ವಿರುದ್ಧ ಲಂಚ ಮತ್ತು ಮೋಸದ ಆರೋಪಗಳನ್ನು ಹೊರಡಿಸಿದೆ, ಈ ಘಟನೆ ಅಂತರಾಷ್ಟ್ರೀಯ ಮಟ್ಟದಲ್ಲಿ ಗಮನ ಸೆಳೆಯುತ್ತಿದೆ. ಹಾಗಾದರೆ ಅದಾನಿ ಅವರನ್ನ ಬಂಧನ ಮಾಡಬಹುದಾ? ಮುಂದಿನ ಕಾನೂನು ಪ್ರಕ್ರಿಯೆ ಹೇಗಿರಲಿದೆ?

Gautam Adani: ಸದ್ಯ ಭಾರತದಲ್ಲಿ ಇರುವ ಅದಾನಿಯನ್ನು ಅಮೇರಿಕ ಪೊಲೀಸರು ಬಂಧನ ಮಾಡಲು ಅವಕಾಶವಿಲ್ಲ, ಇದಕ್ಕೆ ವಿಶೇಷ ನ್ಯಾಯ ಪ್ರಕ್ರಿಯೆ ನಡೆಯಬೇಕು ಇದಕ್ಕೆ ಎಕ್ಸ್ಟ್ರಾಡಿಷನ್ ಎಂದು ಕರೆಯಲಾಗುತ್ತದೆ. ಹೀಗಾಗಿ ಅಮೆರಿಕಕ್ಕೆ ಕರೆತರಲು ಎಕ್ಸ್ಟ್ರಾಡಿಷನ್ ಪ್ರಕ್ರಿಯೆಯನ್ನ ಅಮೇರಿಕ ಪ್ರಾರಂಭವಾಗಬಹುದು. ಎಕ್ಸ್ಟ್ರಾಡಿಷನ್ ಪ್ರಕ್ರಿಯೆ ದೀರ್ಘ ಕಾಲ ನಡೆಯಬಹುದು, ಉದಾಹರಣೆಗೆ ಭಾರತದ ಉದ್ಯಮಿ ವಿಜಯ್ ಮಲ್ಯ ಅವರ ಎಕ್ಸ್ಟ್ರಾಡಿಷನ್ ಪ್ರಕ್ರಿಯೆ ಬ್ರಿಟನ್ ನಲ್ಲಿ ನಡೆಯುತ್ತಿರುವ ರೀತಿ. 

ಅದಾನಿ ಬಂಧನ ಪ್ರಕ್ರಿಯೆ ಹೇಗಿರಲಿದೆ?
ಗೌತಮ್ ಅದಾನಿ ಭಾರತದಲ್ಲಿ ಇದ್ದಾರೆ ಎನ್ನಲಾಗಿದೆ, ಅಮೆರಿಕದ ಪ್ರಾಸಿಕ್ಯೂಟರ್‌ಗಳು ಭಾರತ ಸರ್ಕಾರವನ್ನು ಅಮೆರಿಕ-ಭಾರತ ಔಪಚಾರಿಕ ವ್ಯಕ್ತಿ ಹಸ್ತಾಂತರ ಒಪ್ಪಂದದಡಿ ಅವರಿಗೆ ಹಸ್ತಾಂತರಿಸುವಂತೆ ಕೇಳಬೇಕಾಗುತ್ತದೆ.

ಈ ಪ್ರಕ್ರಿಯೆ ಭಾರತದ ನ್ಯಾಯಾಲಯದ ಮೂಲಕ ನಡೆಯುತ್ತದೆ, ಅಮೆರಿಕದಲ್ಲಿ ದಾಖಲಾಗಿರುವ ಅಪರಾಧವು ಭಾರತದಲ್ಲೂ ಅಪರಾಧವೇ ಎಂದು ಸಾಬೀತು ಆಗಬೇಕು ಜೊತೆಗೆ, ಆರೋಪಗಳು ರಾಜಕೀಯ ಪ್ರೇರಿತವೇ?ಅಥವಾ ಅಮೆರಿಕದಲ್ಲಿ ಅವರಿಗೆ ಮಾನವೀಯತೆಯನ್ನು ಮೀರುವ ವರ್ತನೆ ಎದುರಾಗಬಹುದೇ ಎಂಬುದು ನ್ಯಾಯಾಲಯ ನಿರ್ಧಾರ ಮಾಡಬೇಕು.ಅಡಾನಿ ಹಸ್ತಾಂತರವನ್ನು ವಿರೋಧಿಸಬಹುದು, ಮತ್ತು ಈ ಪ್ರಕ್ರಿಯೆ ಎಷ್ಟು ಸಮಯ ತೆಗೆದುಕೊಳ್ಳುತ್ತದೆ ಎಂಬುದು ಸ್ಪಷ್ಟವಿಲ್ಲ. 

ಅದಾನಿ ನ್ಯಾಯಾಲಯದಲ್ಲಿ ಈ ಆರೋಪಗಳನ್ನು ತಿರಸ್ಕರಿಸಿ ಗೆಲ್ಲಬಹುದ?
ಹೌದು, ಆದರೆ ಅದಾನಿ ಅಮೆರಿಕ ನ್ಯಾಯಾಲಯದಲ್ಲಿ ಹಾಜರಾಗಬೇಕು. ಅವರ ವಕೀಲರು ಕ್ರಮಾತ್ಮಕ ಅಡಿಪಾಯಗಳ ಮೇಲೆ ಮಾತ್ರ ಆರೋಪವನ್ನು ಪ್ರಶ್ನಿಸಬಹುದು, ಉದಾಹರಣೆಗೆ ಅಮೆರಿಕದ ಪ್ರಾಸಿಕ್ಯೂಟರ್‌ಗಳಿಗೆ ಅವರ ವಿರುದ್ಧ ಆರೋಪಿಸುವ ಅಧಿಕಾರವಿಲ್ಲ ಎಂಬ ವಾದವನ್ನು ಮಾಡಬಹುದು.
ಅದಾನಿ ಅಮೆರಿಕ ನ್ಯಾಯಾಲಯದ ಮುಂದೆ ಹಾಜರಾಗಿದ ನಂತರ, ವಕೀಲರು ಆರೋಪಗಳ ಮಾನ್ಯತೆಯನ್ನು ಅಥವಾ ಸಾಕ್ಷ್ಯಾಧಾರಗಳ ಕೊರತೆಯನ್ನು ಪ್ರಶ್ನಿಸಬಹುದು. ಪ್ರಾಸಿಕ್ಯೂಟರ್‌ಗಳಿಗೆ ಕಾನೂನು ಪ್ರಕರಣಗಳ ಆರಂಭಿಕ ಹಂತದಲ್ಲಿ ಹೆಚ್ಚುವರಿ ಲಾಭವಿರುವುದರಿಂದ ಆರೋಪಗಳನ್ನು ತಿರಸ್ಕರಿಸುವುದು ಕಷ್ಟವಾಗಿದೆ ಎನ್ನಲಾಗುತ್ತಿದೆ.

ಅದಾನಿ ವಿರುದ್ದ ಆರೋಪ ಸಾಬೀತು ಆದರೆ ಶಿಕ್ಷೆ ಏನು?
ಗೌತಮ್ ಅದಾನಿ ತಪ್ಪಿತಸ್ಥ ಎಂದು ಅಮೇರಿಕ ನ್ಯಾಯಾಲಯದಲ್ಲಿ ಸಾಬೀತಾದರೆ, ಆದಾನಿ ಅನೇಕ ದಶಕಗಳ ಜೈಲು ಶಿಕ್ಷೆಯನ್ನು ಮತ್ತು ದಂಡಗಳನ್ನು ಅಲ್ಲಿನ ನ್ಯಾಯಾಲಯ ವಿಧಿಸಬಹುದು. ಸದ್ಯ ಅಲ್ಲಿನ ಕಾನೂನು ಪ್ರಕಾರ ವಿದೇಶಿ ಲಂಚದ ಆರೋಪಗಳಿಗೆ ಐದು ವರ್ಷಗಳ ಜೈಲು ಶಿಕ್ಷೆ, ಮತ್ತು ಭದ್ರತಾ ವಂಚನೆ, ವೈರ್ ವಂಚನೆ, ನ್ಯಾಯದೋಷ ಹಸ್ತಕ್ಷೇಪ ಮತ್ತು ಸಂಚು ಆರೋಪಗಳಿಗೆ 20 ವರ್ಷಗಳವರೆಗೆ ಶಿಕ್ಷೆ ಪ್ರಮಾಣ ಇದೇ.

ಅದಾನಿಯನ್ನು ದೋಷಿಯೆಂದು ನಿರ್ಧರಿಸಲು 12 ಜನರ ನ್ಯಾಯಾಂಗ ಮಂಡಳಿ ಏಕಮತದಿಂದ ಮತ ನೀಡಬೇಕಾಗುತ್ತದೆ, ಮತ್ತು ಅಪರಾಧವು ನಿರ್ಣಯವಾಗಿದ್ದರೆ ಅವರು ಆ ನಿರ್ಣಯದ ವಿರುದ್ಧ ಮೇಲ್ಮನವಿ ಸಲ್ಲಿಸಬಹುದು.

ಸದ್ಯ ಅದಾನಿ ಸಂಸ್ಥೆ ಈ ಎಲ್ಲಾ ಆರೋಪಗಳನ್ನ “ಅಸಂಬದ್ಧ”ವೆಂದು ತಿರಸ್ಕರಿಸಿದೆ. ವಿಪಕ್ಷ ಕಾಂಗ್ರೆಸ್ ಹಾಗೂ ಕೈ ನಾಯಕ ರಾಹುಲ್ ಗಾಂಧಿ ಅದಾನಿ ವಿರುದ್ದ ಕೆಂಡ ಕಾರಿದ್ದಾರೆ, ಮುಂದಿನ ದಿನಗಳಲ್ಲಿ ಅದಾನಿ ಭವಿಷ್ಯ ಹೇಗಿರಲಿದೆ?ಸಂಸ್ಥೆಯ ಷೇರು ಮೌಲ್ಯ ಕುಸಿಯುತ್ತಿದೆ, ಹೂಡಿಕೆ ಮಾಡಿದವರ ಮುಂದಿನ ನಡೆ ಏನು? ಕಾದುನೋಡಬೇಕಿದೆ..