ನವದೆಹಲಿ: ನಟಿ ಶ್ರೀದೇವಿ ವಿದಾಯ ಎಲ್ಲರಲ್ಲೂ ಆಘಾತ ಉಂಟುಮಾಡಿದೆ. 50 ವರ್ಷ ವಯಸ್ಸಿನ ಬಾಲಿವುಡ್ ಸೂಪರ್ಸ್ಟಾರ್ ನಟಿ ಚಿತ್ರಲೋಕದಲ್ಲಿ ತನ್ನ ವಿಶಿಷ್ಟ ಪಾತ್ರಗಳೊಂದಿಗೆ ಆಳ್ವಿಕೆ ನಡೆಸಿದ್ದಳು. 50 ರ ಹರೆಯದ ಈ ನಟಿ ವಿವಾಹ ಸಮಾರಂಭವೊಂದರಲ್ಲಿ ಭಾಗಿಯಾಗಲು ತನ್ನ ಗಂಡ, ಬೊನೀ ಕಪೂರ್ ಮತ್ತು ಕಿರಿಯ ಮಗಳು, ಖುಷಿ ಕಪೂರ್ ಅವರೊಂದಿಗೆ ದುಬೈಗೆ ತೆರಳಿದ್ದರು. ಫೆ.24ರ ಶನಿವಾರ ರಾತ್ರಿ 11 ಗಂಟೆಗೆ ಹೃದಯಾಘಾತದಿಂದ ಮೃತಪಟ್ಟಿದ್ದಾರೆ. ಖಲೀಜ್ ಟೈಮ್ಸ್ ವರದಿಗಳ ಪ್ರಕಾರ, ಶ್ರೀದೇವಿ ಹೃದಯಾಘಾತಕ್ಕೆ ಮುಂಚಿತವಾಗಿ, ಆ ರಾತ್ರಿ ಆಕೆ ಪತಿ ಬೊನೀ ಕಪೂರ್ ಅವರೊಂದಿಗೆ ವಿಶೇಷ ಭೋಜನಕ್ಕೆ ಸಿದ್ಧವಾಗಿದ್ದರು. ಹಾಗಾದರೆ ಬನ್ನಿ, ಶನಿವಾರ ರಾತ್ರಿ ಹೋಟೆಲ್ನಲ್ಲಿ ಏನಾಯಿತು ಎಂದು ತಿಳಿದುಕೊಳ್ಳಿ ...
ಖಲೀಜ್ ಟೈಮ್ಸ್ ವರದಿಗಳ ಪ್ರಕಾರ-
- ವಿವಾಹ ಸಮಾರಂಭದಲ್ಲಿ ಸೇರ್ಪಡೆಗೊಂಡ ನಂತರ, ಕುಟುಂಬದ ಅನೇಕ ಸದಸ್ಯರು ಮರಳಿದರು, ಇದರಲ್ಲಿ ಶ್ರೀದೇವಿಯ ಪತಿ ಬೋನಿ ಕಪೂರ್ ಮುಂಬೈಗೆ ಮರಳಿದ್ದರು.
- ಶನಿವಾರ, ಬೋನಿ ಕಪೂರ್ ಮತ್ತೆ ದುಬೈಗೆ ಮರಳಿದರು.
- ಬೋನಿ ಕಪೂರ್ ಶನಿವಾರ ಸಂಜೆ 5.30 ರ ವೇಳೆಗೆ ಶ್ರೀದೇವಿ ವಾಸ್ತವ್ಯ ಹೂಡಿದ್ದ ಅದೇ ಜುಮಿಯರಾ ಎಮಿರೇಟ್ಸ್ ಟವರ್ಸ್ ಹೋಟೆಲ್ಗೆ ಆಗಮಿಸಿದರು.
- ಹೋಟೆಲ್ ಕೋಣೆಗೆ ತಲುಪಿದ ನಂತರ, ಬೋನಿ ಕಪೂರ್ ಶ್ರೀದೇವಿಯನ್ನು ಎಚ್ಚರಗೊಳಿಸಿದರು.
- ನಂತರ, ಅವರು ಸುಮಾರು 15 ನಿಮಿಷಗಳ ಕಾಲ ಮಾತನಾಡಿದರು.
- ಬೋನಿ ಕಪೂರ್ ಶ್ರೀದೇವಿ ಅವರನ್ನು ಊಟಕ್ಕೆ ತೆರಳುವಂತೆ ಕೇಳಿದರು.
- ಬೊನೀ ಕಪೂರ್ ಜೊತೆ ಭೋಜನಕ್ಕೆ ತೆರಳಲು ಸಿದ್ಧವಾಗಲು ಶ್ರೀದೇವಿ ಸ್ನಾನಗೃಹಕ್ಕೆ ಹೋದರು.
- ಕೊಠಡಿಯ ಸ್ನಾನಗೃಹಕ್ಕೆ ಹೋದ ನಂತರ, ಶ್ರೀದೇವಿ 15 ನಿಮಿಷಗಳ ಕಾಲ ಹೊರಬರದಿದ್ದಾಗ, ಬೋನಿ ಕಪೂರ್ ಬಾಗಿಲನ್ನು ತಟ್ಟಿದರು.
- ಬಾತ್ರೂಮ್ ಒಳಗಿನಿಂದ ಯಾವುದೇ ಪ್ರತಿಕ್ರಿಯೆ ಬರದಿದ್ದಾಗ, ಬೋನಿ ಕಪೂರ್ ಬಾಗಿಲನ್ನು ಹೊಡೆದರು.
- ಬೋನಿ ಕಪೂರ್ ಸ್ನಾನಗೃಹದೊಳಗೆ ಆಗಮಿಸಿದ ತಕ್ಷಣ, ಶ್ರೀದೇವಿ ಅವರು ನೀರಿನಿಂದ ತುಂಬಿದ ತೊಟ್ಟಿಯಲ್ಲಿ ಪ್ರಜ್ಞಾಹೀನ ಸ್ಥಿತಿಯಲ್ಲಿರುವುದನ್ನು ನೋಡಿದರು.
- ನಂತರ ಬೋನಿ ಕಪೂರ್ ಶ್ರೀದೇವಿಯನ್ನು ಎಚ್ಚರಿಸಲು ತುಂಬಾ ಪ್ರಯತ್ನಿಸಿದರು, ಆದರೆ ಅವರು ಯಶಸ್ವಿಯಾಗಲಿಲ್ಲ.
- ಇದರ ನಂತರ ಅವರು ತಮ್ಮ ಸ್ನೇಹಿತರಲ್ಲಿ ಒಬ್ಬರನ್ನು ಹೋಟೆಲ್ಗೆ ಕರೆದರು.
- ಹೋಟೆಲ್ನಲ್ಲಿ ಸುಮಾರು 9 ಗಂಟೆಗೆ ಬೊನ್ನಿ ಪೊಲೀಸರಿಗೆ ಈ ಬಗ್ಗೆ ಮಾಹಿತಿ ನೀಡಿದ್ದಾರೆ.
- ಪೊಲೀಸ್ ಬಂದಾಗ, ಶ್ರೀದೇವಿ ಈ ಜಗತ್ತಿಗೆ ವಿದಾಯ ಹೇಳಿದ್ದರು.
