Sunflower Seeds Benefits: ಹೈ ಬಿಪಿ, ಶುಗರ್ ಇರುವವರು ಸೂರ್ಯಕಾಂತಿ ಬೀಜಗಳನ್ನು ಪ್ರತಿದಿನ ತಪ್ಪದೇ ಸೇವಿಸಿ

Sunflower Seeds Benefits: ಸೂರ್ಯಕಾಂತಿ ಬೀಜಗಳ ಪ್ರಯೋಜನಗಳು: ಆರೋಗ್ಯ ತಜ್ಞರ ಪ್ರಕಾರ, ಬೆರಳೆಣಿಕೆಯಷ್ಟು ಸೂರ್ಯಕಾಂತಿ ಬೀಜಗಳು ಸಾಕಷ್ಟು ಪೋಷಣೆಯನ್ನು ಹೊಂದಿದ್ದು, ಅವುಗಳ ನಿಯಮಿತ ಸೇವನೆಯು ಹೈ ಬಿಪಿ ಮತ್ತು ಮಧುಮೇಹದಿಂದ ಪರಿಹಾರವನ್ನು ನೀಡುತ್ತದೆ ಎನ್ನಲಾಗುತ್ತದೆ.

ಹೈ ಬಿಪಿ, ಮಧುಮೇಹಿ ರೋಗಿಗಳು ಪ್ರತಿದಿನ ಸೂರ್ಯಕಾಂತಿ ಬೀಜ ಸೇವಿಸಿದರೆ ಸಿಗುತ್ತೆ ಪ್ರಯೋಜನ

Sunflower Seeds Benefits: ಆರೋಗ್ಯದ ದೃಷ್ಟಿಯಿಂದ ನಟ್ಸ್ ಮತ್ತು ಬೀಜಗಳನ್ನು ಆಹಾರದಲ್ಲಿ ಸೇರಿಸಿಕೊಳ್ಳುವುದು ತುಂಬಾ ಪ್ರಯೋಜನಕಾರಿ. ಅದರಲ್ಲೂ ಪ್ರತಿನಿತ್ಯ ಬೆರಳೆಣಿಕೆಯಷ್ಟು ಸೂರ್ಯಕಾಂತಿ ಬೀಜಗಳನ್ನು ಸೇವಿಸುವುದು ಕೂಡ ಆರೋಗ್ಯಕ್ಕೆ ತುಂಬಾ ಒಳ್ಳೆಯದು  (Sunflower Seeds benefits)  ಎಂದು ಹೇಳಲಾಗುತ್ತದೆ. ಇದರಲ್ಲಿ ಪ್ರೋಟೀನ್, ಫೈಬರ್, ವಿಟಮಿನ್ ಇ ನಂತಹ ಪೌಷ್ಟಿಕಾಂಶಗಳು ಹೆಚ್ಚಿನ ಪ್ರಮಾಣದಲ್ಲಿವೆ. ಸೂರ್ಯಕಾಂತಿ ಬೀಜಗಳನ್ನು ಮಧುಮೇಹ ಮತ್ತು ಅಧಿಕ ರಕ್ತದೊತ್ತಡದ ರೋಗಿಗಳು ಸೇವಿಸಿದರೆ ತುಂಬಾ ಪ್ರಯೋಜನಕಾರಿಯಾಗಿದೆ. ಸೂರ್ಯಕಾಂತಿ ಬೀಜಗಳನ್ನು ಸಾಮಾನ್ಯವಾಗಿ ಒಣಗಿಸಿ ಮತ್ತು ಹುರಿಡು ತಿನ್ನಲಾಗುತ್ತದೆ. ಸೂರ್ಯಕಾಂತಿ ಬೀಜಗಳ ಪ್ರಯೋಜನಗಳನ್ನು ತಿಳಿಯಿರಿ...

ಸೂರ್ಯಕಾಂತಿ ಬೀಜಗಳಲ್ಲಿ ಕಂಡು ಬರುವ  ಪೌಷ್ಠಿಕಾಂಶಗಳು (Sunflower Seeds Nutrition): 
ನ್ಯೂಟ್ರಿಷನ್ ಡೇಟಾದ ಪ್ರಕಾರ, ಈ ಕೆಳಗಿನ ಪೌಷ್ಠಿಕಾಂಶವು ಬೆರಳೆಣಿಕೆಯಷ್ಟು ಅಂದರೆ 30 ಗ್ರಾಂ ಸೂರ್ಯಕಾಂತಿ ಬೀಜಗಳಲ್ಲಿ ಸಿಗುತ್ತದೆ.

• ಒಟ್ಟು ಕೊಬ್ಬು - 14 ಗ್ರಾಂ
• ಪ್ರೋಟೀನ್ - 5.5 ಗ್ರಾಂ
• ಫೈಬರ್ - 3 ಗ್ರಾಂ
• ಕಾರ್ಬ್ಸ್ - 6.5 ಗ್ರಾಂ
• ವಿಟಮಿನ್ ಬಿ 6 - ದೈನಂದಿನ ಅವಶ್ಯಕತೆಯ 11 ಪ್ರತಿಶತ
• ನಿಯಾಸಿನ್ - ದೈನಂದಿನ ಅವಶ್ಯಕತೆಯ 10 ಪ್ರತಿಶತ
• ವಿಟಮಿನ್ ಇ - ದೈನಂದಿನ ಅಗತ್ಯದ 37 ಪ್ರತಿಶತ
• ಫೋಲೇಟ್ - ದೈನಂದಿನ ಅವಶ್ಯಕತೆಯ 17 ಪ್ರತಿಶತ
• ಕಬ್ಬಿಣ - ದೈನಂದಿನ ಅಗತ್ಯದ 6 ಪ್ರತಿಶತ
• ಸೆಲೆನಿಯಮ್ - ದೈನಂದಿನ ಅವಶ್ಯಕತೆಯ 32 ಪ್ರತಿಶತ
• ತಾಮ್ರ - ದೈನಂದಿನ ಅವಶ್ಯಕತೆಯ 26 ಪ್ರತಿಶತ
• ಮ್ಯಾಂಗನೀಸ್ - ದೈನಂದಿನ ಅವಶ್ಯಕತೆಯ 30 ಪ್ರತಿಶತ

ಇದನ್ನೂ ಓದಿ - Garlic For Men At Night: ಪುರುಷರು ರಾತ್ರಿ ಮಲಗುವ ಮುನ್ನ ಬೆಳ್ಳುಳ್ಳಿ ಸೇವಿಸಿದರೆ ಸಿಗುತ್ತೆ ಅದ್ಭುತ ಪ್ರಯೋಜನ

ಸೂರ್ಯಕಾಂತಿ ಬೀಜಗಳ ಪ್ರಯೋಜನಗಳು:
ಆಯುರ್ವೇದ ಆರೋಗ್ಯ ತಜ್ಞ ಡಾ.ಅಬ್ರಾರ್ ಮುಲ್ತಾನಿ ಅವರ ಪ್ರಕಾರ, "ಸೂರ್ಯಕಾಂತಿ ಬೀಜಗಳಲ್ಲಿ ಆರೋಗ್ಯದ ನಿಧಿಯನ್ನು  ಮರೆಮಾಡಲಾಗಿದೆ. ಇದರಿಂದಾಗಿ ಮಧುಮೇಹ, ಅಧಿಕ ರಕ್ತದೊತ್ತಡ (High BP) ಮತ್ತು ಹೃದ್ರೋಗದ ರೋಗಿಗಳು ಹೆಚ್ಚಿನ ಪ್ರಯೋಜನವನ್ನು ಪಡೆಯುತ್ತಾರೆ. ಸೂರ್ಯಕಾಂತಿ ಬೀಜಗಳ ನಿಯಮಿತ ಬಳಕೆಯಿಂದ ಶುಗರ್, ಬಿಪಿ ರೋಗಿಗಳಿಗೆ ಒಳ್ಳೆಯದು ಎಂದು ತಿಳಿಸಿದರು.

ಮಧುಮೇಹ ರೋಗಿ:
ಆಯುರ್ವೇದ ತಜ್ಞರ ಪ್ರಕಾರ, ಮಧುಮೇಹ (Diabetes) ರೋಗಿಯು ಪ್ರತಿದಿನ ಬೆರಳೆಣಿಕೆಯಷ್ಟು ಸೂರ್ಯಕಾಂತಿ ಬೀಜಗಳನ್ನು ಸೇವಿಸಬೇಕು. ಸೂರ್ಯಕಾಂತಿ ಬೀಜಗಳಲ್ಲಿನ ಕ್ಲೋರೊಜೆನಿಕ್ ಆಮ್ಲ ಸಂಯುಕ್ತದ ಪರಿಣಾಮವು ಅವುಗಳ ಸಸ್ಯದಿಂದ ಬರುತ್ತದೆ. ರಕ್ತದಲ್ಲಿನ ಸಕ್ಕರೆ ಮಟ್ಟವನ್ನು ಕಡಿಮೆ ಮಾಡಲು ಇದು ಪರಿಣಾಮಕಾರಿಯಾಗಿದೆ. ಕಾರ್ಬ್ ಭರಿತ ಆಹಾರಗಳೊಂದಿಗೆ ಸೂರ್ಯಕಾಂತಿ ಬೀಜಗಳನ್ನು ತಿನ್ನುವುದರಿಂದ ನಮ್ಮ ದೇಹದ ಮೇಲೆ ಕಾರ್ಬ್ಸ್ ಪರಿಣಾಮವನ್ನು ಕಡಿಮೆ ಮಾಡಬಹುದು ಎಂದು ಅನೇಕ ಸಂಶೋಧನೆಗಳು ಬಹಿರಂಗಪಡಿಸಿವೆ. ಈ ಬೀಜಗಳಲ್ಲಿರುವ ಪ್ರೋಟೀನ್‌ಗಳು ಮತ್ತು ಕೊಬ್ಬುಗಳು ತಡವಾಗಿ ಜೀರ್ಣವಾಗುತ್ತವೆ, ಇದರಿಂದಾಗಿ ಸಕ್ಕರೆ ಮತ್ತು ಕಾರ್ಬ್‌ಗಳ ಉತ್ಪಾದನೆಯು ಬಹಳ ನಿಧಾನವಾಗಿರುತ್ತದೆ.

ಹೃದಯ ಆರೋಗ್ಯ:
ಸೂರ್ಯಕಾಂತಿ ಬೀಜಗಳು (Sunflower Seeds) ಆರೋಗ್ಯಕರ ಕೊಬ್ಬಿನ ಮೂಲ ಆಹಾರಗಳಲ್ಲಿ ಸಮೃದ್ಧವಾಗಿವೆ. ಇದರ 30 ಗ್ರಾಂ ಬೀಜದಲ್ಲಿ 9.2 ಗ್ರಾಂ ಪಾಲಿಅನ್‌ಸಾಚುರೇಟೆಡ್ ಕೊಬ್ಬು ಮತ್ತು 2.7 ಗ್ರಾಂ ಮೊನೊಸಾಚುರೇಟೆಡ್ ಕೊಬ್ಬನ್ನು ಹೊಂದಿರುತ್ತದೆ. ಅನೇಕ ಸಂಶೋಧನೆಗಳ ಪ್ರಕಾರ, ಸೂರ್ಯಕಾಂತಿ ಬೀಜಗಳಂತಹ ಆರೋಗ್ಯಕರ ಕೊಬ್ಬನ್ನು ಹೊಂದಿರುವ ಬೀಜಗಳನ್ನು ಸೇವಿಸುವುದರಿಂದ ಹೆಚ್ಚಿನ ಕೊಲೆಸ್ಟ್ರಾಲ್, ಅಧಿಕ ಬಿಪಿ ಮತ್ತು ಹೃದ್ರೋಗಗಳ ಅಪಾಯವನ್ನು ಕಡಿಮೆ ಮಾಡಬಹುದು.

ಇದನ್ನೂ ಓದಿ- ಈ ಮುನ್ನೆಚ್ಚರಿಕೆ ಇರಲಿ..! ಮಳೆಗಾಲದ ವೈರಲ್ ಫ್ಲೂ ನಿಂದ ಬಚಾವ್ ಆಗಿ

ಉರಿಯೂತವನ್ನು ಕಡಿಮೆ ಮಾಡುತ್ತದೆ
ತಜ್ಞ ಡಾ.ಅಬ್ರಾರ್ ಮುಲ್ತಾನಿ ಅವರ ಪ್ರಕಾರ, ದೀರ್ಘಕಾಲದ ಉರಿಯೂತದಿಂದಾಗಿ, ಸಂಧಿವಾತ, ಜಾಯಿಂಟ್ ಪೈನ್ ಸಮಸ್ಯೆಗಳು ಸಂಭವಿಸಬಹುದು. ಸೂರ್ಯಕಾಂತಿ ಬೀಜಗಳು ವಿಟಮಿನ್ ಇ, ಫ್ಲೇವನಾಯ್ಡ್ಗಳು ಮತ್ತು ಇತರ ಅಂಶಗಳನ್ನು ಹೊಂದಿರುತ್ತದೆ, ಇದು ದೇಹದಲ್ಲಿ ಉರಿಯೂತವನ್ನು ಕಡಿಮೆ ಮಾಡುತ್ತದೆ.

ಬಲವಾದ ರೋಗನಿರೋಧಕ ಶಕ್ತಿ:
ದುರ್ಬಲ ರೋಗನಿರೋಧಕ ಶಕ್ತಿಯಿಂದಾಗಿ ನೀವು ಆಗಾಗ್ಗೆ ಶೀತಕ್ಕೆ ಸಂಬಂಧಿಸಿದ ಸಮಸ್ಯೆಗಳನ್ನು ಹೊಂದಿದ್ದರೆ, ನೀವು ಸೂರ್ಯಕಾಂತಿ ಬೀಜಗಳನ್ನು ಸೇವಿಸಬೇಕು. ಸತು, ಸೆಲೆನಿಯಮ್ ಮತ್ತು ಇತರ ಪೌಷ್ಟಿಕ ಅಂಶಗಳು ರೋಗ ನಿರೋಧಕ ಶಕ್ತಿಯನ್ನು ಬಲಪಡಿಸಲು ಮತ್ತು ಉರಿಯೂತ, ಸೋಂಕು ಇತ್ಯಾದಿಗಳ ವಿರುದ್ಧ ಹೋರಾಡಲು ಸಹಾಯ ಮಾಡುತ್ತದೆ.

(ಸೂಚನೆ- ಈ ಲೇಖನದಲ್ಲಿ ನೀಡಲಾಗಿರುವ ಮಾಹಿತಿ ಸಂಪೂರ್ಣ ಸತ್ಯವಾಗಿದೆ ಮತ್ತು ಸ್ಫುಟವಾಗಿದೆ ಎಂಬುದನ್ನು ಝೀ ಹಿಂದೂಸ್ತಾನ್ ಕನ್ನಡ ಪುಷ್ಟೀಕರಿಸುವುದಿಲ್ಲ.  ಈ ಮಾಹಿತಿಯನ್ನು ಅನುಸರಿಸುವ ಮುನ್ನ ಸಂಬಂಧಿತ ಕ್ಷೇತ್ರದ ತಜ್ಞರ ಸಲಹೆ ಪಡೆಯುವುದು ಉತ್ತಮ)