Adipurush : ಓಂ ರಾವತ್‌ ನಿರ್ದೇಶನದಡಿಯಲ್ಲಿ ಮೂಡಿಬಂದ ಪ್ರಭಾಸ್ ಪ್ರಮುಖ ಪಾತ್ರದಲ್ಲಿ ಕಾಣಿಸಿಕೊಂಡಿರುವ ಆದಿಪುರುಷ್‌ ಸಿನಿಮಾ ಶುಕ್ರವಾರ (ಜೂನ್‌ 16) ರಿಲೀಸ್‌ ಆಗಿದೆ. ಸಾಕಷ್ಟು ಅಡೆತಡೆಗಳನ್ನು ಮೀರಿ ಸಿನಿಮಾ ಭರ್ಜರಿ ತೆರೆ ಕಂಡಿದ್ದು ಅಭಿಮಾನಿಗಳಿಗೆ ಸಖತ್‌ ಖುಷಿ ನೀಡಿದೆ.
ಆದಿಪುರುಷ್‌ ಚಿತ್ರಕ್ಕೆ ವಿರೋಧ ಪ್ರತಿಕ್ರಿಯೆಗಳು ವ್ಯಕ್ತವಾಗಿವೆ. ಕಳೆದ ವರ್ಷ ಮೊದಲ ಬಾರಿಗೆ ಟೀಸರ್‌ ರಿಲೀಸ್‌ ಆದಾಗ ಭಾರೀ ವಿರೋಧ ವ್ಯಕ್ತವಾಗಿತ್ತು.
ಜೂನ್‌ 16 ರಂದು ರಿಲೀಸ್‌ ಆದ ಸಿನಿಮಾವನ್ನು ನೋಡಿದ ಬಹಳಷ್ಟು ಜನರಿಗೆ ಬೇಸರ ಉಂಟಾಗಿದ್ದು, ಗ್ರಾಫಿಕ್ಸ್‌ಗಾಗಿ 500 ಕೋಟಿ ರೂ ಖರ್ಚು ಮಾಡುವ ಅವಶ್ಯಕತೆ ಇರಲಿಲ್ಲ ಎಂದೆಲ್ಲಾ ನಿರ್ದೇಶಕ ಓಂ ರಾವತ್‌ ವಿರುದ್ಧ ಅಸಮಾಧಾನ ಹೊರಹಾಕಿದ್ದರು.
ಟೀಸರ್‌ನಲ್ಲಿ ಮಾತ್ರವಲ್ಲದೇ ಮತ್ತೆ ಸಿನಿಮಾದಲ್ಲಿಯೂ ಪಾತ್ರಧಾರಿಗಳನ್ನು ವಿಚಿತ್ರವಾಗಿ ತೋರಿಸಲಾಗಿದ್ದು, ನಟ ಪ್ರಭಾಸ್ ಅವರು ಯೇಸುಕ್ರಿಸ್ತನಂತೆ ಕಾಣಿಸುತ್ತಿದ್ದಾರೆ ಎಂದು ಮೀಮ್ಸ್‌ ಮಾಡಲಾಗಿದೆ.
ರಾಮಾಯಣದ ಕಥಾಹಂದರ ಹೊಂದಿರುವ ಸಿನಿಮಾದಲ್ಲಿಯೂ ಹಾಟ್‌ನೆಸ್‌ ತೋರಿಸಲಾಗಿದೆ. ಇದು ಸೀತಾ ಮಾತೆಗೆ ಅವಮಾನ ಎಂದು ಆರೋಪಿಸಲಾಗಿದೆ.
ವಿಲನ್‌ ಪಾತ್ರದವರು ಸೀತೆಯನ್ನು ಕೊಲ್ಲುವ ಸೀನ್‌ಗೂ ಜನ ಆಕ್ರೋಶ ವ್ಯಕ್ತಪಡಿಸಿದ್ದಾರೆ.
ಇನ್ನು ರಾವಣ ಪಾತ್ರಧಾರಿ ಸೈಫ್‌ ಅಲಿ ಖಾನ್‌ ಸುತ್ತಲೂ ಹಾವು ಸುತ್ತಿಕೊಂಡಿರುವುದನ್ನು ನೋಡಿ ರಾಮಾಯಣದಲ್ಲಿ ಸ್ಪಾ ಇದೆ ಎನ್ನಲಾಗುತ್ತಿದೆ.
