ಒಬ್ಬರಲ್ಲ, ಇಬ್ಬರಲ್ಲ… 8 ನಟಿಯರೊಂದಿಗೆ ಡೇಟ್! ಕಡೆಗೆ ಬ್ರಿಟಿಷ್ ಯುವತಿಯನ್ನು ಪ್ರೀತಿಸಿ 2 ಬಾರಿ ಮದ್ವೆಯಾದ ಟೀಂ ಇಂಡಿಯಾದ ಸ್ಟಾರ್ ಆಲ್’ರೌಂಡರ್!

1 /9

ಟೀಂ ಇಂಡಿಯಾದ ಮಾಜಿ ಆಲ್ ರೌಂಡರ್ ಯುವರಾಜ್ ಸಿಂಗ್ ಕ್ರಿಕೆಟ್ ಲೋಕದಲ್ಲಿ ಎಷ್ಟು ಜನಪ್ರಿಯವೋ ಅಷ್ಟೇ ಪ್ರೇಮ ಪ್ರಕರಣಗಳಿಗೂ ಜನಪ್ರಿಯರಾಗಿದ್ದಾರೆ. ಮದುವೆಗೂ ಮುನ್ನ 8 ಮಂದಿ ಬಾಲಿವುಡ್ ಬೆಡಗಿಯರ ಜೊತೆ ಯುವರಾಜ್ ಸಿಂಗ್ ಹೆಸರು ತಳುಕು ಹಾಕಿಕೊಂಡಿತ್ತು. ಆದರೆ ಕೊನೆಗೆ ಯುವರಾಜ್ ಸಿಂಗ್ ಹೇಜಲ್ ಕೀಚ್ ಅವರನ್ನು ಸಂಗಾತಿಯನ್ನಾಗಿಸಿ ಎಲ್ಲರಲ್ಲೂ ಅಚ್ಚರಿ ಮೂಡಿಸಿದ್ದರು.

2 /9

ಅಷ್ಟಕ್ಕೂ ಯುವರಾಜ್ ಸಿಂಗ್ ಡೇಟ್ ಮಾಡಿದ್ದರು ಎನ್ನಲಾದ ಆ ಬಾಲಿವುಡ್ ಬೆಡಗಿಯರು ಯಾರು ಎಂಬುದನ್ನು ನೋಡೋಣ. ಕಿಮ್ ಶರ್ಮಾ, ಪ್ರೀತಿ ಝಂಗಿಯಾನಿ, ದೀಪಿಕಾ ಪಡುಕೋಣೆ, ರಿಯಾ ಸೇನ್, ಮಿನಿಶಾ ಲಾಂಬಾ, ಆಂಚಲ್ ಕುಮಾರ್, ನೇಹಾ ಧೂಪಿಯಾ, ಪ್ರೀತಿ ಜಿಂಟಾ… ಈ ಎಲ್ಲಾ ನಟಿಯರ ಜೊತೆ ಯುವಿ ಹೆಸರು ಕೇಳಿಬಂದಿತ್ತು.

3 /9

ಇನ್ನು ಈ ಎಲ್ಲಾ ವದಂತಿಗಳ ಮಧ್ಯೆ 2016ರಲ್ಲಿ ಹೇಜಲ್ ಕೀಚ್ ಅವರನ್ನು ಯುವಿ ಸಂಗಾತಿಯನ್ನಾಗಿ ಮಾಡಿಕೊಂಡರು.

4 /9

8 ಬಾಲಿವುಡ್ ಬೆಡಗಿಯರೊಂದಿಗಿನ ಪ್ರೇಮ ಪ್ರಕರಣದಲ್ಲಿ ಸುದ್ದಿಯಾಗಿದ್ದ ಯುವರಾಜ್ ಸಿಂಗ್, 2016ರಲ್ಲಿ 'ಬಾಡಿಗಾರ್ಡ್' ಚಿತ್ರದ ನಟಿ ಹೇಜಲ್ ಕೀಚ್ ಅವರನ್ನು ಮದುವೆಯಾಗುವ ಮೂಲಕ ಎಲ್ಲರನ್ನು ಅಚ್ಚರಿಗೊಳಿಸಿದರು.

5 /9

2015 ರಲ್ಲಿ ಹೇಜೆಲ್ ಕೀಚ್ ಅವರಿಗೆ ಪ್ರಪೋಸ್ ಮಾಡುವ ಮೂಲಕ ತಮ್ಮ ಸಂಬಂಧದ ಬಗ್ಗೆ ನಡೆಯುತ್ತಿರುವ ಎಲ್ಲಾ ವದಂತಿಗಳಿಗೆ ಕೊನೆ ಹಾಡಿದರು. ಇನ್ನು ಆ ಸಂದರ್ಭದಲ್ಲಿ ಕೀಚ್ ಪ್ರೀತಿಗೆ ಒಪ್ಪಿಗೆ ಸೂಚಿಸಿದ್ದರು.

6 /9

ಇದಾದ ಬಳಿಕ ಯುವರಾಜ್ ತಮ್ಮ ಸಾಮಾಜಿಕ ಮಾಧ್ಯಮ ಖಾತೆಯಲ್ಲಿ ಫೋಟೋಗಳನ್ನು ಹಂಚಿಕೊಳ್ಳುವ ಮೂಲಕ ಹೇಜಲ್ ಅವರೊಂದಿಗಿನ ಸಂಬಂಧವನ್ನು ಖಚಿತಪಡಿಸಿದರು.

7 /9

30 ನವೆಂಬರ್ 2016 ರಂದು, ಯುವರಾಜ್ ಸಿಂಗ್ ಮತ್ತು ಹೇಜೆಲ್ ಕೀಚ್ ಸಿಖ್ ಸಂಪ್ರದಾಯಗಳ ಪ್ರಕಾರ ವಿವಾಹವಾದರು. ಅಂದಹಾಗೆ ಹೇಜಲ್ ಅವರ ತಂದೆ ಬ್ರಿಟೀಷ್ ಮತ್ತು ತಾಯಿ ಭಾರತ ಮೂಲದವರಾಗಿದ್ದರು. ಈ ಹಿನ್ನೆಲೆಯಲ್ಲಿ ಮದುವೆಗೂ ಮೊದಲು ಕೀಚ್, ಸಿಖ್ ಧರ್ಮವನ್ನು ಅಳವಡಿಸಿಕೊಂಡರು.

8 /9

ಅಷ್ಟೇ ಅಲ್ಲದೆ, ಹೇಜಲ್ ಕೀಚ್ ಹೆಸರನ್ನು ಗುರುಬಸಂತ್ ಕೌರ್ ಎಂದು ಬದಲಾಯಿಸಲಾಗಿದೆ. ಸಂತ ಬಾಬಾ ರಾಮ್ ಸಿಂಗ್ ಜಿ ಅವರು ಈ ಹೆಸರನ್ನು ಹೇಜಲ್‌’ಗೆ ನೀಡಿದರು. ಇನ್ನು ಯುವರಾಜ್ ಸಿಂಗ್ ಮತ್ತು ಅವರ ತಾಯಿ ಶಬ್ನಮ್ ಸಂತ ಮತ್ತು ಡೇರಾದ ಅನುಯಾಯಿಗಳು. ಯುವರಾಜ್ ತಂದೆ ಯೋಗರಾಜ್ ಸಿಂಗ್ ಡೇರಾದಲ್ಲಿ ನಂಬಿಕೆ ಇಲ್ಲದ ಕಾರಣ ಈ ಮದುವೆಯಲ್ಲಿ ಭಾಗವಹಿಸಿರಲಿಲ್ಲ.

9 /9

ಈ ಮದುವೆಯಾದ ಒಂದು ವಾರದ ನಂತರ, 2 ಡಿಸೆಂಬರ್ 2016 ರಂದು ಯುವರಾಜ್ ಸಿಂಗ್ ಮತ್ತು ಹೇಜೆಲ್ ಕೀಚ್ ಮತ್ತೊಮ್ಮೆ ಗೋವಾದಲ್ಲಿ ಹಿಂದೂ ಸಂಪ್ರದಾಯದ ಪ್ರಕಾರ ವಿವಾಹವಾದರು.