"ಬಾಬರ್ ಅಜಮ್ ವಿರಾಟ್ ಕೊಹ್ಲಿಗೆ ಟಿಶರ್ಟ್ ಕೇಳಬಾರದಿತ್ತು"-ವಾಸಿಂ ಅಕ್ರಂ

ನವದೆಹಲಿ: ಶನಿವಾರದಂದು ನಡೆದ ವಿಶ್ವಕಪ್ 2023  ಟೂರ್ನಿಯ ಪಂದ್ಯದಲ್ಲಿ ಪಾಕಿಸ್ತಾನವು ಭಾರತದ ವಿರುದ್ಧ ಸಾಕಷ್ಟು ಕಳಪೆ ಪ್ರದರ್ಶನ ನೀಡಿದ್ದರ ಪರಿಣಾಮವಾಗಿ ಏಳು ವಿಕೆಟ್ ಗಳ ಅಂತರದಿಂದ ಸೋಲನ್ನು ಅನುಭವಿಸಿತು.

ಇದೆ ವೇಳೆ ಪಾಕ್ ತಂಡವು ಟೀಮ್ ಇಂಡಿಯಾದ ವಿರುದ್ಧ ಸೋಲನ್ನು ಅನುಭವಿಸಿದ ನಂತರ ಪಾಕ್ ತಂಡದ ನಾಯಕ ಬಾಬರ್ ಅಜಂ ಅವರು ವಿರಾಟ್ ಕೊಹ್ಲಿಅವರಿಂದ ಟೀಮ್ ಇಂಡಿಯಾದ ಜರ್ಸಿ ತೆಗೆದುಕೊಳ್ಳುತ್ತಿರುವ ವಿಡಿಯೋ ಈಗ ಸಾಮಾಜಿಕ ಮಾಧ್ಯಮಗಳಲ್ಲಿ ವೈರಲ್ ಆಗಿದೆ.

ಇದನ್ನೂ ಓದಿ: ಅಂತಾರಾಷ್ಟ್ರೀಯ ಏಕದಿನ ಕ್ರಿಕೆಟ್’ನಲ್ಲಿ 300 ಸಿಕ್ಸರ್ ಬಾರಿಸಿ ಇತಿಹಾಸ ನಿರ್ಮಿಸಿದ ರೋಹಿತ್ ಶರ್ಮಾ

ಈ ಘಟನೆಗೆ ಪ್ರತಿಕ್ರಿಯಿಸಿರುವ ಪಾಕ್ ನ ದಂತಕಥೆ ವಾಸಿಂ ಅಕ್ರಂ ಇದು ಸೂಕ್ತ ನಡೆಯಾಗಿರಲಿಲ್ಲ ಎಂದು ಹೇಳಿದ್ದಾರೆ. "ನಾನು ಚಿತ್ರವನ್ನು ನೋಡಿದಾಗ ಇದನ್ನು ಮಾಡುವ ದಿನವಾಗಿರಲಿಲ್ಲ ಎನಿಸಿತು. ನೀವು ಇದನ್ನು ಮಾಡಲು ಬಯಸಿದರೆ  ಅಥವಾ ಒಂದು ವೇಳೆ ನಿಮ್ಮ ಚಿಕ್ಕಪ್ಪನ ಮಗ ಕೊಹ್ಲಿಯ ಶರ್ಟ್ ಅನ್ನು ಪಡೆಯಲು ಕೇಳಿದ್ದರೆ ಆಟದ ನಂತರ ಅದನ್ನು ಡ್ರೆಸ್ಸಿಂಗ್ ಕೋಣೆಯಲ್ಲಿ ಕೇಳಿ," ಎಂದು ಅವರು ಹೇಳಿದರು.

ಇದನ್ನೂ ಓದಿ:  IND vs PAK: ರೋಹಿತ್ ಶರ್ಮಾರ ಈ ‘ಟ್ರಿಕ್‍’ಗೆ ಪೆವಿಲಿಯನ್ ಸೇರಿದ ಪಾಕ್‍ನ ಸ್ಫೋಟಕ ಬ್ಯಾಟ್ಸ್‌ಮನ್!

Wasim Akram says "Babar Azam shouldn't have asked Virat Kohli his Tshirt"pic.twitter.com/KREc7H41Pm#INDvsPAK #indvspak2023 #Rizwan #RohitSharma𓃵 #IndiaVsPakistan #CWC23 #ICCCricketWorldCup23 pic.twitter.com/NEhiFEzEMp

— ICT Fan (@Delphy06) October 14, 2023

ಇದೆ ವೇಳೆ ಪಂದ್ಯದ ಸೋಲಿನ ನಂತರ ಮಾತನಾಡಿದ ಪಾಕ್ ತಂಡದ ನಾಯಕ ಬಾಬರ್ ಅಜಂ "ನಾವು ಉತ್ತಮವಾಗಿ ಪ್ರಾರಂಭಿಸಿದ್ದೇವೆ. ನನ್ನ ಮತ್ತು ಇಮಾಮ್ ನಡುವೆ ಉತ್ತಮ ಪಾಲುದಾರಿಕೆ ಇತ್ತು. ನಾವು ಸಾಮಾನ್ಯ ಕ್ರಿಕೆಟ್ (ನಾನು ಮತ್ತು ರಿಜ್ವಾನ್) ಆಡಲು ಬಯಸಿದ್ದೆವು. ಇದ್ದಕ್ಕಿದ್ದಂತೆ ನಾವು ಕುಸಿತವನ್ನು ಹೊಂದಿದ್ದೇವೆ ಮತ್ತು ಪಂದ್ಯವನ್ನು ಸರಿಯಾಗಿ ಮುಗಿಸಲಿಲ್ಲ. ನಾವು ಪ್ರಾರಂಭಿಸಿದ ರೀತಿಯಲ್ಲಿ, 280-290 ಅನ್ನು ಗುರಿಯಾಗಿಸಲು ಬಯಸಿದ್ದೆವು.ಆದರೆ ಅದು ಸಾಧ್ಯವಾಗಲಿಲ್ಲ, ರೋಹಿತ್ ಅವರು ಅತ್ಯುತ್ತಮ ಇನ್ನಿಂಗ್ಸ್ ಆಡಿದರು, "ಎಂದು ಬಾಬರ್  ಪಂದ್ಯದ ನಂತರ ಹೇಳಿದರು.