ICC Under 19 World Cup 2022: ನಾಯಕ ಯಶ್ ಧುಲ್ ಸೇರಿದಂತೆ 5 ಆಟಗಾರರಿಗೆ ಕೊರೊನಾ ಪಾಸಿಟಿವ್, ಸಂಕಷ್ಟದಲ್ಲಿ ಟೀಂ ಇಂಡಿಯಾ

ICC Under 19 World Cup 2022: ಐರ್ಲೆಂಡ್ ವಿರುದ್ಧದ ಪಂದ್ಯಕ್ಕೂ ಮುನ್ನ ಭಾರತದ ನಾಯಕ ಮತ್ತು ಉಪನಾಯಕ ಸೇರಿದಂತೆ 5 ಆಟಗಾರರಿಗೆ ಕೊರೊನಾ ಪಾಸಿಟಿವ್ ಇರುವುದು ದೃಢಪಟ್ಟಿದೆ.

ICC Under 19 Team@BCCITwitter

ICC Under 19 World Cup 2022: ಅಂಡರ್-19 ವಿಶ್ವಕಪ್ ಆಡಲು ವೆಸ್ಟ್ ಇಂಡೀಸ್‌ಗೆ ಆಗಮಿಸಿದ್ದ ಟೀಂ ಇಂಡಿಯಾ ಎರಡನೇ ಏಕದಿನ ಪಂದ್ಯಕ್ಕೂ ಮುನ್ನ ಸಂಕಷ್ಟಕ್ಕೆ ಸಿಲುಕಿದ್ದು, ನಾಯಕ ಯಶ್ ಧುಲ್ (Yash Dhull) ಸೇರಿದಂತೆ 5 ಆಟಗಾರರಿಗೆ ಕೊರೊನಾ ಪಾಸಿಟಿವ್ ಇರುವುದು ದೃಢಪಟ್ಟಿದೆ. ಕ್ಯಾಪ್ಟನ್ ಜೊತೆಗೆ ಉಪನಾಯಕ ಶೇಖ್ ರಶೀದ್ ಅವರಿಗೂ ಸಹ ಕರೋನಾ ಸೋಂಕು ದೃಢಪಟ್ಟಿದೆ. ಇದರಿಂದಾಗಿ ಈ ಐವರು ಆಟಗಾರರು ಐರ್ಲೆಂಡ್ ವಿರುದ್ಧದ ಪಂದ್ಯದಿಂದ ಹೊರಗುಳಿಯಬೇಕಾಯಿತು.

ಭಾರತದ ಅಂಡರ್-19 (ICC Under 19 World Cup) ತಂಡದ ನಾಯಕ ಯಶ್ ಧುಲ್ (Yash Dhull) ಮತ್ತು ಉಪನಾಯಕ ಶೇಖ್ ರಶೀದ್ ಹೊರತಾಗಿ, ಬ್ಯಾಟ್ಸ್‌ಮನ್‌ಗಳಾದ ಆರಾಧ್ಯ ಯಾದವ್, ವಾಸು ವಾಟ್ಸ್, ಮಾನವ್ ಪರಾಖ್ ಮತ್ತು ಸಿದ್ಧಾರ್ಥ್ ಯಾದವ್ ಅವರಿಗೂ ಕೂಡ ಕೊರೊನಾ ಪಾಸಿಟಿವ್ ಇರುವುದು ದೃಢಪಟ್ಟಿದೆ. , ಈ ಕಾರಣದಿಂದಾಗಿ ಭಾರತ ತಂಡವು ಐರ್ಲೆಂಡ್ ವಿರುದ್ಧದ ಪಂದ್ಯದಲ್ಲಿ 11 ಆಟಗಾರರನ್ನು ಕಣಕ್ಕಿಳಿಸಲು ಸಾಧ್ಯವಾಗಲಿಲ್ಲ. 

ಇದನ್ನೂ ಓದಿ- ಸಾನಿಯಾ ಮಿರ್ಜಾ ಅಭಿಮಾನಿಗಳಿಗೆ ಶಾಕ್! ನಿವೃತ್ತಿಯ ನಿರ್ಧಾರ ಪ್ರಕಟಿಸಿದ ಟೆನಿಸ್ ತಾರೆ

'ಭಾರತದ ಮೂವರು ಆಟಗಾರರು ನಿನ್ನೆ ಧನಾತ್ಮಕವಾಗಿರುವುದು ಕಂಡುಬಂದಿದೆ ಮತ್ತು ಅವರನ್ನು ಈಗಾಗಲೇ ಕ್ವಾರಂಟೈನ್‌ಗೆ ಕಳುಹಿಸಲಾಗಿದೆ. ಪಂದ್ಯದ ಹಿಂದಿನ ಬೆಳಿಗ್ಗೆ, ರಾಪಿಡ್ ಆಂಟಿಜೆನ್ ಟೆಸ್ಟ್‌ನಲ್ಲಿ ನಮ್ಮ ನಾಯಕ ಮತ್ತು ಉಪನಾಯಕನಿಗೂ ಕೂಡ ಕರೋನಾ ಪಾಸಿಟಿವ್ ದೃಢಪಟ್ಟಿದೆ. ಇದು ನಿರ್ಣಾಯಕವಲ್ಲ ಎಂದು ಭಾರತೀಯ ಕ್ರಿಕೆಟ್ ಮಂಡಳಿಯ  (BCCI) ಅಧಿಕಾರಿಯೊಬ್ಬರು ಪಿಟಿಐಗೆ ತಿಳಿಸಿದ್ದಾರೆ.

ಆದಾಗ್ಯೂ, ಈ ಆಟಗಾರರನ್ನು ಮುನ್ನೆಚ್ಚರಿಕೆ ಕ್ರಮವಾಗಿ ಕ್ವಾರಂಟೈನ್ ನಲ್ಲಿ ಇರಿಸಲಾಗಿದೆ. ನಾವು ಕೇವಲ 11 ಆಟಗಾರರನ್ನು ಹೊಂದಿದ್ದೇವೆ. ಅವರಲ್ಲಿ ಆರು ಮಂದಿಯನ್ನು ಪ್ರತ್ಯೆಕಿಸಿದ್ದೇವೆ ಎಂದು ಅಧಿಕಾರಿಗಳು ಮಾಹಿತಿ ನೀಡಿದರು.

ಧುಲ್ ಮತ್ತು ರಶೀದ್ ದಕ್ಷಿಣ ಆಫ್ರಿಕಾ ವಿರುದ್ಧದ ಮೊದಲ ಪಂದ್ಯದಲ್ಲಿ ಆಡಿದ್ದರು ಆದರೆ ಆರಾಧ್ಯ ಆ ಪಂದ್ಯದ ಭಾಗವಾಗಿರಲಿಲ್ಲ. ಧುಲ್ ಅನುಪಸ್ಥಿತಿಯಲ್ಲಿ ನಿಶಾಂತ್ ಸಿಂಧು ತಂಡವನ್ನು ಮುನ್ನಡೆಸುತ್ತಿದ್ದಾರೆ. ಭಾರತ ಶನಿವಾರ ಉಗಾಂಡವನ್ನು ಎದುರಿಸಬೇಕಾಗಿದ್ದು, ಈ ಪಂದ್ಯ ನಡೆಯಲಿದೆಯೇ ಅಥವಾ ಇಲ್ಲವೇ ಎಂಬುದನ್ನು ಕಾದು ನೋಡಬೇಕಿದೆ.

ಇದನ್ನೂ ಓದಿ- South Africa vs India, 1st ODI : ವ್ಯಾನ್ ಡೆರ್ ಡುಸೇನ್, ಬವುಮಾ, ಭರ್ಜರಿ ಶತಕ ಹರಿಣಗಳಿಗೆ ಜಯ

ಪಂದ್ಯಾವಳಿಯ ಆರಂಭದ ಮೊದಲು, ಇಂಟರ್ನ್ಯಾಷನಲ್ ಕ್ರಿಕೆಟ್ ಕೌನ್ಸಿಲ್‌ನ ಸಮಗ್ರತೆಯ ಘಟಕದ ಮುಖ್ಯಸ್ಥ ಅಲೆಕ್ಸ್ ಮಾರ್ಷಲ್, ತಂಡದಲ್ಲಿ ಧನಾತ್ಮಕ ಪಿಸಿಆರ್ ಪರೀಕ್ಷೆಯ ಫಲಿತಾಂಶವು ಪಂದ್ಯವನ್ನು ಸ್ವಯಂಚಾಲಿತವಾಗಿ ಮುಂದೂಡಲಾಗುವುದು ಅಥವಾ ರದ್ದುಗೊಳಿಸುತ್ತದೆ ಎಂದು ಅರ್ಥವಲ್ಲ. 'ಸುರಕ್ಷಿತ ಮತ್ತು ಪ್ರಾಯೋಗಿಕವಾಗಿದ್ದರೆ ಸರಿಯಾದ ಎಚ್ಚರಿಕೆಯೊಂದಿಗೆ ಆಟವಾಡುವುದನ್ನು ಮುಂದುವರಿಸುವುದು ಮುಖ್ಯ ತತ್ವ' ಎಂದು ಅವರು ಹೇಳಿದ್ದರು.

ICC ಜೈವಿಕವಾಗಿ ಸುರಕ್ಷಿತ ಪರಿಸರಕ್ಕೆ ಸಂಬಂಧಿಸಿದ ಎಲ್ಲಾ ಸಮಸ್ಯೆಗಳನ್ನು ಎದುರಿಸಲು ಜೈವಿಕ ಸುರಕ್ಷಿತ ವೈಜ್ಞಾನಿಕ ಸಲಹಾ ಗುಂಪನ್ನು (BSAG) ರಚಿಸಿದೆ. ಕೋವಿಡ್-19 ಗೆ ಸಂಬಂಧಿಸಿದ ಯಾವುದೇ ಕ್ರಮವನ್ನು ಸರಿಯಾಗಿ ನಿಭಾಯಿಸಲಾಗಿದೆಯೆ ಎಂದು ಖಚಿತಪಡಿಸಿಕೊಳ್ಳುವುದು ಈ ಗುಂಪಿನ ಕಾರ್ಯವಾಗಿದೆ.