IPL 2022 ಮೆಗಾ ಹರಾಜು: ಕೇವಲ 2 ಟಿ-20 ಪಂದ್ಯ ಆಡಿದ ಈ ಭಾರತೀಯ ಆಟಗಾರನಿಗೆ ಹೆಚ್ಚಿನ ಬಿಡ್..?

15ನೇ ಆವೃತ್ತಿಯ ಐಪಿಎಲ್ ಟೂರ್ನಿಯ ಮೆಗಾ ಹರಾಜಿನ ವೇಳೆ ಈ ವೇಗದ ಬೌಲರ್‌ ಖರೀದಿಸಲು ‘ಬಿಡಿಂಗ್ ವಾರ್’ ಮಾಡುವ ಸಾಧ್ಯತೆ ಇದೆ.

ಹೆಚ್ಚಿನ ಬಿಡ್ ಪಡೆಯುವ ನಿರೀಕ್ಷೆಯಲ್ಲಿ ಹರ್ಷಲ್ ಪಟೇಲ್

ನವದೆಹಲಿ: ಐಪಿಎಲ್ 2022ರ ಮೆಗಾ ಹರಾಜಿನ(IPL 2022 Mega Auction) ದಿನಾಂಕಗಳನ್ನು ಇನ್ನೂ ಪ್ರಕಟಿಸಿಲ್ಲ. ಆದರೆ ಈ ಬಗ್ಗೆ ಎಲ್ಲಾ ಫ್ರಾಂಚೈಸಿಗಳಲ್ಲಿ ಉತ್ಸಾಹ ಹೆಚ್ಚುತ್ತಿದೆ. ಇಂದು ಅಂದರೆ ನವೆಂಬರ್ 30 ರಂದು Retention ಪಟ್ಟಿ ಹೊರಬಂದ ನಂತರ ತಂಡಗಳು ಯಾವುದೇ ಬೆಲೆಗೆ ಖರೀದಿಸಲು ಬಯಸುವ ಆಟಗಾರರನ್ನು ಶಾರ್ಟ್‌ಲಿಸ್ಟ್ ಮಾಡಿಕೊಳ್ಳುತ್ತವೆ.

ಹರಾಜು ಪೂಲ್‌ನಲ್ಲಿ ಹರ್ಷಲ್ ಪಟೇಲ್ ಕಾಣಿಸಿಕೊಳ್ಳಲಿದ್ದಾರೆ!

ಟೀಂ ಇಂಡಿಯಾದ ಯುವ ವೇಗದ ಬೌಲರ್ ಹರ್ಷಲ್ ಪಟೇಲ್ ಹರಾಜು ಪೂಲ್‌ನಲ್ಲಿ ಕಾಣಿಸಿಕೊಳ್ಳುವ ನಿರೀಕ್ಷೆಯಿದೆ. ಈಗಾಗಲೇ ವಿರಾಟ್ ಕೊಹ್ಲಿ, ಗ್ಲೇನ್ ಮ್ಯಾಕ್ಸ್ ವೇಲ್(Virat Kohli & Glenn Maxwell) RCB ತಂಡದಲ್ಲಿಯೇ ಇರಲಿದ್ದಾರೆ. ಆದರೆ ಹರ್ಷಲ್ ಬಗ್ಗೆ ಇನ್ನೂ ಸ್ಪಷ್ಟವಾಗಿಲ್ಲ.

ಇದನ್ನೂ ಓದಿ: Kanpur Test: ಟೆಸ್ಟ್ ಕ್ರಿಕೆಟ್ ನಲ್ಲಿ Harbhajan Singh ದಾಖಲೆ ಹಿಂದಿಕ್ಕಿದ Ravichandran Ashwin

ಪರ್ಪಲ್ ಕ್ಯಾಪ್ ಗೆದ್ದಿದ್ದ ಹರ್ಷಲ್ ಪಟೇಲ್  

ಐಪಿಎಲ್ 2021ರಲ್ಲಿ ವಿರಾಟ್ ಕೊಹ್ಲಿ ನೇತೃತ್ವದ ಆರ್‌ಸಿಬಿ ತಂಡ(RCB Team)ದ ಯುವ ಬೌಲರ್ ಹರ್ಷಲ್ ಪಟೇಲ್ ಭರ್ಜರಿ ಸದ್ದು ಮಾಡಿದ್ದರು.  15 ಪಂದ್ಯಗಳಲ್ಲಿ 14.34 ಸರಾಸರಿ ಮತ್ತು 8.14 ಸ್ಟ್ರೈಕ್ ರೇಟ್‌ನಲ್ಲಿ 32 ವಿಕೆಟ್‌ಗಳನ್ನು ಪಡೆದು ಮಿಂಚಿದ್ದರು. ಪರ್ಪಲ್ ಕ್ಯಾಪ್ ತಮ್ಮದಾಗಿಸಿಕೊಂಡಿದ್ದ ಹರ್ಷಲ್ ಮುಂಬೈ ಇಂಡಿಯನ್ಸ್ ವಿರುದ್ಧ ಹ್ಯಾಟ್ರಿಕ್ ವಿಕೆಟ್ ಪಡೆಯುವ ಮೂಲಕ ಎಲ್ಲರನ್ನೂ ಅಚ್ಚರಿಗೊಳಿಸಿದ್ದರು.16ನೇ ಓವರ್ ನಲ್ಲಿ ಸತತ 3 ಎಸೆತಗಳಲ್ಲಿ ಹಾರ್ದಿಕ್ ಪಾಂಡ್ಯ, ಕೀರಾನ್ ಪೊಲಾರ್ಡ್ ಹಾಗೂ ರಾಹುಲ್ ಚಹಾರ್ ಅವರನ್ನು ಪೆವಿಲಿಯನ್ ಗೆ ಕಳುಹಿಸುವಲ್ಲಿ ಅವರು ಯಶಸ್ವಿಯಾಗಿದ್ದರು.

ಚೊಚ್ಚಲ ಅಂತಾರಾಷ್ಟ್ರೀಯ ಸರಣಿಯಲ್ಲಿಯೇ ಸದ್ದು  

ಹರ್ಷಲ್ ಪಟೇಲ್(Harshal Patel) ಇತ್ತೀಚೆಗೆ ಅಂತಾರಾಷ್ಟ್ರೀಯ ಕ್ರಿಕೆಟ್‌ಗೆ ಪಾದಾರ್ಪಣೆ ಮಾಡಿದರು. ಸಿಕ್ಕ ಈ ಅವಕಾಶವನ್ನು ಚೆನ್ನಾಗಿಯೇ ಬಳಸಿಕೊಂಡರು. ರಾಂಚಿಯಲ್ಲಿ ನಡೆದ ಸರಣಿಯ 2ನೇ ಟಿ-20 ಪಂದ್ಯದಲ್ಲಿ ಅದ್ಭುತ ಬೌಲಿಂಗ್ ಪ್ರದರ್ಶಿಸಿದ್ದ ಪಟೇಲ್ 25ಕ್ಕೆ 2 ವಿಕೆಟ್ ಪಡೆಯುವ ಮೂಲಕ ‘ಪ್ಲೇಯರ್ ಆಫ್ ದಿ ಮ್ಯಾಚ್’ ಪ್ರಶಸ್ತಿ ಪಡೆದರು. ಇದರ ನಂತರ ಈಡನ್ ಗಾರ್ಡನ್ಸ್‌ನಲ್ಲಿ ಅವರ ಸ್ಪೆಲ್ 26 ಕ್ಕೆ 2 ಮತ್ತು 11 ಎಸೆತಗಳಲ್ಲಿ 18 ರನ್‌ ಗಳಿಸಿದ ಇನ್ನಿಂಗ್ಸ್‌ ಗಾಗಿ ಅವರಿಗೆ ‘ಗೇಮ್‌ಚೇಂಜರ್ ಆಫ್ ದಿ ಮ್ಯಾಚ್’ ಪ್ರಶಸ್ತಿಯನ್ನು ನೀಡಲಾಯಿತು.

ಇದನ್ನೂ ಓದಿ: IND vs NZ: ಕಾನ್ಪುರ ಟೆಸ್ಟ್ ಮ್ಯಾಚ್ ಡ್ರಾ, ಗೆಲುವಿನ ನಿರಾಸೆಯಲ್ಲಿ ಟೀಂ ಇಂಡಿಯಾ!

ಹರ್ಷಲ್ ಪಟೇಲ್ ಹೆಚ್ಚಿನ ಬಿಡ್ ಪಡೆಯುತ್ತಾರೆಯೇ?

ಹರ್ಷಲ್ ಪಟೇಲ್ ಅವರ ಪ್ರಸ್ತುತ ಫಾರ್ಮ್ ಅನ್ನು ನೋಡಿದರೆ 15ನೇ ಆವೃತ್ತಿಯ ಐಪಿಎಲ್ ಟೂರ್ನಿಯ ಮೆಗಾ ಹರಾಜಿನ(Auction Pool) ವೇಳೆ ಹೆಚ್ಚಿನ ತಂಡದ ಮಾಲೀಕರು ಈ ವೇಗದ ಬೌಲರ್‌ ಖರೀದಿಸಲು ‘ಬಿಡಿಂಗ್ ವಾರ್’ ಮಾಡುವ ಸಾಧ್ಯತೆ ಇದೆ.  ಅತ್ಯುತ್ತಮ ಬೌಲಿಂಗ್ ಪ್ರದರ್ಶನ ನೀಡುತ್ತಿರುವ ಹರ್ಷಲ್ ಪಟೇಲ್ ಯಾವುದೇ ಸಮಯದಲ್ಲಿ ಪಂದ್ಯದ ಗತಿ ಬದಲಿಸುವ ಸಾಮರ್ಥ್ಯವನ್ನು ಹೊಂದಿದ್ದಾರೆ. ಹೀಗಾಗಿ ಕೇವಲ 2 ಅಂತಾರಾಷ್ಟ್ರೀಯ ಪಂದ್ಯಗಳನ್ನಾಡಿರುವ ಹರ್ಷಲ್ ಅತಿ ಹೆಚ್ಚು ಬಿಡ್ ಪಡೆಯುವ ಸಾಧ್ಯತೆಗಳಿವೆ ಎಂದು ಹೇಳಲಾಗುತ್ತಿದೆ.