ಗಾಯದಿಂದ ಸೃಷ್ಟಿಯಾದ ಇತಿಹಾಸ: ಅನ್‌ಸೋಲ್ಡ್ ಆಗಿದ್ದ ರಜತ್ ಪಾಟೀದಾರ್..!

ಶತಕ ಸಿಡಿಸಿ ಹೀರೋ ಆದ ರಜತ್ ಪಾಟಿದಾರ್

ನವದೆಹಲಿ: ಕೋಲ್ಕತ್ತಾದ ಈಡನ್ ಗಾರ್ಡನ್ಸ್‌ನಲ್ಲಿ ಬುಧವಾರ ನಡೆದ ಮಹತ್ವದ ಪಂದ್ಯದಲ್ಲಿ ಯುವ ಆಟಗಾರ ರಜತ್ ಪಾಟಿದಾರ್ ಭರ್ಜರಿ ಶತಕ ಭಾರಿಸುವ ಮೂಲಕ ಹೀರೋ ಎನಿಸಿಕೊಂಡರು. ಲಕ್ನೋ ಸೂಪರ್ ಜೈಂಟ್ಸ್ ವಿರುದ್ಧ ನಡೆದ ಪ್ಲೇ ಆಫ್ ಹಂತದ ಮೊದಲ ಎಲಿಮಿನೇಟರ್ ಪಂದ್ಯದಲ್ಲಿ ಪಾಟಿದಾರ್ ಸ್ಫೋಟಕ ಆಟವಾಡುವ ಮೂಲಕ ಆರ್‌ಸಿಬಿಗೆ ಗೆಲುವು ತಂದುಕೊಟ್ಟರು. ಈ ಮೂಲಕ ಕ್ರಿಕೆಟ್ ಜಗತ್ತಿನಲ್ಲಿ ಮತ್ತೊಬ್ಬ ಪ್ರತಿಭಾವಂತ ಆಟಗಾರನ ಉದಯವಾದಂತಾಗಿದೆ.

ಮೊದಲ ಎಸೆತದಲ್ಲಿಯೇ ನಾಯಕ ಫಾಫ್ ಡುಪ್ಲೇಸಿಸ್ ವಿಕೆಟ್ ಕಳೆದುಕೊಂಡು ಆಘಾತಕ್ಕೊಳಗಾದ ಆರ್‌ಸಿಬಿಗೆ ಬಲ ತುಂಬಿದ್ದೇ ನಂತರ ಬಂದ ರಜತ್ ಎಂಬ ಚಿನ್ನದ ಹುಡುಗ. ಮೈದಾನದ ಮೂಲೆ ಮೂಲೆಗೂ ಬೌಂಡರಿ, ಸಿಕ್ಸರ್ ಅಟ್ಟಿದ ಈ ಯುವ ಆಟಗಾರ ಲಕ್ನೋ ಬೌಲರ್ ಗಳ ಬೆವರಿಳಿಸಿದರು. ರಜತ್ ಅಬ್ಬರದ ಆಟದ ಮುಂದೆ ಲಕ್ನೋ ಬೌಲರ್ ಗಳು ಮಂಕಾಗಿಹೋದರು. ಪ್ರತಿ ಎಸೆತವನ್ನೂ ದಂಡಿಸುವ ಮೂಲಕ ರಜತ್ ಅಬ್ಬರದ ಬ್ಯಾಟಿಂಗ್ ಪ್ರದರ್ಶಿಸಿದರು.

ಇದನ್ನೂ ಓದಿ: IPL 2022, LSG vs RCB: ರಜತ್ ಭರ್ಜರಿ ಶತಕ, ಲಕ್ನೋ ಮಣಿಸಿ 2ನೇ ಕ್ವಾಲಿಫೈಯರ್​ಗೆ ಆರ್‌ಸಿಬಿ ಎಂಟ್ರಿ

ಅನ್‌ಸೋಲ್ಡ್ ಆಗಿದ್ದ ರಜತ್ ಪಾಟಿದಾರ್

4s: 1️⃣2️⃣
6s: 7️⃣
S/r: 2️⃣0️⃣7️⃣.4️⃣0️⃣🔥

An innings we’ll never forget. 🤩
Take a bow, Rajat! 🙌🏻#PlayBold #WeAreChallengers #IPL2022 #Mission2022 #RCB #ನಮ್ಮRCB #LSGvRCB #PlayOffs pic.twitter.com/5QG0ls3tdM

— Royal Challengers Bangalore (@RCBTweets) May 25, 2022

ಕಳೆದ 2 ಸೀನಸ್‌ಗಳಲ್ಲಿ ಎಲಿಮಿನೇಟರ್‌ ಪಂದ್ಯಗಳಲ್ಲಿ ಎಡವಿದ್ದ ಆರ್‌ಸಿಬಿ ಅಭಿಮಾನಿಗಳಿಗೆ ದೊಡ್ಡ ನಿರಾಸೆ ಮೂಡಿಸಿತ್ತು. ತಂಡಕ್ಕೆ ಎದುರಾಗಿದ್ದ ಕಂಟಕದಿಂದ ಪಾರಾಗಲು ನೆರವಾಗಿದ್ದು ರಜತ್ ಅವರ ಸ್ಫೋಟಕ ಆಟ. ಕೇವಲ 49 ಎಸೆತಗಳಲ್ಲಿ ಅಮೋಘ ಶತಕ ಸಿಡಿಸಿದ ಪಾಟಿದಾರ್ ಹೊಸ ದಾಖಲೆ ನಿರ್ಮಿಸಿದ್ದಾರೆ. ಒಂದು ಕ್ಯಾಚ್‍ನ ಜೀವದಾನ ಪಡೆದ ರಜತ್ ಅದನ್ನು ಚೆನ್ನಾಗಿ ಬಳಸಿಕೊಂಡರು. ಆರ್‌ಸಿಬಿ ಪರ ಪ್ಲೇ ಆಫ್‌ನಲ್ಲಿ ಶತಕ ಸಿಡಿಸಿದ ಮೊದಲ ಬ್ಯಾಟ್ಸ್‌ಮನ್ ಎಂಬ ವಿಶೇಷ ದಾಖಲೆಯನ್ನೂ ತಮ್ಮ ಹೆಸರಿಗೆ ಬರೆಸಿಕೊಂಡರು.

ಆರ್‌ಸಿಬಿ ಗೆಲುವಿನಲ್ಲಿ ಪ್ರಮುಖ ಪಾತ್ರ ವಹಿಸಿದ ರಜತ್ 2022ರ ಮೆಗಾ ಹರಾಜಿನಲ್ಲಿ ಅನ್‌ಸೋಲ್ಡ್ ಆಗಿದ್ದರು ಎಂದರೆ ನಿಮಗೆ ಅಚ್ಚರಿಯಾಗುತ್ತದೆ. ಹೌದು, ಆರ್‌ಸಿಬಿಗೆ ಸಿಕ್ಕ ಅಮೂಲ್ಯ ವರದಾನವಾಗಿರುವ ಈ ಆಟಗಾರರನನ್ನು ಬೆಂಗಳೂರಿನಲ್ಲಿ ನಡೆದ ಐಪಿಎಲ್ ಮೆಗಾ ಹರಾಜಿನಲ್ಲಿ ಯಾವ ಫ್ರಾಂಚೈಸಿಯೂ ಖರೀದಿಸಿರಲಿಲ್ಲ. ಆರ್‌ಸಿಬಿ ತಂಡವು ಖರೀದಿಸಿದ್ದ ಲವನೀತ್ ಸೀಸೋಡಿಯಾರಿಗೆ ಗಾಯದ ಸಮಸ್ಯೆಯಿಂದ ಟೂರ್ನಿಯಲ್ಲಿ ಭಾಗವಹಿಸಲು ಸಾಧ‍್ಯವಾಗಲಿಲ್ಲ. ಅದೃಷ್ಟವಶಾತ್ ಅವರ ಬದಲಿ ಆಟಗಾರನಾಗಿ ರಜತ್‍ಗೆ ತಂಡದಲ್ಲಿ ಅವಕಾಶ ಸಿಕ್ಕಿತು. ಮಧ್ಯಪ್ರದೇಶದ ಇಂದೋರ್‌ನ ಈ ಆಟಗಾರ ತಮಗೆ ಸಿಕ್ಕ ಅವಕಾಶವನ್ನು ಸರಿಯಾಗಿಯೇ ಬಳಸಿಕೊಂಡಿದ್ದಾರೆ.   

ಇದನ್ನೂ ಓದಿ: KL Rahul: 4 IPL ಸೀಸನ್‌ಗಳಲ್ಲಿ 600+ ರನ್ ಗಳಿಸಿದ ಮೊದಲ ಆಟಗಾರ ಕೆ.ಎಲ್.ರಾಹುಲ್!

ವೃದ್ಧಿಮಾನ್ ಸಹಾ ದಾಖಲೆ ಸರಿಗಟ್ಟಿದ ರಜತ್

ಕೇವಲ 49 ಎಸೆತಗಳಲ್ಲಿ ಶತಕ ಭಾರಿಸಿದ ಪಾಟಿದಾರ್ ಐಪಿಎಲ್ ಟೂರ್ನಿಯ ಇತಿಹಾಸದ ಪ್ಲೇ ಆಫ್‌ನಲ್ಲಿ ವೇಗದ ಶತಕ ಸಿಡಿಸಿದ ಪಟ್ಟಿಯಲ್ಲಿ ವೃದ್ಧಿಮಾನ್ ಸಹಾರ ದಾಖಲೆ ಸರಿಗಟ್ಟಿದ್ದಾರೆ. 54 ಎಸೆತಗಳಲ್ಲಿ ಅಜೇಯ 112 ರನ್ ಕಲೆಹಾಕಿರುವ ರಜತ್ ತಮ್ಮ ಅಮೋಘ ಬ್ಯಾಟಿಂಗ್ ಪ್ರದರ್ಶನದ ಮೂಲಕ ಹಿರಿಯ ಆಟಗಾರರ ಮನಗೆದ್ದಿದ್ದಾರೆ. ಶುಕ್ರವಾರ ರಾಜಸ್ತಾನ್ ರಾಯಲ್ಸ್ ವಿರುದ್ಧ ಆರ್‌ಸಿಬಿ 2ನೇ ಕ್ವಾಲಿಫೈಯರ್ ಪಂದ್ಯವನ್ನು ಆಡಲಿದೆ.