Virat Kohli: ಕೊಹ್ಲಿ ಮಗಳ ಜೊತೆ ಸುತ್ತಾಡ್ತಾನಂತೆ ಪುಟ್ಟ ಪೋರ! ‘ವಿರಾಟ್ ಅಂಕಲ್’ ಪರ್ಮಿಷನ್ ಕೇಳಿದ ಚೋಟಾ ಫ್ಯಾನ್

Virat Kohli: ಬೆಂಗಳೂರಿನಲ್ಲಿ ನಡೆದ RCB vs CSK ಪಂದ್ಯದ ವೇಳೆ, ವಾಮಿಕಾ ಜೊತೆ ಡೇಟಿಂಗ್ ಮಾಡಲು ಕೊಹ್ಲಿ ಬಳಿ ಅನುಮತಿ ಕೋರಿ ಮಗುವೊಂದು ಫಲಕವನ್ನು ಹಿಡಿದಿರುವುದು ಕಂಡುಬಂತು. ಈ ಫೋಟೋ ವೈರಲ್ ಆಗಿದ್ದೇ ತಡ, ಸಾಮಾಜಿಕ ಮಾಧ್ಯಮ ಬಳಕೆದಾರರಿಂದ ವ್ಯಾಪಕ ಟೀಕೆ ವ್ಯಕ್ತವಾಗಿದೆ.

Vamika Date Permission

Virat Kohli: ವಿರಾಟ್ ಕೊಹ್ಲಿ ಮತ್ತು ಅನುಷ್ಕಾ ಶರ್ಮಾ ಅವರ ಪುತ್ರಿ ವಾಮಿಕಾ ಜನಿಸಿದಾಗಿನಿಂದ ಕ್ಯಾಮರಾ ಮುಂದೆ ಅಧಿಕೃತವಾಗಿ ಕಂಡಿಲ್ಲ. ಆಕೆಯ ಖಾಸಗಿ ಬದುಕಿನ ಬಗ್ಗೆ ಅಪಾರ ಕಾಳಜಿ ವಹಿಸುವ ವಿರುಷ್ಕಾ, ಮಗಳ ಫೋಟೋಗಳಾಗಲಿ, ವಿಡಿಯೋಗಳಾಗಲಿ ಸೆರೆಹಿಡಿದು ಪ್ರಸಾರ ಮಾಡದಂತೆ ಒಂದೊಮ್ಮೆ ಮನವಿ ಮಾಡಿದ್ದರು. ಆದರೆ ಮಾಧ್ಯಮದಲ್ಲಿ ವಾಮಿಕಾಳಿಗೆ ಸಂಬಂಧಿಸಿದ ಅನೇಕ ಸುದ್ದಿಗಳು ಪ್ರಸಾರವಾಗುತ್ತಲೇ ಇರುತ್ತವೆ.

ಇದನ್ನೂ ಓದಿ: IPL 2023: ವಿರಾಟ್ ವೀರಾವೇಶಕ್ಕೆ ಪೆಟ್ಟುಕೊಟ್ಟ ಬಿಸಿಸಿಐ! ನೀತಿ ಸಂಹಿತೆ ಉಲ್ಲಂಘಿಸಿದ್ದಕ್ಕೆ ಲಕ್ಷ ಲಕ್ಷ ದಂಡ

ಆದರೆ ಇತ್ತೀಚೆಗೆ ಬೆಂಗಳೂರಿನಲ್ಲಿ ನಡೆದ RCB vs CSK ಪಂದ್ಯದ ವೇಳೆ, ವಾಮಿಕಾ ಜೊತೆ ಡೇಟಿಂಗ್ ಮಾಡಲು ಕೊಹ್ಲಿ ಬಳಿ ಅನುಮತಿ ಕೋರಿ ಮಗುವೊಂದು ಫಲಕವನ್ನು ಹಿಡಿದಿರುವುದು ಕಂಡುಬಂತು. ಈ ಫೋಟೋ ವೈರಲ್ ಆಗಿದ್ದೇ ತಡ, ಸಾಮಾಜಿಕ ಮಾಧ್ಯಮ ಬಳಕೆದಾರರಿಂದ ವ್ಯಾಪಕ ಟೀಕೆ ವ್ಯಕ್ತವಾಗಿದೆ. ಆ ಮಗುವಿನ ಹೆತ್ತವರು ಇಂತಹ ನಡವಳಿಕೆಯನ್ನು ಪ್ರೋತ್ಸಾಹಿಸುತ್ತಿದ್ದಾರೆ ಎಂದು ಖಂಡಿಸಿದ್ದಾರೆ.

ವೈರಲ್ ಆಗಿರುವ ಫೋಟೋದಲ್ಲಿ ನೀವು ನೋಡುವಂತೆ, "ಹಾಯ್ ವಿರಾಟ್ ಅಂಕಲ್, ನಾನು ವಾಮಿಕಾಳನ್ನು ಡೇಟ್‌’ಗೆ ಕರೆದುಕೊಂಡು ಹೋಗಬಹುದೇ?!" ಎಂದು ಬರೆದ ಫಲಕವನ್ನು ಹಿಡಿದುಕೊಂಡು ಮಗು ನಿಂತಿದೆ. ಈ ಫೋಟೋವನ್ನು ಕೆಲವರು ಇಷ್ಟಪಟ್ಟರೆ, ಇನ್ನೂ ಕೆಲವರು ಇಂತಹ ನಡವಳಿಕೆಯನ್ನು ಟೀಕಿಸಿದ್ದಾರೆ.

Here is something wrong with parenting, idk why people are finding it cute pic.twitter.com/xj5DqZHRmx

— Dr Nimo Yadav (@niiravmodi) April 17, 2023

ಇತ್ತೀಚೆಗೆ ಬೆಂಗಳೂರಿನಲ್ಲಿ ನಡೆದ ರಾಯಲ್ ಚಾಲೆಂಜರ್ಸ್ ಬೆಂಗಳೂರು ಮತ್ತು ಚೆನ್ನೈ ಸೂಪರ್ ಕಿಂಗ್ಸ್ ನಡುವಿನ ಪಂದ್ಯದ ವೇಳೆ ನಡೆದ ಘಟನೆ ಇದಾಗಿದ್ದು, ಫೋಟೋ ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗಿದೆ. ಪೋಸ್ಟ್ ವೈರಲ್ ಆದ ಬಳಿಕ ಅನೇಕರು ತಮ್ಮದೇ ಆದ ಅಭಿಪ್ರಾಯಗಳನ್ನು ಹಂಚಿಕೊಂಡಿದ್ದಾರೆ.

ಇದನ್ನೂ ಓದಿ:  RCB ಪಂದ್ಯದ ಮಧ್ಯೆ ‘2 BHK ರೂಮ್ ಬೇಕು’ ಎನ್ನುತ್ತಾ ಬೋರ್ಡ್ ಹಿಡಿದ ಫ್ಯಾನ್! ಕಡೆಗೂ ಸಿಕ್ತಾ?

ಓರ್ವ ಸೋಶಿಯಲ್ ಮೀಡಿಯಾ ಬಳಕೆದಾರ ತಮ್ಮ ಅಭಿಪ್ರಾಯವನ್ನು ಹೀಗೆ ವ್ಯಕ್ತಪಡಿಸಿದ್ದಾರೆ, "ಇಲ್ಲಿ ಪೋಷಕರದ್ದು ತಪ್ಪಿದೆ. ಆದರೆ ಜನರು ಏಕೆ ಮುದ್ದಾಗಿದೆ ಎಂದು ಇವುಗಳನ್ನು ಪ್ರೋತ್ಸಾಹಿಸುತ್ತಿದ್ದಾರೆ" ಎಂದು ಪ್ರಶ್ನಿಸಿದರೆ, ಮತ್ತೊಬ್ಬರು “ ವಾಮಿಕಾಳನ್ನು ಏಕಾಂಗಿಯಾಗಿ ಬದುಕಲು ಬಿಡುವುದು ಉತ್ತಮ, ಈ ಮಗುವಿಗೆ ತಾನು ಹಿಡಿದುಕೊಂಡ ಫಲಕ ಏನೂ ಎಂಬುದೇ ತಿಳಿದಿಲ್ಲ, ಜೊತೆಗೆ ಅದನ್ನು ಓದುವ ವಯಸ್ಸು ವಾಮಿಕಾದಲ್ಲ” ಎಂದು ಅರ್ಥಪೂರ್ಣವಾಗಿ ಬರೆದಿದ್ದಾರೆ.