4 ಪಂದ್ಯ... 30 ವಿಕೆಟ್; ವ್ಯರ್ಥವಾಗದ ಜಸ್ಪ್ರೀತ್‌ ಬುಮ್ರಾ ಶ್ರಮ... ಮೆಲ್ಬೊರ್ನ್‌ ಟೆಸ್ಟ್‌ ಸೋತರೂ ಐಸಿಸಿಯಿಂದ ವಿಶೇಷ ಉಡುಗೊರೆ!

Jasprit Bumrah

ICC Test Cricketer of the Year 2024 nomination: ಮೆಲ್ಬೋರ್ನ್‌ನಲ್ಲಿ ಟೀಂ ಇಂಡಿಯಾದ ಸೋಲು ಡಬ್ಲ್ಯುಟಿಸಿ ಫೈನಲ್‌ಗೆ ತಲುಪುವ ಭರವಸೆಯನ್ನು ಹಾಳುಮಾಡಿದೆ. ಈ ಸೋಲು ಗಂಭೀರ್ ಅವರ ಕೋಚಿಂಗ್ ಮತ್ತು ರೋಹಿತ್ ನಾಯಕತ್ವದ ಮೇಲಿನ ಕಳಂಕವನ್ನೂ ತಂದಿದೆ. ಆದರೆ ಈ ಪಂದ್ಯದಲ್ಲಿ ಯೋಧನಂತೆ ಹೋರಾಡಿದ ಜಸ್ಪ್ರೀತ್ ಬುಮ್ರಾ, ಶ್ರಮ ವ್ಯರ್ಥವಾಗಿತ್ತು. ಆದರೆ ಐಸಿಸಿ ಬುಮ್ರಾಗೆ ವಿಶೇಷ ಉಡುಗೊರೆ ನೀಡಿದ್ದು, ಐಸಿಸಿ ವರ್ಷದ ಟೆಸ್ಟ್ ಕ್ರಿಕೆಟಿಗನಾಗಿ ನಾಮನಿರ್ದೇಶನಗೊಂಡಿದ್ದಾರೆ.

ಇದನ್ನೂ ಓದಿ: ಕಣ್ಣಿನ ದೃಷ್ಟಿಯನ್ನು ಸುಧಾರಿಸುತ್ತವೆ ಈ 7 ಆಹಾರಗಳು..!

ಜಸ್ಪ್ರೀತ್ ಬುಮ್ರಾ ಅವರು ಸೋಮವಾರ ಐಸಿಸಿ ವರ್ಷದ ಟೆಸ್ಟ್ ಕ್ರಿಕೆಟಿಗ ಪ್ರಶಸ್ತಿಗೆ ಇಂಗ್ಲೆಂಡ್ ಸ್ಟಾರ್ ಬ್ಯಾಟ್ಸ್‌ಮನ್ ಜೋ ರೂಟ್ ಅವರೊಂದಿಗೆ ನಾಮನಿರ್ದೇಶನಗೊಂಡಿದ್ದಾರೆ. ಈ ಪಟ್ಟಿಯಲ್ಲಿ ಇಂಗ್ಲೆಂಡ್‌ನ ಮತ್ತೊಬ್ಬ ಬ್ಯಾಟ್ಸ್‌ಮನ್ ಹ್ಯಾರಿ ಬ್ರೂಕ್ ಮತ್ತು ಶ್ರೀಲಂಕಾದ ಕಮಿಂದು ಮೆಂಡಿಸ್ ಕೂಡ ಸ್ಥಾನ ಪಡೆದಿದ್ದಾರೆ. ಬುಮ್ರಾ 2024 ರಲ್ಲಿ ಟೆಸ್ಟ್ ಕ್ರಿಕೆಟ್‌ನಲ್ಲಿ ಅತ್ಯುತ್ತಮ ಬೌಲರ್ ಆಗಿದ್ದರು. 13 ಪಂದ್ಯಗಳಲ್ಲಿ 14.92 ಸರಾಸರಿ ಮತ್ತು 30.16 ಸ್ಟ್ರೈಕ್ ರೇಟ್‌ನಲ್ಲಿ 71 ವಿಕೆಟ್‌ಗಳನ್ನು ಪಡೆದಿದ್ದಾರೆ.

ಇದನ್ನೂ ಓದಿ: ಶಿವನ ರೂಪ.. ಈ ಪಂಚಮುಖಿ ರುದ್ರಾಕ್ಷಿ ʼಅಕಾಲಿಕ ಮರಣʼದಿಂದ ನಿಮ್ಮನ್ನ ರಕ್ಷಿಸುತ್ತದೆ..! ಆದರೆ ಹೀಗೆ ಧರಿಸಿ..

ಆಸ್ಟ್ರೇಲಿಯಾದಲ್ಲಿ ಟೀಂ ಇಂಡಿಯಾದ ಬೌಲಿಂಗ್ ದುರ್ಬಲವಾಗಿರಬಹುದು. ಆದರೆ ಜಸ್ಪ್ರೀತ್ ಬುಮ್ರಾ ಆಸ್ಟ್ರೇಲಿಯಾಕ್ಕೆ ಕಠಿಣ ಸವಾಲನ್ನು ನೀಡಿದರು. ಬಾರ್ಡರ್-ಗವಾಸ್ಕರ್ ಟ್ರೋಫಿಯಲ್ಲಿ ಅವರು ನಾಲ್ಕು ಟೆಸ್ಟ್ ಪಂದ್ಯಗಳಲ್ಲಿ 30 ವಿಕೆಟ್‌ ಪಡೆದು ಇದುವರೆಗಿನ ಸರಣಿಯಲ್ಲಿ ಅಗ್ರ ವಿಕೆಟ್ ಟೇಕರ್ ಎಂದು ಸಾಬೀತುಪಡಿಸಿದ್ದಾರೆ.