ನವದೆಹಲಿ: ಫ್ಲೈಯಿಂಗ್ ಸಿಖ್ ಎಂದೇ ಖ್ಯಾತರಾದ ಮಿಲ್ಖಾ ಸಿಂಗ್ ಅವರನ್ನು ಕೋವಿಡ್ ಆಸ್ಪತ್ರೆಯ ಚಂಡೀಗಡದ (ಪಿಜಿಐಎಂಆರ್) ಸ್ನಾತಕೋತ್ತರ ವೈದ್ಯಕೀಯ ಶಿಕ್ಷಣ ಮತ್ತು ಸಂಶೋಧನಾ ಸಂಸ್ಥೆಯ ಐಸಿಯುಗೆ ಗುರುವಾರ ಮಧ್ಯಾಹ್ನ 3.35 ಕ್ಕೆ ದಾಖಲಿಸಲಾಗಿದೆ ಎಂದು ಆಸ್ಪತ್ರೆಯ ವಕ್ತಾರ ಅಶೋಕ್ ಕುಮಾರ್ ತಿಳಿಸಿದ್ದಾರೆ.
ಇದನ್ನೂ ಓದಿ: ಕನ್ನಡಿಗರಿಗೆ ಒಂದು ಸಿಹಿ ಸುದ್ದಿ, ದೆಹಲಿಯಲ್ಲಿ ಸ್ಥಾಪನೆಯಾಗಲಿದೆ ಕನ್ನಡ ಭಾಷಾ ಅಕಾಡೆಮಿ!
"ಫ್ಲೈಯಿಂಗ್ ಸಿಖ್ ಮಿಲ್ಖಾ ಸಿಂಗ್ (Milkha Singh) ಅವರನ್ನು ಪಿಜಿಐಎಂಆರ್ನ ಕೋವಿಡ್ ಆಸ್ಪತ್ರೆಯಲ್ಲಿ ಐಸಿಯುನಲ್ಲಿ ಇಂದು ಮಧ್ಯಾಹ್ನ 3.35 ಕ್ಕೆ ದಾಖಲಿಸಲಾಗಿದೆ.ಆಮ್ಲಜನಕದ ಮಟ್ಟವನ್ನು ಕುಸಿದಿರುವುದರಿಂದ ಅವರನ್ನು ವೀಕ್ಷಣೆಗೆ ಒಳಪಡಿಸಲಾಗಿದೆ ಮತ್ತು ಈಗ ಸ್ಥಿರವಾಗಿದೆ" ಎಂದು ವಕ್ತಾರರು ಹೇಳಿಕೆಯಲ್ಲಿ ತಿಳಿಸಿದ್ದಾರೆ.
91 ರ ಹರೆಯದ ಮಿಲ್ಖಾ ಸಿಂಗ್ ಅವರ ಕುಟುಂಬದ ಕೋರಿಕೆಯ ಮೇರೆಗೆ ಕಳೆದ ಭಾನುವಾರ ಖಾಸಗಿ ಆಸ್ಪತ್ರೆಯಿಂದ ಬಿಡುಗಡೆ ಮಾಡಲಾಯಿತು. ಅವರು ಆಸ್ಪತ್ರೆಯಲ್ಲಿ COVID-19 ಗೆ ಚಿಕಿತ್ಸೆ ಪಡೆಯುತ್ತಿದ್ದರು ಮತ್ತು ಆಮ್ಲಜನಕದ ಬೆಂಬಲದಲ್ಲಿ ಇಡಲಾಗಿತ್ತು.ಹೆಚ್ಚುತ್ತಿರುವ ಆಮ್ಲಜನಕದ ಅವಶ್ಯಕತೆಯಿಂದಾಗಿ ಮಿಲ್ಖಾ ಸಿಂಗ್ ಅವರ 82 ವರ್ಷದ ಪತ್ನಿ ನಿರ್ಮಲ್ ಕೌರ್ ಅವರನ್ನು ಕಳೆದ ಶನಿವಾರ ಐಸಿಯುಗೆ ಸ್ಥಳಾಂತರಿಸಬೇಕಾಯಿತು.
ಇದನ್ನೂ ಓದಿ: Anushka Shetty: ಹೆತ್ತವರಿಗೆ ಕನ್ನಡದಲ್ಲೇ ವಿಶ್ ಮಾಡಿದ ಅನುಷ್ಕಾಗೆ ನೆಟ್ಟಿಗರು ಹೇಳಿದ್ದೇನು ಗೊತ್ತಾ
"ಕುಟುಂಬದ ಕೋರಿಕೆಯ ಮೇರೆಗೆ, ಮಿಲ್ಖಾ ಸಿಂಗ್ ಅವರನ್ನು ಇಂದು ಆಸ್ಪತ್ರೆಯಿಂದ ಸ್ಥಿರ ಸ್ಥಿತಿಯಲ್ಲಿ ಬಿಡುಗಡೆ ಮಾಡಲಾಗಿದೆ.ಅವರು ಆಮ್ಲಜನಕ ಮತ್ತು ಪೌಷ್ಠಿಕಾಂಶದ ಸಹಾಯದಲ್ಲಿದ್ದಾರೆ" ಎಂದು ಫೋರ್ಟಿಸ್ ಆಸ್ಪತ್ರೆ ಮೊಹಾಲಿ ತಿಳಿಸಿದೆ."ಹೆಚ್ಚುತ್ತಿರುವ ಆಮ್ಲಜನಕದ ಅವಶ್ಯಕತೆಯಿಂದಾಗಿ ಶ್ರೀಮತಿ ಮಿಲ್ಖಾ ಸಿಂಗ್ ಅವರನ್ನು ಕಳೆದ ರಾತ್ರಿ ಐಸಿಯುಗೆ ಸ್ಥಳಾಂತರಿಸಬೇಕಾಯಿತು.ಅವರು ಸ್ಥಿರವಾಗಿ ಮುಂದುವರೆದಿದ್ದಾರೆ ಎಂದು ಆಸ್ಪತ್ರೆ ತಿಳಿಸಿದೆ.
ಮಿಲ್ಖಾ ಸಿಂಗ್ ಮತ್ತು ನಿರ್ಮಲ್ ಕೌರ್ ಇಬ್ಬರೂ ಕೋವಿಡ್ ನ್ಯುಮೋನಿಯಾಕ್ಕೆ ಚಿಕಿತ್ಸೆ ಪಡೆಯುತ್ತಿದ್ದರು.ಕಳೆದ ಸೋಮವಾರ ಮಿಲ್ಖಾ ಸಿಂಗ್ ಅವರನ್ನು ಖಾಸಗಿ ಆಸ್ಪತ್ರೆಗೆ ದಾಖಲಿಸಲಾಗಿದ್ದು, ಅದಾದ ನಂತರ ಅವರ ಪತ್ನಿ ದಾಖಲಾಗಿದ್ದರು.ಅವರ ಮಗ ಮತ್ತು ಏಸ್ ಗಾಲ್ಫ್ ಆಟಗಾರ ಜೀವ್ ಮಿಲ್ಖಾ ಸಿಂಗ್ ಅವರು ಶನಿವಾರ ದುಬೈನಿಂದ ಚಂಡೀಗಡಗೆ ತಲುಪಿದ್ದರು ಮತ್ತು ಅವರ ಮಗಳು ಮೋನಾ ಕೂಡ ಕೆಲವು ದಿನಗಳ ಹಿಂದೆ ಮೊಹಾಲಿಯನ್ನು ತಲುಪಿದ್ದರು.
ಮಿಲ್ಖಾ ಸಿಂಗ್ ಏಷ್ಯನ್ ಕ್ರೀಡಾಕೂಟದಲ್ಲಿ ನಾಲ್ಕು ಬಾರಿ ಚಿನ್ನದ ಪದಕ ವಿಜೇತ ಮತ್ತು 1958 ಕಾಮನ್ವೆಲ್ತ್ ಕ್ರೀಡಾಕೂಟದ ಚಾಂಪಿಯನ್ ರಾಗಿದ್ದಾರೆ.1960 ರ ರೋಮ್ ಒಲಿಂಪಿಕ್ಸ್‌ನಲ್ಲಿ 400 ಮೀಟರ್ ಓಟದಲ್ಲಿ ನಾಲ್ಕನೇ ಸ್ಥಾನ ಗಳಿಸಿದ್ದಕ್ಕಾಗಿ ಅವರನ್ನು ಸ್ಮರಿಸಲಾಗುತ್ತದೆ. ಮಿಲ್ಖಾ ಸಿಂಗ್ ಅವರಿಗೆ 1959 ರಲ್ಲಿ ಪದ್ಮಶ್ರೀ ಪುರಸ್ಕಾರ ನೀಡಿ ಗೌರವಿಸಲಾಗಿದೆ.
ಕನ್ನಡ ಭಾಷೆಯಲ್ಲಿ ಮತ್ತಷ್ಟು ಸ್ವಾರಸ್ಯಕರ ಸುದ್ದಿಗಳನ್ನು ಓದಲು ನಮ್ಮ ಝೀ ಹಿಂದೂಸ್ತಾನ್ ಕನ್ನಡ ಮೊಬೈಲ್ ಆಪ್ಲಿಕೇಶನ್ ಡೌನ್ಲೋಡ್ ಮಾಡಿ...
Android Link - https://bit.ly/3hDyh4G
Apple Link - https://apple.co/3loQYe
ನಮ್ಮ ಸೋಶಿಯಲ್ ಮೀಡಿಯಾ ಪುಟಗಳಿಗೆ ಸಬ್ ಸ್ಕ್ರೈಬ್ ಆಗಲು Twitter, Facebook ಲಿಂಕ್ ಗಳ ಮೇಲೆ ಕ್ಲಿಕ್ಕಿಸಿ.
