India vs Australia 3rd ODI, Rohit Sharma Video: ಸರಣಿಯ ಮೂರನೇ ಏಕದಿನ ಪಂದ್ಯ ಗೆಲ್ಲಲು ಆಸ್ಟ್ರೇಲಿಯಾ ಭಾರತ ತಂಡಕ್ಕೆ 270 ರನ್‌ಗಳ ಗುರಿಯನ್ನು ನೀಡಿದೆ. ಚೆನ್ನೈನಲ್ಲಿ ನಡೆದ ಈ ನಿರ್ಣಾಯಕ ಏಕದಿನ ಪಂದ್ಯದಲ್ಲಿ ಆಸ್ಟ್ರೇಲಿಯಾದ ಇನಿಂಗ್ಸ್ ಅನ್ನು 49 ಓವರ್‌ಗಳಿಗೆ ಇಳಿಸಿದೆ ಭಾರತ. ಆದರೆ ಈ ಪಂದ್ಯದ ನಡುವೆ ಟೀಂ ಇಂಡಿಯಾದ ನಾಯಕ ರೋಹಿತ್ ಶರ್ಮಾ ಅವರ ವಿಡಿಯೋವೊಂದು ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದೆ.
ಇದನ್ನೂ ಓದಿ: IND vs PAK: 7 ವರ್ಷಗಳ ನಂತರ ಭಾರತಕ್ಕೆ ಬರಲಿದೆ ಪಾಕಿಸ್ತಾನ ತಂಡ! ಮತ್ತೆ ನೋಡಬಹುದು ಬದ್ಧವೈರಿಗಳ ಕಾದಾಟ?
ಚೆನ್ನೈನಲ್ಲಿ ನಡೆದ ಪಂದ್ಯದಲ್ಲಿ ಭಾರತ ತಂಡ 49 ಓವರ್‌ಗಳಲ್ಲಿ 269 ರನ್‌ಗಳಿಗೆ ಆಸ್ಟ್ರೇಲಿಯದ ಇನ್ನಿಂಗ್ಸ್‌ನ್ನು ಕಟ್ಟಿಹಾಕಿತು. ಆಸ್ಟ್ರೇಲಿಯಾದ 5 ವಿಕೆಟ್‌ಗಳು 138 ರನ್‌ಗಳಿಗೆ ಕುಸಿದಿತ್ತು. ಆದರೆ ನಂತರ ಭಾರತೀಯ ಬೌಲರ್‌ಗಳು ವಿಕೆಟ್‌ಗಾಗಿ ಸಾಕಷ್ಟು ಹೋರಾಟ ನಡೆಸಬೇಕಾಯಿತು. ಟೀಂ ಇಂಡಿಯಾ ಪರ ಹಾರ್ದಿಕ್ ಪಾಂಡ್ಯ 8 ಓವರ್ ಗಳಲ್ಲಿ 44 ರನ್ ನೀಡಿ 3 ವಿಕೆಟ್ ಪಡೆದರೆ, ಚೈನಾಮನ್ ಸ್ಪಿನ್ನರ್ ಕುಲದೀಪ್ ಯಾದವ್ 10 ಓವರ್ ಗಳಲ್ಲಿ 56 ರನ್ ನೀಡಿ 3 ವಿಕೆಟ್ ಕಬಳಿಸಿದರು. ವೇಗಿ ಮೊಹಮ್ಮದ್ ಸಿರಾಜ್ ಮತ್ತು ಅಕ್ಷರ್ ಪಟೇಲ್ ತಲಾ 2 ವಿಕೆಟ್ ಪಡೆದರು. ಆಸ್ಟ್ರೇಲಿಯಾ ಪರ ಆರಂಭಿಕ ಆಟಗಾರ ಮಿಚೆಲ್ ಮಾರ್ಷ್ 47 ರನ್ ಹಾಗೂ ವಿಕೆಟ್ ಕೀಪರ್ ಬ್ಯಾಟ್ಸ್ ಮನ್ ಅಲೆಕ್ಸ್ ಕ್ಯಾರಿ 38 ರನ್ ಗಳ ಕೊಡುಗೆ ನೀಡಿದರು.
ರೋಹಿತ್ ವಿಡಿಯೋ ವೈರಲ್:
ನಾಯಕ ರೋಹಿತ್ ಶರ್ಮಾ ಅವರಿಗೆ ಸಂಬಂಧಿಸಿದ ವಿಡಿಯೋವೊಂದು ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದೆ. ಇನಿಂಗ್ಸ್’ನ 39ನೇ ಓವರ್’ನಲ್ಲಿ ಅವರು ಕುಲದೀಪ್’ಗೆ ಬೌಲಿಂಗ್ ನೀಡಿದರು. ಆ ಓವರ್‌ನ ಕೊನೆಯ ಎಸೆತ ಆಷ್ಟನ್ ಅಗರ್ ಅವರ ಪ್ಯಾಡ್‌’ಗೆ ಬಡಿಯಿತು. ಭಾರತೀಯ ಪಾಳಯದಿಂದ ಬಲವಾದ ಮನವಿ ಬಂದಿತು. ಆದರೆ ಮೈದಾನದ ಅಂಪೈರ್ ಅದನ್ನು ನಾಟೌಟ್ ಎಂದು ಘೋಷಿಸಿದರು. ಕೆಎಲ್ ರಾಹುಲ್ ಕೂಡ ನಿರಾಕರಿಸಿದರು. ಆದರೆ ಕುಲದೀಪ್ ಮತ್ತಷ್ಟು ಒತ್ತಾಯ ಮಾಡಿ, ರೋಹಿತ್ ಕೊನೆಯ ಕ್ಷಣದಲ್ಲಿ ಡಿಆರ್’ಎಸ್’ಗೆ ಸೂಚಿಸುವಂತೆ ಮಾಡಿದರು.
ಇದನ್ನೂ ಓದಿ: ಟೀಂ ಇಂಡಿಯಾ ಜೊತೆ KKRಗೂ ಭಾರೀ ಆಘಾತ: WTC ಫೈನಲ್ ಸೇರಿ IPLನಿಂದಲೂ ಹೊರಬಿದ್ದ ಭಾರತದ ಈ ಸ್ಟಾರ್ ಆಟಗಾರ!
ಕುಲದೀಪ್ ವಿರುದ್ಧ ಕ್ಯಾಪ್ಟನ್ ಕೋಪ:
DRS ಸಂದರ್ಭದಲ್ಲಿ, ಚೆಂಡು ಆಫ್ ಸ್ಟಂಪ್ ಹೊರಗೆ ಪಿಚ್ ಆಗುತ್ತಿರುವುದು ಸ್ಪಷ್ಟವಾಗಿ ಗೋಚರಿಸಿತು. ಅಂತಹ ಪರಿಸ್ಥಿತಿಯಲ್ಲಿ ಭಾರತವು ಒಂದು ರಿವ್ಯೂವ್ ಕಳೆದುಕೊಂಡಿತು. ರೋಹಿತ್ ಮತ್ತು ವಿರಾಟ್ ಕೊಹ್ಲಿ ಪರಸ್ಪರ ಮಾತನಾಡುತ್ತಿರುವುದು ಕಂಡುಬಂದಿತು. ಇದಾದ ಬಳಿಕ ಕ್ಯಾಪ್ಟನ್ ರೋಹಿತ್ ಕೂಡ ಕುಲದೀಪ್ ಮೇಲೆ ಆಕ್ರೋಶ ಹೊರಹಾಕಿದರು. ಕುಲದೀಪ್ ಗೆ ರೋಹಿತ್ ನಿಂದಿಸಿದಂತಿದೆ. ಕುಲದೀಪ್ ಕೂಡ ಫೀಲ್ಡಿಂಗ್‌ ಸಂದರ್ಭದಲ್ಲಿ ಸಪ್ಪೆ ಮೋರೆ ಹಾಕಿರುವುದು ಕಂಡುಬಂತು. ಕುಲದೀಪ್ ಪಂದ್ಯದಲ್ಲಿ ಉತ್ತಮ ಪ್ರದರ್ಶನ ನೀಡಿ 3 ವಿಕೆಟ್ ಪಡೆದಿದ್ದಾರೆ.
Kuldeep Yadav forced Rohit Sharma to take a DRS review
After that Rohit's Reaction 😂pic.twitter.com/iMQf0WCvkL— VECTOR⁴⁵🕉️ (@Vector_45R) March 22, 2023
ಕನ್ನಡ ಭಾಷೆಯಲ್ಲಿ ಮತ್ತಷ್ಟು ತಾಜಾ ಸುದ್ದಿಗಳನ್ನು ಓದಲು ನಮ್ಮ ಜೀ ಕನ್ನಡ ನ್ಯೂಸ್ ಮೊಬೈಲ್ ಅಪ್ಲಿಕೇಶನ್ ಡೌನ್ಲೋಡ್ ಮಾಡಿ...
Android Link - https://bit.ly/3hDyh4G
Apple Link - https://apple.co/3hEw2hy
ನಮ್ಮ ಸೋಶಿಯಲ್ ಮೀಡಿಯಾ ಪುಟಗಳಿಗೆ ಸಬ್ ಸ್ಕ್ರೈಬ್ ಆಗಲು Twitter, Facebook, Youtube ಲಿಂಕ್ ಗಳ ಮೇಲೆ ಕ್ಲಿಕ್ಕಿಸಿ.
