ʼಯೋ-ಯೋ ಟೆಸ್ಟ್ʼ ಎಂದರೇನು ಗೊತ್ತಾ..? ಇಲ್ಲಿ ಪಾಸ್‌ ಆದ್ರೆ ಮಾತ್ರ ವಿಶ್ವಕಪ್‌ನಲ್ಲಿ ಆಟ..!

What is yo yo test : ಐಸಿಸಿ ವಿಶ್ವಕಪ್ ಸರಣಿಯು ಅಕ್ಟೋಬರ್ 5 ರಂದು ಭಾರತದಲ್ಲಿ ಪ್ರಾರಂಭವಾಗಲಿದೆ. ನವೆಂಬರ್ 19ರವರೆಗೆ ಸರಣಿ ನಡೆಯಲಿದೆ. 2011ರ ನಂತರ ಟ್ರೋಫಿ ಗೆಲ್ಲಲು ಭಾರತ ತಂಡ ಹಾಗೂ ಇಂಗ್ಲೆಂಡ್, ಆಸ್ಟ್ರೇಲಿಯಾ, ಪಾಕಿಸ್ತಾನ, ನ್ಯೂಜಿಲೆಂಡ್ ಸೇರಿದಂತೆ ಪ್ರಮುಖ ತಂಡಗಳು ಕಠಿಣ ಪೈಪೋಟಿ ನೀಡಲಿವೆ.

Yo Yo test scores 2023 : ಭಾರತ ತಂಡ ಏಷ್ಯಾಕಪ್‌ಗೆ ಅಂತಿಮ ಹಂತದ ತಯಾರಿಯಲ್ಲಿದೆ. ಭಾರತದ ಆಟಗಾರರು ಪ್ರಸ್ತುತ ಬೆಂಗಳೂರಿನಲ್ಲಿ ಯೋ-ಯೋ ಪರೀಕ್ಷಾ ಶಿಬಿರದಲ್ಲಿ ಭಾಗವಹಿಸುತ್ತಿದ್ದಾರೆ. ಯುವ ಆರಂಭಿಕ ಆಟಗಾರ ಸಬ್ಮನ್ ಗಿಲ್ ಯೋ-ಯೋ ಪರೀಕ್ಷೆಯಲ್ಲಿ 18.7 ಅಂಕಗಳೊಂದಿಗೆ ಅಗ್ರಸ್ಥಾನ ಪಡೆದಿದ್ದು, ಇದುವರೆಗೆ ಯೋ-ಯೋ ಟೆಸ್ಟ್‌ನಲ್ಲಿ ಭಾಗವಹಿಸಿರುವ ಎಲ್ಲಾ ಕ್ರಿಕೆಟಿಗರು ಕಟ್ ಆಫ್ ಲೆವೆಲ್ 16.5 ದಾಟಿದ್ದಾರೆ. ವಿರಾಟ್ ಕೊಹ್ಲಿ 17.2 ಅಂಕಗಳನ್ನು ಗಳಿಸಿದ್ದಾರೆ. 

ಐವರು ಭಾರತೀಯ ಕ್ರಿಕೆಟಿಗರಾದ ಜಸ್ಪ್ರೀತ್ ಬುಮ್ರಾ, ಪ್ರಸಿತ್ ಕೃಷ್ಣ, ತಿಲಕ್ ವರ್ಮಾ, ಸಂಜು ಸ್ಯಾಮ್ಸನ್ ಮತ್ತು ಕೆಎಲ್ ರಾಹುಲ್ ಇನ್ನೂ ಯೋ-ಯೋ ಪರೀಕ್ಷೆಗೆ ಒಳಗಾಗಿಲ್ಲ. ಶೀಘ್ರದಲ್ಲೇ ಅವರನ್ನು ಯೋ-ಯೋ ಪರೀಕ್ಷೆಗೆ ಒಳಪಡಿಸಲಾಗುತ್ತದೆ. ಏಷ್ಯಾಕಪ್‌ಗಾಗಿ ಭಾರತ ತಂಡ ಆಗಸ್ಟ್‌ನಲ್ಲಿ ಬೆಂಗಳೂರಿನಲ್ಲಿ ಬೀಡುಬಿಟ್ಟಿತ್ತು. 30ರಿಂದ ಆರಂಭವಾಗಲಿರುವ ಏಷ್ಯಾಕಪ್ ಸರಣಿಗೂ ಮುನ್ನ ಭಾರತ ತಂಡದ ಆಟಗಾರರು ವಾಡಿಕೆಯ ಫಿಟ್ನೆಸ್ ಪರೀಕ್ಷೆಗೆ ಒಳಗಾಗುತ್ತಿದ್ದಾರೆ.

ಇದನ್ನೂ ಓದಿ: ಪಾಕಿಸ್ತಾನ ತಂಡ ಏಷ್ಯಾಕಪ್ ಮಾತ್ರವಲ್ಲದೆ ವಿಶ್ವಕಪ್ ಕೂಡ ಗೆಲ್ಲುವ ಸಾಧ್ಯತೆ ಇದೆ : ಗಂಗೂಲಿ

ಯೋ-ಯೋ ಪರೀಕ್ಷೆಯು ಏರೋಬಿಕ್ ಸಹಿಷ್ಣುತೆಯ ಫಿಟ್‌ನೆಸ್ ಪರೀಕ್ಷೆಯಾಗಿದೆ. ಆಟಗಾರರು ಕೊನೆಯ ಬಾರಿ ಆಡಿದ ಆಟ ಮತ್ತು ಎಷ್ಟು ಕೆಲಸದ ಹೊರೆ ಅನುಭವಿಸಿದ್ದೀರಿ ಎಂಬುದರ ಆಧಾರದ ಮೇಲೆ ಫಲಿತಾಂಶಗಳು ಬದಲಾಗುತ್ತವೆ. ಗಿಲ್ ಇದರಲ್ಲಿ ಅತ್ಯಧಿಕ ಸ್ಕೋರ್ 18.7 ಅನ್ನು ಹೊಂದಿದ್ದಾರೆ. ಹೆಚ್ಚಿನ ಆಟಗಾರರು 16.5 ಮತ್ತು 18 ರ ನಡುವೆ ಸ್ಕೋರ್ ಮಾಡಿದ್ದಾರೆ ಎಂದು ವರದಿಯಾಗಿದೆ. 

ಅಕ್ಟೋಬರ್‌ನಲ್ಲಿ ತವರಿನಲ್ಲಿ ನಡೆಯಲಿರುವ ವಿಶ್ವಕಪ್‌ಗೆ ಮೊದಲು ಬಿಸಿಸಿಐ ಫಿಟ್‌ನೆಸ್ ಮತ್ತು ಕಂಡೀಷನಿಂಗ್ ಶಿಬಿರವನ್ನು ಆಯೋಜಿಸಿದೆ. ಆಟಗಾರರು ಎರಡು ಪಂದ್ಯಗಳ ನಡುವೆ ಅಂತರವನ್ನು ಹೊಂದಿದ್ದರೆ, ರಾಷ್ಟ್ರೀಯ ಕ್ರಿಕೆಟ್ ಅಕಾಡೆಮಿಯ ಕ್ರೀಡಾ ವಿಜ್ಞಾನ ತಂಡವು ಭಾರತೀಯ ತಂಡದ ಕ್ರೀಡಾ ಸಿಬ್ಬಂದಿಯೊಂದಿಗೆ ಎಲ್ಲಾ ಕಡ್ಡಾಯ ಪರೀಕ್ಷೆಗಳನ್ನು ನಡೆಸುತ್ತದೆ ಎಂದು ಬಿಸಿಸಿಐ ಮೂಲಗಳು ತಿಳಿಸಿವೆ.

ಇದನ್ನೂ ಓದಿ: ಭಾರತಕ್ಕೆ ಭೇಟಿ ನೀಡಿದ ಟಾಪ್-5 ಫುಟ್ಬಾಲ್ ಆಟಗಾರರು

ಈ ಕುರಿತು ಫಿಟ್‌ನೆಸ್ ಮತ್ತು ಕಂಡೀಷನಿಂಗ್ ಕೋಚ್ ಶಂಕರ್ ಬಸು ಮಾತನಾಡಿ, ಆರು ವರ್ಷಗಳ ಹಿಂದೆ ಯೋ-ಯೋ ಪರೀಕ್ಷೆಗಳನ್ನು ಪರಿಚಯಿಸಿದಾಗ ಕಟ್-ಆಫ್ 16.1 ಆಗಿತ್ತು, ಆದರೆ ಅಂದಿನಿಂದ ಮಾರ್ಕರ್ ಅನ್ನು ಸುಧಾರಿಸಲಾಗಿದೆ. ಈಗ ಅದು 16.5 ಆಗಿದೆ. ಸಧ್ಯ ಭಾರತದ ಬಹುತೇಕ ಯುವ ಆಟಗಾರರು ತುಂಬಾ ಫಿಟ್ ಆಗಿದ್ದಾರೆ. ಗಿಲ್ ಅವರ 18.7 ಅವರು ಐಪಿಎಲ್ ಆರಂಭದಿಂದಲೂ ತಡೆರಹಿತ ಕ್ರಿಕೆಟ್ ಆಡಿದ್ದಾರೆ ಎಂಬುದಕ್ಕೆ ಸಾಕ್ಷಿಯಾಗಿದೆ ಎಂದು ತಿಳಿಸಿದ್ದಾರೆ.