Vajradheer Jain News

ವಜ್ರಧೀರ್ ಜೈನ್ ಅವರು ವಿಕ್ರಾಂತ್ ರೋಣ ಸಿನಿಮಾದಲ್ಲಿ ಪಿಟಿ ಮೇಸ್ಟ್ರು ಆಗಿ ಪಾತ್ರ ಮಾಡಿದ್ದಾರೆ. ತಮಗೆ ಆ ಪಾತ್ರ ಹೇಗೆ ಸಿಕ್ತು, ಅನೂಪ್ ಭಂಡಾರಿ ಅವರು ಹೇಗೆಲ್ಲಾ ಟ್ರೈನಿಂಗ್ ಕೊಟ್ರು ಅನ್ನೋದನ್ನು ಜೀ ಕನ್ನಡ ನ್ಯೂಸ್ ಜೊತೆ ಹೇಳಿಕೊಂಡ್ರು.

ವಿಕ್ರಾಂತ್ ರೋಣ ಸಿನಿಮಾದಲ್ಲಿ ಪಿಟಿ ಮೇಸ್ಟ್ರು ಪಾತ್ರ ಎಲ್ಲರ ಗಮನ ಸೆಳೆಯುತ್ತೆ. ಆ ಪಾತ್ರವನ್ನು ವಜ್ರಧೀರ್ ಜೈನ್ ಅಚ್ಚುಕಟ್ಟಾಗಿ ಮಾಡಿದ್ದಾರೆ. ಆದ್ರೆ ತಾವು ಮೊದಲ ಬಾರಿ ಸುದೀಪ್ ಅವರ ಜೊತೆ ಚಿತ್ರೀಕರಣದಲ್ಲಿ ಭಾಗಿಯಾದಾಗ ತಮಗಾದ ಅನುಭವವನ್ನು ಅವರು ಹಂಚಿಕೊಂಡಿದ್ದಾರೆ.

ವಿಕ್ರಾಂತ್ ರೋಣ ಸಿನಿಮಾ ಬಿಡುಗಡೆಯಾಗಿ ಭಾರೀ ಪ್ರದರ್ಶನ ಕಂಡಿದೆ. ಸಿನಿಮಾ ನೋಡಿದ ಜನರು ಪಿಟಿ ಮೇಸ್ಟ್ರು ಪಾತ್ರವನ್ನು ತುಂಬಾ ಮೆಚ್ಚಿಕೊಂಡಿದ್ದಾರೆ. ವಜ್ರಧೀರ್ ಅವರ ರೀಲ್ ಮಾಡಿ ಕಳಸ್ತಿದ್ರಂತೆ. ಆಗ ಅವರು ತುಂಬಾ ಮೇಲೆ ಹೋಗ್ಬಿಟ್ಟಿದ್ರಂತೆ.

ವಿಕ್ರಾಂತ್ ರೋಣ ಸಿನಿಮಾದಲ್ಲಿ ಕೆಲವೊಂದು ಡೈಲಾಗ್‌ಗಳಿವೆ. ಅವು ನಿಜಕ್ಕೂ ಜನರನ್ನು ಸೆಳೆದಿವೆ. ಅದರಲ್ಲಿ ಪಿಟಿ ಮೇಸ್ಟ್ರು ಡೈಲಾಗ್ ಕೂಡ ಭಾರೀ ಮಸ್ತಾಗಿದೆ. ಏ ಫಕ್ರು ನಂಗೆ ಸೈಕಲ್ ನಿಲ್ಲಿಸೋಕೆ ಬರೋದಿಲ್ಲ, ನಾನು ಗುದ್ದಿಯೇ ನಿಲ್ಲಿಸೋದು ಮಾರಾಯ ಡೈಲಾಗ್ ತುಂಬಾ ಚನ್ನಾಗಿದೆ. ಹಾಗೇ ವಜ್ರಧೀರ್ ಜೈನ್ ತಮಗೆ ಸಿನಿಮಾ ಶೂಟಿಂಗ್ ಸಮಯದಲ್ಲಾದ ಒಂದಿಷ್ಟು ಮರೆಯಲಾಗದ ಕ್ಷಣಗಳ ಬಗ್ಗೆ ಕೂಡ ಹೇಳಿಕೊಂಡಿದ್ದಾರೆ.